小明周的個人專頁

好耐冇寫過食評，今日食咗一餐好開心嘅飯，所以要寫一寫。是日同事生日早幾日已book定位，order左寫字甜品，一行五人，大家揭開餐牌，選擇困難症又發作，每樣嘢都勁吸引，尤其是飲品，越邪惡越快樂。揀咗好耐，我自己order咗杯芝麻鮮奶麻糬，和牛burger。同事order咗嘅嘢飲有Dirty有拉花嘅咖啡貝貝都好吸引。自己份嘢食嚟咗，薯條外脆內軟，仲要係粗身超掂。個burger個厚度你係一口食唔到都要係分開兩層咁食，味道亦都唔錯如果個牛可以再煎熟少少更好。甜品食咗個Tiramisu，實在太有驚喜，夠濃，周邊dcream帶少少咸味夠creamy，一定有下次。雖然只係一個午餐生日飯，餐廳仲幫我地影左張即影即有相，仲要攝入個birthday card送比壽星，少少一個生日飯有個咁窩心驚喜，多謝！☺️…查看更多

偷得浮生遊長洲閑逛遇見小店明顯比「平安」Tirumisu吸引，成件事好長洲，但又唔係一般大魚旦同芒果糯米糍，於事入去試下，點左個平安同ice long black，tirumisu做得好靚，打咭一流，但味道一般，唔夠濕潤，較乾身，自己逐少逐少coffee加入去，較為好味，如改良一下，更好。店內環境光鮮，自助餐具，餐具頗骨子。好清新一間小店，可惜食左午餐去，有機會下次會試埋佢d意粉。好悠閑咁坐下chill下…查看更多

元朗人推介此店比我，於是去試試💖食左明太子忌廉意粉推介，撈蟹籽、明太子忌廉後沾滿每條意粉，份量足，食得滿足💖芝士浴浴單邊雞翼雖然係單邊，但雞翼唔係細細隻，亦都做得好脆口，配上醋汁沙律菜，減輕油膩感💖親愛的提拉米蘇牛角窩夫賣相好吸睛，提拉米蘇亦很滑，唯牛角包窩夫頗硬身，未能外脆內軟，美中不足💖桂花蜜糖鮮奶咖啡淡淡桂花香，新體驗，好飲嘅亦都想評下服務，初八星期六下午幫趁，都要排隊，真心樓面男仔服務一流，眼見登記、帶位、落單、上菜、收搭一腳踢，目測全場約廿個位，兼要顧及內外客，真不易，因為，以我張檯為例，要暖水、額外叉子、又糖、又後上甜品，態度都十分好，讚👍🏻！…查看更多

聽屋企人講話新開張好食，咁去試下先🤟🏻的確唔鍾意食牛腩嘅我都覺得好味喎，牛腩林滑食完冇渣，牛肚爽而唔韌，牛根亦軟滑。份量亦都好足，現時新開張，企企理理，味架好特別，除了一般辣油、醋外，另有一盒冬菜碎任架，取代左一般豉油，唔錯。可惜，我叫咗一杯凍咖啡走甜，但嚟到係變咗係甜，飲咗一啖，🙄幾難飲，咖啡粉唔得，又酸又甜，算數唔飲，就算再黎一杯走甜都只係一杯難飲但唔甜的咖啡🤭BTW，如果想食好味牛腩麵/河，真心推介，橫且下次我帶定一支中國茶去食😂🤟🏻…查看更多

每次郊遊由河貝村往雷公田一定經過未有疫情前好不熱鬧，疫情鬧哄哄時曾不開放，直至現在有開但未有鮮奶賣了。聖誕假期到此一遊，剛巧天氣開始轉冷帶著微微細雨，來一碗熱辣辣薑汁撞奶，暖在心頭撞汁買左要等一等凝固，有趣地方係可以放上膠匙來測試成功凝固沒有。撞奶口感暖滑，薑汁份量亦足，帶點辣，甜度亦適中不過份甜，在冷冷天氣下食碗，甚滿足…查看更多

網上呢期熱討呢個下午茶，一於book次試下。網上book位，雖然叫做下午茶，但有分三個時段， 12點、3點同6點，我地揀左6點當食埋dinner，準時6點前到達，入到去地方都寬躺，9成都係女顧客坐底侍應送上welcome drink，之後就開始送上tea set架，頂層為甜點，下兩層就係咸點，其中有幾款咸甜品可以refill，所以一定會飽味道黎講，唔可以話好好味，未有令一試難忘，但整體黎講，係可以的，可以同知己閨蜜一路傾一路食，輕輕鬆鬆過咗兩個鐘值得一讚喺嗰度嘅侍應服務態度唔錯，佢哋會唔會枱走去幫客人用手機影相打卡，仲會教埋客人點樣擺pose都係一次難得嘅體驗！…查看更多

前兩日見到新開左滿屋日式放題，見佢DSet Lunch唔算貴，仲話新張有任食自助沙律bar，一於去試下。12點已經去到剛好開市，間隔同前身道頓掘沒太大分別，只有卡位會比較舒，其餘都係一般。待應一般都有禮，餐牌有點複雜，亦都有耐性解說。今日我揀左個三文魚拼吞拿魚魚蓉飯，論size，唔算大碗，女仕剛好，男仕可能覺得細左少少，不過唔緊要，仲有沙律bar吞拿魚魚蓉好軟滑，入口溶化，三文魚片size唔算大，相對大埔另一間放題稍為差dd。總括來講，都還可以。自助bar，有幾款生果、沙律菜、飛魚籽、翡翠螺任取，仲有炸吞雲同薯魚，如果每樣少少，都會好飽下次試下放題😂…查看更多

若干年前，大埔並唔多泰菜選擇，只有大尾督或大埔街市，依家多了好幾間泰式美食多了選擇，今日一於去試下呢間木屋大排檔店名大排檔，環境並唔大排檔，依且座位寬闊，比起附近另一泰菜店，坐得舒服好多！午膳時間有多款lunch set選擇，今日揀了泰式豚肉炒河，另外追加了泰式春卷及炒通菜，飲品當然要我最愛龍眼冰。午餐份量夠大，一定食得飽，炒河熱辣辣，唔太油，豚肉Ok。追加春卷好鬆脆，而通菜炒得硬度適中，夠火喉，有驚喜！龍眼冰里面勁多龍眼肉，應該唔係罐頭貨，亦冇死甜，清甜！下次一於試下晚飯…查看更多

今日難得去葵芳，想食呢間嘅丼好耐，一於食一個late lunch可能下午3點幾又係工作天，所以人唔多，只得四、五檯客，睇過餐牌，選擇款式唔多。我就揀左上天丼，里面有一條白肉魚、蝦、八爪魚、同玉子！配上麵豉湯同兩款小漬物。麵豉湯....好咸....連聽見隔離檯都話好咸天婦羅....炸得好脆口，可惜有d比醬汁淋上後淋身左，白肉魚冇乜味，八爪魚都幾爽口，蝦都係不過不失，玉子桔穿後蛋汁用黎拌飯，好好味，但飯粒唔夠黏身，挾唔起！兩款小漬物唔錯，可以減輕天婦羅的油膩感，總括來講呢碗飯都係普普通通…查看更多

是日行完大潭水塘，一眾人走到金記食野。4人一檯，睇過餐牌，叫阿姐落單，佢話可以用手機落單，OK冇問題！掃過QR Code開始落單，妨如做問卷，麵要揀淋/爽，豬潤要全熟.......至到要唔要走蔥都要揀一輪，飲品又要揀一輪，確認後.....彈出黎係賣晒，真係真心爆粗😂😂😂落左3個餐應該搞左成五分鐘order左炸比拼蛋沙律麵餐，麵真係唔太淋，但唔係叫爽囉炸比熱辣辣，不過帶點乾身，沙律亦都份量足，都係什果類，加埋一杯凍檸茶，呢個所謂下午茶餐真係飽過食晚餐！…查看更多

茶記嚟講，呢間算大，所以較容易搵位，每逢去元朗行山，都選擇呢到食下午茶，款式亦相對多選擇，而且炒粉麵亦夠鑊氣，雞脾薯條亦都熱辣辣。今日下午茶餐揀左炸豬扒拼炸薯條。豬扒薄薄的配上坑紋薯條，份量都幾多，豬扒醃得唔錯，但太薄，真係好似肉片多D薯條實實的，我覺得可以再炸耐少少，可以再脆身少許。餐飲揀左凍奶茶，茶味都頗濃，要少甜果然做到，杯奶茶唔使甜到死實實，不錯！…查看更多

夏天到，如果食飯午後一定飯氣攻心，瞓一個「救命覺」！今日選擇濕濕地牛筋麵淨係得牛筋好似dry dry地，加埋紫菜，外賣46大元打開碗麵，牛筋份量都好多，紫菜量都唔少，收你46都有道理。牛筋似清湯多d，其實我比較喜歡醬炆，不過只要炆得好食，ok👌🏻牛筋有爽口有軟林，恰到好處，而且炆得夠入味，配上爽口的紫菜同生麵，做得頗出色！ 味道亦不過咸，對於我來說，這碗麵確實有點驚喜…查看更多

lunch time 一行3人，未夠1點已9成滿，等左一陣可以入座，眼見餐廳人手應該唔太足夠，但員工都十分快手快腳，帶位，包外賣，速度迅速由於要等埋第三個同行者一齊order，眼見open kitchen炸緊豬扒應該係做撈檬，與同行人都mark定食呢個餐，等埋第三個reply一齊都係order呢個，三個一模一樣的set lunch，order後....點知店員走黎同我地講賣晒，so sad！最後轉食冬蔭公海鮮炒飯，配青木瓜沙律，都幾fresh！炒飯酸酸地，唔太辣，公(蝦)有切粒一起炒，飯身帶少少濕潤，份量好足，夠飽肚！青木瓜沙律夠爽脆，配上泰式沙律汁，今日熱辣辣氣溫下，清新雖然呢到勁多食客，但員工都十分Nice，仲幫忙替我地影合照！…查看更多

前身生龍茶記，結業後開左一間粥品，農曆年後開業生意不錯，每日經過總見有人等外，作為街市我都唔執輸試下先已經好幾次買腸粉比或炒麵做早餐，油器亦都買過！有日經過見堂食有位，本來我食一個炸兩，可惜未有，點左個叉燒腸試下，腸粉即製，腸粉係夠滑，厚度適中，但叉燒完全唔得？好硬，唔知係咪隔夜？我諗第二次食返蔥花腸會好D油器櫃放於舖外，強調100%即製，曾經買過油炸鬼外賣，真係好好味，佢外好脆口，而唔係硬，內里係軟熟，唔怪之得一出就好快賣晒，煎堆亦都試過，好重秤，唔係得薄薄一塊皮，有咬口，唔太甜；牛脷酥同事食過都讚好，油器係呢間推介食品之一！炒麵我亦都買過外賣，麵身比一般粥店粗身，但亦都唔係油麵，不過不失。店舖新開張，整齊，見到醬料都好衛生整齊放在檯上，員工見到有d係上手生龍員工，所以快手快腳，明顯醒目過新員工…查看更多

今日想去食個早餐，金龍位置十分好，於位大街，又巴士站傍，所以唔少人幫趁。今日揀左我最鍾意沙爹牛麵加腸仔多士及凍奶茶。沙爹牛肉好林，完全唔覺有沙爹味，好失望，麵質亦好淋，腸仔反而扎實，唔係林patpat果款腸仔，但可惜奶茶真心係難飲，淡茂茂，同附近另一間萬芳比較真係差好遠，下次都係走多兩步。…查看更多