Win1214's Profile

今日入左天水圍探朋友，見到1間新開的店 叫 「漁屋小館」老闆喺門口推介佢哋用鮮魚煲的湯底，好鮮甜。於是我就入去試下，反正肚仔餓。我喊左 自選3款-魚腐鮮魚片加貢丸米線， 有驚喜 個魚腐係炸架，好香口，鮮魚片好正。貢丸好大彈牙，個蒜容辣椒湯底勁香，好惹味， 都唔錯👍👍👍👍，我覺得可以再辣啲就最好啦！飲品就支裝茉莉綠茶加$4加$2有熱飲，加$4有凍飲唯一唔好的地方，店舖好細，就是座位有點逼夾😅😅 食完要走人…Read More

放假🏖️同老公去搵好嘢食，呢間cafe真係好好食特別係明太子忌廉大蝦燉飯，大蝦🍤爽口彈牙，明太子忌廉食落口唔會太膩，值得推介。松露薯條份量都正常，一上枱，薯條面已經有一大pat 松露醬，仲跟另一兜松露醬$68 合理蒜香蟹肉意粉賣相普通，但食落口有好香蒜味加上蟹肉口感好正，意粉軟硬適中，我揀左少辣，唔食辣的朋友可揀走辣。飲品：焦糖咖啡碎冰 ：呢個好啱老公飲，佢好鍾意飲較甜的咖啡Honeycomb Latte：呢杯係新推出的，所以我落單試下，Latte 上面有幾塊大大的焦糖脆脆，開頭飲幾口十係飲普通Latte，但等佢焦糖脆脆溶化後會帶出甜味，唔會太甜，我鍾意呢杯。甜品：原味溶岩梳乎厘班戟🥞 外加$18曲奇雪糕，梳乎厘我放左一陣先食，佢都依然廷身，有蛋香味，不錯，下次可以試下其他味道。…Read More

今日掛3號波所以早收，陪家人去食點心，佢地話之前食過唔錯要推介比我環境開陽，坐落都好舒適，唔會太逼。 咁岩我們坐喺卡位，有個冷氣機出風對住牆身順住落我們個位，我覺得好舒服好涼，不過食物好快凍左3個人叫左8樣食物蝦春卷好脆口，入面除左蝦，仲有少少西芹。 鳯爪，鴛鴦燒賣，粉果都可以。咸魚肉餅飯及雞扎我覺得一般。雞扎入面個芋頭未夠林。最好食係 脆皮蝦腸粉食落口入面仲保持到脆皮，同埋流沙煎推仔，入面真係流沙，而且唔會太甜。全程的服務員態度都好好加水 都有禮貌。…Read More

屋企附近有間新開的Cafe，趁今日放假下午黎食個下午茶，餐廳環境好舒適，坐住張sofa有咕𠱸 ，又有柔和的音樂聽，真係好relax 。我落左1個RGC全日早餐，有煙三文魚、煙火腿、雞肉腸、炒蛋、野菌、牛角包 賣相不錯，原本我以為野菌係烚的無味 ，但一放入口，香菇的味道充斥口腔，好好味，這個點值得加分！熱Latte 拉花靚靚又好飲 ，令今日心情大好食完再叫個甜品：榛子朱古力牛角窩夫 +熱奶茶甜品窩夫上面有一層白色的cream加上朱古力醬&榛子 ，外脆內軟，食落口 無想像中咁甜，甜味岩岩好。我下次會再來光顧的。…Read More

晚上約左家人吃晚飯，我提早電話預約20:00 ，共7位。但係餐廳職員打黎話因為係新同事接電話唔清楚，原來6位或以上最遲只可以book19:00，職員都有酌情處理改為19:30 ，需要人齊方能入座，用餐時間90分鐘。我見佢都肯幫我留位，咁我都話ok，叫家人準時到。饗和民開左一段時間，我一直都想黎試，以前都有去和民食過。我們7個人叫左7個主食：有十勝豚肉丼x3，鰻魚和牛丼，炸天婦羅蕎麥麵x2，燒鯖魚配飯 。再加一個肥牛鍋（2-3人份），可以免費加多一份野菜，肥牛如果可多番少少會好啲，味道正常都係壽喜燒湯底，另外又叫了一份炸天婦羅盛盒，一份雞肉串盛盒，一份牛肉串盛盒，串燒燒到有啲乾，汁都唔夠，差左，無咁惹味。最後我們一家人又傾又笑又食下嘢，都坐左2小時，服務員夠用餐時間都無趕我們走，而且眼見佢地都好忙，但上菜時或者我們要茶時，職員都好有禮貌，服務不錯👍。…Read More

今日同朋友黎試下食廚十三酸菜魚，3個人叫左個2人份加左配菜，有豆腐、午餐肉，豆卜同寬粉， 叫左少辣。 我個人口味覺得酸度岩岩好，唔會太酸，辣度少辣都岩我朋友，我自己就覺得下次可以試下中辣。而主角魚片都有好多，好滑配上啲湯汁一齊食好惹味。我們仲叫左啲涼菜及小食：有皮蛋，麻辣砵砵雞同磁巴。 砵砵雞有牛展、牛肚、鵪鶉蛋、萵筍、雞腎、豬脷、土豆片等 ，我朋友負責食內臟，佢好鍾意食，仲話好好味，辣度會比酸菜魚較辣，而我就伐鵪鶉蛋，萵筍同土豆片，重申一點這些是涼菜，萵筍同土豆片好爽口，辣度又刺激味蕾，真係好正。最後食甜品：雨露均沾即係磁巴，呢個要趁熱食，磁巴煎得好香口，外脆內軟，又唔會癡牙，再配上黑糖， 鍾意食甜食的朋友，這個值得推介👍👍👍…Read More

疫情都影響左好耐，最近有d 緩和， 我放假就出黎食大半年無食的beans 早餐啦， 差不多中午12點， 店裡面已經8-9成滿， 還好仲有位入， 現在用餐時間有限制為90分鐘。一坐底就喊指定的蕉糖香蕉窩芙早餐及捙打芝士薯條。大約等15分鐘就有熱辣辣的薯條上枱， 然後到早餐， 到我食完後，有位女職員主動問我需唔需要1杯水， 服務都幾好😍我飲品喊左 Hot Latte, 這個都係指定動作，因為每之我都好期待咖啡師會拉咩圖案， 不過今次有d失準了🤫…Read More

老公牛一， 帶佢黎試下這間新開的西餐酒吧😁😁老公每食一道食物就讚一次，第1道菜先食凍盆Seafood Platter, 生蠔真係好正D 海鮮都鮮甜，侍應另外會跟3隻汁醬分別係cocktail sauce, 紅酒醋及泰式辣醬，我鍾意點cocktail sauce。第2道菜係焗蠔，真夠野味， 勁讚炸馬頭魚👍👍👍👍 連鱗都炸埋黎食😍😍😍甜品有雪糕蘋果批， 對我黎講緊係好好味啦🤭🤭面對咁多美食真係忍唔到口啊環境舒適，坐得好舒服。…Read More