foodiepingping's Profile

去一田嘅時候行過呢間餐廳都覺得裝修好靚，一直都想試吓，今日晏晝時間唔算好多人就可以嘆番個lunch先！一入門口就見到室內好多位，而且坐得好闊落。嘢食選擇都幾多，唔同嘅前菜、主菜、小食同飲品等等。星期六日仲有lunch Menu真係好抵食呀。首先就叫咗個紅咖喱牛肉飯，咖喱味好香濃，牛肉又好嫩滑，配埋白飯令人忍唔住一啖一啖好快食晒。另外主菜仲叫咗個羅氏蝦炒金邊粉。金邊粉炒得好乾爽，兩隻蝦開左邊炒好入味，調味仲有微辣，好食除咗兩隻蝦之外，佢仲有啲大嘅蝦乾，烘乾咗之後都好好食跟餐追加咗個免治雞肉雞軟骨串燒，雖然係跟餐但係做得一啲都唔馬虎，份量十足。另外亦都散叫咗個燒原隻魷魚，燒得啱啱好外脆內軟。配埋醬汁好夾嘢飲方面就叫咗一杯凍嘅泰式奶茶同埋一杯凍泰式牛奶咖啡，係預期中嘅味道偏甜，不過奶茶打得好細滑，我個人就比較鍾意泰式奶茶見到佢lunch餐牌，其實仲有好多嘢可以揀，下次可以再試吓…Read More

朋友介紹黎IFC食呢間創意中菜懷着期待嘅心過嚟試吓佢揀咗佢哋嘅dinner set Menu- 世味人生呢個set一共有九道菜 非常豐富 而且食得好飽🥢前菜：慢煮泡椒蟶子皇蟶子肉非常彈牙 而且配上泡椒 口感獨特 酸酸辣辣咁樣 非常開胃🥢草莓醬淮山.柑橘梅子番茄.香辣凍花甲草莓醬淮山，又係一個開胃之選梅子蕃茄非常軟腍 咬開充滿汁水花甲肉每粒都非常飽滿 而且香辣嘅調味好啱我胃口😆🥢金腿雪燕甜豆芙蓉羹冬日暖笠笠食返一碗真係唔錯👍🏻🥢脆皮海參-鵝掌脆皮嘅海參真係第一次食 入面非常軟腍 而出邊竟然好香脆 口感層次十足 而鵝掌就係一咬落去就已經脫晒骨👍🏻🥢珍寶珠由花旗參造成嘅珍寶珠 配上花膠啫喱 養生之選🥢脆鱗馬友魚外皮炸得非常焦脆 魚肉非常嫩滑🥢茅台鮮蠔屈雞煲茅台將成個雞煲嘅香氣帶晒出嚟雞件嫩滑 鮮蠔非常肥美飽滿🥢花膠甘栗珍菌炆飯用了十足，可以食到一粒粒嘅花膠 調味非常唔錯 飯粒粒粒分明🥢萬壽薑茶鴛鴦湯圓冬天食返一碗暖粒粒嘅糖水作結♥️成個set Menu食得非常飽而且每道菜都非常有水準 聽講佢哋定期都會轉Menu 下次得閒一定會再試…Read More

✨Mue Mue✨新推出泰式早午餐放題😍走高級路線的新式泰國菜Mue Mue 最近推出超抵食的早午餐放題 $328/ 位 享用無限量高質泰菜放題😍🥢APPETIZER 前菜 (每位一客 共三款) 爽脆酸辣魚皮 - 酸辣爽口魚子醬紅磚豆腐 - 外脆內軟泰式青醬鮑魚 - 新鮮彈牙🥢SOUP 湯 (每位選一款)摩登海鮮冬陰功 - 酸辣開胃蟹肉海鮮羹 - 鮮甜🥢UNLIMITED THAI SNACKS 小食放題🦐泰式青醬生蝦👍🏻 並不是平日細細隻的虎蝦 重本運用新鮮赤蝦刺身😍非常鮮甜彈牙🐷炭燒豬頸肉沙律香口彈牙 燒得剛剛好完全不會乾🍢即烤沙嗲串（豬/雞）👍🏻推薦串燒 燒完後肉質Juicy 特別推薦豬🐟盔甲脆魚皇炸至脆卜卜 連少少魚肉 非常好吃🐥香茅雞翼👍🏻雖然香茅味不重 但勝在夠脆 而且肉質嫩滑🥬馬拉盞炒椰菜👍🏻以為放題不會叫菜 這個炒菜一吃停不下來 炒得超有鑊氣🦑脆炸魷魚鬚好特別用上紅色炸粉 酥脆香口🥢MAIN 主菜 (每位選一款)✨金沙原隻蝦球推薦必試金沙蝦球 蝦球肉質超彈牙 而且好大隻 用蛋黃同麥片炒至脆卜卜✨香茅剁椒烤魚✨咖喱金菇粉絲和牛咖喱調味不錯 和牛軟腍腍✨馬沙文咖喱脆魚柳🥢DESSERT 甜品 (每位選一款)🍨黑糖椰子雪糕不單是普通黑糖椰子雪糕 而且配上椰子絲 底層還有蒟蒻和桃膠🍧雪糕芒果糯米飯 (+$48)泰國菜必食甜品 香軟的糯米飯 配上香甜芒果及雪糕👍🏻…Read More

任食火鍋食嚟食去都係幾間連鎖店，所以今次朋友就提議試吓啲新嘢。我哋就近近地喺旺角搵咗間無限時火鍋放題試吓。一去到舖頭店員就好熱烈歡迎我哋啦，仲提供埋圍裙俾我哋打邊爐門口已經大大隻寫住無限時放題，餐廳一共有三個套餐。感覺三個套餐之間嘅差額唔算好多，所以我哋就揀咗最多嘢食嘅set C湯底就揀咗胡椒豬肚湯底非常足料喎，好多豬肚本身已經有好多款肉類同埋海鮮，我哋就梗係主打食牛肉啦！牛肉嘅選擇真係好多，連a4和牛都有好幾個部位可以揀。我自己就最鍾意食a4後腿肉同埋肩胛肉眼！牛味濃郁之餘軟度適中嘢飲櫃亦都好大有好多唔同嘅選擇，包括汽水同埋唔同種類嘅茶。啲牛肉燙幾下就食得啦，唔好浪費咗啲咁靚嘅牛肉除咗用手機點餐揀牛肉海鮮之外，仲可以出去自助吧飲食㗎。例如係啲蔬菜同埋丸等等，公仔麵仲有辛辣麵㖭啊！當然唔少得有自助調味料吧除咗最常用嘅辣椒香蔥芫荽，仲有其他醬料。自助吧區除咗一啲火鍋料同埋飲品之外，佢仲有啲小食可以俾客人任食～有青瓜同埋雲耳，仲有一啲炸物。等緊火鍋嘅時間都可以食住呢啲前菜先總括嚟講呢間火鍋店比起連鎖嘅選擇更多，價錢仲要更平。去開旺角想打邊爐可以一戰…Read More

一早俾呢間餐廳嘅裝修同埋獨特菜式吸引住，所以就bookmark左想去試吓。喺平日嘅夜晚餐廳都依然爆場。一入到去就比門口嘅招牌吸引住啦，而且門口亦都有位置比客人打卡或者等位用，整個裝修都好有心思。因為同朋友都唔算好餓，所以我哋就skip咗前菜直接點主菜。朋友先選一個紅酒燴牛面肉。上菜已經覺得擺盤好靚。味道方面，牛面肉煮嘅時間非常足夠，所以好腍一咬就開。配上紅酒汁亦都係非常經典嘅選擇，另外配菜仲有薯蓉同埋甘筍，三樣食材配合一齊亦都係非常合適同好食我自己就本身打算揀豬腩肉，可惜當日已經賣光，所以最後揀咗慢煮烏頭魚，點知呢味餸真係相當驚喜。餐廳非常有心思地用烏頭魚肉捲住唔同嘅食材，包括香菇同埋韭菜等等，另外再配一個秘製即煮魚湯，幾樣食材有意想不到嘅配合效果！味道特別得來又非常夾，而且魚肉一啲都唔腥，魚湯亦都非常濃郁，好有驚喜！另外我哋喺配菜方面亦都揀咗薯蓉同埋炒菠菜，都係合乎預期地發揮高水準喺酒吧食飯，當然唔少得叫酒朋友就叫咗呢杯千尋，我就點咗嬋娟。兩杯酒嘅賣相都好靚呀，尤其是係嬋娟！兩杯酒都係偏酸同埋Fruity。呢兩杯酒仲有個故事㖭啊好有趣。呢間餐廳嘅菜式雖然唔算多，但係感覺佢哋都做得好精細同埋好有心思。份量嚟講唔算好多但係兩個女仔食嘅話就好足夠～另外酒類選擇比想像嘅多好多而且好特別下次再嚟又可以點其他酒試吓！…Read More

好耐冇食Omakase啦今次呢間期待咗超耐$1380有成20品超抵食😆😆分別有刺身八款、和食兩品、壽司七款、湯同埋甜品兩款全晚最出色嘅一定係牡丹蝦碗牡丹蝦超大隻鮮甜 加上魚子醬嘅鹹香 重點係有好大隻蘭王蛋 比你撈埋啲飯嚟食 好食到喊🥹另一個亮點係 和牛海膽米紙A5和牛入口即溶 配埋勁鮮甜嘅白海膽 加埋脆卜卜嘅米紙 全部一次過放入口勁幸福🥰生蠔 - 夢追星🤩超級鮮甜 生蠔好厚肉 超級肥美 好想叫多隻🥹🥹赤海膽吞拿魚蓉海膽同埋吞拿魚蓉嘅份量超級多海膽用咗赤海膽比白海膽更加濃郁 上面仲有鹹香嘅三文魚子 加埋一齊食，超級滿足其他刺身: 粒貝刺身、薑蔥池魚刺身、象拔蚌壽司、昆布甜蝦壽司煮物：金雕、花咲蟹壽司、慢煮南非鮑魚、吞拿魚山藥白海膽吞拿魚面頰天婦羅婦、鰆魚壽司、大拖羅壽司、吞拿魚腦天最後仲有麵豉湯同埋兩款甜品20品真係係到捧住個肚走🤤每一款質素都非常高👍🏻師傅好健談 亦都會詳細同我哋介紹每一款食物👍🏻…Read More

今日同朋友嚟試呢間幾出名嘅omakase裝修都非常有日本風味我哋就揀咗晚餐既$1980套餐師傅非常有善，不停同我哋傾偈👍🏻首先係先付，賣相擺盤已經非常吸引當中嘅螢光魷魚程係爆膏🤤食完前菜就會有四款唔同嘅刺身1. 真鯛非常鮮甜 配埋紫蘇葉嘅花 味道更加突出2. 平貝配海膽汁平貝肉質結實彈牙 海膽汁簡直係超級驚喜😍好濃郁 配埋一齊超級好食3. 深海池魚 呢款刺身油脂非常之夠 入口有質感得來又有少少入口即溶嘅感覺好想食多幾件😆4. 手目呢個刺身真係重點 師傅將兩塊唔同嘅吞拿魚夾埋一齊 生嘅赤身吞拿魚同埋燒過嘅拖羅 加埋紫菜 呢個真係食10件都冇問題🥹食完刺身就到煮物慢煮鮟鱇魚肝慢煮令到肉汁仲keep到喺度 有少少似鵝肝嘅感覺 正👍🏻呢個套餐包咗七款壽司1. 金鯛2. ⁠赤貝3. ⁠鳥貝4. ⁠小肌魚5. ⁠昆布鯖魚6. ⁠赤海膽7. ⁠拖羅每款壽司都非常新鮮 最有驚喜嘅係昆布鯖魚 以為鯖魚會味道普通 但經過師傅嘅調味同埋配搭入口味道非常濃郁👍🏻赤海膽好食就一定唔使講㗎啦🤣比起其他款海膽海膽味更加突出 味道濃郁拖羅都非常驚喜，完全一條筋都冇 真真正正嘅肉，入口即溶 所有油脂爆曬出嚟😆最後係佢哋自家製嘅玉子燒 口感非常綿密 好似蛋糕仔咁同埋來自靜岡嘅蜜瓜 味道清甜為呢餐飯畫上完美嘅句號🥰…Read More

終於嚟到食呢間期待已久嘅omakase 😍😍星期一夜晚嚟食全場爆滿 睇得出生意好好係咁嘅經濟環境底下 仲有咁多客人 未食已經證明咗佢嘅食物質素晚餐餐單只有一款 全部都係由師傅安排值得一讚嘅係師傅非常熱情大方 比嘅食材一啲都唔手軟前菜既擺盤已經勁靚😍有螢光魷魚、鯛魚漬物、黑豆估唔到第一樣嘢已經咁吸引季節性湯品 - 蜆湯非常驚艷 呢個湯一粒鹽都冇落但係已經非常夠味 真係唔捨得咁快飲晒🥹刺身五點有五款唔同嘅刺身1.鯛魚2.甜蝦3.深海池魚4.赤貝5.白扇貝所有刺身都係即場處理 新鮮，真係看得見😆季節性料理1.炸手沙甸魚仔 非常脆 用嚟送酒一流2.鯛魚白子 咬落去係爆汁嘅感覺 第一次食覺得好好味🥰跟住就係嚟到壽司正餐 總共有10款壽司分別係金目鯛、本鱒、平貝、關鯖、槍魷魚、池魚、中拖羅、大拖羅、漬物吞拿魚赤身同埋馬糞海膽最震撼嘅當然係大拖羅同埋馬糞海膽大拖羅油脂充足 入口即溶馬糞海膽嘅份量超多 放入口成個口都係香濃嘅海膽味甜品1. 赤身瓜2. ⁠百香果芝士蛋糕兩個甜品都非常好味👍🏻服務環境同埋食物都係一流 絕對對得住個價錢 下次一定會再嚟👍🏻…Read More

一入門口就比呢間餐廳嘅佈置吸引咗啦！藍色熊啤啤好吸睛用嚟打卡一流😆入到餐廳位置都好闊落，好多位，但係枱同枱之間都仲有一定距離👍🏻成個裝修係好電子世界feel，好似八九十年代嘅感覺。非常打卡able🤙🏻我哋就叫咗個蕃茄韓式辣海鮮湯配中華面，上枱嘅時候有個gas 爐跟著，所以啲嘢食到好夠熱👍🏻 個湯辣味唔重，唔食得辣嘅朋友都話OK 。個湯有好多海鮮，同埋中華面都唔會煮到淋晒，仲幾有咬口👍🏻另外就叫咗個芝士鐵板五花肉，五花肉幾多，芝士煮到溶溶哋好香呀～成個感覺好match👍🏻最後仲要多份炸雞，炸雞炸得好香脆！肉質都keep到好嫩！同埋份量好多😎抵食～ 仲配埋格格薯😆兩杯飲品都各有特色，配搭濃味嘅韓國嘢食都好夾！買單$700左右，真係食到兩個人都捧住個肚走🤣😂…Read More

好鍾意食韓國嘢嘅我一直都冇食過醬油蟹，聽朋友講話呢間餐廳嘅醬油蟹幾好食，所以就一於試吓！先上三款小菜，泡菜酸辣酸辣，黑豆味道唔錯！幾韓式😆主角醬油蟹出場！仲送埋個紫菜拌飯～ 我哋兩個人就叫咗一隻醬油蟹，白飯就係一人分量～ 用餐廳比嘅手套，將啲蟹膏唧落個飯度撈埋一齊食，好鮮甜 而且完全唔腥！好好食另外，仲叫咗個韓式豬手，分量比我想像中多！醃得好入味，仲有好多配菜，例如係生蒜片蘿蔔乾同埋辣椒。夾埋山菜一齊食，食到豬手嘅香味，但係有生菜中和下，唔會好油膩！醬油蟹同埋韓式豬都味道出色下次再幫襯食其他！…Read More

中環一向都好多唔同種類嘅餐廳，估唔到喺小巷入邊竟然有咁有情調嘅Cafe！餐牌選擇唔算好多，不過除咗有單點食物之外仲可以揀套餐~ 餐廳環境都好靚，見到有唔少遊客特登去打卡😆我同朋友兩個人就揀咗兩個套餐，餐湯係蘑菇忌廉湯，另一個就係沙律。蘑菇湯好creamy! 沙律就夠清新👍🏻其中一個主菜揀咗喇沙海鮮意大利粉，味道適中唔會太辣，唔係好食得辣嘅朋友應該都OK！蝦仁夠彈牙新鮮，唔會有浸雪味😝意粉就痴晒啲喇沙汁，好味😋另外一個主菜就揀咗蜜糖咖喱豬肋骨，食落去既有咖喱嘅香味，又有蜜糖嘅甜味，意想不到地幾夾！豬肋骨亦都炆到好淋，基本上一咬啲肉就會甩出嚟👍🏻配埋個酥餅，即刻提升左層次感😆另外都叫咗個蟹餅試吓，淡淡都係蟹肉，外皮煎得好香脆。配個芒果莎莎汁好開胃🤭呢杯Rose lady係店員特製俾我哋嘅！佢話menu到係未有，出乎意料地好飲！係加左gin 嘅rose cocktail😝朋友就叫咗杯竹炭芝麻latte, 芝麻味好重，飲完成個人即刻暖晒🥰…Read More

好耐冇同朋友出去食飯，為咗就佢放工，就揀咗一間係佐敦嘅西餐廳食飯餐廳唔算好大 但燈光暗暗地 幾好氣氛～餐牌選擇唔算好多，我地從中揀左4樣野～呢個麪包烘到好乾身又脆，醬汁嘅蕃茄味好濃好fresh! 成個配搭好清新又開胃呢個真係有驚喜 入面係羊奶芝士同菠菜，味道好match! 外面又炸得夠香口，一啲都唔油膩！炸魷魚又係炸到好香脆～食得出魷魚好新鮮，有鮮味蜆肉好新鮮又冇沙，仲要好嫩滑青醬好fresh, 但唔會一大浸青草味，好好食！呢間餐廳雖然位置比較隱蔽，但係食物新鮮又好有質素，價錢又唔貴。好值得再去食…Read More

配料真係非常多！基本嘅丸，餃子同埋菜都有好多款，餐廳仲另外有小海鮮比食客任拎！😆醬料方面都有好多選擇，基本嘅蔥同埋蒜頭等等都有。佢仲有個醬汁叫做花生芝麻醬，個味道都幾香幾特別，可以一試👍🏻喺等緊火鍋之前仲有啲冷盤小食提供，有手帕青瓜，炸雞粒，豬肚同埋鴨血等等。個人覺得炸雞粒最好食！火鍋店有提供咁多款小食都算意料之外😆😆👏🏻首先可以揀咗湯底先，喺六款湯底入邊我哋就揀咗麻辣鍋～ 佢係冇辣度可以揀嘅，個人覺得唔係好辣，不過可以叫員工幫你加辣嘅～🤣 一上枱個鍋睇落好fancy! 睇住啲湯料同啲湯水慢慢融合埋一齊～ 😆打邊爐就肯定係要揀咗牛肉先啦，分別有肥牛，牛肩胛同埋牛板腱～ 肥牛會偏向油花多啲，另外兩款牛肉就肥瘦適中，燙一燙佢就可以食！另外仲有豬肉同埋羊肉片可以叫，任食火鍋來講質素都唔錯👏🏻另外覺得佢嘅金牌手打丸幾有水準，重食材味又夠口感～ encore左幾次😆 嘢飲亦都係又唔飲嘅，款式到相當多，另外仲有餐廳自己沖泡嘅冷凍茶～👍🏻 總括嚟講覺得餐廳食物質素幾好，性價比高👏🏻…Read More

同行三個人首先就叫咗個老重慶奇味雞煲，有大中小辣可以揀，今次就試吓水溫叫咗小辣先。老闆話原來仲有個麻辣雞煲，下次就可以試吓啦～雞件幾多又入味👍🏻 食完就加辣湯落去打邊爐，食肉獸們就梗係要食咗肉先啦！特級安格斯肥牛唔係坊間食嗰隻肥牛，呢間嘅牛肉會厚身啲，所以牛肉味都相對重啲。特級黑豚豬肉都係厚身type～打邊邊好正～估唔到呢間餐廳連煎墨魚餅都有！墨魚膠彈牙又夠味，食多幾件都唔怕油膩～另外仲叫咗啲金針菇同埋唐生菜，全部都大大份。炸芋頭同埋炸響鈴亦都係即叫即炸，食落去特別香～飲品方面就叫咗竹蔗茅根，甜甜地用嚟解辣就啱晒…Read More

原來尖沙咀新開左古今二，行經the One唔想太多人所以就試吓～呢走沙律賣相好colorful 有柚子，海草，車厘茄同埋牛油果等等嘅配菜。大蝦幾爽口，沙律菜都好新鮮，幾開胃，仲要好大碗叫咗一串鹿兒島豚肉蘆筍，同埋鹿兒島豚肉荔枝串。荔枝串好有驚喜，夠香甜～ 豚肉燒到微焦，兩者估唔到咁夾見佢幾名幾得意就叫左，一上枱先發現原來係咁樣！又真係幾似火山！其實係帶子蟹柳飯卷嚟嘅，上面個pat醬汁就係沙律醬撈蟹柳～ 食落都唔錯～另外仲要多咗一個炸軟殼蟹飯卷，材料同白飯嘅比例岩岩好 軟殼蟹夠香脆但唔油膩～最後叫埋個牛肉壽喜燒，多肉又多菜，大滿足～…Read More