Cherryyanyan's Profile

餐廳裝修一般，比較好既係卡位有維港斜景。食物質素方面，鮑魚、漬物、燒魚都唔錯，但其中一個前菜應該係南瓜茸配鰻魚好腥，其他野食正常。重點係其中一位waiter服務態度極無禮，最差係上餐時啪一聲放低個dinner set就走開左，我同朋友都o晒咀。茶餐廳都唔會係咁樣啦，但就發生左係酒店入面既餐廳。其他servers既服務係正常既，唯獨是果一位特別差。 唔會再幫襯，其實同樣價錢有好多更好既選擇，重點係唔會係咁既服務先。完。…Read More

係舊鋪岩岩開時食過幾次，果時覺得又平又好食，依家再食味道已經變得冇咁正宗！？脆椒香雞 lunch set以前必叫既菜式，又香又辣，特別是d花生會食唔停口。但依家再食已經冇左之前果隻鑊氣同香脆辣，有D失望。但lunch以47蚊有咁大碟既雞，係算平既。招牌咕嚕肉 lunch set見到招牌兩個字，之前又未試過，就叫個黎試試佢。冇出面餐廳d咕嚕肉咁多汁，冇醋酸味，只有輕微鹹甜，肉有少少脆邊，好在肉唔肥，味道還好吧。…Read More

dinner黎過幾次都係closed或者full晒，終於lunch時間同朋友經過見到有位。沙茶茄汁雞絲炒偏意粉加左好港式既沙茶醬，好奇下叫左，食落先知原來沙茶同茄汁出乎意料咁夾。意粉質地煮得剛剛好，唔會過硬或者過腍，個汁好掛面。不過雞絲份量就少左d。二世祖是日精選薄餅有別於一般pizza佢用左薯蓉鋪底，加上配料同芝士真係好好食！pizza個餅底薄而脆邊，食落去唔會油淋淋，好清爽，自己ko一個pizza都唔成問題特濃朱古力奶昔，真係特濃山渣玫瑰烏龍茶，好大杯 😆…Read More

行完花墟已經就快過lunch時間，見到呢間泰國餐廳就即上啦！原來係有semi lunch buffet 同有tea set，staff好好咁介紹完之後我地都係決定食semi lunch buffect，因為太肚餓一入座Staff提醒我地lunch buffet出面d野就快要收，叫我地出去拎左先，同埋出去拎野食時記得戴返口罩出面有d炸物，青木瓜沙律，涼拌雞腳，沙律菜，生果...... 因為我地入座時間比較遲，好多野都差唔多無晒，咁就有既都拎d啦涼拌雞腳最好食主菜叫左豬頸肉金邊粉一出黎個擺盤已經好靚，而且好香，應該係岩岩炒好。金邊粉調味岩岩好，豬頸肉份量都夠，而且爽口入味，好唔錯泰式海南雞飯😑呢個就失色好多，d飯又硬又無味，d雞都係比較鞋同無味，所有味都全靠個醬每人跟杯野飲，加埋一都係每人＄100樓下，除左個雞飯其他野都真係唔錯，如果有機會會再試試其他主菜。…Read More

Happy Friday又同朋友周圍食，去唔到台灣旅行不如食下台灣野～食台灣野梗係要食牛肉麵，叫左紅燒牛三寶湯麵，麻辣牛三寶拌麵，每個麵都仲可以另外加辣牛油，我地梗係加啦紅燒牛三寶湯麵＋少辣牛油個湯唔錯，比較甜身，台灣既味道。蘿蔔好入味但又唔會腍晒，超正！三寶有牛，牛肚，牛筋，全部都好入味好腍身，但我覺得牛筋過腍，如果有返少少口感會更好。麻辣牛三寶拌麵＋辣牛油拌麵好惹味，食開三小辣既我覺得佢唔係好辣，拌麵個麵底比湯麵挺身，好掛汁，鐘意重口味既我偏好呢個多d 塔香鹹酥雞食台灣野要食埋鹹酥雞是常識吧個雞炸得幾香脆，唔會覺得油膩，但又唔會柴晒超濃芋泥蛋餅芝士同個醬搶晒味，唔太食到芋泥味，不過整體感覺係ok既值得讚既係會佢地d order紙過左膠，寫完上去可以抹左重用，夠環保…Read More

之前經過見到呢間鋪頭名覺得幾攪笑，所以印象都深刻，weekend唔知食咩好突然醒起佢就過黎試下。原來佢有d湯係有花膠無雞，有d有雞無花膠好似我咁又想食花膠又想食雞既就要睇清楚啦。一拎出黎已經嘩左，感覺好似打邊爐咁好正，可以keep住d湯熱。叫左蟲草花花膠雞米線，同埋招牌痴花膠雞濃湯米線，雞既份量ok，個湯都幾濃同幾甜，不過太鹹。明白個湯要配米線所以做得比較鹹，但就咁飲個湯真係有d頂唔住，如果個湯底可以無咁鹹，俾客人自己加salt就perfect啦另外要讚既地方係佢地提供既唔係普通茶，係羅漢果茶，飲完好舒服。…Read More

約左朋友去街撞正萬聖節，上網見到呢間餐廳既環境唔錯，仲可以見到鬧市既夜景，一於book黎試試佢。可惜我地坐唔到window seat, 不過入面d裝飾都幾可愛，增添唔少萬聖節氣氛。appetizer呢個crab cake, 入面食到好多蟹肉好足料，而且分量都唔少，好食！再叫左個慢煮豬肋骨，肉質畸嫌乾身左d，但個sauce係唔錯，薯角都so脆dessert叫左呢個檸檬蛋白脆炸彈。Staff好好，等我地食完main course 換埋碟先上，仲會介紹一下個甜品同食法tim! 呢個dessert真係好正，酸甜度配合得好好！好fresh又唔漏，食飽再食佢都唔怕因為朋友唔飲酒，所以只叫左一杯cocktail, passion fruit mojito，都幾大杯，有少少酒味,容易入口。好岩女仔飲！…Read More