Ting314's Profile

原本諗住要等位，所以6點幾就去到，我地未人齊，諗住都拎定飛先，點知經理好好人話俾我地入去左住先，4個字後先計時～:)一開始感覺都良好，我地4個人，叫左個慾望燃燒，扇貝3隻同墨鬚炒飯，慾望燃燒本身包4枝啤酒，不過我地轉左要汽水⋯ 而且當日個沙冰機壞左，所以冇叫其他飲品侍應好快咁上左前菜同落蛋漿，我地由等個蛋熟，到食完個蛋，大概用左4個字左右，發現隔離枱遲過我地入坐都燒緊肉，而我地一舊肉都未有，於是問返落單果位侍應，點知佢追都冇追，就答一句：今日廚房冇咩人，所以會耐d.....:(跟住我地等得唔係好耐煩，話晒都有限時呀，就問另一個侍應，侍應一check，發現根本冇入單記錄⋯ 最好笑嘅係由幫我地落單果位侍應問返我地落左d咩⋯ 咁我地又唯有重覆一次：四人餐，扇貝3隻，同墨鬚炒飯等左一陣，終於有碟肉上黎，點知⋯ 都唔係慾望燃燒黎嘅，原來，又係幫我地落單果位侍應聽錯左，幫我地落左個$48x果份肉⋯大佬呀⋯ 等左一個鐘啦，黎到嘅都係錯⋯ 落單果位侍應到底有咩問題呢？ 又冇得燒⋯ 又要等等等⋯ 經理都忟忟地⋯ 走過黎過幫我地延遲時間先黎個飯，唔知係咪餓得滯呢，所以覺得幾好味喎之後黎個扇貝，可惜⋯ 肉未到，冇得換網，冇得燒，擺喺度睇住d冰溶⋯終於都等到碟肉啦，餓死我地啦，仲唔拿拿聲燒咩，不得不讚個五花腩，堅好食，連唔食肥肉嘅我，都覺得好好食 換埋個網，燒扇貝，牛肉同野菜，牛反而遜色左d，扇貝都唔錯最後，埋單$8xx, 我有個迷思：我見人地埋單後都有條雪條食，點解我地冇嘅？結論：冇下次…Read More

見佢開左一段時間，齋睇門面，老實講，我真係唔係好想入去；但有朋友推介過，膽粗粗就入去買碗招牌牛腩麵（小辣）試下～順帶一提，收銀個姨姨好熱情，好有禮貌，仲好好招呼～喺等外賣嘅期間，睇到個秘製麻辣湯底係老闆特登去拜師學藝，仲要係親自下廚試第一啖湯，正呀！ 係我鍾意嘅麻辣味，又香，牛腩夠稔，麵質幾好～ 咪睇呢碗野好似好油咁，呢個先係精髓本身唔食蔥嘅我，當然會走蔥啦，但老闆會淥幾條菜俾我，呢下我覺得需要讚下～ 而且以$39呢個價錢黎講，超值啦相信我會成日買黎食呀…Read More

見到新開張，咪諗住試下囉，跟住叫左一個榴槤水晶珠同一個芒果奶昔雙皮奶外賣自取，之後返到屋企首先發現冇俾匙羹，唯有用平時外賣留返果d膠羹啦點知一打開，咁細碗收我$39，最大問題，榴槤水晶珠食食下發現一粒水晶珠都冇，打落去問佢先話今日係冇水晶珠喎，但落單果陣又唔講⋯ 講真就算幾好食，咁嘅服務態度，都嘥氣啦⋯ 更何況我地又唔覺得真係好好食囉⋯第一次食聰嫂就搞成咁，好難會再去幫襯⋯ 而且深水埗咁多間糖水舖，有好多好嘅選擇～…Read More

其實大王同李錦聯未介紹之前，我經已試過小排檔車仔麵～ 本身都多人幫襯，介紹完之後，成日都好早收舖⋯舖仔細細，但係都幾多人幫襯，所以我就比較鍾意買外賣～食開例牌：粗麵、長洲大魚蛋（彈牙）、酸齋（索晒咖哩汁食，一流～）、醬汁魷魚（香）、菜，必配大辣咖哩～聽講佢地嘅牛腩都好正，成日好早就賣晒⋯ 小排檔有自家煲涼茶，仲有個瑪卡蜜都好正架～老闆同老闆娘好人又健談～ 不過佢地逢紅日唔開⋯好似食到會上癮，耐唔耐就會走去食～…Read More

平時見到有好多人等位, 今晚人少少就試下啦,  3個人等第2張枱, 等左幾個字到啦, 我地叫左個HK$198/2人餐再加個麵~堤諾燻雞水耕菜沙律, 芝士薯條, 香脆粟米球, 義式辣肉腸pizza, 半熟蛋松露雜菌烤麵, 配珍珠奶茶 & 堤諾冰綠茶沙律配黑醋汁, 正常;  香脆粟米球, 估唔到係甜o既... 芝士薯條, okpizza唔記得影相... 味道不俗烤麵都唔錯~飲品係台式野, 同pizza唔係好夾, 味道唔錯, 只係我地純粹想飲~…Read More

今日去開觀塘工廠區shopping, 見到有間餐廳招牌幾特別，好似以前d賭坊，決定去試下，地點就有d隱蔽⋯餐廳走懷舊風格，好搞鬼～ 仲有個台喺度，唔知係咪會請人黎表演呢?我地一行7人，叫左沙律、意粉、小食+甜品～沙律： 煙三文魚麻醬沙律，正常，冇咩驚喜 & 柚子大蝦沙律，要特別一提，有椰子味，甜甜地～意粉： 黑松露白菌意粉，好香呀，味道適中；但帶子意粉就爭d，因為帶子煎到過左火⋯ 有待改善⋯小食： 高興雞中翼配特式醬，特式醬有芝士、忌廉同墨西哥醬，我地就好鍾意墨西哥醬，辣辣地，夠惹味～ 另外叫左個薯條配芝士醬，好香呀～ 甜品方面： 香蕉朱古力pancake & 麥片雪糕，聽講pancake係啱啱上市，綿綿的，好味道～飲品：焦糖瑪其朵、抹茶牛奶、 latte、蜜糖檸檬特飲&熱檸茶，頭三杯，個拉花拉得好靚，特飲就冇咩蜜糖味⋯正體都好滿意，而且感覺舒服，估唔到工廠區假日都會有咁多人幫襯…Read More

我都算係長期食客, 今日喺佢FB見到個A餐係新野喎, 當然要去試一試啦好彩呢個時候都仲未開始多人, 如果平時12點, 就開始多人... 二話不說當然揀個A餐啦~食量唔大o既我叫左少飯, 魚柳唔錯, 唔似d平價野, 魚肉結實得o黎又夠滑, 又有魚味; 天婦羅蝦表面脆粒又唔淋, 蝦肉唔霉, 個汁忌廉味重, 無白酒味, 但係拼埋d餸度又幾夾~  可以encore~…Read More

一早就知心太軟等得耐，侍應話要等15-20分鐘，過左20分鐘、叫侍應跟下啦，點知佢嘅答覆只係：心太軟係耐d架啦! 原本你敷衍話幫我跟下，我會由你，但係我得到嘅係咁嘅答案囉；再過多10分鐘，當然再催啦，催完又係要等⋯ 說好的15-20分鐘呢? 結果出到黎係一個焗過龍、唔識流心、仲有d燶味嘅心太"硬"囉⋯唔⋯ 應該都冇下次架啦⋯…Read More