cecisi's Profile

自從喺九龍區工作, 好耐無到港島區食飯啦今日約咗個灣仔返工的朋友. 所以揀咗附近一間open rice評語都幾好的bar由於今日星期五～Happy Friday~好多人第二日唔洗返工，成條街的bar都好多客人，亦都有好多人行出條行人路飲野食野, 氣氛都幾好. 但就無LKF/諾士佛臺咁擠湧。Burger Joys鋪面比較細, 我地同隔離枱距離都幾近, 不過就唔會好聽到隔離枱啲人講乜野嘅。我地兩個人就各自點咗個signature double cheese burger. 再點左碟buffalo wings, 一杯cookies & cream milk shake同一杯virgin sex on the beach。個burger一上枱就聞到好香。兩塊漢堡都好juicy, 加埋兩塊溶溶地嘅芝士，口感一流，超邪惡但又好香好正。用黎盛托burger嘅紙盒仔嘅設計都幾貼心，無咁易整污糟隻手。食得好似無咁狼狽。又甜又辣的Buffalo wings係我至愛。一個人食六隻都得。我覺得佢呢個buffalo wings優勝嘅地方係佢夠多汁。放咗上枱依然見到雞翼表面好多汁，所以食嘅時候會連埋好多汁一齊食到，味道會好強烈。Milk shake同酒喺度就無burger咁突出。係standard嘅水準。我覺得happy Friday想同friend飲杯野，但同時又食到正野，呢到係唔錯嘅選擇。…Read More

我好鍾意­­呢間餐廳, 由裝修到食物, 我都覺得好好食野當然係要食物加環境啦個環境佈置得好靚好精緻, 睇得出係有用心, 覺得食都食得開心享受啲 我哋點咗個二人餐, 揀咗湯, 野菌意粉, 煙三文魚意粉,士多啤梨多士盒, 士多啤梨奶昔同朱古力奶昔粟米忌廉湯夠濃, 好飲! (我特別鍾意濃湯~) 野菌意粉個汁好好食呀, 係牛肝菌汁黎. Yummy yummy~~又夠多汁喎. 我覺得意粉就係要多汁! 咁個意粉先夠juicy嫁嗎 煙三文魚意粉都好食. 有煙三文魚同熟三文魚嫁~個汁都唔錯 奶昔好靚呀, 士多啤梨奶昔同朱古力奶昔都好奶味 (我係鍾意重奶味嘅奶昔嫁), 咁士多啤梨奶/朱古力味都重~ “士多啤梨多士盒”好多士多啤梨呀, 士多啤梨又夠甜. 個雪糕面仲有啲脆脆哋, 係乜黎? 我諗係糖粒? 幾好咬口喎. 係心型嫁, 但我咬碎咗. 唔影出黎啦哈哈 老闆好好咁俾咗個羊架同金莎骨我哋試, 佢話係包埸時先會有的食物. 羊架唔騷喎, 我平時唔食羊嫁. 但我真係覺得呢個好食.金莎骨都好香口呀. 幾高質素啵.呢個煙肉卷都好好食 個蛋仲係juicy嫁！！！ …Read More

咁岩又過去九龍城食野，當然要再次幫襯諾亞半熟蛋糕專門店啦！上次試左士多啤梨芝士溶心蛋糕，今次我就買左香芋輕芝士蛋糕，呢款應該係新野黎，因為我見menu都仲未有寫呢一款。鋪頭店員依然係好貼心咁幫我準備左乾冰、膠叉同紙碟，但要留意乾冰最多只可以維持2個幾鐘。有得雪既話，最好都係雪住佢先。講返個香芋輕芝士蛋糕~我同我媽媽一樣咁鍾意食佢！因為佢芋泥味道好香，咬落去會食到少少香芋碎粒，感覺好fresh！再加輕芝士，成個cake都配合得好好~唔會好甜又唔會好heavy~係價錢方面，我買HK$128，蛋糕有6吋大，可以5-6人食都得。Btw，我又買左蜂蜜薏仁水，今次係燈膽形玻璃樽，好有趣haha~飲品同上次一樣，甜度適中，讚！…Read More

木言斤集雜貨店和CAFÉ於一身。從外面看，是裝修挺漂亮的雜貨店。CAFÉ要行上2樓。 看見Menu上一列介紹Ice dog 這個甜品。老實說，初初有點抗拒。Ice dog? 咁似Hot dog個名嘅？唔會係麵包加雪糕呀嗎？咸加甜？ 最後點咗個雜莓Ice dog同雜莓奶昔。上菜了，原來Ice dog係用好似泡芙咁嘅外層，𥚃面放上雪糕，水果同吉士。雜莓雪糕唔會藥水，係真係苺味同有苺肉。成個Ice dog味道唔錯喎。兩個人食剛剛好。 至於雜莓奶昔，都好苺味，奶味會重過苺味。亦食到少少苺肉。 整體黎講，我覺得用料好足同新鮮，雜莓喎，唔平嫁。至於環境呢，有projector不停播k-pop。我地坐咗喺個喇叭隔離。有少少大聲得滯。如果播柔和啲嘅歌會好啲，咁樣會enjoy啲…Read More

喺觀塘食完午餐 就順道去下附近的工廈食甜品鋪面係唔多大 通常都係比客預訂拎走 呢到可以customised甜品裝飾同口味 真係好適合party用 黎緊Christmas party可以訂～～～ 我地叫咗四個cupcake同一個期間限定嘅甜品Cupcake$15一個，叫咗花生 綠茶紅豆 香蕉 朱古力. 全部都好正. 每個裡面都有filling 唔係就咁蛋糕.我至愛綠茶紅豆 裡面係特別處理過嘅紅豆 唔太甜 剛剛好 呢個期間限定嘅甜品真係好食$43墊底個蛋糕係香蕉蛋糕Nuts係處理過 個味同口感都非常好雪芭係石榴味 真係好似石榴 個味好fresh 仲特登整到無咁快溶 等大家可以影一輪相先 …Read More

同大佬一樣平日放假 所以我地就趁下午出去搵食睇啲人話呢到lunch食扒抵食 所以我地就黎左食lunch lunch set 有餐湯餐包，加$10可以跟special coffee, 加多$10有小食我地都點左羅宋湯 蒜蓉包係方包烘成嘅 咖啡有靚靚嘅拉花 個紐西蘭肉眼set $128 我叫左7成熟 好似都熟左啲 之前聽外國返黎既朋友話 其實喺香港想食7成就要叫5成個肉質都唔錯 薯菜好特別咁有茄子 個汁既味都唔錯 呢個價呢個水準係好ok 大佬叫咗個醬燒bbq豬肋骨set $88. 豬肋骨有部分偏肥. 中間個part就肥瘦適中. Sauce個味都唔錯. 個魔膳小食幾抵食. $10有唔同嘅海鮮喺裡面. 不過就係凍嘅. 即係好似酒店自助餐嘅海鮮咁 都係凍食嘅 …Read More

朋友12月生日，今次黎到呢間夢工房西日料理慶祝。地理位置佳餐廳位置好近葵芳港鐵站，A出口轉左望見爵好中心，上一樓就到！食物種類多餐廳環境寛敞，仲特設一個地方，放咗各式各樣嘅甜品、冷熱飲等等。一坐入去，我同朋友即刻準備叫野食，我地發現呢度有好多款唔同嘅食物，就連酒類飲品都有，而且唔駛加錢！重點係，仲有時令生蠔同松葉蟹腳！食物質素好食物質素一定要講！刺生: 選擇多得黎又新鮮！生蠔: 雖然未到好頂級，但一定唔會差過現時香港既放題餐廳！松葉蟹腳:鮮味十足！除左以上之外，我地仲食左好多好野！另外，特別值得一提既食物仲有蓮藕天婦羅同埋蟹粥，前者係因為比較少食到，後者係因為味道唔錯！性價比高 物超所值成餐飯每人都係只需要二百幾十蚊港紙，生日仲有88折，街坊價！…Read More

通常行開旺角都會忍唔住買小食或者飲品 早前興台式飲品 而家興奶昔Candy Shake 開左之後我都未去過 但我聽過好多人講今次叫左個Mars奶昔$24同芝士撻$18 幾何見到有Mars朱古力嘅食品 通常都係金莎同Oreo 因為呢兩個味道濃啲呀嗎 Mars食品咁特別我緊係要試啦Mars奶昔嘅奶味重 反而個Mars朱古力味唔太出 不過其實mars朱古力本身都唔重朱古力味 因為佢係拖肥餡～ 我原本期望係重朱古力味 所以有少少落差最近香港好似多左好多芝士撻店咁 我諗芝士撻好難會唔好食 哈哈果芝士撻真係幾香幾好味呢個撻有水準 芝士味好夠…Read More

其實九龍城有咁多間泰國餐廳，真係有排試。有幾間我食左都好多次，最近同朋友開始會試下啲未去過嘅泰國餐廳搵驚喜。 今次就食呢間～呢個咖喱軟殼蟹個賣相好靚。刮空左個南瓜，放左咖喱喺入面，咖喱入面有南瓜肉。個咖喱幾香又唔會太辣。 蝦刺身個特製醬汁好惹味，有啲青檸汁，酸酸辣辣咁。 生蝦都好新鮮。個炒飯會有少少辣。唔食辣既可能要夾走辣椒。其實我食泰國野好少食雞，今次試下點雞肉，原來雞肉同香菜一齊炒都幾香。 不過應該都係豬肉同泰式香料夾啲～最後仲送左椰汁糕做甜品～ 都幾好味呀～食辣野緊係要飲凍飲啦！叫左一個椰汁冰同一個青檸沙冰。椰汁冰就解辣啦。怕辣又要食既人一定飲椰汁。青檸沙冰好有青檸味，酸酸咁我最愛。…Read More

成日行過諾亞都留意到個門面，好想買黎食但一路都無機會。今日再去九龍城食野，決定要入去買個黎試試。 我好鍾意食士多啤梨，呢個蛋糕成個面都鋪左士多啤梨，店員又話個呢個蛋糕係新既，咁就試呢個啦！ 但我想買返去同屋企人食，店員就幫我落多啲乾冰等我可以食完晚飯先拎返去食。個紙袋幾精緻喎。原來個底有膠刀，膠叉同紙碟，包裝幾貼心。 個面係一層粒粒士多啤梨啫喱，中間係軟身既芝士蛋糕，幾重芝士味，底係一層薄薄既海綿蛋糕。我鍾意呢個蛋糕唔會太甜同芝士味濃。我地四個人都食唔晒， 食左大半個，剩低嘅就雪起留返聽日做早餐啦～ 最近我成日飲薏仁水，因為可以去濕毒 。我偏好少甜嘅飲品。尤其係健康嘅飲品。呢個蜂蜜薏仁水就唔會太甜。薏仁唔會煮到太冧。可以咬下食下。諾亞呢個玻璃瓶好似好實用。我諗住循環再用～…Read More

呢日約左個朋友喺觀塘食晚餐，最近觀塘咁多工廈食肆，咁我地就openrice下有乜韓國野食好試。見到火星料理嘅食評都唔錯，咁就去左試一試。一去到唔駛等位就有得入去。隔離桌係一班韓國人，連當地人都黎食，即係夠地道啦，咁我地係黎得啱既，沾沾左一下。同好多韓國餐廳一樣，坐低就會有幾碟前菜。味道都唔錯。個茶值得一讚，好香！所以我地都唔叫飲品啦。兩個女仔食得唔多。叫左一個辣雜菜海鮮鍋同芝士海鮮煎餅。個海鮮鍋唔會太辣，我朋友唔太食得辣都食到。鍋入面好多好多海鮮，有八爪魚、蝦、青口、蜆等等。而且材料係好新鮮！！！好鍾意個八爪魚，真係好爽口。記得有次去其他地方食既海鮮鍋，入面既八爪魚係硬既...所以今次食到呢個八爪魚咁新鮮覺得好滿足呀！！！萬眾期待既海鮮煎餅黎啦！其實一個鍋已經好飽，但我朋友今日好想好想食煎餅，所以叫左個海鮮煎餅。唔好睇個價錢有啲貴，我個人覺得係物超所值。一上菜已經聞到陣香味。煎得好香呀～～～我地忍唔住同老闆娘講話個煎餅真係好香好好味，老闆娘話佢地慢慢煎所以先咁香。果然慢工出細貨呀下！同個鍋一樣，材料又足又新鮮。而且同一般既韓國煎餅唔同，呢到既煎餅係厚身啲，要包住咁多材料確實係唔可以太薄。點埋個醬汁，簡直係perfect。為左呢個煎餅，下次我再去觀塘食韓國菜，我會再返黎火星料理食。食完仲有雪米糍食～我見個餐牌有醬油蟹/蝦，不過要預先預約...唔係間間韓國菜都有呢道菜，下次我再黎會預約嫁啦！買單$380，食到咁飽，抵食。…Read More