Garfield IFC's Profile

一人午餐，本身坐二人卡位圓櫈果邊，男職員提醒枱底有掛勾，但背囊太重放棄使用；見對面客食完走了，於是就轉坐去對面梗卡位，可以易放置背囊，但剛巧有一位食客進來，男職員立刻叫停我不能轉位，因為落左單就唔可以轉位，好啦咁坐返去圓櫈果邊，但心想張枱得兩個位啫，最多都係得兩張單咁多，有必要咁嚴格嗎？但後來見到那位男職員，竟然都有叫另一位已落單的客人轉枱（因為見到枱上已有一張單據），希望他能讓出二人枱；我覺得非常奇怪，他不是講過落左單就不能轉嗎？唔通係轉枱就得轉位就唔得？明白你想做多些生意，但請不要雙重標準，貌似很有禮貌都只不過是虛有其表。食物品質係可以的，腩肉、魚皮都不錯，但真係接受唔到你想點就點的做法，生意難做，但請要檢討一下自己先，為客人多想一步。他這不合理處事方法，客人真係好難會再來。…Read More

呢間上年頂手後已經食過幾次，上一手食過一次就無再幫襯，但今次新經營做的車仔麵味道幾好，材料質素不差，食物出品又夠熱，唯某些餸份量偏少，例如雞肉腸、牛腩、時菜。如果大食的話，什錦麵會比較抵食。另外，豬頸肉、煙鴨胸、紅腸，呢度都會煎一煎先放在麵上，一啲都無馬虎。學生午餐嚟食就最抵，可以免費加底，又有飲品。😉…Read More

屋企團年飯，阿哥帶我地嚟食呢間，第一次試又幾好食，店舖不大，但又未算迫，牆上貼滿小菜相片，相當吸引。特別推薦仙鶴神針同家鄉炆鵝，仙鶴神針湯底淆得相當濃郁，鴿肉軟冧，翅份量都唔少，正👍。家鄉炆鵝炆得入味，肉質嫩身，食過返尋味😋，招呼服務都好友善，廚房師傅會出來問下我地餸菜味道如何，估不到小店都會做功夫菜，我地已經約好下次要試江南百花雞、釀鯪魚同要encore糯米飯。最後我地仲即場買左佢地自家製、無添加防腐劑嘅蘿蔔糕，好食不鬆散，蘿蔔絲平均分佈，好有住家製嘅感覺，出年一定會再買。…Read More