Behappy's Profile

點了個功夫麵，上面有少少肉碎，麵嘅份量超細份，少過譚仔1/3，食唔飽，但收我$59碗，我expect比譚仔更大份，食到我頂上胃。黃金香酥雞又細份，又唔算好好味，又收$55，仲以為比酒樓賣嘅金磚豆腐多d tim，數埋都唔夠20粒。再黎叫了杯熱黑糖珍珠鮮奶茶，味道不過不失，甜度適中，但比其他茶飲店嘅份量就細杯，如果加番1/4就差唔多，就對得起$39杯，街外茶飲店都係賣$32-35蚊杯咋麻，又大杯。唔怪之得香港餐飲業做唔起，收得貴夾唔抵食，味道又唔算超特出，類似食物其他餐廳都有，唔推薦黎呢度食。…Read More

係openrice search 左呢間餐廳，覺得價錢合理，食左半自助午餐，主菜自己揀，食左日式照燒牛肉漢堡配薯條，我個 friend 食左俄羅斯牛肉配白飯，個份量，味道同價錢都合比例，性價比高，覺得都唔錯，但當我去飲果個半自助餐的餐湯，當日是南瓜湯，竟然有燶味，其實是睇唔出，係飲落果下真係有燶味，我 friend 都覺得係。後來我同侍應講返呢件事，佢知道左但無處理。我諗最少起碼換返碗湯俾返我地，同時搵返個廚師試下煲湯，係咪真係煲燶左。如果係，就應該隨即換左佢。如果唔係，就應該同我地解釋返，係咩材料令到煲啺有呢種燶味，唔好當D客係傻仔。係今時今日經營環境困難下，都唔好得過且過。本來成個用餐都幾好，就係呢個煲燶左的南瓜湯成為整個半自助午餐的敗筆，真係俾錢都俾得唔暢快。…Read More

食物可以。之前就是見到開飯網話用匯豐銀行信用卡，一行六人，有95折人頭費優惠，可適用於星期一至四，我咪叫屋企人幫手在網上訂6位，諗住享受呢個優惠。點知琴晚埋單，佢收我正價價錢，每位$248 (未包加一)，我跟服務生講我用匯豐銀行信用卡找數，佢話唔得，要係一星期前要用電話預約先享有此優惠。我覺得這種經營手法不妥，因為餐廳無在開飯網講明原來要一星期前用電話BOOK 位，是欺騙食客。所以即時對此餐廳印象大減。所以如果有其他食客要享用此優惠，必需打俾餐廳問清楚，不要受編。…Read More

點左四個菜，兩飯一麵一野菜，三個人食，以為實夠食，實飽啦，點知食完都係得兩成飽，之後重要去 pizza hut 食返個二人套餐先夠飽，d 野食分量洗唔洗少到咁。饅魚石頭鍋飯 (hkd48)- 只有平時一碗飯的份量，三個人share，每人兩茶匙就食完，饅魚只有四件。叉燒漢堡配溫泉蛋飯 (hkd48)- 漢堡扒大細同M記賣的沒分別，好薄，仲以為好厚，d 飯又係每人兩茶匙就食完。札幌味噌(hkd68) - 湯底超salty，拉麵又少，每人三注就食完。炒野菜 - 超細碟 (hkd30)，一碗飯份量也沒有，唔飽。我覺得野食一般，最不滿意是份量，每碟及每碗飯都好少，這個份量不值這個價錢，唔抵食。最後重要去食其他野填肚，真係唔掂。…Read More

昨日下午係公司出左去食 super sandwiches 的下午茶茶餐，叫左個公司三文治，都ok 好味，配幾塊薯片，份糧啱啱好，不過可能自己鐘意食熱野，三文治面包唔夠熱，如果熱D就好。叫左杯熱奶茶，原來係用茶包整，再加 d 奶，一d 都唔好飲，總之叫 illy 咖啡，總括來說，份量還算可以，味道都 ok。今次係用團購券去買的。…Read More

今日用團購張劵換左中杯 yogurt，揀左日本牛乳味，仲有揀左三款toppings，分別係可可脆片，藍莓，焦糖格脆(好似係咁叫)，焦糖格脆好好味，強烈推介。至於醬汁，我就揀左焦糖味，但係落得唔夠多lor，如果再落多d就會更好味。用團購價去買，都算 okay，中杯裝都幾大份。如果做番 $28一杯，就真係唔會買 lu。…Read More

上個星期六一月七日用團購劵換左兩個HK$18熱狗，一d 都唔好食，見佢餐牌寫買HK$18熱狗，可以自選蕃茄+青瓜，但係佢個檔口一d都無lor，淨係提供蕃茄醬+芥末醬，同佢餐牌寫的不符。問個檔主，佢就話無，一隻熱狗完全唔值hk$18。見其他人買hk$25果款熱狗，配芝士，芝士碎都係得一匙咋，真係少得可憐，都唔係鋪滿全隻熱狗。以後一定唔會再幫襯。…Read More

今個星期相約同事到呢度食自助餐，可能是平日掛，沒有我想像中多人。1830 開始，食三個鐘，但我地都坐到 2230 先走。一開始，就先食冷盤，有凍火腿，凍甜蝦，蟹，三文魚，壽司，各款刺身，沙律，仲有冷麵，不過我唔識食，個碗淨係得麵，又無湯，所以無食。都有好多壽司揀，不過不失。之後就開始食熱盤，在我挾緊菜，肉之際，芝士焗蠔出場 la，要自己問廚師，不過我果個就無同事果個咁好睇，鋪係面的芝士無焗到金黃色，通常都有少少 "農農" 地架麻。第一口咬落去果下的感覺是，好似蒸熟左隻蠔之後，再整 d 芝士落去焗，隻蠔係完全無芝士味，芝士還芝士食，蠔還蠔食，原來焗蠔就咁架 la，仲以為好好味 tim。之後就有廚師即場 "火剪" 蝦，隻蝦都ok，都幾多肉，但唔算好味，可能無中式炒蝦咁有鑊氣。同之前網評一樣，清蒸魚的確好味，又滑又鮮甜，最緊要唔 "鞋"，撈d 汁落去就 very good。鰻魚都好味，d 汁都好濃。之後飲左碗椰子煲雞湯，都好好飲。不過點解果日無西式湯，好想飲磨菇忌廉湯。果度仲有廚師即場為你整湯麵，不過就無留意有乜料，不過都幾大碗。最後食甜品 la，d 甜品都幾的式，細細件，都幾鐘意佢用杯裝住。由於食得太飽，不是食了很多，芝士餅，pie，雪糕，涼粉，每樣食左少少。紫色的雪糕好似係藍莓味，酸酸地，超好味。果度仲有朱古力噴泉，有我最鐘意食的新鮮菠蘿，而且就快夏天，最o岩而家食。餐飲就有我最愛的熱檸檬茶，唔知點解，年紀越大，就越喜歡飲熱飲。估唔到會有，通想熱飲唔係咖啡就奶茶。餐廳 service 都 ok。食完之後，我地仲上左去 42 樓睇夜景。如心廣場係荃灣最高架麻。最後每人食左 hk$250，因為電話訂坐，所以有 85 折。…Read More

一行六日去左呢間LIME@T5 食晚飯，點左2 人餐+ 散叫。佢D 意粉，天使麵，飯，全部統統都是咸，個大廚肯定落左好多鹽，全部只是得個樣，果晚飲左好多水。套餐個PIZZA 幾好，好大份，夠我地咁多人食，這是整晚唯一令我滿意的。其實去果日已經星期六晚，估唔到咁少人，d 野食貴而且超咸，唔值得去。…Read More