ckwanlai's Profile

平時每日放狗都會經過界限街每次經過都想試下呢間嘢但一直都搵唔到機會試呢兩日見牙痛，想食啲唔使點咬嘅嘢心諗不如買個外賣返去試下都好喎🤔於是嗌咗佢哋嘅抵食套餐芝麻豆漿好重芝麻味 好香👍瑤柱咸骨粥 味道適中 而且粥底好綿個重點就係佢哋嘅腸粉😍我今次嗌既係鮮蝦腸粉超滑超好味腸粉入面有少少菜甫滑得嚟又有少少脆口令到腸粉個口感更有層次淋埋佢哋嘅蒜味豉油簡直係超正即使落哂成包豉油，都唔會咸同個腸粉超夾係幸福嘅味道💕…Read More

本人一向好喜歡食韓國菜曾經聽過有人推薦呢間餐廳所以特登前來一試究竟最令我唔滿意嘅一點就係呢度嘅前菜係唔可以再添對於極度熱愛前菜嘅我簡直係失望到極點我哋兩個人 嗌咗一個蘿蔔炆牛肋骨餐再加一份炸雞 仲有海帶湯前菜就嗌咗韓式炒魚仔首先個韓式炒魚仔係幾好味嘅甜甜地又夠香口個海帶湯就麻麻地，唔係我鍾意嘅味道另外個蘿蔔炆牛肋骨都幾正蘿蔔炆得夠稔夠入味牛肋骨啲牛味都好香個湯汁亦都好甜，而且食得出係冇味精不過 個炸雞真係令我大跌眼鏡係失望到跌眼鏡嗰隻個炸雞係即叫即炸 但係當上到嚟嘅一刻 我已經即刻夾起一舊嚟試 硬到好似就嚟𠝹損我個喉嚨咁我以為係我黑仔 夾到舊燶嘅點知成份炸雞都係咁我真係第一次食到咁難食嘅炸雞總括而言啲食物的確係冇味精 係幾健康嘅但係 如果你哋對於韓餐係有要求嘅咁就不必一試啦👋…Read More

每逢放假嘅日子特別想搵間坐得舒服嘅餐廳食午餐經過大全街俾呢間餐廳嘅餐牌吸引左入去大部分午餐價位都係五十幾蚊左右又有餐包又有湯 ，仲有埋嘢飲😋心諗咁抵實係好難食啦🤔點知，啲食物一啲都唔差炭燒牛扒啲炭燒香味好重配埋個燒汁味道啱啱好雖然個牛扒薄咗少少不過呢個價錢都算合理另外仲點左一個法式花甲乜野意粉個白汁整得好好味😋👍👍餐廳環境亦都好舒服…Read More