Spring_kar's Profile

星期六下午三時下著大雨，門外都有幾位朋友等位，天氣熱辣辣，餐廳好貼心為等候的客人提供手提風扇……可幸的是等了不夠5分鐘就有位置了。整個餐牌的食物都十分吸引，相片都很精美，最後我們簡選了牛油果雞胸肉配芒果醬及Tiramisu! 牛油果雞胸肉配芒果醬感覺非常之清新，芒果醬的甜酸度恰到好處 ，雞肉亦都十分嫰滑，兩者十分匹配。Tiramisu 亦都不會太甜，賣相都十分精美，味道宜人之外，亦都十分適合打卡。整體感覺都十分好。…Read More

因為這間餐廳的名字很特別，令我好想去一看究竟...而我避免要排隊，早早6點鐘就到達餐廳！6點鐘餐廳已經9成滿，幸好還有一張二人枱，所以我和朋友即刻被安排入座！餐廳的餐牌只有4款食物，身為海膽怪的我，二話不說就點了最貴的，有海膽的丼做晚餐！這個丼有三種食法。一是用紫菜包著；二是用豉油拌好；三是加入湯...丼好快便送到，而我都跟著食法一二三去進食....飯不肯定是不是真的由日本米煮成，畢竟我在日本吃的不是這樣，這點讓我有點失望。而海鮮和海膽都不過不失....個人認為性價比不高，在深水場地段，$300只到這個質素....我想食水太深了！…Read More

對於鐘意食野既我黎講，生日當然要找一間有氣氛的餐廳慶祝一下，唔係人生就真係好似一條咸魚咁😝⋯⋯要將我呢個觀念灌輸朋友，所以朋友生日，我都會花心思搵一搵餐廳一齊試味。LKF Tower相信好多人都唔陌生，今次就試一試呢間Lily & Bloom .氣氛唔洗多講...都唔需要挑剔。Order 完畢... waiter會為你奉上餐前餅乾，再配特色醬汁，好想叫refill !!!之後就是西冷牛扒（7成熟），7成熟都唔會好軔，不錯。再來是龍蝦龍大利飯（掛住食忘記影相😭), 味道唔會好濃，又食到龍蝦香味，好出色👍🏿再來order了兩round啤酒！好滿足！…Read More

雖然一早預訂了，但還是要等差不多15分鐘，食好野似乎是要點耐性。餐牌有幾個，有套餐餐牌，主餐牌，飲品餐牌，甜品餐牌，還有幾個月便會轉一次的“今期推介”餐牌。今期推介餐牌是懷舊食品。要在裡面搵食物，真的要花上些少時間。頭盤:清爽正:名字有點趣怪，其實就是3款冷盤: 鮑魚，青瓜，海折頭。3款食物都是少少醋+麻油拌勻，清清地又有口感，又有鮑魚，顯得格外高貴。沙律拌生牛肉:又是酸酸甜甜的沙律，但配上一片片薄燒牛肉，對沙律的感覺又不同了。腐皮准山: 很有驚喜，腐皮是厚厚的，准山又切成一片片細細塊，再配上大量芝麻醬，好好味呀，而且芝麻醬中似乎是加了酸醋，又是開胃醒神的食物。經過一輪酸醋洗禮，愈食愈肚餓 主菜:化皮乳豬: 原先是想order脆脆bb豬，但份量太少，完全唔夠分，所以order了這個，相比之前食過的脆脆bb豬，這個比較油，但脆度10足，而且細細件，一口豬咁。限時紙包骨: 懷舊菜式，打開紙張，啖啖肉，完全無骨，而且汁好似鎖哂係肉入面咁，好正。蘿蔔抆鱔: 蘿蔔好林，鱔大大舊，但略略咸了一點。得賞素願: 齋菜一碟，無咩特別。整體食物都好精緻，但主菜是油了一點，有待改善。…Read More

如果不是到澳門，我相信好難會令我走到信德中心。好久沒有來信德中心了，印象中只記得有間麥當奴，吉野家可以醫肚，一心都諗住hea食算數。但今次到信德中心，有意外驚喜喔，開了好多好多餐廳任君選擇，而我就選了這間餐廳佢為輕食之選。下午餐選擇好多，想飽肚可有飯/麵，想輕食有沙律/多士等等，價錢由約29~50。我選了朱古力西多士，雖然等候時間要10分鐘，但可能出於即做關係，都可接受。西多士炸至金黃色，而且好熱，好新鮮，完全唔似用萬年由炸出來的。上面淋上朱古力醬，其實這個配搭一定無得輸嘅。好滿足這個下午茶，出發上船，bye hk。…Read More

經過西港城，見到這間門面好有日式感覺的蛋糕店，入去參觀下先。一開門已經被一大幅綠茶芝士蛋糕poster吸引住，再望望蛋糕框放著一個個綠茶蛋糕，排得整整齊齊，價錢只係$54一個，叫我如何忍手呢！？蛋糕大少有點像東海堂的芝士蛋糕，但價錢卻是它的一半喔回到家，急不及待要開動了........用它送的刀cut，手感好硬,與想像的不一樣....咬第一口，綠茶味被芝士味搶走了，如果這是個芝士蛋糕，會蠻好食的。咬到餅底部分，或者因為牛油太多了，好咸:(整個感覺如果掉到芝士蛋糕會好得多:(失望失望。…Read More

早早2個月book這個餐廳，只為博朋友一笑。餐廳好細心，知道朋友生日，會在menu中印上朋友的名字 + happy  birthday字樣， 而且更會送上一個梳乎厘。到埗後，要在lobby等了約10分鐘先可以進場，這是當晚唯一美中不足的地方。waiter給我們送上menu, 朋友見到menu是為自己而設，喜出望外。waiter亦為好送上一句又一句的happy  birthday.waiter更細心地為我們介紹了menu入面的食品，好讓我們可以搵到適合自己口味的食品。最後我地order 了海鮮platter, 22oz 牛扒， 芝士通粉。第一送來的是農夫包，欣賞它的牛油，是香草牛油，不膩而且開胃。芝士通粉不過不失吧，是頂胃食物，我們純粹因為要經濟但又怕肚餓而order的海鮮platter, 海鮮不是刺身，而是煮熟了的，但又不是100%熟，所以咬一口，仍然會感到它的鮮甜味，推介。22oz 牛扒，order了7成熟，真的是我想要的。牛扒啖啖肉，而且淋，又不是用生粉/醃粉加工過的淋，不用配上任何汁醬，簡簡單單的芥末已ok了。靚牛扒就是這樣吧!餐廳除了食物好外，service都一樣重要，這間餐廳令我感到它對客人的專重，10個like唔該。…Read More

生日快樂 ! 今次朋友知道我好好好鐘意綠茶，於是就到了這間餅店買了一個綠茶味的蛋糕給我。 早早已經對綠茶蛋糕剩下憧憬沒有希望的我，心中已覺得世上的綠茶蛋糕只是綠色，沒有茶味.....但經過今次，原來我係大錯特錯架。這間餅店的綠茶蛋糕，好濃呀～充滿茶味，而且好香滑，香滑并不是因為cream, 而是因為蛋，啖啖蛋味+綠茶味.......wooo ~價錢280蚊都抵 !…Read More

對ALL DAY BREAKFAST有情意結的我 , 總覺得一次過可以擁有印有我想食的東西, 實在是一件幸福到暈的事 ! 所以今天天氣就算已達33度高溫, 我都冒著溶的危機走過去。 位置比較偏僻, 以我來說, 如果不是刻意走過其實是不會/不可能是偶爾路過的。 走過一條又一條的橫街, 突然會發現有一間門面是歐陸色的餐廳, 有格格不入, 但又有一點清新的感覺, 當時即刻覺得旺角污濁的空氣全消了, 嗅到的是陣陣青草味。 餐廳不算大, 侍應亦不是nice type, 但播放著的純音樂聲浪恰到好處, 令我好似置身於渡假時刻。 Order 了3個all day breakfast, 1個fish & chips. 先講講all day breakfast, 有common的salad菜,炒蛋, 腸仔, pancake, 煙肉, waffle. 炒蛋很滑但不碎, 沙拉菜加了少少醋作調味, 酸酸的好醒胃。 最有驚喜是waffle, 雖然一早已知道這是一間waffle專門店, 但實在太喜出望外了, waffle很鬆軟, 表面有少少脆的, 微甜, 不用加糖漿都有甜蜜味, 不會膩, very good, 不愧為waffle專門店。 另外的fish and chips就一般了, chips 好salty, fish炸得太硬, 有待改進。 如果想在熱鬧的地方hea下, highly recommend這間餐廳，　由歎環境開始到食WAFFLE !!!…Read More

今日大年初3，赤口都要食餐好既。下午3點，店舖仍然人頭湧湧，但估唔到好快就搵到位。可能因為這間餐廳其實都係以快餐為主，所以客人食完都好快起身走人。一打開餐牌，已經被一個叫“美綠恐龍”的名字吸引，照片上，一杯美綠上面鋪滿了成坐山咁高的美綠粉呀。。。。。雖然工序唔係新鮮，但這是我小時候好希望擁有的，只是媽媽一定會一口拒絕，到長大了，就遺忘了。於是，即時order 一個星洲lasa + 美綠恐龍。lasa湯底好味，鮮蝦亦好新鮮，只是粉量太少但要接近$50，都好貴喔。說好的恐龍呢！！！？？？果然無令我失望，濃濃的美綠配上啖啖的美綠粉，omg, 大滿足！！！再看餐牌，原來有好立克恐龍，一定會再試試看喔。…Read More

holiday 關係，避免人迫人等餐死，所以6點正便拎定位入內等朋友。不出所料，0630外面已開始排長龍。今次因為第1次試菜，所以都點了些穩陣的食物。軟殼蟹米卷。共4件，每件大大件，米卷內包著的菜亦十分新鮮，蟹亦不油膩，好味。鮮蝦柚子沙律。這個就比較細，而且汁略鹹。炭燒豬頸肉。豬頸肉唔會過分燶，但沒有味道，都是靠另外一碟汁先有味。冬陰功炒飯。menu有個spicy符號，原以為可為這個飯增加點刺激，可是一點spicy的感覺都沒有，飯是香口，但就沒有冬陰功味。這個餐廳有點食之無肉，棄之可惜的感覺，就是不過不失吧，如果係青衣城唔個食咩，都可以一試。…Read More

經過v city好幾次，都會望一望8月的餐牌，相片中的食物非常精緻，今天終於可以試菜了。首先，由於普通茶位費都好貴，所以我地選擇了花茶。凍頂烏龍。凍頂烏龍用花茶的茶具裝飾，好高貴。炭燒生牛肉沙律。薄燒牛肉下放滿青瓜絲，再加上酸酸的汁。牛肉cut得好薄，入口有咬口，再配上清新的青瓜及酸汁，一啲都唔覺得膩。脆脆bb豬。$60只有4年，都算貴，但bb豬的皮真的好脆，好似薯片一樣。生炒蠔仔配薄餅，蠔仔算多，再配上9菜粒，竟然配合得天衣無縫。薄餅其實就類似蔥油餅的感覺，雖則天衣無縫，但下價材料。到8月，一定要試甜品啦。101拿破崙:第1眼已經心動，大約18cm高的拿破崙·········但一用刀义cut, 整個造型就倒塌了，慘不忍睹，無可否認每一層都好薄，但要進食好難，食到一半都停哂手了。其實食物水準仍有改善空間 ,而且價錢令人卻步。…Read More

OT到晚上10點，又未食飯又攰，決定食個快飯就返屋企覺覺豬，最後選擇了麥記，夜收工，又想令自己開心啲，於是唔order$21蚊餐，order了由staff介紹的飯卷餐。飯卷套餐選擇了雞+薯條+凍啡=晚餐等了約10分鐘，終於出餐。咬了一口，我真係唔明點解等左10分鐘，件雞卷都係凍，入面啲飯係乾到變硬，薯條係硬加大量salt，凍啡是酸的。之後我掉了雞卷入面的飯，無食薯條，半杯咖啡就完成了今日的晚餐。辛苦做完一日野，下之，唔會再選擇麥記。…Read More

好耐好耐之前已經聽朋友講sabatini 如何好味，今日是星期日，好，就試一試吧。位於帝苑酒店的餐廳，相信裝潢一定好堂皇，到埗後，真的有點喜出望外，裝飾不是土豪金，而是充滿歐洲情懷的裝飾。整間餐廳都令人像置身歐洲雪山上的木屋似的，再加上臨近聖誕節，餐廳擺放了很多聖誕裝飾，好有氣氛，好warm。午餐是一個semi buffet !坐下後，侍應先提意我們order餐前飲品。有sparkling wine, 柚子汁，橙汁。難得在高級餐廳用餐，當然用sparkling wine 做開場。sparkling wine 易入口，沒有那種kick的感覺。好，出去拿些餐前美食先。Ham + 哈密瓜，哈密瓜好香甜，ham亦有不同種類。芝士， 本人其實對芝士無研究，亦沒有特別喜好，但這裏放了幾款不同年份芝士，已叫我目不暇給。之後友人捧來了羅宋湯，我便笑他竟然拿這些飽肚又不好喝的東西回來.......既然拿來了，就試一試味吧，淺嘗了一口，二話不說，即時起身去拿一碗給自己，再配上暖暖的香草飽，omg, 一向在我心中好普通的食物竟然變了神級食物，經過今次，我以後咩都會拎黎試下，唔會先入為主。帝苑最出名的甜品，在未有主菜前已急不及待要試，拿破崙酥皮好鬆，酥皮好薄。朱古力cheese cake入口一啲都唔heavy, cheesecake 好滑，唔膩，食完一件又一件。這間餐廳，不計主餐已令我下定決心，再黎一次。…Read More

晚飯後沒有甜品作總結，總是覺得欠缺些什麼。但女孩子總是又怕痕又怕痛，又怕肥又嗜食，經過這間“全店食物不含忌廉”的乳酪店，我又怎能放過它呢！？在海港城這個鋪租癲狂的地方，竟然可以只賣乳酪便回本，想必有過人之地方。它門口放置了很多款乳酪的模型，大大杯，而且色彩繽紛，最後我選了似乎是較健康的f r u i t y  f r u i t y ,這個相比其他是多生鮮生果的。生果有芒果，藍梅，士多啤梨。。。。全是生鮮的。最頂部放了紅梅雪芭，酸酸甜甜好開胃。主角乳酪很軟滑，而且質地是很實在的，就是沒有很水的感覺，感覺較真材實料。每款售59～69左右，但相比平時街邊的乳酪店，只能講句“無得輸”…Read More