giy's Profile

大埔有間人氣泰國海南雞飯店，入面除了海南雞飯外，花雕酒醉蝦都係我每一次必食的，老公知道我喜歡食醉醺醺的食物，所以他推介我食這小店的人氣“藥膳醉雞米線”啦😋！今次係我們2夫妻第二次食，二次都係老公買回家同我一齊食，店員會主動把熱湯及米線分碗裝及主動介紹食物👍👍👍!今日我們2夫妻都係食藥膳醉雞米線，因為雞件好多，每次都係有乒乓球咁大件，有8件，所以我們各另配一個配菜就夠，老公配肥牛，我就配牛腩，估唔到今次我地今次的雞件有翼尖、雞翼及雞脾肉，而牛腩係q彈肥瘦平衡的坑腩啊😍！雞件本身已浸到雞骨都入晒味，雞件及牛坑腩浸係熱的醉雞湯入面超正呀！仲有必食係炸骨魚皮，炸到薯片咁脆（唔會係其他店食炸魚皮了）👍😋，連指天椒豉油及蒜油辣椒都係店主自製，勁惹味!我們今日第一次試埋滷水拼盤，有豬肚、豬腸、粉腸及豬耳，入晒濃香滷水味，必食架😍😍😍!…Read More

今日我和老公逛完商場買新電視後，他話同我去食日本嘢（深黃店），其實今次係我們第二次去食，之前老公班朋友試過老闆的牛舌泡飯、天婦羅大蝦及秘製麻辣雞煲做宵夜，他們都讚不絕口，其中有個朋友話晚上不食飯及減緊肥都全大碗食晒😍，所以我們昨天已訂位，今日準備去試下!老闆先俾二碗海帶面豉湯俾我們飲，攞左汽水俾我們，再俾個日式沙津幫我們開胃下😋!主菜就有下面幾樣：🍍1，日式牛舌泡飯~嘩😳!個湯十分美味，像七味粉等唔知咩味，酸甜辣咸都有，有勁重牛骨味，牛舌十分淋滑，蘿蔔入口即溶勁甜，原來老闆話蘿蔔只要入面個蘿蔔芯!整體十分美味，我和老公都全部食晒及連湯飲晒!😋😋😋🍍2，炸大蝦天婦羅，個脆漿勁鬆化脆口，不漿口，蝦彈牙鮮甜，好香脆漿味，同別家不同!（本人最愛食，記得點這個雞煲醬同食，有驚喜!❤）🍍3，秘製川味麻辣雞煲，個汁勁惹味，老公d朋友話個汁已食到一碗白飯，雞鮮甜嫩滑，新鮮夠味，d乾蔥要食啊👍！🍍4，日式蟹糕炒飯，飯底乾身香口，蟹膏咸香，炒飯冇咩鹽，蟹膏已足夠帶出咸香味，同菇菌特別夾味😋😋😋!………………………………上一次我和老公第一次去試的菜色如下😋（有些係餐牌上有架）!🍍1，芝士牛油果脆多士，唔食牛油果的老公都話好食👍❤!🍍2，日式壽喜燒火鍋，個湯底配d冬粉好正，牛肉嫩滑😊😋!🍍3，吉列牛肉薯餅，係老闆自家製，味道不錯，老闆廚師整炸嘢係一流架👍!🍍4，七味雞翼，辣辣地好香口，好鬆化😋!🍍5，酥炸雞軟骨，炸得好透，入面唔硬，配椒鹽一流❤👍!🍍6，2人日式沙津（豐盛版），個醋汁酸酸甜甜勁開胃，蕃茄仔清甜❤!💐我們去食左二次，冇一樣係唔好食，讚好食的客就唔少!（營業時間留意他們 fb page😊）…Read More

今日天氣清涼，老公帶我去西環這米線店食，他知我喜歡食酸菜😊，他話平時返工午餐時食過幾次這個豬扒酸菜米線都好好味😉!我們今日叫左2碗招牌酸菜豬扒米線，配酸菜海哲，他就配一口炸雲吞!每碗有3大塊肥瘦適中的酥炸豬扒，好淋夠味，湯底清甜帶點酸，整體好像泰國風味!我會叫老公再同我去食，好好味!😘😘👍之後我們又去左附近買古早味芝士蛋糕、買左些海味又去買左新年食品，例如角仔及雞仔餅等等，這樣就完成左西環一日遊了!😊😊😊…Read More

這店的車仔麵係我初識老公時，他帶我去食架!他話這店開左好多店，應該有十幾年吧😊!他個時上班時食22元早餐至車仔飯，拍拖至結婚後都去食，他話好食到要帶我去試下，堂食我地2人食過幾次，突然老公話想今晚放工買回家一齊食，他話依家多左好多小食😁!今晚他買左3送車仔麵，我叫的係牛筋腩+酸齋+豬紅+幼麵（2舊大淋滑彈牛筋，2舊好淋夠味牛腩，牛腩花椒八角味濃，牛筋入晒味😋😋。酸齋好正，豬紅夠味），老公要腐皮蝦卷+牛筋腩+滷水腸大腸+油麵（蝦卷好食，大腸滷得夠味又有油脂香）。每樣送不會少👍。仲有，新嘢的黑醋排骨，係蒜香味濃，夠味，不會太乾身，好食😍!記得配他們的牛腩汁，甜甜地好好味架!整體價錢係好便宜，我們每一次想食車仔麵就會諗到這店!原來外賣回來都好好食!要4個送的麵，有冷熱飲品送架!😉…Read More

今早突然降温至13度，老公豬剛巧放假，正當我們想想吃什麼早餐時，他提議帶我去食上海傳統早餐了，原來這傳統上海店好早已營業，我當然有興趣去食啦！😘😘😘這店舖位於市區，面積雖然不大，但一排坐位坐到5-6人，仲有一個開放式廚房可以看到師傅拉花卷、蒸小籠包及整擔擔麵等。今早我叫了秘製擔擔麵，老公食抄手擔擔麵，2杯凍豆漿，一客小籠包及10元5粒店製的香菇豬肉燒賣，因小籠包需時記得要先落單!不久，先上左2碗麵，秘製擔擔麵有軟棉肉碎，像台灣肉燥般，有大粒花生、花生碎及少少花生醬，菜甫及少少蔥花，湯庭係醋酸帶點花生醬的香，好好味!抄手好juicy。小籠包係即叫即蒸架，味道不錯😋😋😋，豆漿好大杯，甜度剛好😄!我們食完後買了2個熱辣辣菜肉包及一個熱辣辣花卷拿走，全部共130元左右!😊…Read More

今晚為了慶祝我同老公豬相識3週年兼結婚一週年💑，我地外出食飯慶祝，老公豬提議食羊肉，他話找到一間想試下，所以我們第一次黎到食羊肉小鍋米線暖下身，我們食的都係（細碗），大碗係2人份量，記得不要叫錯，我們都同係羊肉清湯，個湯好清甜的羊肉湯，店舖內有樽甜辣菜甫少少辣，放落湯好好食，羊肉較嫩不酥及份量不少，米線彈牙係3哥個種，配埋碗中的豬油炸，十分惹味😋😋😋!我們叫埋醋辣豬耳及辣雞翼，我和老公豬都激讚碗米線整體出色，老公十分喜歡個豬耳，話口有咬口，個汁出色，他搞笑到同店舖員工講話豬耳好食🤣🤣，他又諗埋下一次食口水雞及炒土豆絲🤣，我們叫左2罐凍汽水，全部共170元!講真，我們飲了些湯，好濃，食完我們都感覺全身好暖，我們出到門口都要除長褸👍!…Read More

最近我們樓下有間新開三哥譚仔米線，之前派了單張俾老公寫住15:00後買二送一，所以我就叫老公放工買外賣回家食，外賣盒原來係分層隔開送湯及米線👍👍，今次我食糊辣5小辣+腩肉+魚腐+炸醬，老公就食糊辣3小辣+腩肉+豆卜+腐皮，糊辣湯底好特別係孜然粉炒香的，像羊肉串個種特別調味，炸醬好惹味，食到尾倒緊d湯，拿米線撈炸醬係好好食😍!魚腐像浸左湯的炸豆腐，好好食冇腥味!最後，個大的土匪雞翼有5隻係好香孜然粉味，幾好食!❤（下一次我會食10小辣，老公話下一次食2小辣🤔）平均100元又不貴播!😄😄😄…Read More

今日我和老公去食布拉腸粉，這檔的腸粉係即叫即拉，會看到腸粉師傅全程製作😋😋，有牛肉腸粉、叉燒腸粉、瘦肉腸粉、雞蛋腸粉等等，每碟腸粉有蔥、芽菜及芝麻，餡料勁多，牛肉係切碎，腸粉薄又滑，整體勁大碟，熱辣辣十分好食!❤單拼22元，雙拼24元，腸粉餐包一杯飲品，老公食叉燒腸粉32元（加左奶醬多士，飲凍啡）😍，我就食牛肉拼叉燒腸粉34元😍（加左奶油多士，飲熱華田），（ 11:00就冇腸粉供應，想食就要11:00前去到）…Read More

今早老公買了上海早餐俾我食，有熱甜豆漿（好杰好濃黃豆味）、大大個足料粢飯（有脆油條、甜肉鬆及炸菜，餡料冇其他地方整的咁少啊👍）😋😋😋，最驚喜老公買埋4隻大大隻鍋貼回來，我們每人食2隻，個煎餃個皮勁脆，好多肉餡好juicy爆汁架，2.5元/隻，聽他講每日每人堂食or外賣只限購4隻乍，早賣完就冇啦，怪不得他今日話本來之前想買俾我食都買不到，他話下一次帶埋我去一齊食煎餃😊!隻鍋貼我食過一次後，完全返不到轉頭，不會食其他餐廳的鍋貼了，整體味道及個皮勁像生煎包咁好食，可惜每人一日只可買4隻，老闆娘好堅持架!……😢全部都熱辣辣架，栥飯係落單後即包架，冬天食這些上海早餐一流，好窩心架!❤…Read More

我和老公豬係上年尾搬左去新婚屋後，我們都冇黎食幾個月了，今晚我同老公豬突登一齊黎哥登堡找下寶登哥吹下水及慶祝下兒童節😂😂!黎到當然食黑椒牛柳餐（我）及食黑椒羊扒餐（老公），平時冇咩人可要求登哥仔話想要齊蒜茸汁+黑椒汁的，他好友善😊😊!我們坐低就幫我們落單，全部係1人套餐，包左餐包餐湯、扒、甜品+餐飲!我等左5-6分鐘就上左熱辣辣的餐包（配牛油）+足料羅宋餐湯，好多雜菜架，辣到惹味😋，之後都係等左5分鐘左右就快速上左牛柳，羊扒就等多幾分鐘架（煎得香嘛），食完就快速上埋甜品（青檸jelly配花奶）+餐飲（我們都飲椰汁大粒紅豆冰係必飲）😋😋😋!我的黑椒牛柳剛好係5成熟（這個熟成度最好食，個老闆推介的，曾經有記者訪問過他），有煎過2邊，入口即溶，好淋，老人家都食到，有牛味，不像莎*美咁落鬆肉粉個種嗱到梅的肉，薯條脆的，配菜夠熱!老公豬食的羊扒更2邊煎到好香口，又淋又好味，仲有少少羊肉淋滑的筋位，好正!😍估不到我們每一次去，它都可保持水準👍👍!怪不得今晚我們19:00去到就要排隊了，當時餐廳入面已爆場，排我們後面的都有不少人，不過d員工超快手，我們排左10分鐘左右好快就入到去食了，之後不停有5-6人咁放入去（個個大叔都好快手但冇黑面），個老闆黎落單都好幽默😁，到我們20:00走時，門口都有10幾人排緊隊😯😮!講真這個價錢這個質素，除了這扒房都冇第二間做到!這扒房其實開左好多年，日日爆場，特別係星期六日及紅假前，不過我每一次黎到都不見有大型行李箱，慶幸冇見過拿行李箱的內地遊客，但我就見過周聰（tvb明星）同他d家人黎食，有時又周不時見到其他明星，外國人都有，哈哈~估不到我們食左幾年，它都keep到水準，全部嘢都熱辣辣，一直冇加到價又不收加一，2人共食左260元乍（晚市扒餐套餐）😁😁，今餐我付款都感覺超值!😍下一次我們又有咩慶祝都會黎這裡食!😋😋😋（下午茶的焗豬排飯及焗肉醬意粉都好好食，我2樣都食過了，好有兒時的味道!😋）…Read More

昨晚老公放工話經過一間瀨粉專門店話好吸引，他話平時通常見到米線餐廳，原本我們想食m記外賣，結果我們第一次試左這餐廳，老公習慣叫了粉麵都會配撘小食的，他又知我囗味，我和他食嘢口味好接近😋😋!他食傳統風味湯底+牛腩及豬頸肉，我就試酸辣湯底+香茅豬扒+豬大腸，他仲去七仔買埋2枝凍飲品回來（他買soda俾我飲👍），他拿到返黎湯底及粉麵係主動分開上有點驚喜，餵食的老公買了紅豆糕、椰汁糕及煎餃子回來一齊食❤，他高興話要我一定要試下他個湯底及配料🤣，我又俾左我d配料及湯底他試，瀨粉較米線更爽滑及易吸湯，有點像通心米線咁（現在好少地方食到），原來一個配菜已經好多了👍👍，牛腩特別淋冇渣及超夠味，豬頸肉及香茅豬排好好食，豬大腸好淋又乾淨（5大舊），他仲話餃子爆汁，又話椰汁年糕好食，我之後試下，餃子真是爆汁及椰汁年糕我們都話好香好食，我們下一次會再幫襯，聽老公講除了牛腩好掂，他話南乳豬手、豬軟骨及貴妃雞都好多人食，下一次試下先😊😊😊!**最驚喜係老公昨晚話訂左2月14日的情人節大餐同我去食啊！❤，I love you，老公豬😘😘😘…Read More

最近我經過土瓜灣欣榮花園，無意發現對面開左一間台灣飲品新店，見到好多人係門口排隊，原來係茶的飲品及芋圓飲品，珍珠奶茶就周圍都有，芋圓就係食甜品時才食過，於是我決定買杯木瓜鮮乳地瓜小芋圓試下，木瓜鮮奶平時我係好喜歡飲的😍😍😍!5分鐘後，我杯凍飲到手了，杯凍飲分三層，表層係木瓜汁，中層係鮮奶，低層有蕃薯丸子及芋頭丸子。我把3層mix後，木瓜奶好濃，不太甜，我要的味道😋😋😋又夠凍，我再試下小丸子，有蕃薯及香芋的味道，不淡播!😀😀😀😀😀飲左一次就上引了，我今晚會去買多一次飲!嘻嘻~😂😂…Read More

欣榮花園新裝修後，我們未有時間去逛逛，昨天早上我地見到個商場1樓變化好大，原本得一間大酒樓就變左有3間食店，酒樓面積縮了不少，其中kfc及大快活要10月尾才開張，我們就第一次去試下新開的“湯加”，我們一入店已見好多人食緊，冷氣不夠，環境十分嘈吵。我們找到卡位就叫左個早餐3雞扒餐及早餐4炸魚柳餐（餐桌係枱下櫃筒，冇紙巾）。等了好久才有早餐送黎，先黎係2碗跟餐麥片，我們都感覺味道好淡。跟餐凍飲+3元（餐牌上寫左的8款熱飲不用加錢），凍齋啡味道淡，熱金桔蜜超甜（我飲2啖已放下）😓，之後就有2碟早餐送黎，我個跟餐有班戟超硬又冇牛油🙄（ m記班戟鬆軟好食的），他跟餐的係軟淋淋的多士（我們平時食開其他餐廳供應的係脆多士），差過太興的跟餐多士……幸好蛋、魚柳係正常，雞扒超細件（個底係燶既）😖，整體黎講34元一個咁質素份量的早餐，同區有好多選擇，我地平時食開幾間不錯的早餐店的地點仲好近我們tim!至於服務方面，我們剛食完早餐及剛放下餐具，但未飲晒杯嘢（店員好急趕咁收走我們面前2份早餐，好像感覺想趕人走，我們食完咪走又不是坐下拖延，係普通食早餐的時間），門口又冇人排隊，心諗使唔使咁呢？所以這一間餐廳幫襯過一次就夠!我們會列入黑名單!…Read More

今日老公豬收早，他話想帶我去食日本丼飯😃，原來他帶左我去平時晚上我們喜歡食的日本餐廳，個度有魚生丼飯餐食的，我們進店時估不到見到個韓國老闆，我們一坐下店員老闆便同我們打招呼，好nice🤗!老公豬叫海膽三文魚丼餐70幾元，加左個小食係南瓜天婦羅及我叫雜錦魚生特盛丼118元，加左個燒八爪魚丸，每個丼飯都附送腐皮面豉湯（不太咸）+柚子醋沙津（fresh）。我們另加中汽水（每個丼飯加錢就有一個小食）。沙津及湯都好好味😋😋!這店的魚生勁新鮮又夠凍（晚上食開），我們個小食都熱辣辣，即叫即炸!八爪魚丸勁脆（好食過外面的），天婦羅都熱辣辣，先講他的丼飯的厚切三文魚好鮮味，海膽勁鮮甜😍，配小蟹籽食。我個雜錦特盛丼飯，有6樣材料，其中係大蟹籽，賣相吸引，各樣材料都厚切新鮮又鮮甜無比，海膽冇腥，好鮮甜!個廚師知道我常幫襯，他把原先我個4塊普通靚大三文魚刺身換左4塊大的三文魚腩😍😍，老公豬笑笑口望住我話呻醋🤣🤣🤣，三文魚腩入口即溶，魚油勁香，我俾左塊老公食，他表情已知好食到不得了!我特別推介係這店的油甘魚，這店係軟熟夠凍有魚味，其他地方食的偏硬及冇咩味，這餐廳的丼飯真是食左返不到轉頭!老闆仲送我們凍凍雪糕糯米磁，仲問我們每人一粒夠不夠，每人一粒夠了!😁😁~午餐冇加一😃😃~平時我們通常晚上去食，晚上的質素好高，韓國老闆真是冇計成本，不像其他餐廳將貨就價，第一次食已知好超值😍😍，估不到我們今日第一次試他們的午餐，d丼飯都咁正（外面餐廳通常晚上的材料質素好過午餐的）!之前我係旺角及荃灣食的丼飯質素不及這店，價錢卻貴過這店，識食的食客就知道!😋😋😋下一次就算我自己去食午餐，我都會照去食這餐廳的特上魚生丼!現在成為我食丼飯指定食堂啦!😂😂😂…Read More

今日係國慶日，今晚老公帶我去食藍龍蝦刺身及秋刀魚刺身，深海藍龍蝦係頭盤（一斤）勁生猛，係老闆娘今日下午15:00去親自挑選俾我們，我們食左2個赤貝刺身（好爽囗鮮甜）、老公飲了二大杯日本生啤orion、我們叫左燒三文魚腩壽司、魚背壽司及海膽壽司，食左燒鰻魚、蘆筍黑豚肉卷、雞軟骨及燒雞翼，燒鰻魚好嫩口juicy，燒雞泡魚乾!最後送上一大窩龍蝦雜菜湯俾我們，我們立即嘩一聲，好大窩，不過龍蝦湯勁濃鮮甜，龍蝦爽口清甜又彈牙，老闆娘最後送了我們每人一粒雪米滋做甜品!😍😍😍今餐勁飽，食左1400元，算便宜了，係油尖旺食一定唔至這個價錢，更冇這個質素，大節日食好些不過份既!☺☺☺個湯底我們帶走，明天加個烏冬就好正!😉😉…Read More