雖沒有甚麼技巧可言，卻吃到真材實料，鮮甜好味的甜品，還是很滿意！個人不喜歡涼粉，沒有嘗到媽媽的蜜瓜涼粉，沒法評論了~從前常去長沙灣的松記，經常是擠得水洩不通，等位的人潮夜愈多人，為的都是價廉物美的糖水，一碗幻彩明珠才$17。松記來到將軍澳，糖水依舊平實，不賣華麗裝飾，實而不華，依然真材實料，價錢亦已升了幾個價位。然而，鄰近有不少競爭對手，相隔沒幾個舖位有「聰X」和「五XXX」，價錢沒差多少，松記賣的種類和創意卻不及前兩店，要站得住腳確實不簡單！…Read More
想起好耐冇食韓燒，所以就揀左佢~雖然好近自己屋企，但已經2、3年冇黎過...唔知變成點呢﹖$138一位任飲任食，唔算特別平，ok啦~牛肉﹕幾好食，夠林，夠入味，夠薄，燒完幾香口，好食！但係大小不一，大部份都好細片，所以我們係鐵板上炒....=.="豬扒﹕都幾薄，入味，但好「鞋」，麻麻地，食左一塊就冇再拎。金菇肥牛卷﹕正常的肥牛味同金菇味，冇咩特別，只係肥牛有d過肥，都係麻麻地~雞翼﹕唔錯！幾入味~~好食！墨魚仔﹕辣辣地，味道唔錯，都幾新鮮~魚塊﹕冇咩點醃，白雪雪細妯件咁，好難燒，差唔多燒親都黏左大部份係塊鐵板上面~~食落咸咸地~冇咩特別。仲有其他牛丸、龍蝦丸、蟹柳、腸仔、紅腸等普通野~~~熟食都有10多種選擇，有酸齋、炒粉絲、魚仔、泡菊、餃子等，賣相唔太吸引，我淨係夾左d芝麻凍白菜仔食，味道ok，咸咸地，有d芝麻香味。人蔘雞湯﹕睇到佢有成隻雞係煲入面，仲有好多碎蔘片同紅棗，飲落去好明顯係太多水，但蔘味好濃，雖然味道飲落去淡口d，但都飲到甘甘地的蔘味~~碗仔翅﹕都幾多料，肉絲同冬菇絲都有好多，味道也不錯~甜品有d糕點、涼粉、生果同維記雪糕~d糕點味道認真麻麻，一係就口感太實，一係就冇咩味，一係就味道怪怪的，所以都係放棄左~~生果得橙同火龍果...唔太好...所以冇食。雪糕ok~有3隻味~飲品有豆漿、酸梅沙、菜蜜~汽水要另加錢$8一罐~我飲左菜蜜，都幾香西洋菜味~甜味適中~~服務唔錯~可能因為平日，都冇坐滿，waiter比較得閒，在我們要求下幫我們換左3次都冇話我們~~~收碟加油等都做到足~~環境都唔錯~我們3個人坐卡位，前後都有電視睇到~~總體來說，雖說不上非來不可，但在將軍澳而言，它作為韓燒的唯一選擇，也算是合格了！一試無仿~…Read More
招牌蕃茄湯+譚魚頭海鮮湯鴛鴦鍋~~唔好以為個蕃茄湯好健康，厚厚既油鋪滿左成個湯既面層，男朋友用匙羹嘗試清走d油，足足裝滿成碗(佢俾我地裝豉油既碗)...很可怕~~起左d油，終於見到d湯，只有一片蕃茄.....但個湯本身都好濃，味道也算是唔錯~寫紙點既只有肉類，其餘都係要出去以自助形式去夾返來食~寫紙就畫左肥牛、羊肉片和四川龍抄手~肥牛好碎濕濕，但就真係切得好薄，好快熟，但夾唔住，要用個火鍋杓來盛著先得~肥牛好林，好有牛味，完全唔會韌，唔錯！羊肉片都係好薄，但都係好碎，好在冇咩so味，少少啦，令我呢個怕so既人都可能食到~~而且都係唔會韌！好味~~四川龍抄手，普通既豬肉水餃，但d餃皮好滑，比較厚身，我個而言覺得幾好味，餡料既肉都覺得係新鮮既~之後就出左去拎野食啦~~~都有好多選擇，牛柏業、金菇、生菜、白菜仔、冬瓜、南瓜、豆腐、冰豆腐、山根、脆肉鲩、粟米、芋絲、粉絲、蕃茄、貢丸、蟹子丸、魚皮餃等等~~食才大致上都感覺好新鮮，放得亦好靚，令人感到衛生可靠~而且以自助形式，鍾意食幾多就拎幾多。牛柏業爽口，而且感覺幾乾淨，切得很幼，很易熟，唔錯！金菇都係靚料，唔會霉，而且都係洗得好乾淨~~生菜、白菜仔好嫩綠，唔會有d爛同黑既葉，非常欣賞~~脆肉鲩切得薄薄的，好快熟，但有點腥，食左2片就訓棄左~蕃茄好新鮮，好好味~其他大致上都普普通通~~但整體感覺都係乾淨衛生的~不過，食物種類唔算多，而且都只係一d非常普通既款式~唔係好值呢個價錢！$158人頭費，再加埋果d雜費，每人$215，講真真係覺得好唔抵！向來都鍾意去唔同既酒樓打邊爐，大多平均$100至$120一位，選擇多好多，而且海鮮都係任食，有蝦有蠔等等~依度真係好唔抵~要任食海蝦、炸魚皮果d要加$48，要任食蠔同東星班片要加$128....哇....如果加到咁，我可以去酒店食buffet啦~!!真係呢勁唔抵同唔值得~~我諗我以後都唔會來~~肯俾呢個價錢，有大把選擇啦~加價加到離晒譜~順帶一提，以前呢度有水晶奶黃包同水晶叉燒包用黎打邊爐，我年頭來既時候都仲有得食，但今次來已經冇左~!!(我都有少少係為左食呢2樣野而來....-____________-超失望~~~)食物種類普通，質素合格，只係物非所值~我會俾個「ok」你既~~…Read More龍蝦汁海皇焗飯﹕第一口吃下去，感覺是「很咸！」，過份濃味的感覺(我自問也已經很吃得濃味食物)！咸得其他配料也吃不出甚麼味道，但其實整個飯也是非常足料的，有青口、魷魚、魚塊、蝦海鮮等，但可惜太咸，遮蓋了所有味道~~10分滿分，我會俾4.5分。由於太咸，食到一半已經吃不去....友人點了紅酒汁牛尾燴飯﹕跟我的有同一問題，也就是非常濃味！牛尾肉和骨也有，都幾多件，初時也覺得味道還好，但愈吃愈覺得咸，友人亦是吃到一半也吃不下去。其實我還覺得有點so味，也幾濃烈，我吃了3數啖已經唔想食，唔係太接受得到。我只能夠俾3分。另一位友人點了炸雞件蛋包飯﹕3個飯當中，這個算是最好味。蛋內包住的是茄汁炒飯，味道唔錯，炸雞雖然炸得有點太過乾，但很香脆，味道也算唔錯~~~每人會想再吃多件。會俾7分。餐飲我選了凍朱古力，從前不用加錢，今次要加$2~但濃郁的程度卻又已經不比從前。其實這很多餐牌上的都只是非常普通的pasta、意大利飯，但價錢卻是$90幾至過$100不等，加上味道絕非出色，確是物非所值~埋單$300，這個價錢，我相信我有很多其他選擇~既然退步如斯，作為消費者有的是選擇，冇下次了。…Read More辣酒煮蜆﹕曾經每一次光顧也會點的菜，也是我今次來的目的，偏偏卻最令我失望！辣酒的湯底味道依舊，唯獨那些蜆卻令人非常失望，感覺非常不新鮮，不單只有沙，還有點腥，吃下去一點鮮味也沒有，也沒有蜆味，而且非常非常細隻，總而言之，不好吃！10分的話只能夠俾4分，這4分都是俾個辣酒湯底的。 豚肉麵豉鍋﹕這兒的火鍋亦曾是我的最愛之一，但今次同樣令人失望！整個鍋完全沒有麵豉味，湯底沒味道，最後和友人都是用辣酒煮蜆的湯浸食。豚肉雖然都算多，但有點so味，其他配料也不外如是，勁大量都是娃娃菜，還有少量冬菇、2件芋絲，但真的全沒有味道。10分滿分，也只能夠俾4分。甜蝦壽司﹕一上枱已覺得唔對路，2件當中，其中一件的其中一隻蝦是爛的，頭和身幾乎分開了，令人覺得唔好睇之餘，亦有唔新鮮的感覺。食落口，很腥呀！自問我很少嫌刺身會腥，皆因也很受得腥，但這蝦確是很腥，肉質也是有點霉，蝦頭的汁絕對是最最最腥.......很後悔點了這個..........10分滿分，只能夠有2分......鰻魚壽司﹕從前的鰻魚壽司大大件，今時今日的只有比2隻手指合起來的闊度更幼.......不過，幸好味道還是可以的。也有7分吧~~皆因確是不夠肥美，感覺好奀。帶子壽司﹕帶子唔算大隻，細細的，亦稱不上鮮甜，只是剛好合格吧~!5分~!!不過其實壽司整體而言，飯很鬆散，幾乎一夾就爛開....好好好失望呀！比起山林道的分店為何差那麼遠﹖都應該冇下次！:(…Read More$158壽司併盤﹕有15件壽司，全部大大件，4件三文魚、3件帶子、2件魷魚軍艦、2件鰻魚、2件北寄貝，仲有2件甜蝦!!!全部都非常大件，非常新鮮~~~三文魚勁大片肥美，帶子真係賣飛佛，非常鮮味，而且大大隻，鰻魚亦非常大件美味，北寄貝壽司則由2塊北寄貝舖面，正得不得了！甜蝦又係賣飛佛，成隻手指咁大隻，仲有頭有尾，蝦頭d汁都啜埋，好鮮甜！帶子刺身(16片)﹕雖然唔算好大隻，但勝味鮮甜味美，一件一啖，人間極品~吉焉炸蠔卷﹕總共4件，非常大件，蠔應該是即炸的，即使包了入卷，入口時仍有香脆之感，還有暖暖的感覺！蟹子沙律﹕青瓜絲略嫌不夠幼，有改善的空間，沙律醬和蟹柳亦略嫌太少~~三文魚刺身﹕非常的厚切，非常新鮮，色澤油潤，但其實切薄一點口感會更好吃(個人喜好)~~還點了三色刺身拼盤外賣~~3個人，埋單約$500~~~由於所有食物也非常新鮮美味，而且大大件，貨真價實，值回票價啦~!至於服務和環境，還是不要太高要求，總算有求必應，有張枱食飯，就是如此~~~食物質素已經贏晒~!期待下次~~!…Read More餐湯~~平時都飲開羅宋湯，雖然有d油，仲好濃味~但我好鍾意飲~~再黎沙律~睇落好吸引，食落都唔錯~~好大碟呀!!真係俾佢嚇親~!!好可惜d雞翼唔多熟，入面d肉好生見到紅色~~食食下我都唔敢食，淨係食沙律啦~沙律有好多薯仔，真係飽死~仲有d菠蘿紅蘿蔔等等~~味道都唔錯~!隻炸蝦有包住塊好似春卷皮既皮，幾好味，不過只係塊皮同d粉厚，隻蝦好細隻~好在都算好味~!!牛油芝士炒菇~~好香牛油味，仲有好多cheese~好rich~!!d菇又冇up味，幾好~!!煙三文魚pizza~~pizza7吋大，有芝士、青椒、煙三文魚做配料~我唔食三文魚，所以唔知咩味~其他配料都ok啦，但芝士味冇乜，唔夠香濃~~批底亦焗唔夠香，個pizza都真係麻麻地~炭燒豬頸肉~呢個真係好味呀!!d肉好入味，燒得又幾香，跟埋既汁都好好味，酸酸甜甜好開胃，同豬頸肉都好夾~~d豬頸肉切得厚薄適中唔會韌~!!正成枱都係野食....勁豐富，好抵呀!!仲包埋飯同意粉~~可以自己揀2碟~我地揀左1飯1意粉~覺得好dry，叫佢俾d汁我，waiter好好人問我想要咩汁，我揀左蒜蓉汁，佢俾左2兜仔滿我~正~~啱晒我呢個嗜汁人士~~甜品芝麻雪米糍加cream~~雖然普普通通~~但都已經有驚喜~我本來以為只係jelly~~食到最後已經好飽，食埋呢個甜品真係超滿足~!!仲有餐飲2杯~~!!!咁樣既價錢有咁多野食去邊度搵﹖~~真係勁豐富~~勁滿足~!!味道雖然唔係最好，但睇得出間餐廳好有heart，而且真係實在太豐富~最重要係唔加一~!!超抵~~服務又唔錯~問佢拎汁仲要有得俾我揀!仲要係俾好大兜我! 欣賞!!…Read More
鮮菠蘿海鮮炒飯﹕原個菠蘿咁上枱，炒飯入面仲有好多鮮菠蘿肉粒，鮮甜略帶點酸，幾開胃。腰果和肉鬆鋪面，腰果香脆，肉鬆惹味~~飯粒炒得很乾身，味道出色~!citibank有優惠，原價$88，85折後約$66~超抵！馬拉盞通菜﹕一上枱已經聞到很香，食都好好味，吃上去有非常輕微的辣味，怕辣的人亦可以吃。通菜有別於平常街市買到的，這裡的比較細條，有d「碎濕濕」的感覺~~份量亦略嫌太少，一上枱的感覺就係﹕「e....咁細碟既」。泰式豬肉濕炒河﹕河粉睇落非常「油令令」，幸好食落唔覺太油膩。又確是名副其實的「濕炒」，非常多汁，吃下去的每一啖河粉都非常juicy~~正！嗜汁人士(我就係啦~!!)必食~配料有草菇、粟米芯、豬肉片和芥蘭，都算幾足料~鮮蝦金邊粉﹕用鮮蝦、銀芽作配料，用上「橙橙地色」、酸酸甜甜的泰式汁炒，附上青檸粒，可自己加青檸汁食，個人認為加左會更fresh更好味~!鮮蝦其實得幾隻，而且非常細隻，不過幸好金邊粉本身炒得唔會太乾，加上個味唔錯，所以冇餸都覺得好味。這味餸算是咁多碟入面份量最大的一碟，絕對係飽肚之選！$68，因為飽肚，所以抵食~炭燒豬頸肉米紙卷﹕都幾特色的一味~但米紙卷入面的豬頸肉冇乜味，而且好細粒，唔係好食得出咩炭燒味，甚至食唔出佢係一舊豬頸肉，只係食得出佢係一舊肉...=.="米紙卷入面仲包住左紅蘿蔔絲、生菜等，呢d疏菜味道好青，個人而言麻麻地喜歡。炭燒沙嗲(雞肉)(半打)﹕串燒大大串，沙嗲汁另上，自己鍾意唵幾多就唵幾多，汁入面有好多花生碎粒，成個汁整做得好香好濃，好正!雞肉亦炭燒得好香，但又唔會太乾，keep到d肉汁！好好味~~waiter服務亦好好，不斷收碟同加水，都加左4、5次水。但食到大約8點幾，waiter就不斷而且好快手來收碟，朋友食完最後一啖，筷子都未放低仲拎住，waiter就好似好趕咁想收碟，大家都覺得好odd，朋友「下?」左一聲，佢講左句唔好意思就冇收到走左....我知好多人等位，但都唔好咁丫...我地會走架啦~埋單$383~每人$90幾~~食到餐正野都算幾平幾抵食！…Read More日式雞翼髮絲麵(酸辣湯底)﹕湯底好濃味，味道唔差，但感覺味精味道好重。髮絲麵口感唔錯。雞翼有4隻，份量都算好夠，而且炸到好脆口，但近骨的位好唔熟呀!餐飲凍檸茶，淡而無味。男朋友點左乳酪蘑菇咖哩雜菜飯﹕咖哩汁好香好濃，好有椰香，蘑菇其實得幾粒，所謂的乳酪都只係上碟時面頭有一d白色汁液，完全食唔出乳酪味道。雜菜有薯仔、西蘭花等，薯仔都未煮得林，咬落生生地同埋有d爽口，好奇怪。但d汁撈飯就好正啦~勝在夠多汁好送飯!!跟餐的熱咖啡都算香濃~~都唔錯啦~~lunch假日都冇加一，埋單$95。以新城市黎講，係咁上下~可接受啦~但講味道就真係只能夠係剛好合格啦。…Read More香鹵雞翼米線。左叫冇5分鐘已經上枱了~一黎到望左一眼，已經.....覺得唔對路，食左一啖我已經同男朋友講要blacklist呢間野。d湯係同水冇咩分別....完全冇味!!d米線食落口，都係冇味.....d雞翼不過不失啦，有3隻~但整體黎講，都冇咩味......珍珠奶茶﹕跟餐的。味道本身都正常，但d珍珠好難食，點解個心會係硬架!!!?仲要好多粒都係咁......=.="男朋友叫左咖哩獅球飯﹕比我果個麵好味，個咖哩汁都幾辣(個人認為)，獅球有4個~獅球咬落去都唔會話太硬，都正正常常既~~跟餐既飲品加$4轉左刨冰，都好大碟下~~服務方面...個老闆娘自己就坐係度，成日就點個疑似係做暑期工既waitress做野，而個waitress都唔太醒目....黎左碟刨冰，又唔俾匙更，叫佢俾匙更，佢又俾得一隻......個老闆娘都發火......到最後都係老闆娘出動拎多一隻俾我地....全程都不斷聽到個老闆娘鬧果個waitress....總之...冇下次......…Read More
燒賣﹕一般魚肉燒賣，味道都係果d味啦...正常~~但重點係好貴囉~食水好深:(~$6 6粒...同區其他小食店都可以$5 8粒...司華力腸﹕即叫即炸，新鮮熱辣~~加左甜醬~好味~$8~都ok啦~感覺個店員都幾nice~態度都唔錯~…Read More金菇肥牛煲﹕份量好夠大，好有睇頭~睇落已經好吸引。肥牛都算足，底下有大量入晒味既粉絲，正~!個汁既味道整得好好~同成個餸好夾，好入味，好惹味，但又唔會話過咸~唔錯~我都俾到8分。海鮮雜菜煲﹕呢味餸，就算去酒樓食，都唔知點解通常都會係淡而無味，但呢度就令我好有驚喜~~~下面係不同的雜菜，有生菜、西蘭花、白菜仔、菜心、菇，上面果層舖左好多海鮮，有蝦、鮮魷、魚塊~食得唔d海鮮料唔係烚架，而係走過油，落過油獲兜過下，所以幾香~~d菜又唔會煮得太"林"，食落仲好有口感~整個餸味道也很好，唔會淡而無味~都有8分~!!白飯大大豌~男人都夠食~我就食唔晒啦~例湯...好淡...唔知係加左水，定係冇落味精﹖.....總之唔好飲啦~好彩我都冇期望，都係諗住當水飲~~環境方面，感覺唔錯，光猛衛生，有電視，坐得都算舒服~waiter服務也不錯，執枱執得快，應人都應得好快~價錢都好有驚喜丫~~2個人都係$88~~~抵食!!以後會再黎多d~!!…Read More刺身﹕有北寄貝、八爪魚、白拖羅、三文魚、甜蝦等，上得好快，叫左一陣就有得食。由於本人唔食魚類刺身，所以唔知咩味，但見佢d三文魚就切得好厚身，睇落去的色澤都唔錯既，男朋友說好味~佢話最正係白拖羅，口感好rich~我就淨係食左北寄貝、八爪魚同甜蝦~都算新鮮，但甜蝦唔知點解冇乜甘甜的蝦味...整體刺身而言我會俾到6-7分。蟹粥﹕完全係奇怪味。一d蟹味都冇，完全唔明點解叫蟹粥，蟹柳都唔見得有一條...=.="除左味精味，完全食唔到用咩黎整，好吊詭，仲要味精得黎係難食既。我只能夠俾佢1分。壽司﹕用四個字形容，送俾佢「不知所謂」。d醋飯整得好差，味道古怪，而且d米都硬硬地。叫左個帶子壽司，片帶子薄到透光，而且勁勁勁細片，我諗都有半隻手指公咁大片既~食落去完全唔知咩味，係零味道既~!!鰻魚壽司d鰻魚係乾既，完全冇汁~!!!都係果句，不知所謂。俾2分佢。鰻魚炒飯﹕用左極少鰻魚粒同雜菜粒炒，成碟飯都係豉油色既~~雖然唔係好食到有鰻魚味，但個味道其實都ok既，喊喊地帶輕微鰻魚味。都俾到6分。銀鱈鍋﹕鱈魚係冇味既，成個鍋除左幾舊魚，全部都係雜菜，而且冇乜味，d湯係水既味道加左鹽咁囉。4分~!!牛仔骨﹕好韌.,....味道還可以，都幾入味，正常，但真係好韌.....4分其他已經自動忘記左食過d咩啦....實在一d都唔難忘......全部都係4-5分......唔多記得.....飲品都係任飲，除左正常既可樂、七喜之外，仲有好多奇怪野，例如罐裝涼粉爽.....見到但我冇飲.....服務都ok啦~都有收下碟，叫佢落單都會應你既~正常啦~每人$148~唔使加一。唔好要咁高，都可以食到好飽既，就係好飽囉，味道千其唔好有要求。…Read More酸辣餃子湯麵~~個酸辣湯底幾唔錯，唔會太辣，啱晒我呢d食唔到太辣既人~麵質幾滑，餃子共有4隻，而且都係大大隻，感覺好抵食~餃子的餡也做得唔錯，菜和肉既比例約係7比3啦，7分肉3分菜，好味道!!服務態度就麻麻地啦~~朋友叫侍應拎隻碟仔俾佢，個侍應拎左一幢果黎，問我地要大碟定咩碟，我地話要一隻細得啦，佢即黑面丟下一隻碟就行左去~~算啦，對於這些小店的服務唔好要求咁高啦~~…Read More
