angelalabear's Profile

嚟呢度食晚飯同屋企人預早食團年飯同埋慶祝生日，但完全俾佢破壞咗原本開心嘅一晚。叫咗幾道菜，份量都好細，個蠔滑雞煲勁油，煎藕餅上到嚟係微暖，樟菜鴨啲肉好韌。最嬲係個鴛鴦炒飯同蟹肉生菜包。我哋叫咗六個餸，頭四個餸都正常時間上菜，但個鴛鴦炒飯落單之後差唔多一個鐘先嚟，蟹肉生菜包距離第一道菜上菜時間超過一個鐘，我哋叫侍應跟單叫咗起碼三次，冇一次有人埋嚟同我哋解釋或道歉。就算第一次follow up 先開始煮，都冇理由仲要等咁耐。最重要係，我哋等到間餐廳大部分枱都走哂!! 眼見大部分係吉枱都仲等咗好耐。結果我哋已經等到再冇心機食，草草食埋個生日蛋糕就離開。最嬲係一啲補償一啲道歉一啲解釋都冇。佢雖然位於鰂魚涌商廈，但坐得又逼服務又咁差，你當去茶餐廳食小菜啦，冇經理處理任何事㗎。我見到佢仲有啲團年飯為起成千幾蚊一位，我唔知邊個會去食🤷🏻‍♀️。 …Read More

一落完order 就聽到隔離投訴啲青口腥, 侍應話自己食咗嗰兜青口覺得冇問題結果我啲青口由上菜嗰刻已經係凍嘅, 連啲蒜片都凍, 連暖暖哋都不是。侍應成兜拎走咗話整過畀我, 5分鐘之後返嚟話cancel 咗個青口, 但廚房已經last order 整唔到其他食物畀我, 佢話我可以繼續食個薯條。但打後半個鐘我仲見到佢上菜畀其他枱, 當中包括青口, 不過我有幸見到上菜都係因為佢上菜勁慢。最後佢真係cancel 咗我嗰份青口, 但照收我$20加嗰個沙律。雖然我已經食咗, 但我無啦啦要兩個人share 一個餐, 喺冇compensation 嘅情況下, waive 嗰$20 我條氣會順啲。要知道開喺中環嚟食lunch 都係附近返工嘅人, 食完要返工, 唔飽我冇得話去食個tea 先。真心不推薦, 會blacklist.…Read More

一入到去好似返左大陸咁，電視播普通話節目，冷氣同燈都冇乜點開，又有蚊飛嚟飛去，d 水定唔知茶（近乎透明但又黃黃地）又污糟，有條紅線喺入面飄。d 員工都係大陸人，服務憑度輕浮，之前打過去問野，個員工用反問式嚟答問題，唔似香港人簡單又直接咁答到重點，可能係我唔習慣啦下。而個餐牌有三份一都係歌頌個「港漂」老闆嘅成就，仲有張大banner 貼住兩個老闆個樣。 🤦🏻‍♀️我地叫左三樣野，「包菜水晶粉」、「鐵板魷魚絲」同「香幹炒肉」。三樣嘢都好鹹同好油，可能呢個係地道湖南風味gwa。📍「包菜水晶粉」其實係得水晶粉，椰菜（酸菜？）絲同少少辣椒，咩料都冇$75 其實都幾貴。📍「鐵板魷魚絲」又係油到爆，好彩有d 韮菜花墊住隔一隔下面層油，但其實都係好似油浸咁，d 魷魚就細過幅相入面廿倍度啦，食完面頭嗰幾條稍為大嘅，下面嗰d 就細到要喺d 韮菜花入面尋寶咁搵出嚟，d 魷魚就好似魷魚乾或雪藏魷魚嗰種鹹度。📍「香幹炒肉」呢... 唔睇返menu 都唔知原來supposed 係炒肉，因為d 肉係好似紙咁薄同好似手指甲咁細嘅，碟嘢more like 尖椒炒香乾，d 香乾本身好鹹又冇d 肉中和下，食完真係會鉀過高。如果冇食開呢種湖南風味嘅人，去之前請三思，要接受到咁油咁鹹先好去食。食完我地好唔滿足，但都食左每人$140 (仲要「香乾炒肉」已經有special price 平左）。老闆明顯係cut corners 到一個點根本冇用心做好，亦冇意藉住呢間餐廳去推廣湖南菜（well... maybe it was never part of their plans🤷🏻‍♀️)。佢成功令我對湖南菜冇好印象。👎🏼…Read More

D 侍應真係極討厭，hard sell 到爆，一開始淨係比幾張套餐嘅紙我地睇，我問佢拎menu, 佢又淨係拎另一張海鮮menu 比我, 明明我見到其他吉枱一份份menu 夾好哂仲有一本小菜menu, 我谷鬼氣去隔離枱拎佢又勁緊張話要佢比我。足足第三次先有成set menu!!!! 跟手企正喺隔離點菜，我地根本未準備好。到我地點菜時又sell 套餐，sell 唔到套餐就sell 加大，根本我地7個人叫左6個例牌都食唔哂。😒D嘢都唔特別好食，個釣魚翁小炒王勁油勁鹹，係一堆野炒埋一齊但係個combination 係冇見過ge；個咕嚕肉就過淡，完全冇酒樓食嗰陣鑊氣，有d 似平時兩餸飯嗰d ；仲有個花膠絲、菇及菜，個獻冇味，成碟都唔好食... 個燒鵝係ok 嘅... 佢唯一賣點只係燒鵝。我唔會叫屋企人再嚟，就算好食都實在太hard sell, 點解唔可以均真d 比哂成set menu 比我地先？咁低劣嘅hard sell 手法真係未食已經冇好印象，更何況又唔係特別好食? …Read More

Lunch set $75 包湯粉、飯或撈檬。我試過咁多間越南嘢，呢個價錢可以喺其他地方食到高質素同好味嘅越南粉，睇報紙又話佢係北美風，正正係我想搵嘅，所以我好有期望。我叫左生牛肉湯粉，份量嚟講d 粉算多，但肉好少，個湯偏鹹同唔夠香，基本上除左鹹味之外食唔出其他味，可以話係最大敗筆，而d 粉又偏硬。最ridiculous 係張枱墊介紹配越南粉嘅唔同香葉，我以為間野好正宗，同埋好注重推廣正宗食法。點知上菜時淨係上左碗黃嘅芽菜（換完都仲係黃），辣椒同青檸，我問佢有冇香葉佢先肯比我，仲話因為唔係人人都鍾意所以係唔會主動比你，要問先有，跟手問我碗芽菜係咪即係唔要 🙄，我唔知點解問佢拎香葉會代表我唔需要芽菜lor。同埋有d 比佢平嘅地方都會自動比d 香葉，佢咁講我覺得佢真係好小家。仲有，雖然佢d 香葉成杯比你好似好多咁，報紙又話八款香葉任加，但其實得三款，連mint 都冇，同埋咁大杯一定係recycle比其他枱用ga la, 咁咪掂過哂傳嚟傳去？味道唔夠好又小家，$75 大把options, 我唔會再嚟幫襯。…Read More

服務態度好差，唔會再去或recommend 其他人去。我本身有book 位，坐低之後先知要由二人改成三人，就通知店員，其中一個staff 個樣勁大怨氣，當住我面前話比另外一個staff 聽「落booking 時冇講lor」，嗰時其實唔full，已經係lunch hour 尾聲, 仲要我隔離係一張空枱，只要清左張枱再拍埋就可以輕易變成四人枱，唔知點解要表達到間野好忙冇落booking 就改唔到人數咁。我叫左個all day breakfast, 揀左玫瑰蘋果jam, 個jam 同個toast 係好食嘅；個蛋都ok，只不過唔覺有芝士；茄汁豆、腸仔同煙肉就普通，d 菇我覺得唔夠juicy。另外我同朋友share 左個果醬紅茶, 揀左桂花雪梨jam, 個紅茶好香，d jam 份量都generous, 成個組合都好好飲，美中不足係原來唔係隻隻jam 有得配嗰d 果醬飲品，而menu 又冇寫清楚。其實喺咁嘅環境食all-day breakfast 應該好relaxing, 但係d 服務態度令到成件事好唔relaxing，每個員工都全程黑面，問你揀咩jam 真係monotone 用三隻字問「咩果醬」，真係衰過茶餐廳。我唔知d 員工係咪老闆d friend 所以個個都好似搏炒咁，而長期有咁多關於服務態度嘅負評都冇回應或改善過。如果想食佢d 果醬我建議自己買一樽返屋企食好過，all-day breakfast 可以去其他地方食。…Read More

喺樓下經過收到傳單，一問之下原來係之前一直想試，喺西營盤嘅seoulmate cafe，咁就上去試下。我地喺晚飯時候嚟，叫左個煙三文魚bimbimbap 同個紫薯pizza。個bimbimbap 賣相好靚，上面有三文魚，跟住有一層飯，然後一層蔬菜咁，成個感覺好輕盈，冇平時bimbimbap 既油膩感，其中一種蔬菜係蕃薯/南瓜（？），同個飯出奇地夾，成個飯都好好味。個紫薯pizza 都好好味，食到成餐飯最後個皮都仲係脆既。個皮上面有紫薯，再上面係蕃茄醬，洋蔥等，面頭係芝士。d 紫薯甜甜地，夾埋上面鹹既配料無論係味道定係份量都好balance。間餐廳仲有outdoor 既座位，室內亦有一個坐到十幾人既房，適合一大班人。我下次會去試埋甜品同飲品! 😋…Read More

我同朋友因為蛋黃哥點心而去。1:30 攞籌，4:00 先到我地。蛋黃哥個menu 有好多款都係coming soon, 淨返嘅又有d 賣哂，所以得返好少choice。我同朋友都叫左唯一仲available 嘅甜點 - $39 嘅奶凍。個奶凍好淡冇咩奶味，又唔係好凝固，好似好水咁，本身d 料亦都好稀。黃色部分係芒果味，算係全個甜品最好食嘅部分，不過都係好淡味。其實我都預左d 點心好睇唔好食，不過咁既質素實在太差，令人感覺有心偷工減料。…Read More

本身搭枱既人客調左枱，搞到上錯左碗米線，因為我哋叫ge 餸差唔多樣，搞到我以為只係漏左我一個餸, 但係叫極都冇人來我惟有食先再叫佢追加，到終於有個女店員跑來話原來上錯左, 佢個反應係好似犯下彌天大錯咁勁大反應。 最後叫我要左我已經食緊o個碗, 我話ok。我o個兩款餸係豆卜同一d 有腌過既豬肉 (唔係我點所以我唔知係咩)。其實來星林居都係想食佢個湯底, 係好惹味, 但係d 豬肉同碗碗by default 都有既肉碎都有陣up 味, d 豆卜又未煮淋。同埋我唔知本身個客人係咪叫左少米線, 總之得好少米線, 食完都唔係好飽。個湯底好味過譚仔, 但係d 料感覺上少譚仔一半。反而樂道o個間既份量好似多少少。到比錢時, 我食嗰碗得兩餸，佢竟然想收我原本叫既三餸錢。我解釋完，有個男店員同頭先個女店員嘈應該收幾錢，好似嗌交咁, 態度勁差。 結果好唔情願先收返我兩餸既錢。其實上錯菜好閒je, 但佢地完全唔識handle, 好唔專業, 感覺係好似唔夠人手搵d 屋企人來頂住檔先咁。其實佢個湯底係優勝, 但係d 肉有up 味同埋d 服務實在太差。如果唔係上次食譚仔等左勁耐, 我都係prefer 譚仔。…Read More