laimanha's Profile

晚飯時間行過呢間小店，鋪面幾靚但係食傳統港式粥麵，望見會坐得幾舒服，又平平地咁就揀左係呢度晚餐。好靚既壁畫，有心思！呢個餐前小食，勁好味！平時唔食酸蘿蔔的我，食左十粒先黎一碟郊外油菜，幾新鮮。男朋友叫左南乳豬手雲吞撈麵，南乳豬手有水準，雲吞雖然細細粒但又幾足料。我嗌左碗豬潤魚腩粥唔記得左影相豬潤煮得好滑，魚腩肥美，粥底好綿，黎呢度食野一定要叫粥！！極度為食的我們仲嗌左兩份小食蝦腸：勁多蝦！足料！蜆介綾魚球：我唔食的，男朋友食，佢話炸得好香口！第時想食粥我都會揀番黎呢間食…Read More

男朋友揀左Wooloomooloo Prime去慶祝我地拍拖一週年紀念日餐廳環境浪漫，又有海景，好適合情侶黎撐下枱腳！頭盆叫左半打生蠔，好新鮮！好好味！主菜叫左Wellington Beef、medium rare既ribeye配小龍蝦，仲有配菜baked potatoWellington beef $480 勁細舊！好似個鬆餅咁！入面既調味太咸了，我覺得麻麻地，不過係幾特別！Ribeye配小龍蝦，呢個好食好多！小龍蝦好鮮甜，Ribeye質素很高！Hot chocolate cake好滿意今次的晚餐…Read More

係旺角行街街行到又攰又餓，上OpenRice睇下附近有咩食，見呢間好似幾chill咁，又想食下意粉，就揀左Coffee Talks！我嗌左大蝦忌廉汁意粉同埋水果茶，意粉味道不錯，水果茶好大杯，同埋好多生果！飲完杯水果茶，食完意粉，仲有飯後果食！總括黎講，呢間餐廳不過不失，但冇咩特別，行開附近既朋友，見肚仔餓可以入去試下，唔會失望，但唔會有驚喜。特登去食就唔建議了，如果係下午坐下hea下飲杯咖啡既話都ok！…Read More

La Vache! 絕對是我最愛的扒房！數數埋埋，今次應該係第四次黎呢度了，今次係為左慶祝朋友生日，我地一行七人一齊黎La Vache! 慶祝！我地每人嗌左一份steak，一枝紅酒，兩杯可樂，三份甜品。呢度既可樂$50杯，但我啲朋友覺得食薯條一定要飲可樂！La Vache! 就係咁樣賺錢賺到開分店喇！低成本薯條任食，可樂就天價～牛扒質素真係唔洗講野，冇得彈！我嗌左medium rare，呢度既medium rare真係顯出廚師既水準，我每次黎都嗌medium rare，每次都冇多冇少，冇過生冇過熟，岩岩好！甜品環節：拿破崙、chocolate cake推薦chocolate cake勁濃！好似食緊朱古力咁！寫完呢篇食評又想食了…Read More

半價咁抵食，排幾耐隊都抵呀！其實都只係大約三十分鐘，我地揀左以下兩個甜品（唔記得叫咩名）唔知咩茶大福綠茶芭菲另配柚子大福、白玉（另上，冇入鏡），好好食呀！綠茶濃度岩岩好，唔會太淡唔會太濃，紅豆既甜度都係岩岩好，唔會太甜搶左綠茶雪糕既味道，另外呢杯芭菲個底有啲綠茶啫喱，好好食！成杯芭菲既口感好好，好有層次，而且材料好豐富，推薦！Affogato 北海道牛乳雪糕配熱朱古力，不得了！冇諗過可以咁夾！食一啖雪糕，濃滑帶甜的；飲一啖熱朱古力，甘甘的；兩款一齊食，絕配！熱朱古力中和了雪糕的甜味，雪糕也溝淡了甘甘的熱朱古力，兩者取得了完美平衡！不過以後都係特價先會捨得食了…Read More

原來樂園係好似一間Cafe咁，可以玩board game，又有兩隻好可愛既貓貓，真係名副其實既「樂園」！我同男朋友叫左鵝肝黑松露意大利飯、醬燒豬仔骨，同埋心太軟。鵝肝黑松露意大利飯 – 塊鵝肝好大塊！黑松露味都好出！意大利飯夠晒林身！整體來說係十分不錯的！醬燒豬仔骨 – 平時食Ribs一定係用RubyTuesday黎做comparison，今次都唔例外，但竟然有意料之外的事發生！呢度既豬仔骨係好食過Ruby Tuesday架！醬汁甜甜咸咸的，好惹味，重點是肉質十分肥美！咬落去啖啖肉！出色！心太軟配雜莓雪糕 – 又靚又好味既一道甜品！佢用糖霜整左美少女戰士既圖案放係碟，少女心爆棚呀！！！而且心太軟都係高水準，配埋雜莓雪糕好特別！推介比美少女戰士既粉絲呀！！！順帶一提，樂園既職員真係好nice，我電話冇電會幫我差電，要讚！…Read More

同舊同事聚聚舊，去左九龍塘既千兩食壽司，我地兩個女仔叫勁多野！叫到個侍應都開聲叫我地不如食晒先再叫都無需要多講了～千兩不嬲都有質素，每一啖都好幸福呀！仲有好多其他食物冇影相，最後埋單$1200呀，每人食左$600…Read More

週末，約左一班朋友去西貢chok墨魚。西貢咁多好野食，上船前當然要開餐！之前已經做過research，聽聞呢間炸魚薯條比英國的還好味！果然名不虛傳，真係好食過英國既炸魚薯條！係倫敦食過既覺得炸得太過火，有點太乾。而呢度既炸魚好新鮮，冇雪味而且好有魚味又滑溜，粗薯條都係好出色！我覺得以後每次去西貢都要食一次先對得住自己！呢個burger就好細個而且冇乜特別，可以唔試，只係驚唔夠飽先叫黎充飢。總結：極度推介炸魚薯條…Read More

我一早已經去拎左片皮鴨，但拎唔夠皮，所以我就再出去拎多幾塊皮。但出面排晒長龍好多人等緊拎片皮鴨，而拎皮個個位係比人龍擋住左，我同排緊隊的人講，可唔可以比我拎幾塊皮，我唔係拎鴨架，有個女人叫我排隊，我話：下，我拎塊皮咋喎。之後我搵職員叫佢幫我拎，佢叫我自己拎，我話你啲客叫我排隊，佢話咁你要排隊架喇，我話你冇野呀我拎幾塊皮都要排隊？又唔係拎你啲鴨。佢話咁我轉頭拎比你啦，不過冇咁快。過左一陣個職員拎左幾塊皮比我再同我講：下次要排隊。咁我拎醬洗唔洗排隊？冇野呀？我有打尖咩？大家排隊拎鴨，條人龍擋住左啲皮我叫人讓開比我拎啲皮姐我有打尖咩？做咩要受呢啲屈辱？真係拎塊皮都要排隊？之後我同個經理投訴，個經理話係一場誤會，話啲客人唔知我係拎皮定拎鴨先會叫我排隊，咁姐係拎皮唔洗排隊啦。大喜屋，我同你講，一係你寫明拎皮拎蔥拎醬拎青瓜都要排隊，你淨係寫住燒味區，我唔拎燒味係咪都要排隊，你咁樣既服務態度，收我幾百蚊。用腦諗下啦，去食自助餐排隊拎生蠔，我淨係拎舊檸檬拎茄汁，又洗唔洗排隊呀？執左佢啦，少少野都做唔好…Read More

一個月前見到一芳仲係裝修緊未開業，當時已經十分期待！今日咁岩經過見佢張已開緊係要試下！人龍唔算長，十個咁上下啦。我揀左一芳水果茶，男朋友揀左黑糖粉圓鮮奶茶。一芳水果茶：職員建議我少甜，但飲落我覺得有點酸有點淡，失望。水果方面都係百香果、橙、蘋果，毫無特別。黑糖粉圓鮮奶茶：茶味好淡，成杯野都唔夠甜，但佢係固定左甜度，想固，係啲粉圓唔差。總結：伏，失望。建議大家去試下有幾伏，幾十蚊飲啲咁既野早知去隔離飲Starbucks…Read More

一個月總有兩三次會黎高興食午餐，因為就係公司樓下咋今次特別寫篇食評係因為試左佢既All Day Breakfast！一份咁豐富既All Day Breakfast配一杯橙汁只售$74！真係好抵食！果醬面包、炒蛋、茄汁豆、Parma Ham、沙律、番茄、雜菌、腸仔，真係唔知食邊樣先好果醬面包：用法包塗上橘子醬，開胃炒蛋：炒得好滑，而且好大份茄汁豆：不用多說，All Day Breakfast不能缺少的一部份Parma Ham：很豪氣！足足有兩大片！而且味道十分好沙律：菜好新鮮，但應該加左我唔太喜歡的椰子油番茄：煎得岩岩好，又新鮮雜菌：有蘑菇、雞脾菇，而且份量好多腸仔：呢款係我最欣賞最鍾意的，佢係芝士腸黎架！！！兩條咁大條既芝士腸，每一啖都爆晒啲芝士出黎！超級正！另外仲同啲同事share左一份黑松露薯條，每次黎到都必點！粗薯條配黑松露醬，好好味！…Read More

今次我地一行六人，為其中兩位美女慶祝生日，揀左呢間非常igable的火鍋店！睇相就知有幾咁igable啦！呢鍋海鮮每一款都好好食好新鮮，海鮮一定係食佢既鮮味，所以佢個湯底只係好清淡既菜湯，都已經足夠襯托呢鍋海鮮！值得一讚既係佢既粟米，勁鮮甜！套餐仲包一碟牛肉、幾款自選配料同埋出前一丁，手切牛肉同牛柳粒好正！另外我地仲叫左好多好多配料，不能盡錄不過唔知點解明明我地六個人，佢每款海鮮比五份，但我地當時又唔知點解冇問點解，又冇睇張單佢收左我地幾多位既錢，定係佢既份量真係咁樣？真係不得而知了。…Read More

同朋友經過呢間Waalah，望落好似幾chill，就入去享用我地既晚餐！我地叫左medium rare既rib eye、棒棒豬腩肉、一份nachos同埋每人一杯sangria。Nachos係menu既名叫「好Lah嘈」($68)，見佢個名改得咁好真係忍唔住要order一份，正常水準啦，醬料都好足。棒棒豬腩肉($68)，豬腩肉係超肥美的，每人兩粒岩岩好，個醬都幾好味的。Sangria係正常水準。Medium rare既rib eye ($138)，呢個價錢呢個質素呢個水準，絕對超值！切開係粉紅色的，完全唔會過熟，岩岩好係medium rare！總結呢一餐係非常抵食，雖然食物既味道唔係驚為天人咁美味，應該係識煮野食既人都煮得出既味道，但呢個價錢黎講真係非常唔錯！塊rib eye百幾蚊，係好食過outback的。而且服務很好，環境都很好，好chill，岩晒同朋友仔傾計，推介！…Read More

朋友約左我黎Thai Basil晚餐，因為佢有AE可以半價！咁抵就咁係要黎試下啦！星期二既晚上都要排隊，不過只係排左大約十分鐘，好快就可以入座了。環境幾靚架，泰國菜既餐廳黎講，環境都算幾高級。我地兩個女仔，總共嗌左四個菜，分別係：燒牛肉沙律、牛油果醬軟殻蟹米紙卷、串燒同埋燒鱔。燒牛肉沙律，整體黎講都唔錯，不過牛肉燒得有啲「窿」，所以食落有啲苦，如果唔「窿」就perfect池喇，我地order左五成熟，肉質很好，但就燒得有啲失手。呢個牛油果軟殻蟹米紙卷就冇乜特別，都幾好食。菠蘿、雞肉、帶子串燒，三款都好好味呀！帶子大大粒啖啖肉，雞肉好嫩滑，菠蘿又甜又多汁！呢碟燒鱔不得了！係今晚既亮點！亦係朋友十分推薦既菜式！唔好睇佢細細件，兩個人一人一半真係岩岩好！而且呢件鱔魚真的超級肥美，又香又滑！另外個配菜沙律係好好味，有好甜既芒果同埋爽口既青木瓜，一啖肥鱔一啖沙律，解膩一流！女仔就算食到幾飽都要叫個甜品！唔記得佢叫咩名，好似係咩香蕉布丁咁上下。其實佢係一個香蕉蛋糕加一球雲尼拿雪糕配雲尼拿汁再灑上焦糖脆脆既一個甜品。呢個甜品真係勁！好！食！平時食香蕉蛋糕都知道佢係乾真真，但個蛋糕吸晒啲雲尼拿汁，成件事即刻昇華晒！呢餐真係十分滿意！所有食物都好味！而且仲要有半價，真係抵到爛！食咁多野仲要叫左凍檸茶加一杯Stella都係$477埋單，每人都係兩舊幾水咋！…Read More

星期五放工後的晚上，當然要出去食下飯拍下拖啦！最近download左eatigo，即管睇下佢有咩特價餐廳啦！不過都預左busy hour冇乜點平架喇，見到ciao chow有位又有九折都照殺呀！Book左7點半，但我地7點15分就到左了，已經即刻可以入座。餐廳門外大排長龍，應該有十幾廿人排緊，好彩有book位姐，其實我地係當日下就5點幾先book都仲有位一開始安排左我地坐左係啲比較逼既位置，然後有位疑似經理既外藉男士安排我地坐窗口位，話會comfy啲privacy啲，但事前我地咩都冇講過冇反映過就已經有呢個待遇，非常好的服務態度！男友嗌左個我唔食的青醬意粉，而我就唔太肚餓淨係嗌左個caprese同埋一杯汽酒。本人唔鍾意青醬陣味，不過都試左一啖，都接受到，青醬味唔太濃烈。不過身為一碟青醬意粉冇乜青醬味，對喜歡青醬既朋友唔知算唔算一件好事。不過男朋友話好食！我最愛的caprese比我想像中細份，水牛芝士都好細塊。不過味道很好，芝士同番茄都好新鮮！最後埋單$200都唔洗！睇睇張單，係唔洗加一服務費，但又有好好既服務質素，加上eatigo 10% off，真係抵食！…Read More