piupiu's Profile

本來打算同媽咪到CALIFORNIA PIZZA KITCHEN食,但媽咪臨時改變主意,話係就近粗菜館食叫左五個小菜,一個小食同豬油撈飯小菜叫左:魚湯什菌,咸魚醬炒油麥菜,鵝肝醬茄子煲,椒鹽軟殼蟹,東坡骨小食要左素八珍只吃了素八珍,什菌,油麥菜同茄子1)首先上菜十分快,叫菜不到十分鐘就上枱2)但食物十分的不合胃口-素八珍:一般,青瓜有甜酸味,爽脆,但同其他料唔同味.....感覺真係廚房剩餘物資-魚湯什菌:個湯十分十分之咸,D什菌似乎係走過油先放入湯裏面,老晒....好鞋....點解我睇到其他食評個什菌都唔皺既?-油麥菜:話係咸魚醬,但其實係咸魚醬同一個極厚既茨汁撈埋淋上D菜同,所以菜有菜味,咸魚醬有雞粉味精茨既味(無咸魚味!)-茄子煲:鵝肝醬是否等於疑似肝醬溝厚莢汁? 其實我係只食到雞粉茨係面....肉眼係睇到一粒粒既鵝肝,但鵝肝既作用除左比你睇到之外仲有咩呢好處係真係好熱....但又係油多到佢呀....媽咪同我食完後都馬上飲兩支500CC水都仲係頸渴.....…Read More

黎呢到食過兩次1)蛋餅,要左野菜味($12)淋左醬油膏,落左勁多辣粉同海苔幾好味,唔油,蛋幾滑同飽肚.醬油膏同個蛋餅既味幾夾椰菜可以多d以增加口感(最好勁多...:))2)炸物(杏鮑菰同甘薯,$15)比同樣有賣炸菰同炸蕃薯既x昇麵線,佢可以雙拚不過價錢貴少少,份量差不多但佢粉薄好多,油少好多!係到勁落味粉,食得幾開心又無咁heavy…Read More

這幾天天氣開始轉涼變乾,喉嚨都開始有小小痛放工時看到這家以養生為主打既珍珠奶茶舖,心想一次過滿足我兩個願望~養生清熱同埋過珍珠奶茶癮,就試左杯始皇最愛+黑糖寒天所謂始皇最愛即明日葉茶,據說係傳說中秦始皇派徐福往蓬萊仙島尋找的仙草網上找資料說此植物有很高維生素及含有一種名叫"卡爾康"既抗氧化成份,對提高免疫力有很大幫助飲落茶味只係淡淡既草味,唔甜(無糖)亦唔苦呢度既寒天亦與眾不同,似仙草多過一般珍珠奶茶舖煙靭既粒粒,但黑糖味好濃!飲左後,不知是否心理作用,喉嚨既疼痛感似乎也紓緩了?~另,此處既奶茶據稱係用鮮奶而非奶精,有機會一試…Read More

家裏中秋節打算到外面的館子吃飯,見這裡食評大部分都是正面,便打算來這裡試試一行五人,叫了1)紅燒元蹄 - 無食到,不過大家既結論似乎就是好膩?2)賽螃蟹 - 一般,味精重3)素鵝 - 一般4)和尚戴帽(配叉子燒餅) - 炒什錦不錯夠熱,但燒餅一睇就知係來貨,好乾又無香味5)千張豆腐 - 呢個最難食,豆腐應為凝固劑既關係,酸既(唔係發臭); 中間既什錦粒好難食,豆角好腥,蝦米應該無爆過....似乎全部野都完全無正式炒過,切好豆腐放好什錦粒係中間再淋上湯就算6)乾煸冬筍 - 冬筍老,無鑊氣,得個油字7)豆沙鍋餅 - 餅皮黏牙......係因為我地無叫招牌菜既問題? 唔係好明點解咁多人排隊…Read More

講好食唔算特別好食,都如果識得加料都幾抵下食過兩次,兩次都係乳酪、藍莓同杏仁,每次都係HKD20上下我落廿幾粒杏仁、三十幾粒藍莓,乳酪只係100G以下(估計)....一磅杏仁都差不多四十蚊,超市買盒藍莓都十幾蚊啦.....呢度既杏仁同藍莓都幾新鮮呢度有幾個唔好處;1)乳酪/雪糕含水量較高,而家D咁既天氣好快好快溶2)TOPPING - 因自助形式既關係,老細要小心衛生問題,而家來說算係OK可以接受,但人一多我擔心維持唔到食呢D,點都比台式飲品好....另外建議老細開發無糖乳酪.....…Read More

什果涼粉($12)(走甜走奶) - 什果只係一般罐頭什果,但涼粉重藥味,真材實料,清熱氣,價錢唔貴,值得一試同行友人既外賣芝麻糊(加湯圓)聞落亦好香芝麻味,亦夠黑,睇黎唔差…Read More

周日無聊,想著同家人到郊區走走,吸收下清新空氣,順便食d市區食唔到既特色食物在網上搜索到這一農場,有自榨的鮮奶,有自家產鮮奶做的燉奶和薑汁撞奶和各種奶制品等等奶制品方面,家人要了燉奶(hkd14)和薑汁撞奶(hkd14),老弟要了杯熱鮮奶(hkd7),我要了杯鮮奶咖啡(hkd11)全部既奶味都勁香燉奶比撞奶既質感稠,但我媽咪懷疑它有落粉撞奶既質感有點稀,但咁係正常既....因為它只係靠鮮奶同薑汁既特性凝固,但味道幾清下鮮奶咖啡咖啡味好淡,但鮮奶勁香,好似飲緊日式咖啡牛奶一樣的確,係第二度試唔到既新鮮牛奶味食完野,去農場旁睇羊仔,睇牛,雖然是日陰天,但看著牛羊悠閒吃草,心情卻是舒暢了....…Read More

5/29:早餐買左個迷你菠蘿紅豆包黎食1)剛好係早上新鮮出爐既時間,包有熱度,而且質地鬆軟2)菠蘿皮鬆脆有香味3)紅豆餡唔太甜,起晒沙,仲有好香陳皮味....2蚊個包仔既餡唔係果種cheap cheap來貨餡你仲想點呢......滿足.....…Read More

試左兩樣1)杏仁豆腐花(hkd11)- 雪到好凍,質地好滑,杏仁味好香應該係杏仁糊+大菜整既因為佢既杏仁味唔係用香油溝出黎,而係真係比杏仁去開,所以咁好味但....真係太太太太甜,唯獨香濃既杏仁味令我食唔停口食完後悔左成晚.囧2)西瓜涼粉(hkd17) - 幾貴,但小妹係涼粉魔,要左走甜走奶好味,係軟滑果種涼粉西瓜都ok,幾甜同份量都幾夠....唯獨反而涼粉唔多夠......下次黎試下燉奶,等個肚有多d空位先啦.......…Read More

只係打算食仙草但係兩個店員,一個唔知道點整,一個唔識得同客人講解佢地個仙草有D咩....好似兩個就係番黎企係到收銀咁點解佢地會比D未TRAIN過既員工企出黎?…Read More

同事請食下午茶,因最近減肥中,所以叫左油菜菜心全走(走油走蠔油)點知佢都係比左好油既鼓油浸菜心比我:(比較成問題既,係佢d菜心太淋,用紙巾索走d鼓油汁後,就食到好勁既堿水味!一d菜味都無.....雖然話茶記野食唔要求得咁多,但一個油菜點解都搞成咁.....?…Read More

蕃薯包($12.5) - 好食,法包既硬脆外皮+幾乎佔去麵包50%既蕃薯蓉(食得出無加糖水浸)令佢成為我係公司既最佳下午茶小吃另外此包不會像一般法包一樣擺得耐會靭,因為蕃薯既水份包在粉團中,令包內裏變得鬆軟三重朱古力包($7) - 呢個反而唔係咁好,三重朱古力=朱古力麵包+朱古力吉士+包面有朱古力醬我覺得包面既朱古力醬可以用黑朱古力,增加味道層次感另外可以加入D有口感既配料令包既層次豐富D....例如果仁之類?整體對我而言是偏甜了些,不過可能其他人會鐘意…Read More

客人指定黎呢間酒店,咁呢間就呢間啦,中菜就中菜,悶d就悶d7個人,叫左:點心 - 菜心 - 一般,唔熱,有d油春卷 - 一般芋角 - 一般xo醬煎腸粉 - 無食到叉燒包 - 賣點係裏面d叉燒夠大粒?都ok既,呢到既叉燒應該幾靚雜菌餃 - 好味,無過度調味,有野菌鮮味蝦餃 - 無食到小菜 - 蜜汁火方 - 火腿好乾硬,好似老火湯d湯渣咁...加左d桂花汁,好似都係無咩分別中間既糖煮蓮子唔綿.....生平未試過蜜汁火方呢味菜,但覺得佢整得唔好食lor龍井蝦仁 - 雞粉蝦仁,食完口渴足一個晏晝荔枝橙皮炒飯 - 首先侍應哥哥拎左碟飯到隔離裝,裝左15分鐘......然後,碟飯炒得都幾油,又放得都幾凍而荔枝(糖水荔枝)同橙皮好似係炒完碟飯先撈入去咁,同碟飯完全無關飲品 - 叫左兩罐diet coke,而叫兩支水居然只有Bonaqua揀....而家d五星級點搞架埋單hkd900,唔係我比,都好肉痛唔係話太難食既,但我覺得唔值呢個價錢,唔值呢個級數…Read More

終於試到老細整既曲奇同平時食慣鬆化,油香濃郁既港式曲奇比,佢絕對係少油少糖既代表....因此呢,口感偏硬而脆HKD12.5 五塊曲奇,唔算係平,但落料勁足買番黎兩日,成間房都係榛子香味,食落口中,因為少苦糖既關係,榛子味濃到甚至....直情應該叫做回甘?不過,佢同時仲有用蜜糖制過既杏仁碎平衡,味道變得滿有層次感,不錯不過呢種曲奇恐怕不是人人鐘意的類型,但,應該好合我口味…Read More

太好食......實在停不了口曲奇蛋香濃郁, 牛油味香濃不膩(實際上還是很肥膩,用紙巾能印出油來....)配料的朱古力有朱古力味、薑有薑味、紅莓有紅莓味(而且毫不吝惜的每塊都有兩、三粒以上)短期內都不會再去,因為實在一食就忍唔到口…Read More