Deli88888's Profile

夾座鐘意食土瓜灣嗰間，特登帶埋屋企人去西環嗰間試下，點知最後覺得原來係入左__撚記。記左其他小菜、四個白飯，都係一般。為一要彈既就係碟炒蜆、同碗糖水。碟炒蜆上到枱，仲未起筷都已經見到好多都冇開殼，食到最後，兩老費事浪費食物，用手打開左5-6隻未開殼既蜆，個碟都仲有好多隻未開，出去食炒蜆，都係第一次見到咁多隻蜆都未開殼。而且都會出晒水，唔係咁乾身。臨走叫埋單，侍應係唔會主動話送糖水，太座要主動問番第二個侍應先知話有糖水送。太座話想食番薯糖水，個侍應答覆話仲未煲好，呢個回應真係好有創意。最好送左綠豆糖水，但係真係介乎凍同暖之間既温度，費事肚屙，食左一啖冇再食。…Read More

放工已經晏，又熱，去番龍門客棧encore多次個冰鎮撈麵，包一杯熱飲，都係$50，鋪頭都推介月桂茶，下次有機會再試。番到去打開都見到份量適中，麻醬都已經撈好晒。我係男仕，食完都覺得好飽，餸同麵既比例岩岩好，餸主要有鴨胸肉、火腿絲、青瓜絲、少許芫茜、最重要係個麻醬，麻醬充足又撈得夠均勻，啖啖麵都食到有麻醬，對於我呢啲麻醬愛好者黎講，極之欣賞。而且拎到番屋企食，啲麵都仲夠凍，唔會變左暖晒，夏天食，係一流既。下次會試埋佢個咖哩牛腩飯。…Read More

放工經過呢間主打客家菜既餐廳，叫左「麻而不辣雞飯」，包一杯免費既熱飲。番到去，打開先發現原來係無骨既，對於唔鍾意吐骨但係又鍾意食骨既人黎講，呢個餐係一個福音，雞既份量比想像中、比平時食開既其他外賣仲要多，而且毫無碎骨，啲骨真係起得好干淨。麻味亦都調得岩岩好，拎黎送白飯真係惹味。鍾意食無骨雞既人士真係要試下呢個飯！至於撈冷面，味道適中，唔會過咸，配有青瓜、鴨胸肉、蟹柳絲等，夏天熱喇喇黎食，有消暑既感覺！…Read More

星期一晚放完工攰攰地，去西九揾下有咩食。跟住叫左個現燙魷魚伴飯。飯既份量正常、魷魚彈牙。白飯既份量同豉油既比例係1:1，唔係驚啲魷魚會好味得滯，到最後淨係要爬白飯。因為個老閭好捨得落豉油，成個飯啲䰙油落到好似平過水咁。跟本咸到要洗腎，食完啲魷魚之後，完全咸到食唔到落去。…Read More

之前堂食過，覺得味道正正常常，咁當然冇其他食評寫到咁驚為天人啦！今晚落大雨，途人唔多，落去買外賣自取，見到堂食位置都未坐滿。收銀嗰位金色短髮姨姨收完錢之後就直接話「出去等陣先，得嗰陣就拎出黎比你」。出面大雨度有遮都濕，結果等左廿分鐘都未有人出黎派外賣，結果我忍唔住入去問先見到個外賣原來一早得左，我問問番個金色短髮姨姨點解唔出黎比外賣，佢淨係講左句「唔好意思」就走開左。金色短髮姨姨呢啲咁既回應，對啲肚餓又等左好耐既食客而言，好值得我「破處」，將第一次寫既食評留比你。無論堂食/外賣都要等咁耐，處理外賣手法令客人不快，味道又唔算係驚為天人既話，真係唔會再幫襯呢間餐廳！p.s.可能有人睇完呢篇野之後會覺得「係你自己蠢啫，等左10分鐘就已經要入去追啦」，但係我對上一次堂食都等過15分鐘。…Read More