smeagol5133's Profile

首先，佢價錢已經算貴，俾啲咁嘅嘢食人，生菜包啲肉碎調味好差，撈檬連啲汁都唔係正宗嗰隻，嗰啲芽菜仲要係好硬，預你撈落湯嗰啲，點樣攞嚟撈檬食呀。仲有，好心假期係最多客架啦，仲要剩係得一個廚師喺度煮，樓面仲要淨係得動作好慢嘅兩個侍應，未有好多客之前啲嘢食已經好遲先到，之後多咗客，其他食客要等至少半個鐘先會有嘢食。最衰係個待應最後仲要呃我地話泊車要有信用卡底單先可以claim，赤柱廣場大把選擇啦，態度勁差，一定唔會再去。…Read More

首先，一上到去，已經帶我地嚟廚房嗰層上三層既位坐，中間樓梯感覺好污糟好黑，已經覺得好伏。之後叫咗個二人餐，個頭盤真係就咁三片芒果加菜，自己屋企求其整都整到，真係好求其。最重點係，食食吓發現底下嘅沙律菜有一條蟲爬緊出嚟。之後上嚟既湯同主菜，全部冇一樣野係熱嘅，個湯仲要勁難飲。個羊架又凍又硬，硬度咬左10分鐘都咬唔開。個軟殼蟹risotto一樣咁伏，已經凍哂，啲醬嘅味又好唔夾。總括而言，因為要有廚房拎啲餸上去三層，好唔衛生之餘，所有嘢都凍哂。呢個價錢食茶餐廳好過，起碼啲嘢會係熱。…Read More