pigbun's Profile

我成日食飽飯散步時都見呢度排長龍，都知佢一定唔野小，可惜我次次行過都已經食咗飯，所以無試。今日專程行去幫襯，因為天氣熱，個度冷氣不足，所以買返屋企食就最perfect！我其實唔係住附近，行去差不多要15-20分鐘，真係誠意可加，如果試過唔好味，真係會嬲爆，哼！一來一回，終於返到屋企，有得食。我叫咗3餸配米粉，$27。返到屋企，d米粉當然係已經索晒d湯，脹晒，但唔算好難容容，我like。配料我叫咗雞亦、魚蛋、牛肚。數下先：雞亦有兩隻，魚蛋有7粒，牛肚有7條，一條菜，仲附送咗1條豬皮，嘩，真係超級足料！底夠味又唔太咸，有少少辣味醒下胃，米粉索晒d湯之後仲正，雞亦係滷水的，好入味，魚蛋彈牙，咖哩味剛剛好，牛肚都好好味，唔會太淋。食完個麵，唔會覺得好口渴。我覺得車仔麵最緊要係選擇多、足料同湯底好味，呢度真係有過之而無不及，好耐未食過一個咁完滿的車仔麵，真係行咁遠去買都值得 :) …Read More

同老公第二次嚟晚飯，今次點咗大眼雞、蝦棗拼墨魚卷、白粥，再encore咗川椒雞，除咗墨魚卷麻麻之外，其他都很滿意，大眼雞有鮮味，配埋佢地自家製既豆醬，好好味，正！蝦棗炸得香，不太油，個啡色甜甜地既醬亦係自家製的，很令人回味。老公係潮州人，食得出係正宗潮式出品，感覺像回到兒時，哈哈！今時今日，正宗潮菜兼價錢相宜既餐廳實在難求。除咗食物質素好之外，服務員態度亦恩勤，如果住西環，呢度一定係我地既飯堂。…Read More

第二次嚟呢度食lunch，上次試過牛排lunch set唔錯。大節過後，想食得清清地，所以就試下佢最出名既All Day Breakfast，果然不失所望，我一直覺得煎蛋、腸仔、茄汁豆係無得唔好味的，不過個賣相確係幾靚，加上唔難食，所以確係幾滿足 :)…Read More

之前已經食過一次，覺得野食ok，只係覺得定價偏貴，所以之後都無再幫襯。今次見到團購價$98一個豬排set，仲weekdays都可以lunch去食咁抵，就成班同事一齊買，買了7張。雖然有團購，但訂位完全無難度。基本上整個lunch time keep住只得兩張枱，我地張枱7個人，另外張枱2人，真係冷清得可憐！團購的是"無菌豚炸豬排set"，炸豬排不過不失，miso soup好咸，白飯得少少。明明團購了相等於原價$158的套餐，點知同事話要+飯時，侍應同我地話要+$10/碗，但$158個餐寫明白飯任加架喎... 算了，免得同佢拗，無得+飯咪+菜囉，但+菜又勁孤寒，每次只拎少少出來 有位同事要水唔要茶，杯水差不多食完再+3吹4請之後先有，我叫熱咖啡，佢就跟咗砂糖同糖漿俾我，但無跟奶囉 大佬，得兩張枱都咁，再多d人嚟你點掂呀！總括嚟講，野食唔差，可惜定價偏貴，service又差，始終同梅林/Tonkichi無得比！…Read More

已經第二次嚟, 餐廳好細, 最好訂定枱。上次食過baby ribs, poutine, 小食拼盆, 大隻佬pizza (meat lover), 全部都好好回味, 所以今次要encore！今次多咗人, 叫多個意粉試下, 都唔錯。叫咗3個餐, 跟6隻原味雞亦, 好好味 唔知點解, 每次係度食完lunch, 成班同事都會壓力全消, 係因為個環境同service令人好relax, 定係d野太好食令人咩唔開心野都唔記得晒呢？:)…Read More

今日要食early lunch, 第一時間諗起豚王, 11:40am去到, 剛剛最後兩個位, 唔洗等 見到張點菜紙有咁多選擇, 第一次食, 咩都揀普通試試先。唔洗幾分鐘, 個麵就到了。先試試個湯底, 味道確係唔錯, 只係略嫌油膩, 下次香味油份量揀少或不要可能好d。秘製味増(辣)揀咗普通, 但一d都唔覺辣。麵條比一般拉麵幼, 本人就幾喜歡, 軟硬又適中, 唔錯！叉燒很薄很嫩, 好味！份量亦足夠。整體覺得好好味, 唔洗20mins就食完個lunch, 下次early lunch一定再幫襯 :)…Read More

老細請食lunch, 梗係有咁大食咁大啦, $65一隻龍蝦餃, 係呢個情況食就最啱嘩, 真係完隻龍蝦仔咁上架! 個餃差不多權頭咁大呀食落就...都幾好食, 好大舊龍蝦肉夾雜咗d鮮蝦肉, 好彈牙, 好鮮味, 真係好回味呀!!! 其他點心都好好味, 春卷足料又夠脆 :)…Read More

馬蹄糕就食得多, 馬蹄卷?! 真係未試過! 見個賣相吸引, 只售$10, 試下無防啦! 一試之後, 勁正! 一片一片的馬蹄糕卷成一卷, 原來口感勁好, 甜度又適中, 好味到幾飽都食得落 食完隻糯米雞, 再歎埋杯涷奶茶之後都仲回味緊個馬蹄卷, 素性要多個馬蹄卷外賣, 回家繼續享用 …Read More

海蜇青瓜: 味道一般, 唔難食, 只買$18, 抵! :)沙嗲蒜泥爽腩玻璃Q粉: 都幾失望, 同menu張相好大差別, "蒜泥爽腩"其實即係蒜泥白肉, 但肥膏偏多, "玻璃Q粉"其實係幼河粉, 但一點都不爽口 :(紅燒大腸: 似滷水多過似紅燒, 但味道很好 :)…Read More

d friend 話呢間車仔麵好好食, 尤其係個湯底wor, 因為加咗腩汁. 其實出面所有麵鋪, 都可以加錢加腩汁ga la, 咁呢度即係特別在唔洗加錢jei! 我叫咗個4餸麵, 基本上都算好足料, d料嘅味道都ok, 但食多幾啖之後就發覺個湯底勁咸. 咁就唯有一路食麵, 一路飲可樂沖淡下la. 飲完晒支可樂都只係食咗半碗麵, 唔想浪費食物, 試下食埋佢la, 但食多兩啖, 真係頂唔順, 最終放棄咗. 我諗如果要我再嚟食, 我一定走腩汁!…Read More

今日原本係打算去太興食晏,點知條龍鬼咁長,剛剛行去太興嘅時候,見到街邊有個類似茶餐廳嘅午餐牌,勇敢嘅我就提議試一試.其實間餐廳係一樓,行十數級樓梯就到,入到去覺得好得意,好似d工廠飯堂咁,好平,$32兩餸飯,仲有嘢飲,中環區難求!但我地決定叫小菜share,因為都只不過係$35一個.我地叫咗芙蓉蛋,麻婆豆腐,西檸雞,椒鹽唔知咩魚,同豆豉鯪魚炒油麥菜,全部都ok.跟餐我仲叫咗杯奶茶,簡直一流,好滑,又唔澀!我地由12:45坐到1:30都無人等位,下次太興,羅富記,桃園排長龍不防一試!…Read More