sylvee123's Profile

今朝11點去食早餐，點餐落單好順暢，送餐時我請個男仔幫手收一收隔離d用完嘅杯，佢邊講邊行開話同事食飯，咁我以為執檯嘅同事食飯啦，隔一陣就請個專執檯嘅阿姐執啦。阿姐話呢張檯係留俾同事食飯，我問佢使唔使我移去另一張檯，佢又係邊行邊講話唔使，但唔會執開嗰d用黎代表「職員食飯」嘅杯同牙籤。於是，等埋我朋友黎，我地伴住一堆杯快快食完，免得阻住仲未埋位食飯嘅職員。其實 寫住職員專用擺張檯係咪方便d呢...大家樂都有啦！…Read More

食過程班長5，6次 真係質素每次都有保證，食到心滿意足咁離開嘅，喺香港真係搵唔到另一間咁熱辣辣，足料，抵食嘅店喇！每次必食紅燒牛肉麵，辣辣地好惹味，牛肉量多，麵好彈牙好正，配埋d味菜真係天衣無縫，連老公都驚訝我嘅食量今次老公試雞排麵，鹽酥雞排炸得香脆之餘，特別在於嗰隻調味粉，同台灣食鹽酥雞係一模一樣嘅！ 台式香腸又係我每次必食之選，唯一美中不足就係想要多d蒜，叫咗多蒜d姐姐都好輕手呀！油香嘅香腸要配上大量蒜先過癮嘛！今次第一次叫花枝丸，好正呀！熱辣辣又係有鹽酥雞嗰隻味粉，食上癮呀！配埋佢地嘅酸梅湯，解油膩又清新。簡單又滿足的一餐！…Read More

見台灣菜隔離開咗間日式小店，就入去支持下啦，店面細細但都座無虛席嗌咗日本蠔做前菜，好鮮甜，印象中好似30幾蚊隻性價比高 讚因為樣樣都想試，就叫左刺身拼盤同壽司拼盤，百幾蚊有牡丹蝦同吞拿魚，抵食最正就係燒油甘魚頭，佢每日限量2份，真係好好味，燒到脆卜卜又有d肉，而家諗起流晒口水呀覺得唔夠飽，見隔離檯食定食又心思思嗌咗2份，100蚊左右包前菜 湯 沙律 甜品。魚生飯好新鮮，唔會因為定食而俾d渣d嘅食材。呢間小店食物質素高，有心思，希望做得住啦！唔想成日食連鎖店呀！…Read More

星期五晚上到去，位於永光中心一樓，行樓梯直上就係。門口有一堆人排緊隊，好彩訂左位啫，店員告知用餐時間為兩個鐘，店面好有日本感覺，又有d餐廳紀念品賣下咁，入到去都有幾檯係日本人，見店員名牌每人都有個日本名，感覺應該唔伏佢地有3款雞翼，鹽燒(5隻)，夢幻(5隻)同埋喼汁(3隻)。我地3款都有叫，menu寫夢幻雞翼係辣嘅，但一d都唔覺喎，好好味！鹽燒就普通，喼汁幾特別不過濕濕地唔係我style...另外仲嗌左味噌烏冬，超濃，咸到有d苦，不試也罷。海苔竹輪，咖哩薯餅同炸蠔都唔錯。飲品我地叫左5杯無酒精飲品，都唔夠多冰，飲得唔夠爽...整體普通，一人200幾蚊。…Read More

位於筲箕灣巷仔入面嘅幸福，位置隱蔽唔起眼，但間中總會聽到有人介紹佢嘅。不過由於佢冇堂食，全部人都係外賣買走嘅，有時就會買生未煮嘅冰餃子返屋企食。食過兩三次幸福，佢嘅質素好平穩，26蚊9粒人手包韮菜餃，加烏冬底就8蚊。餃子非常足料好飽滿，但個皮尾尾嗰度就厚左少少，煮完會有一位厚到硬左，有少少影響整體嘅味道，不過另一角度睇，就好有家嘅味道 另一重點係佢個大地魚湯底，比起平時食d雲吞麵湯真係差十條街。呢度湯底清甜，鮮味，食完又唔會口乾嘅，食得出係用心之作！…Read More

第一次媽媽帶我到蓮香樓，上到去好古色古香嘅裝修同格局，要有心理準備自己搵位同埋要搭檯嘅。建議最好搵d路邊位，方便攞食物吖嘛。坐低左要俾d耐性，專屬你嗰區嘅侍應哥哥會黎招呼你問下你想用茶盅定茶壺嘅，檯面有個餐牌寫咩點大概有咩點心同價錢俾你參考下嘅。揀完茶之後你就可以準備，有點心車推出黎嘅時候最好即時衝埋去，因為一d搶手嘅點心係唔會等到佢推車時仲有架！特別推薦蛋散，鬆脆香甜同媽媽2個食唔停呀！另外推薦蝦餃，d蝦好爽之餘，入面仲有荀，好耐冇食過入面有荀嘅蝦餃喇！充滿童年回憶…Read More

平日喺太古區食晚餐間間都大排長龍，食嘅又係普通連鎖店，所以上openrice睇下有咩推介啦，揀中左呢間。前一日打去訂位，店員好nice好方便。餐廳地點都易搵嘅，喺太古A2出口行5分鐘向船塢里方向行就到。上到去都係工廠大廈格局，跟住指示牌行冇難度。第一印象餐廳比想像中細，店員好有禮貌。我地3個人叫左4樣野蟹餅最先黎，唔夠熱同埋味道麻麻地，有d失望:(蜜糖雞亦，有6隻又熱又好味，挽回不少分數蟹肉意粉賣相同味道都普通，唔推薦蕃茄磨菇黑松露pizza 好好味 芝士同火箭菜都加分，成個pizza好多味道層次，好香脆，d Olive oil同truffle好香整體食物味道都有參差，服務唔錯，支持非連鎖食店…Read More

喺九龍城食完晚飯，過埋隔離食合成糖水都係指定動作。其實佢個店面檔口就好似車仔麵檔咁，有晒所有配料，大家揀食物嗰時可以左配右配都得，任君選擇，想點配都得架佢有季節性嘅推介架 不過通常都係大雜燴咁乜都有，價錢又係乜都包晒咁啦，阿姐推介再加薑汁要加5蚊。反而新出左擂沙湯丸有驚喜，30蚊有5粒，熱辣辣好足料，食完好滿足。本身我就最鐘意腐竹蓮子開邊綠豆加清心丸，不過都要49蚊，好貴呀！但就食佢嘅心意同埋堅持，因為第2度食唔到吖嘛！…Read More

星期日晚屋企人出街食飯相約在九龍城路邊雞，好彩訂左位咋，七點去到門口都排左幾檯人，好快就順利入座。不過原來好多菜式都賣晒喇，最想食嘅雞什賣晒陳腎湯豬腦湯豬肺湯都賣晒...叫左半隻雞，好新鮮配埋d薑蓉好正，狂風掃落葉就清晒。蒸蝦飯好好味呀！熱辣辣好香蒜味，d蝦都唔錯，有6隻左右。銀魚炒菜心，比想像中好食十倍，銀魚好香脆好惹味。炸大腸就麻麻地，凍左所以唔係好脆，如果熱d會好食好多。呢個鱔最唔好食，唔惹味。寫嗰時話鱔片，張相又係鱔球，以為冇骨啦，點知係有嘅黑醋骨就不過不失啦，冇咩特別，唔叫都得。…Read More

星期六下午黎到德福，間間都唔使排隊就揀咗呢間，d侍應全部都有禮貌服務唔錯。睇左lunch menu，都唔算平，但就包一款小食 粉卷/沙嗲雞串/馬拉盞炒菜，同埋包飲品。烤豬肉越式湯粉絲，d粉絲灰灰地色，幾特別架，豬肉好入味好香，份量都充足黃牛湯金邊粉個湯嫌淡左dd，牛肉份量都多，不過d金邊粉好難夾，壓埋一堆咁，如果剪一剪或者煮嗰時鬆一鬆佢應該會好d易夾d。侍應姐姐推薦話得獎菜色，都幾好食但份量少左d，菜就好大塊但春卷太細呢。寧願佢收貴d俾多條會好睇d。…Read More

終於都到星期六，一時三刻又請唔到假去旅行，去食杯甜品懷念下日本之旅先。朗豪坊呢間店面裝修好靚呀，出面個甜品櫃已經令人忘記平日嘅苦悶，投入去甜品嘅世界！叫左呢個高知縣沢渡茶大福芭菲杯唔止賣相靚，味道都好有水準！有佢地招牌雪糕之餘，個大福仲好好味，煙煙unun好好咬，少少飽肚但配埋雪糕又好正喎，超快就食晒成個！佢地嘅雪糕真係好正好有奶味，超級滿足呀！另外見到蜜瓜雪糕都好吸引呀！蛋糕又好吸引！希望短期內可以試埋佢地啦！…Read More

喺筲箕灣做野咁耐，聽過好多街坊推介呢間桻之燒串燒店。平時午飯時間經過都要排隊嘅，所以我地今次好醒地打電話訂左檯。懷住期待嘅心情下午一點半黎到，真係坐滿晒人，好彩留左檯。午餐都有好多選擇，我地當然叫返燒烤食物嘅set啦！而set佢可以配飯，意粉或者紫薯蓉。平時都好少食紫薯蓉，果然有驚喜，佢比起薯蓉硬身d，有陣香味，又唔會太甜，都好適合配惹味嘅燒烤架！燒牛肋骨午餐完全係驚喜,佢係燒完cut成一粒粒嘅，有d都幾肥但整體好香，調味超級好味！少少咸但紫薯剛好balance返！讚呀…Read More

由中學開始跟同學仔去明記，食到而家結左婚同老公一齊去，明記嘅糖水水準保持不變，而且仲一路推出新花款添！不過我嘅最愛就一定係多芒雪糕小丸子呢度食絕對係好味同足料過許x山好多倍架！佢地d芒果底係用芒果肉打成，夠清新而唔會死甜，小丸子大大粒煙煙un un，好好咬口！唯一彈嘅就係佢個雪糕球，雪到太冰太硬，唔夠奶香，如果可以skip左佢就更加好喇！明記呢排仲推出左芋圓，食過一次都唔錯架，明記d 姐姐好nice架，入到去好有親切感…Read More

茶木其他分店食得多，康怡呢間新開左幾個月所未食過，今日經過見唔使排隊就一於入去試下啦！雖然唔使排隊，但我地2個企左喺門口一陣都冇人理，收銀同蛋糕櫃兩個職員望住份文件講緊野，對我地視而不見，幾經辛苦終於入座打開餐牌吐司得三種，芒果，士多啤梨同埋tiramisu味。以前食過其他分店有好多味有綠茶味，唔知係咪改晒menu定淨係呢間冇呢。叫左個waiter黎落單，講左食物名，佢叫我地搵返個number俾佢....感覺唔係好pro，仲要命令個客打返開menu搵答案俾佢...我地揀左tiramisu味，大約10分鐘就上菜，脆卜卜好香好好味。飲品叫左紫薯latte，好香唔太甜，性價比高。熱帶水果茶個壺比以前細左，同埋好酸飲唔到，入面d水果唔太吸引，麻麻地。…Read More

安利相信好多人都食過，店面整體又乾淨企理，等位入座快又有系統，難怪成日都咁多人幫襯，仲會遇到好多明星添！ 呢日中午時間兩點幾黎到，就撞到伊健同佢太太。通常明星們都會被安排坐喺收銀隔離張“員工用餐”檯，大家不妨留意下啦！切腩魚蛋撈粗係我每次必嗌，撈粗麵爽得黎調味適中，魚蛋爽滑彈牙有魚味，我覺得比魚片頭更加正呀！片頭比較鞋口，不過兩樣都好有魚味。食完粉麵，最最最緊要就係叫返份鮮油奶多先圓滿架！另外對面有間安利大排檔，千祈唔好去錯呀，冇咁好味架！…Read More