小火龍果's Profile

如果你要奢華類網紅類，呢度真係未必係你要嘅野但問心，唔單止冇講到又差又雪藏味係好好食性價比非常高疫情下的週末，我由太子聯合行到深水埗黃金，再過埋長沙灣元州商場，真係普通個麵檔都要排隊，明嘅行到真係頂唔順，見到有呢個漢堡店就真係是但入左去，諗住求其食少少野算點知係有驚喜下午三點幾一個客都冇，點完餐等，仲見到幾個負評真係有啲驚漢堡 : 食得出自家手打，就算我只係食最平嗰種入門都食得出係用安格斯牛肉，好香，入口滿滿係黑椒係肉香，配埋新鮮蕃茄生菜食得好舒服，好滿足薯條 : 到而家都諗唔明點解坐低10分鐘就有得食，但薯條可以熱辣辣又香脆，仲要係thick cut仲有，個漢堡皮非常香口鬆軟，其實水準真係好好，又平實，我自己就一定會返轉頭再食其實呢個帳戶都好耐冇出食評，真心係覺得點解一間唔錯嘅舖頭，會咁多負評…Read More

今年天氣熱到人痴線，尤其係去市區行個圈，冇冷氣地方真係留多幾分鐘都出哂汗好辛苦，雖然一街都台式飲品店，但好多都外賣形式冇地方坐呢個疫情下，又好難一邊行一邊飲。所以呢日見到有新式傳統糖水舖，地點又就腳，就不妨一試入去坐下店內佈置裝飾都好經典茶記港式風，但係店面非常光潔整齊坐低同朋友叫左海底椰木瓜燉雪耳同埋一個檸檬愛玉加隨機配料:)個木瓜雪耳食得出係用心機燉足時間之後先雪凍，食落肚又舒服又爽，仲要冇罪惡感朋友的檸檬愛玉一啜係SIR入喉嚨仲要配埋生果又抵食又鮮。見有人推介清心丸同馬蹄爽搵日經過就試埋先！…Read More

雲南旅行回來之後一直很懷念那裡的石板燒烤，剛好聽朋友說旺角銀座廣場新開了一家叫[堅石燒]的餐廳也是石板燒，於是就跟朋友預約了晚餐，而且開業期間還送免費的小食吧，可以無限享受飲料和小吃。由於我們兩個我們點了鰻魚飯，200G的澳洲和牛和韓式炸雞塊，兩個女生吃剛剛好。和牛端上來的時候應該是有1-2成熟的，有配牛油和蒜片，香草，後來我還問店員多拿了一塊牛油，店員服務超好，跟我們說如果怕煎不熟可以給他們拿到廚房幫我們煎熟。鰻魚飯也蠻好吃的。總體來說不錯，沒體驗過的朋友可以試試哦！我們吃完晚上8點左右，外面已經排起長龍了，所以最好提前預約呀！…Read More

到左一月真係凍左好多又係時候食下火鍋暖下身先。澳門食過一次海鮮鍋後一直念念不忘，又咁啱俾我搵到香港呢間水佬榮，一於約埋班朋友去試下先。樓下通知接待已經訂左位，一上樓就可以入座啦。星期一至四好處就係唔會太多人要等位。店面環境簡潔明亮，坐低就揀左每人$238嘅航母海鮮盛宴加多渣竹蔗茅根清下熱一見到個航母真係呆左，係勁。大。堆！目不暇給到唔知應該望邊樣先好..經理哥哥好好人提我地影相先，因為佢仲要加湯熱左先有得開動架全部都一人一隻唔洗驚爭崩頭唔夠食，呢個不得不讚今次揀左個蕃茄薯仔湯，加埋個鍋本身咁多配料一流！追加配料我地揀左安格斯牛肉，凍豆腐，萵筍，響鈴卷同鴕鳥肉。配料份量都好多，今次有排食海鮮係超鮮甜，無論係海蝦，貴妃蚌，帶子，鮑魚，蟹等等...每一樣入口都係好鮮美，所以食到最後個湯係比我地飲哂，因為吸收哂海鮮同菜類真係甜到不得了！最鍾意係鮑魚同海蝦，入口彈牙豐腴，配埋唔會喧賓奪主嘅湯頭絕對係掂！聽講佢個椰子湯同麻辣湯都唔錯，要搵日食多次！…Read More

下晝去到荃灣唔知食乜好，竟然又搵到間隱世好野點解叫隱世，因為佢唔喺係綠楊坊，愉景新城呢d大商場，而係喺地鐵站出口向愉城中間一幢商業大廈。店面裝潢清新雅緻，行到有d攰就入左試下幸運地仲要趕得切lunch，好多選擇啊點左餐好快就到，位處商業大廈就係有效率d點左魯肉飯，雞翼，鹽酥雞扒飯同我最愛嘅仙草芋圓呀。魯肉飯煮得好入味，汁香濃而不油膩，仲要份量唔細架，拌飯食真係好滿足。最重要係個鹽酥雞扒，皮炸得香酥，雞肉嫩滑多汁，配上隔離醃黃瓜同青菜配搭一流。食埋個甜品芋圓真係畫上個完美句號。…Read More

呢間個幾月前試過佢杯黑糖珍珠鮮奶，今次趁早出到銅鑼灣當然係試佢咁出名嘅大甲芋頭奶多謝天雨，平時長到排15 20分鐘嘅人龍變到得小貓三四隻第三個就到我，芋頭又未sold out，今次得手啦！等左5分鐘就到手啦，拎上手好墜手，飲落去飲得出係明治鮮奶grade，好濃厚，芋頭就啱啱好，唔算太甜，但份量就唔算多啦最後...我未食飯可以15分鐘內ko杯野，究竟係杯野細杯定我肚餓呢？唯一就係飲完呢杯芋頭奶仲係有d唔滿足咁..下次飲其他啦:(…Read More

成日去買書經過美麗華地下，FIAT同HABITU試過就爭呢個，一於集個郵比個機會佢:)裝修簡潔，唔知咖啡煉金術呢個名點黎？可能係想話每個Barista都好似煉金術士咁掛。星期六黎到，Lunch Menu會兩點半前完，準時cutoff同朋友一人一個All Day Breakfast+ Ice Americano ($136)，賣相份量就一般，全碟除左有湯同yoghurt，冇一樣印象深刻d，比起好多地方嘅ADB仲好唔吸引..蛋好大份，但食落冇乜味咁。薯仔，煙肉係合格，右上個話係espresso French toast，但食落除左好輕微甜味就乜都冇..最左上係個三文魚紅菜頭toast..我情願要塊就咁煙三文魚算啦最後，ice americano好好好好淡，我乜都未加飲落去仲淡過Starbucks，唔知係豆問題？落水多左？下次就不了，尖沙咀大把選擇。…Read More

呢間野好似話係台灣一個藝人開架，次次夜晚經過都排隊排到傻..大熱天時真係唔好叫阿姐企街等啦..呢日晨咁早行過見到冇乜人，係機會啦飛雲首先乜都唔講，企收銀位個男仔好好人好親切我第一次去珍珠奶茶舖係見到有STAFF係好笑容同有耐心比建議你，唔係叫你企埋一二便下個先或者黑住面等你睇完個MENU好多杯都想試架，不過第一次當然係要試左招牌，近排大熱嘅黑糖珍珠奶先啦等左五分鐘就有啦，以三十幾蚊而言如果可以大杯D就仲開心；因為倒水咁大雨所以冇手即刻幫佢開光有D可惜。番到公司之後發現原來杯有四分一係泡即係又再飲少左不過平心而言，黑糖好香，食得出係炒過，我仲忍唔住舔埋個杯蓋..不過可能因為放耐左，珍珠過左最新鮮出爐最正嘅時候...對唔住呀！！下次要試埋佢個宇治抹茶珍珠呀…Read More

印度咖哩，旺角街頭果間食過，元朗有間出名嘅都食過，都唔係我杯茶，反而朋友介紹早幾日去左尖沙咀一間隱世印度素食食完真係好印象深刻。利申，我去到先知係食素第一樣真心欣賞係佢地方夠大之餘座位一d都唔姑寒兩人檯好似四人檯咁闊落，大大張卡位比你印度籍員工好親切熱情，可以因為比較少見到有本地客？我去到果陣全場客人都係印度籍，個個都好安靜咁食野叫左杯我至愛嘅Mango Lassi，一個北印度套餐同埋乳酪炸圈，再加多個印度芝士炒飯。Mango Lassi正常，夠凍夠creamy北印度套餐好豐盛，有印度胡椒餅，中間有個炒飯，另外仲會有個烤餅，旁邊有五款配料比你做唔同配搭。 兩個咖哩都好香濃，每口都食到超強烈香料味；怕辣嘅不妨試佢個黃色醬汁，好強椰漿味好特別。睇價錢見到$120，但食得出每一個項目都落足心機，絕對物有所值乳酪炸圈超有驚喜，食落口冇任何油膩感乳酪同入便近似salsa配料，加上香脆炸圈形成多重口感，食過咁多印度野第一次食到呢種菜式印度芝士炒飯好快都上埋，豪爽咁加入左大大粒羊奶芝士好抵食，香料辣味同芝士軟滑互相襯托，呢餐雖然一d肉都冇食到，但成件事好滿足好健康…Read More

去開銅鑼灣，搵食通常都係SOGO世貿希慎搵食，好似有選擇但又冇乜咁，隨時排隊都排到你傻今日決定避一避世走去天后搵食，食完順便行下維園去到清風街都未到七點，就搵左呢間日式串燒試下。店內裝修都係工業風，但就好欣賞張檯同座位夠闊落，行完坐得好舒服:)決定同朋友嗌個二人餐，400幾由湯食到甜品仲包野飲同和牛真係好吸引；再加多個清酒花甲。落單後好快沙律同野飲就送到，沙律勁大個之餘d菜係新鮮清酒花甲一流，我係連湯都飲哂！花甲唔似出便果d咁又細粒又韌，粒粒都好鮮甜，誠意推介呀一口帆立貝海膽淨係見到都覺得豪爽，咁足料真係好感動；如果面頭花灸多D就仲正重點係和牛有得俾你揀自己燒定燒埋比你；揀自己燒就大大個爐比你，仲提供牛油同埋會細心指示你煮法！和牛入口鬆軟，每咬一下都滿口油香，除左讚自己燒得好，都係因為d和牛靚呀誠意推介I’ll be back!…Read More

我係個台灣控黎，望下我食評10篇有4篇都知去台灣真係既方便又快捷仲要勁多好野食，但行唔開去台灣嘅日子唯有搵d台式美食頂肚醫下思鄉病。因為朋友介紹，專登出深水埗試呢間牛肉麵順便行下附近玩具街同小店:)地方好易搵，正正黃金商場對面，舖面鮮明顯眼。入到舖即刻有得坐，仲有充足冷氣，天時暑熱即時舒服好多。叫左碗招牌紅燒半筋半肉牛肉麵，加多個炸雞排試下先雞排先到，炸得好香脆最緊要係唔會咬落去成口油咁，但又食到雞肉嘅嫩滑同Juicy，比我想像中街頭d炸雞店做得好好多值得推介。主角到啦，牛肉同牛筋都好入口，直頭軟滑到入口即溶嘅地步。湯底香濃，食得出係花過心機嘅香料肉骨燉煮而成最重要係份量充滿誠意，出手闊綽大大碗咁，好滿足。估唔到深水埗都有咁優質小店…Read More

星期六下晝同同事搵地方坐下，行到k11諗起呢間cafe又見到有位就入去啦，其實佢d咖啡係幾唔錯嘅被安排到高枱坐，可以望住入便咖啡師調製咖啡食物，感受下悠閒氣氛，都係件賞心樂事呀。點左杯凍美式咖啡，南意大利咖啡豆，首先夠凍，冇果種熱啡加冰比你嘅感覺。入口真係好香好正，沿住喉嚨直達胃嘅冰涼感同咖啡香，真係有講唔出口嘅滿足同事杯橙色歲月都好特別，侍應特別提醒飲時最好配合沾糖杯邊，入口好濃橙汁，反而唔似飲緊咖啡添不過小食方面相對失色。水牛雞翼落太多Tabasco，酸得太嗆，加上個外皮炸粉太厚食到後期得個膩字。Blueberry Cheesecake真係食唔到乜芝士香，Starbucks果件都仲有誠意過佢...最後有位樓面男侍應全程黑哂面咁態度又差，唔知係佢一直都咁對客定咩:(…Read More

深水埗搵食好多地方，拉麵好多時都諗起西九龍中心果間越做越不復當時嘅隱家所以當朋友話深水埗食拉麵我真係打左個突 ; 點知最後係我比佢大大巴星落黎，因為真係好食！有驚喜呀！位置又係收埋喺咩汝洲街福華街果類排檔後面，所以開頭真係冇期望架舖頭簡潔中帶些少和風，日本藉老闆熱情招待入座。坐低後聞聞下濃厚豬骨湯香，我越來越深信呢間好野黎！拉麵個湯係超香甜醇厚豬骨加上背脂，每一口充滿油香，怕肥但又忍唔住一啖飲完又一啖呀！溏心蛋好正，當然我都好醒目地快快手食哂先，以免俾熱湯影響。可能會有人覺得佢呢種叉燒好散碎，但我反而好鍾意食一黎冇咁多脂肪位，二黎薄薄地，掛少少湯入口..真係一流呀！價錢？合理抵食過你去豚王囉！不過咁，食完半個鐘之後我就口渴足幾個鐘呢個位真係扣分..我仲會比多次機會你嘅一京，唔好令我失望呀！…Read More

Burgeroom由佢一開始銅鑼灣加路連山道舊舖食到入食街，而家仲開到尖沙咀添入左商場大舖，感覺少左份親切，裝潢一樓行摩登獲格，最大好處係真係好夠位，就算八點左右都無需再好似銅鑼灣咁都排隊，自己等位是日叫左份芝士扭紋薯條，一份雞翼同一個大菇牛肉漢堡。扭紋薯條都係唔錯，不過真係要趁熱食，耐左d芝士痴住哂冇咁吸引。雞翼都係穩陣之選:)冇乜驚喜都冇乜失手嘅地方。主角上場啦，但真心失望漢堡咬落去，牛肉滲出黎嘅係油、淨係成口油，一d肉汁、烤香都冇呀！其餘配套都唔錯，但真心最重要果樣就最失望...差不多價錢下次食burger我就揀返海港城BLT算啦。…Read More

專登過黎幾次都撲空，因為茶理史開三點收十點，營業時間都算短終於有日收工趕到十點前黎。收銀機妹妹幾好人，唔怕你多問題諗得耐，於是叫左杯琥珀白玉同燒麻糬醫下肚。買完企埋一邊等左十分鐘就有麻糬食啦，野飲就耐d麻糬同之前台北西門町食嘅一樣，雖然有d貴，但燒得真係外脆內軟，加埋醬汁真係一個人都食到兩條架野飲我一到手係比個色嚇親真係成杯木瓜奶咁，飲落去好濃好香茶味，但反而覺得太重味，加埋奶成件事有d唔協調？麻糬口痕仲會再買嘅，野飲就未必啦。…Read More