imstahkfoodie's Profile

係將軍澳寶琳食會覺得好好食 係筲箕灣呢間食質素唔穩定 一係好淡 一係死辣 酸菜魚同麻婆豆腐都係 麻婆豆腐真係唔會再係到嗌 啲肉粒少得可憐 啲蒜又勁大粒 個汁得麻 無味道 明明好好餸飯嘅一碟餸 都可以煮到咁 希望真係會好好改善下…Read More

貝汁鹽味拉麵🍜shio hamaguri soup ramen $128(拉麵唔包溏心蛋 要另+$15先有🥚)呢間係米芝蓮一星拉麵店 拉麵湯底有蜆 豬骨同魚清湯 個湯唔似平啲啲拉麵湯咁呈奶白色 呢碗湯底比較稀身無咁漏 加上牛肝菌同白松露油🍄同煙肉碎 湯好香帶小小鮮甜同微鹹 我飲哂成碗湯👍🏻叉燒有兩塊 一塊低溫叉燒 一塊三層肉 夠淋唔韌 不過略嫌有啲薄同細塊 拉麵幼身較淋身貝汁醬油拉麵🍜shoyu hamgaguri soup ramen $128呢個碗拉麵同鹽味湯底叉燒一樣 不過白松露油變左黑松露🍄同加左醬油 呢款拉麵比較濃味 菌既香味都強烈啲 不過我就略嫌咸左少少🤏 京蔥味豆腐 Fried soft tofu with miso pasta $65豆腐熱辣辣外脆內軟 但個醬就超咸 個人覺得個醬好唔襯個豆腐🥲…Read More

海膽醬手打意粉🍝$238有兩片海膽同海膽醬煮既意粉 但海膽味唔濃 成個意粉好淡🙁佢既手打意粉唔係我鍾意食個種煙韌口感 個醬同意粉既味道係分開哂 所以好淡好失望👎🏻👎🏻法式馬賽魚海鮮湯(一人份)$388🥣🥖海鮮湯有魚柳 青口 蜆 蝦🦐魷魚🦑等等 配埋兩塊藏紅花蒜蓉蛋黃醬法包 個海鮮湯好稀 味道無我想像中咁濃🙁👎🏻兩塊法包不過不失 都脆既食物唔係難食 但絕對稱唔上好食 再加上價錢算偏貴 所以咁既質素好失望👎🏻已經嗌左餐廳最出名既兩道菜 另外用餐時係坐既門口位置 可能因為隔離係bar整野飲 所以有好多蚊🪰🦟岩岩入座個陣枱面有隻蚊職員已經幫我拍死左隻🦟食到一半我隻腳已經俾蚊咬左幾啖 餐廳衛生要改善下🙏🏻同個日餐廳係滿座 但門口未有人排隊 飲完海鮮湯 啲海鮮都未食哂 侍應已經即刻過黎收走個湯🙁但我地坐低食左45分鐘都無😢總結黎講 食物質素 餐廳衛生 同服務唔值咁既價錢…Read More

叫左幾樣野食外賣返屋企食 返到屋企打開食 發現個咖哩飯無咖喱 打電話去講話只可以我拎盒飯返去加咖哩汁俾我 但我本身住港島個邊 唔會特登拎返去喇 無話下次補返個飯 或者折扣優惠 一句唔好意思都冇 服務態度好差 同樓下茶記無分別…Read More

龍蝦鮮魚海鮮鍋🦑🦀🦐🐟(+$60)佢個湯係蕃茄湯 有好濃海鮮味 唔會過咸 海鮮有龍蝦 鮑魚 貴妃蚌 象拔蚌 帶子 翡翠螺 蜆 同墨魚 全部大大隻 唔係俾平貨色應酬你 見意大家一滾就要較細火夾起海鮮食 唔好淥咁耐 如果唔係會韌 .推介大家食 牛白胸膀油🐂！職員提我地淥八秒就得 好香油脂味同爽口 好好味👅.手切肥牛厚切大塊 新鮮 唔好淥咁耐 如果唔係會韌🐂另外佢既漿爆瀨尿牛丸都值得推介 食個陣要小心啲 真係爆哂汁 入面仲有豬肉餡💦粟米丸流心既🌽.呢到既滑好特別 有辣椒牛筋滑 臘腸鯪魚滑同鹹蛋黃蝦滑 應該係自家制既@鍾意食滑既朋友可以試下.鴨血可以一早淥定先 好食啲 呢到既鴨血唔易散👍🏻寛冬粉幾特別 好小食到 有啲似薯粉 呢個要淥耐啲.最後欣賞職員態度好好 會俾意見你較咩火 淥幾耐先好味 又會幫手’不‘走啲湯浮面既油👍🏻…Read More

Improvisation 席前甜品 呢款甜品應該係最多人點既一款 有甜品師傅一路整甜品一路同你講解 首先黎到有杯welcome drinks 係士多啤梨汁 酸酸甜甜 幾開胃😋跟住有黑 白 灰三色軟墊俾你揀用咩色做底 我就揀左黑色 師傅會整前問你有無咩唔食得有食物敏感 好細心👍🏻跟住師傅就開始畫呢幅藝術甜品🎨成個過程好有互動 個師傅好有愛心 我帶左小朋友去 個師傅有不斷氹小朋友開心 服務真係滿分💯甜品方面 醬汁有椰子🥥芒果 車厘子🍒芋頭脆米有菠蘿🍍紅桑莓 焦糖脆脆果凍有柑桔🍊朱古力奶凍🍫抹茶mochi🍵哈密瓜奶凍🍈梨味奶凍🍐Cream有咖啡味☕️雪糕佢即時整左木炭朱古力味🍫同菠蘿椰子味 🍍🥥最後加上龍鬚糖就完成✅一個甜品食到咁多唔同既味道 又睇到製作過程 完成品仲要靚到好似藝術品咁👍🏻最後有杯飲品我揀左蜜糖鮮奶🍯🥛奶泡好滑 唔會太甜 唔錯👍🏻…Read More