tamago_ee's Profile

呢個場有得食之餘仲有得玩打GOLF前醫飽肚先~我地叫左SET DINNER首先黎既前菜係煙鴨胸水蜜桃沙律鴨胸係有輕輕煎過個種, 而唔係就咁熱水烚完就算除左水蜜桃仲有少少柚子粒, 令沙律更加清新, 份量都唔少主菜揀左蜜糖芥末燒豬鞍配蘋果蓉估唔到呢度既主菜都可以咁高質!!豬鞍肉質好鬆軟, 但又有豐富肉味, 仲好JUICY!估計豬鞍係用慢煮方法煮熟然後再煎配埋蘋果蓉同蜜糖芥末醬, 令成個味道更加昇華到另一個層次個人認為個豬鞍可以燒得再耐啲, 咁就更加甘香甜品我就揀左朱古力心太軟呢道甜品一向係我最愛呢度既心太軟都做得唔錯, 蛋糕外層焗得脆口, 內裡既朱古力溶岩非常澎湃朱古力愛好者絕對唔可以錯過…Read More

家姐嘅公主已經留在家中好長時間，都要搵個活動出下街，紙飛機雖然地點比較隔涉，不過去遠少少又少D人，加上店舖外有大片空曠地方，唔怕無新鮮空氣啦。以兒童遊樂室你講，食物質素真係唔錯，點咗1set前菜，有素鵝、木耳、番茄、五香牛肉4款。其中番茄酸酸甜甜好清新，牛肉都好好食。香口食物係我歡喜嘅其中一款食物，所以點咗雞軟骨拼椒鹽豆腐，豆腐炸到外皮香脆而入面都仲係好軟滑，個人覺得比雞軟骨更加出色。主食點咗台式滷肉飯，滷肉唔太肥，配埋飯食好味。…Read More

鐵板燒食嘅係師傅嘅功夫，而每個鐵板燒師傅都有自己一套功夫，有D係著重處理食材，刀功，炒蛋時會畫花，炒飯時會堆到卡通/動物咁。有D就著重氣氛，會同鐵板燒枱前食客互動下。咁今次嘅service都幾好，有水準。薄燒牛肉套餐有好多野食，有沙律、刺身、銀雪魚、蟹爪、牛肉、漢堡扒、炒飯、炒菇菌、湯及甜品。不過今次重點係18層海膽杯，上枱時真係視覺嘅享受，顯示到師傅嘅功架。全部係刺身層層疊，加上北海道海膽，配料極度豐富、而帶有多重味道。海膽、帶子、鮑魚、魚子、吞拿魚蓉、三文魚子、蟹肉、全部都係矜貴食材，真係值得一試。…Read More

有幾個搬左出去，約食飯最方便都係中間約尖沙咀上網搵到呢間好似都唔錯，一於黎試下 好似酒樓咁有魚缸證明啲野都幾新鮮, 真係即劏即上明明係黎打邊爐但唔知點解會叫咗蒸魚有個朋友話好耐冇食係都要叫 = = 不過都幾滑好難得食到甘滑既蒸魚都算係錯有錯著食完條魚就返正題打邊爐即刻叫返啲牛先啲牛好新鮮冇雪味其他配料都有叫不過食咗大半都冇影相墨魚滑好彈牙貢丸都好食D菇類同菜就正正常常啦食完好飽甜品都無食就返屋企啦唔知下次要齊人食飯要約到幾時呢~…Read More

今日同同事出外工作，手頭上嘅工作完畢之後見有啲肚餓就索性係土瓜灣搵食啦由於今日個胃口想食點心，我哋行下行下就去到源發酒家嘅門口見佢價錢唔算貴之餘仲幾抵，一於入去試下啦我哋叫左咕嚕肉、蟹子燒賣皇、流沙包 (奶黃餡)、金雞咸水角，另外再叫咗個白飯送咕嚕肉✨咕嚕肉 - 中式小菜入面咕嚕肉一直係我嘅最愛之一，最鐘意佢酸酸甜甜嘅味道，豬肉肥瘦比例剛好。如果太瘦會無口感，太肥又會太油膩。呢度嘅咕嚕肉真係唔錯✨蟹子燒賣皇 - 燒賣表面鋪上滿滿蟹子，內餡混有蝦肉、豬肉同少量冬菇粒。蝦肉爽口，豬肉帶有肉鮮味，燒賣蒸得夠乾身，完全配合到我個人口味喜好✨豬仔流沙包 - 流沙包造型好得意，係一隻隻豬仔樣。流沙包係奶黃餡，真係做到流沙質感之餘仲好香甜好好食，奶黃餡仲有少少蛋黃粒，加添口感同蛋香味✨金雞咸水角 - 金雞咸水角同流沙包一樣係有可愛造型，酒樓用一個藤籃仔放5隻雞仔上去，感覺好似一個鳥巢咁。呢個咸水角唔單止得外型，內在都幾唔錯。咸水角炸得金黃鬆脆，內餡有少少豬肉粒、沙葛、蔥粒，真正做到外脆內軟及香口，仲要係熱辣辣，新鮮咸水角真係無可能會輸…Read More