tiffylsk's Profile

今晚去咗食 Fine Dining ，餐廳位於大廈高層全部落地玻璃維港夜景就在眼前，Outdoor 亦有多張枱露天雅座環境舒適有情調，適合同朋友賀生日或喜慶節日可觀賞維港煙花 ・法國藍龍蝦他他配鵝肝脆雞皮醃製蛋黃及生蠔葉 👍🏻鵝肝美味雞皮香脆不油膩 ・法國皇御生蠔配蜆汁紫蘇葉羅勒籽脆片 👍🏻香脆滋味精緻簡單有特色 ・日本帝王蟹蛋泡沫配二十四個月法國康帝芝士脆片及海膽 👍🏻蟹肉伴入海膽鮮味香濃多重口感 ・荔枝車厘子茄凍湯配西班牙紅蝦及酸甜西瓜皮  👍🏻味道幾特別少有凍湯酸酸甜甜夏天開胃蝦肉爽口   ・熟成本地雞胸肉卷配龍蝦汁脆炸鹅肝及菊芋蓉 👍🏻雞肉入口嫩滑芋蓉綿密 ・龍蝦配香酥脆皮, 魚子醬及清酒忌廉汁 👍🏻 外脆皮加細緻魚子香醬汁有驚喜 ・腐皮法式千層配豆腐忌廉芝士桂花茶 👍🏻炸腐皮香脆雪糕重豆腐味加埋一齊食一流，最後甜品都好有創意！好滿足的一餐😋…Read More

前日行完街後去咗一間喺中環 IFC 商場嘅高質特色中菜同朋友食飯，餐廳內環境優雅可望維港夜景，店員服務好好上菜時會介紹每一道菜式，大家開始「世味人生」💛 ✨甜椒醬蟶子皇✨雲霧上碟，新鮮蟶子，味道少少辣非常野惹味 👍🏻✨前菜三弄✨三色梅茄好鮮甜開胃，海蜇絲爽口精緻，花雕酒香蝦好清甜！✨杏汁肆菓燉螺頭湯✨香濃杏仁配清甜生果木瓜, 蜜瓜, 西瓜粒加螺頭，想再飲多碗 ✨蟬衣玉帶✨炸帶子外脆內軟，十分爽口彈牙！好正💛✨珍寶珠✨外形好似粒糖咁嘅沙冰好清新，底部有桃膠，清清味蕾為下一道菜做準備👍🏻✨海苔葱燒銀鱈魚✨炸魚外層香口，京葱魚肉質嫩滑 ，我同朋友都一致最鍾意呢味菜🤭✨荷香子薑欖豉醬蒸雞✨無骨雞肉嫩滑，有荷葉香 ，好食💛✨魚香手功寬麵✨醬汁含有濃郁魚香， 十分滋味，肉粒都好彈牙一啲都唔鞋，麵質亦Q彈 😝✨香芒雪燕烏豆花✨粒粒芒果配上滋潤雪燕，加埋滑滑豆腐花 ，口感一流！估唔到最後甜品都有驚喜：有杏仁酥, 脆曲奇, 龍酥糖！係好正宗嘅香港小食！最想講一講嘅係佢有個特別火柴盒包裝，原來係牙籤，好有創意，復古感十足👍🏻👍🏻總括嚟講呢一餐十分滿意，鍾意食中菜fine dining嘅就要黎試吓啦！…Read More

上星期同朋友係大圍踩完單車後 🚲，朋友帶咗去食一間抵食二人晚餐 🍽️，餐廳內天花吊有大水晶燈加 Bar 枱，有酒吧氣氛嘅感覺，上餐時店員會講述每道菜式 凱撒沙律・🥗 菜新鮮配上特製沙律醬份量多 廚師是日餐湯 配蒜蓉包，可升級 $43  轉酥皮龍蝦湯🍲南瓜忌廉餐湯含南瓜蓉，係健康之選，而龍蝦湯有香濃嘅龍蝦鮮味 🦞 主菜：安格斯肉眼扒 / 西班牙脆皮豬 / 紐西蘭羊扒 / 香煎比目魚 (四選一)🍗 我地揀咗羊扒，肉質鮮嫩多汁著條香脆 喇沙帆立貝意大利粉 / 龍蝦汁大蝦意大利粉 / 麻辣海鮮意大利粉 (三選一)・🍝 帆立貝加喇沙口味 意粉超creamy，好掛汁又大碟 餐飲 (咖啡 / 茶 / 果茶)・🧋叫咗凍奶茶及熱果茶，飲落清甜有果香嘅紅茶 精選甜品・小酒杯咖啡布甸🍨香濃咖啡味，唔會太甜，好食 餐牌仲有其他多款主菜, 小食, 特飲, 餐酒 🍷🍹🍸可選擇，店內亦有大電視機如有足球賽事可約埋三五知己朋友一齊睇波飲酒 🍺🍻👍🏻…Read More

放假去食日式料理鐵板燒特選和牛套餐，廚師細心介紹每道菜式，伴碟精緻好靚👍🏻每款菜色師傅都係食客面前用心烹調製作🥰我哋叫咗以下呢個套餐：✨自家製醬汁煮南非鮑魚✨非常新鮮彈牙，配以特色醬汁，好味😋✨季節刺身三款✨幾款不同魚刺身，肥美鮮甜 ✨金鎗魚腩手卷✨肉柔嫩加上鱈魚乾，脆卜卜口感豐富 ✨海鮮茶碗蒸✨夠熱足料✅蒸蛋嫩滑 ✨季節吸物✨日式味道魚湯，好飲👍🏻濃度剛好 ✨野生生猛龍蝦✨原隻活龍蝦生猛仲識郁，鮮嫩啖啖肉，配埋龍蝦膏醬汁💛✨香煎鵝肝伴自家製醬汁✨鵝肝甘香，配脆法包多士香脆可口 ✨日本宮崎和牛✨選擇五成熟，牛肉入口即熔，配合炸蒜片食一流 ✨煙肉香蒜炒飯✨粒粒分明，炒飯加蛋炒香至金黃色 ✨炒雜菜✨芽菜配蔬菜一齊炒，爽口清甜🥰✨是日精選甜品✨最後仲有日式抹荼布甸，滿足的一餐😚每人大約$1000左右，我覺得超值，大家得閒可以嚟試吓😋😋…Read More

朋友住將軍澳帶我去食韓國菜，尼間韓式料理嘅 Cafe 裝修簡約時尚坐位舒適，店員服務亦好好👍🏻我哋叫咗仲夏雪花山期間限定美食 ：✨雪山芝士山鍋✨包含多種豐富配料 澳洲西冷牛扒, 炸雞, 八爪魚燒, 免治雞肉丸, 新薯, 法式多士，香濃濃拉絲芝士火鍋，可加配一份辛辣麵即可變成芝士撈丁麵，好正😘✨麻辣泡菜煮成斤重蜆✨份量多蜆肉新鮮配上泡菜少少辣好野味🌶️✨三味韓式炸雞✨大大件無骨肉嫩鬆化，仲可以一次過試哂三種不同風味 (蒜香蜜糖蛋黃醬, 明太子醬, 青芥末蒜泥蛋黃醬) 🍗🍗✨蛋中的焦糖燉蛋✨特別嘅蛋形甜品幾可愛，好食唔太甜好有蛋香🍮✨日本靜岡縣焙茶和特濃朱古力奶基蓋雪山✨飲到有茶香加濃郁嘅忌廉，仲有其他多款特飲都想試吓啊🍹超推介大家黎呢度試試韓式風味cafe💛…Read More

上星期去咗SOGO shopping，行到肚餓上14樓搵嘢食，俾我哋搵到一間UnME Cafe，個環境幾好，所以就諗住入去食，但原來都幾多人排隊🫨等咗一陣先可以入去～我哋嗌咗兩個前菜、兩個主菜、一杯飲品，好飽肚超滿足！🥰✨藍柑咖啡維也納雪山✨飲品一上枱驚豔到我😍雪山造型好吸睛，面頭層cream都好好味，撈埋成杯latte一齊飲都唔太甜，啱晒女仔👍🏻✨蘋果木煙燻法式鵝肝配灸燒焦糖香蕉✨一上枱開蓋就出晒煙，影出嚟超靚😍鵝肝亦都好軟熟，同甜甜地嘅醬汁好夾，連伴碟嘅生果我哋都食晒😛✨UnME新紀元曉芝心玉子燒✨玉子燒粉量都幾大碟，每一啖都有爆多芝士喺口腔入面😍芝士控嘅你哋不要錯過✅✨紅酒燴牛臉頰配薯蓉燒菜燒汁✨今次係我哋第一次食牛臉頰，原來係好軟熟一啲都唔韌，燒汁味道亦剛剛好，份量亦多，推介未試過牛臉頰嘅你哋可以試吓哦💛✨香煎北海道帶子、少女心紅菜頭燴飯✨我哋一致超鍾意呢一個燴飯👍🏻👍🏻😍粉紅色飯超靚不在話下，口感亦都軟熟Creamy！（本人不喜歡太硬的意大利飯） 夾埋帶子食，簡直一流☺️☺️整體嚟講呢度環境好，但味道亦都唔馬虎，難怪咁多人排隊☺️下次我嚟SOGO行街都要再嚟幫襯試吓其他菜式👍🏻 …Read More

上星期去觀塘整完指甲，超肚餓即刻去搵好嘢食🤭俾我哋search到觀塘區有一間環境唔錯嘅餐廳有豬手食🥰所以就揀咗呢間👍🏻離地鐵站唔太遠，10分鐘內到達！餐廳以木系為主題做裝修，啱晒所有文青黎打卡👍🏻見到Menu好多飲品選擇👍🏻餐廳亦提倡「日啡夜酒」概念，晏晝係Cafe，夜晚就係酒吧，適合一大班朋友嚟一齊飲酒吹水😛食物方便除咗一般西餐有嘅菜式，呢度賣點仲有豬手同埋燒雞，我哋見豬手唔係度度有得食，所以我哋諗都唔使諗就嗌咗呢個😋 另外再嗌咗一個main 同小食👍🏻✨iced mocha✨諗咗好耐嗌酒定咖啡好，最後咖啡控嘅我都係嗌咗Mocha😆😆咖啡朱古力味好濃厚，但唔太甜，啱晒女孩子飲✅ 如果再大杯啲就更好✨燒牛舌串、燒雞軟骨串✨串燒熱辣辣，燒得好入味，牛舌好大舊冇呃秤👍🏻👍🏻雞軟骨都係水準之上💛✨煙三文魚班尼迪蛋配酸種麵包✨鍾意食Benedict嘅我覺得呢個係有90分😆😆因為蛋嘅生熟程度剛剛好，入面亦都好多三文魚同埋蔬菜配料，每一啖都好豐富👍🏻👍🏻✨蜜糖鹹香豬手✨呢個豬手唔誇張，比我去德國食到佢仲好食，因為佢啲肉一啲都唔嚡😍仲好入味，每一啖都係燒汁味濃厚👍🏻度過有一隻半嘅手掌咁大，十分足料！總括嚟講呢一間舖頭無論環境食物都好正，對鍾意飲啤酒同埋熱愛同一大班朋友吹水嘅你就最適合💛誠意推介大家嚟試試✅…Read More

今日放工好想食啲香口嘅嘢，啱啱醒起MOKO開咗一間內地出名品牌「遇見小麵」😍出名食辣嘢，所以就同朋友去咗試一試👍🏻餐牌有好多選擇，朋友唔食得辣，所以揀咗蕃茄湯底，我就俾佢個冒菜小鍋吸引咗💛仲可以upgrade特飲添！✅✨天府鴨血冒菜小鍋✨一上到嚟熱辣辣，香噴噴超吸引😍 冇諗過40幾蚊可以咁大鍋，份量多到驚人！入面有鴨血、金菇、魚腐、仲有好多菜💛原來個底仲有紅薯粉，真係飽到上心口，早知唔加錢嗌白飯😂🙈話時話個湯底真係超好送飯啊！$6加飯真係好抵👍🏻✨陽光蕃茄牛肉麵✨朋友要食清啲，所以嗌咗蕃茄湯底牛肉麵，湯底超濃郁，麵條索哂晒汁好入味，牛肉片份量都多，唔鍾意食辣嘅朋友嚟到可以試呢個啊，值得推介✅✨澳洲羔羊羊肉串✨羊肉唔太酥，但都食到羊味，份量亦好多！朋友鍾意食羊肉都話好正😍✨爆漿豆腐串✨豆腐串好香口，咬落去好Juicy，但係有啲辣😆但我鍾意食辣，所以覺得好正🥰唔食得辣嘅朋友要留意吓！✨檸檬茶、白玉厚椰乳✨朋友的檸檬茶原來真係有檸檬，以為係一般的手搖飲品，有啲驚喜💛白玉嗰一杯我都好鍾意，加埋椰子汁都唔會太膩，反而可以解到辣！配埋我個冒菜小鍋一流💛💛💛很喜歡杯上的金句：所有的事都是小事👍🏻對所有事都存有輕鬆的態度，不要太執着💛呢間嘢我必定會再幫襯，喜歡食辣人士必黎！😍…Read More

上星期早咗放工，所以就同老公食餐好啲慶祝周年紀念💛知道帝都酒店開咗間新嘅自助餐「柏麗廳」，即刻去試吓😍開頭見佢價錢咁平，對食物都冇乜期望，但係竟然喜出望外🥰除咗有一般自助餐嘅長腳蟹生蠔刺身外，仲有好多平時自助餐見唔到嘅食物，例如鮑魚一品鍋、鴨血、壽喜燒、美國和牛鐵板燒、葡撻、芝士撻😍另外都有流動Cocktail車為大家調製飲品🥰最最最最surprise就係有心太軟甜品🎂仲可以有廚師幫手喺碟上面寫字，勁有心思💛最後食到飽飽返屋企😝總括嚟講呢一餐性價比極高，十分滿足的一餐，建議大家嚟試一試，七點前埋單仲會有優惠Tim✅ …Read More

Museum Cafe at Pier 8 今日去咗中環海濱香港海事博物館上面嘅一間 Cafe，餐廳環境廣闊舒適，在場亦有不少遊客，可以坐室內或戶外飽覽維港景色，店員細心好禮貌服務有效率。 我哋叫咗 ''煙三文魚牛油果牛角飽" 材料豐富新鮮配搭好味，而 "牛肉千層麵" 香濃牛肉加拉絲芝士，但略嫌份量比較較少🥺另外 "忌廉雞肉香蔥批" 即焗夠熱酥皮外脆配濃郁忌廉。 甜品蛋糕每日都有不同款式味道可供選擇，咁就試吓 Blueberry Cheese Cake 及 Lemon Tart 質素幾好唔會太甜。 位置係中環碼頭天星小輪碼頭旁，經過無論上船前或落船後買杯咖啡或小食都好方便。 Cafe 係一間社企餐廳，提供復康人士做嘢嘅地方融入社會，幫助給予弱勢社群發展所長比機會佢哋投入職場工作好有意義，值得支持及再次光顧。🫶🏻如果份量可以再多少少便更好了👍🏻…Read More

呢排好多餐廳都好興走懷舊風，啱晒大家打卡💛近排我就去食咗一間唔錯嘅小店，位於荔枝角嘅✨老荔冰室✨行懷舊茶餐廳風格，外牆模仿以前嘅戲棚，淨係餐廳外圍已經好吸引人去睇，入去一坐低仲見到有對龍鳳喺頭頂好有氣勢😆👍🏻即刻令我諗起細個成日同屋企人去傳統酒樓飲茶嘅回憶💛呢度嘅嘢食同佢嘅裝修一樣好有心思☺️ ✨沙嗲牛肉煎蛋麵✨沙嗲牛份量多，味道偏甜，有少少麻辣味👍🏻就算唔食得辣都可以見，加埋兩隻煎蛋就真係經典嘅常餐配搭啦😀✨滑蛋叉燒飯✨呢個真係港式茶餐廳嘅經典菜式😍滑蛋煎得剛剛好唔會好老，叉燒肥瘦適中，配埋特製嘅豉油已經夠晒惹味☺️✨沙嗲牛肉炒蛋熱香餅漢堡✨熱香餅漢堡而家成日都有得食，但加埋沙嗲牛肉炒蛋，你哋又試過未呢？之前以為又甜又鹹會好難入口，但點知口味出奇地夾👍🏻牛肉份量仲多到爆曬出嚟😆 十分抵食！✨金沙朱古力流心西多士✨呢個甜品超級邪惡😂😂😂首先份量好巨型，另外佢朱古力味真係好濃厚，朱古力碎碎鋪滿多士，仲要流心，真係唔捨得食晒佢😚✨紅豆奶茶、雜果賓治✨特飲正常發揮，值得一讚嘅係紅豆份量絕對冇手軟✅最後食唔晒啲紅豆😝舖頭地點亦都方便，下次都會再嚟幫襯💛…Read More

近排好想去食日式燒烤😍咁啱俾我搵到一間可以同時打邊爐同燒烤嘅餐廳😝收工即刻去試一試先💪🏻位於銅鑼灣嘅✨熊本燒肉✨近排推出優惠套餐😍 Menu上嘅套餐C「上選燒肉火鍋放題」做緊優惠價$298起一位💛用餐時間全程用平板點餐，勁方便，肉類亦有勁多選擇，咁我當然要試吓最新嘅✨極上澳洲和牛3品✨啦！分別係澳洲和牛板腱、澳洲和牛封門柳、澳洲和牛肩胛！🥩 仲有秘製醬汁牛五花,牛肋條,牛小排,牛腸任揀💛💛和牛肉質嫩滑，好多燒肉放題都唔會食到咁高級嘅牛😝隨餐附送「極邪惡博多牛腸鍋」湯底「人氣柚子雞湯底」用嚟打邊爐，牛腸鍋勁足料，淨係食啲湯料已經好飽好滿足🥰袖子雞湯底亦十分清甜，夠晒創新👍🏻最後我個胃完全唔夠位再食雪條，唯有下次再嚟試吓😆略嫌兩小時試吓有啲趕，因為同時打邊爐同燒烤分身不暇，如果可以兩個半小時會更好🥹…Read More

有日放工好頸渴，同朋友去咗旺角新世紀嘅台灣茶飲店「吃茶三千」買嘢飲🤭飲品店仲有Open area俾朋友坐低飲杯嘢chill下傾吓偈💛我同朋友點咗「國王珍珠奶茶」、另外仲有「青檸雪芙」😁飲品嘅包裝勁靚，即刻拎住打咗好多卡😝「國王珍珠奶茶」係由鳳眉紅茶，配合皇家厚奶同埋國王珍珠沖調而成👏🏻揀咗半糖口味，甜度剛剛好，珍珠十分煙靭有口感，紅茶味都好濃，啱晒我胃口，唔似其他出面嗰啲完全冇味得個甜字🫢「青檸雪芙」選用特濃牛乳，採用新鮮生乳加純蔗糖熬製而成，再注入來自台灣嘅青檸原汁，香醇濃郁的滋味，飲落淡淡青檸香味，飲到停唔到口😜😜唯一缺點係略嫌舖頭有啲細，如果可以大啲有空間感啲，就會更好☺️👍🏻👍🏻…Read More

啊媽生日通常去尖沙咀食晚飯，交通方便坐車及餐廳選擇多，帶咗佢去潮庭食潮州菜，叫啲經典小菜比老人家食👍🏻👍🏻餐廳面積好大，鋪面裝潢都唔失禮，入面空間都夠晒闊，枱同枱唔會太貼😀杏汁燉豬肺湯，好夠杏仁香濃嘅湯 鹵水拼盤，鵝片及幾種鹵味都好入味 潮州家鄉煎蠔餅，香口好多蠔肉粒 家鄉蠔仔肉碎粥，好野味嘅蠔仔泡飯 梅羔醬烤骨，肉夠淋入味多汁 餐廳樓底比較低，多人客時會感覺嘈吵，但店員有禮服務都非常好，下次可以早上再嚟試吓點心飲茶！…Read More

鍾意食Cafe嘅我經常都周圍搵嘢食🤭呢間我想試好耐，裝修係和式風格，好似去咗日本喫茶室咁樣，感覺好chill好放鬆💛我地叫咗三樣野食：✨明太子蛋包意粉✨🍝將明太子醬汁撈埋蛋一齊食，味道超驚喜🤭每條意粉都沾有明太子醬汁，蛋亦都炒到好滑身💛之前淨係試過蛋包飯，但未試過蛋包意粉，原來都一樣咁好食，強烈推薦大家去試👍🏻✨岩燒芝士多士✨🍞成塊多士上面都鋪滿溶咗嘅芝士😋麵包亦都好軟身唔太硬，配搭埋麵包上面嘅煙肉，令味道更加昇華👍🏻✨日式布甸✨🍮本身好少食日式布甸，今次都算第一次食🤣港式布甸更加滑身，焦糖醬汁亦都同布甸十分夾👍🏻🍮綠茶latte都好好味超濃郁🍵😋開頭仲以為呢啲得個樣嘅Cafe味道應該唔多好，點知我哋錯晒🤣❌ 唯一小缺點係冷氣有啲凍，有啲趕客🥹但都好推薦大家一齊嚟感受吓日式茶室嘅風味😉…Read More