唔好嘈的個人專頁

上星期五，下午放假，約左爸媽過黎呢間食晏，食物質素ok. 當日坐滿晒，最好來之前訂位。兩老唔等我黎就自己order. 工作人員都係講英文的，都唔知兩老哪來的勇氣自己點餐。老爸點左春雞, 老媽點左意粉我就點牛扒其實我點點鴨脾叫佢地試下。算啦，唯有下次再黎食過。呢個係抵食又好食的選擇，好親民的法國菜。…查看更多

第一次去，排隊排到出門口，超多人氣。一埸黎到，無理由唔排就走，排前面個姐姐話去問下有無排錯隊，返黎就話蒸飯賣晒。排左25分鐘終於到我，蒸飯賣晒，好彩仲有客飯，因為已經排隊用左好多時間，唯有買外賣返公司食，等緊外2賣時更加聽到連湯都無晒，好彩自己行快幾步。我叫左蘿蔔牛腩客飯，牛腩入味又夠林，又叫左個雞酒，嘩呢個雞酒真係不得了，飲落就知真材實料，飲完慶合合，好正，好補身。一湯一飯八十幾蚊，因為買任何飯加湯就會減8元。抵…查看更多

仲意黎呢到飲茶的原因係, 除左呢到會靜DD之外, 就係食完野可以出去酒店個花園仔行下晒太陽。入秋的陽光真係好舒服。好啦, 講返正題講野食。係未講野食之前, 想講下我地一坐低就見到隔離台底有隻勁大隻"強哥"好彩未食野, 見到真係反胃。我明白, 到到食肆都會有小強的出現, 但唔該話晒酒店, 唔好畀我見到好D 囉。好彩個阿姐手快KO 左佢, 畀佢走甩左唔知點算。係啦, 係啦, 都話講返野食囉！飲茶例牌要叫蝦餃(58), 蝦腸粉($58), 咁先似飲茶架MA。個蝦餃皮薄, 蝦肉爽口彈牙！其實一粒係唔多夠喉。個蝦腸都係同樣的爽口彈牙, 個腸粉好滑。鮮蟹肉長春卷$48味道無太大驚喜。蟹肉地唔夠濃, 長長地拿住黎咬又幾得意！呢個細路食就最開心, 小箭豬型的炸奶皇飽。真係有D 唔捨得咬落去, 奶皇味夠香濃, 外皮鬆脆呢個棗皇糕, 黎食晚飯時試過之後, 念念不忘, 飲早茶都要再點。跟住呢個係叫"亮點" $78有尖筍蝦餃, 海皇芝心芋角, 奶皇金雞酥係咪得意到唔捨得食呢？賣相精緻, 味道配撘夠創新。之後發現, 原來有幾樣野無影相, 個杏仁茶都係好好味, 黎到記得試有單有真相。食飽飽出去行下散下步, 享受初秋的陽光, 爽呀！…查看更多

十月一國慶日, 落去元朗剪頭髮。見到附近開左間新餐廳。其實我係畀佢門口掛的風馬旗吸引左我的目光。剪完頭髮, 決定近近地試下呢間新野。嘩, 一試之後不得了, 屋企人已經決定要個個星期都過來元朗食佢。首先要講的係佢個RIB, 係令我地覺得最驚喜的地方價錢HKD 108, 以為好細份, 點知比我想像中大的份量, 沒有將價就貨佢的味道就係令我地決定要令佢成為我地假日飯堂的原因香濃的炭燒味, 肉質鬆軟, 很容易就可以令佢肉骨分離, 醬汁味道剛好, 不會太SALTY, 著角都係即炸, 炸得岩岩好(沒有被炸死)跟住到個意粉, 個名唔係好記得, 應該係卡邦尼海鮮意粉不會太漏, 海鮮都足料, 味道係OK 的之後出場的係咖哩雞配NAAN呢個我覺得好食過屯門個間印度人開的咖哩屋味道帶甜, 件件雞肉, 沒有薯仔喎！(通常出面都係著仔多過雞) 個咖哩超岩我地一家人口味, 而且個NAAN 比起第二度食, 更覺得香軟, 唔會太乾同太油, 即整的係唔同D最後出場的係PIZZA 啦. 小朋友最開心見到個PIZZA 上面勁多CHEESE. 剩係玩拉CHEESE 都玩一輪！老闆見我地咁興奮肯定以為我地未食過好野。我都覺得有點失禮埋單先最開心, 一家人只係食左400有找。平時去開的法國餐廳食個晏一家人都要800元啦, 呢到食個DINNER 都只係400 有找, 真係食得特別開心。見到佢地每碟上菜的菜式都係充滿HEART , 唔加一, 野食又好味, 又有HEART, 沒有不支持的理由囉！我地一定會再黎！…查看更多

位於新蒲京酒店內的米芝蓮三星餐廳共有兩間, 一間係食中菜”THE EIGHT”, 另一間係今日要介紹的呢間食法國菜”ROBUCHON AU DOME。食好野, 要揾借口的, 既然自己生日就選擇去食米芝蓮三星法國菜。第一次朝聖米芝蓮星級餐廳就選間三星的, 夠大膽吧！名氣大的餐廳, 要預早訂台都算正常吧！呢間唔止要預早訂, 仲要畀埋CREDIT CARD 做CONFIRMATION。唔能夠到的話, 48小時前CANCEL 唔會CHRAGE 你。少過48小時同24小時, 就會分別收$200 及於300 /人。所以去唔到, 記得預早取消。去到39樓會有人ESCORT 你穿過一條黑黑的走廊去坐另一部電梯。一出電梯就會見到個三角琴同有人現場彈奏音樂。再望下個DOME~ 嘩…. 好有氣派哦。一坐低, 接到餐牌, 老公望下, 之後話既然來得, 就唔好睇價錢啦, 豪下佢。我要個四個COURSE(一個主菜), 佢要五個COURSE(有兩個主菜)點好菜後, 先送上一大籃麵包法包真係好好食當中有個酥類的野, 空心的,呢個就唔多好吃了, 應該係我唔識欣賞。包多到食唔晒, 食左都已經半飽！待應端上每道菜都會細心咁講一次係咩黎, 有時佢温柔的聲線, 真係聽唔清楚佢講乜, 要睇返份MENU, hehe餐廳送的開胃菜。粟米湯伴棉花球及煙燻鴨胸, 粟米湯好軟滑香甜, 賣相幾精緻。頭盤我同老公都叫唔同的款式, 我叫了甜菜根沙律伴蘋果及牛油果佐香草及菁介茉雪皅﹑老公點了生油甘魚薄片佐青檸汁及香酥鬆餅。佢個個好食D, 我的介苿雪皅真係好新奇刺激的口味。蘋果味較牛油菓同beetroot 突出。我地兩個都點左法式海鮮濃湯佐香脆蝦。事後覺得應該每人叫不同口味, 可以試多一款湯, 豬左！個海鮮濃湯味道真係好……濃, 對我來說有點鹹。不過湯內有一絲絲的蟹肉同其他海鮮, 好豐富。主菜1法國藍蝦佐慢燉白腰豆及煙燻黑線鱈主菜2香烤鱈魚配伊比利風味蘿勒蔬菜汁主菜3香烤羊腿佐紫茄及西班牙紅椒醬食完主菜已經好飽, 到甜品啦, 見到個車甜品真係好開心！由於係我生日, 餐廳為我準備了一個拿破倫做生日蛋糕餅,好開心呀~待應幫我地影相,之後幫我地分埋個拿破倫, 然後我地就各自選兩款甜品。我要左LEMON TART 同OPERA老公要左APPLE PIE 同CHOCOLATE TART, 兩個都好好味最後就係PETIT FOUR為生日米芝蓮三星之旅畫上完美句號。…查看更多

10月尾某天，和女兒來二人世界，吃the fxxxx 吃到悶悶地，轉下地方，位於黃金海岸商場，唔洗司機自己坐巴士來也很方便。午餐相比蟠龍半島個間，呢到的沙律叫做有點誠意，青蘋果配鴨胸，一個爽甜，一個嫩滑，簡直perfect.仲有黑醋汁，食左一啖先記得影相。個醋係沙律的soul. Yummy.賣飛佛的白汁菇菇扁意粉，個汁唔漏又多汁，簡直食完想encore. 呢到食午餐價格同the fxxxx 差不多，以前無甜品，而家有甜品送。新鮮茄蓉，好清新，唔太酸又唔會太甜，愛吃素也有好選擇。新增的甜品，視覺享受加味覺享受，芒果布丁配紅莓醬。食多幾個都嫌未夠。不用解釋，就是完美句號值得一讚，佢地個洗手間有少許改善，但可以更好…查看更多

食左好耐，10月5日食完，唔得閒寫食評。有時來吃幾次，餐牌都無變，有點悶，希望餐廳係每星期餐牌改變下。今次個辣雞肉長通粉同個扇貝天使麵好味，其實個長通粉之前一個星期食過覺得好食再encore. 天使麵有少許"漏"，味道算可以的。以上呢個係素意粉，仲意食風乾蕃茄可以選擇呢個，本人對蕃茄唔識欣賞，都係菇類素意粉好味點。但喜歡食得清淡一點的可以選這個。最後來個甜品，真係好滿足。…查看更多

唔好意思, 係講食物前要講下歷史先,。臉書的好處給我找到了，就係有打咭記錄可以睇返。因為曾經打過咭，就可以追溯返我地一家幾時開始來呢間野食。就係2012年8月12日, 其實最早係06年已經黎食過, 個次係慶祝大女6歲生日, 食晚餐。之後事隔6年, 再黎食, 就係食午餐。自從12年食過一次, 當時3歲幾的細女就愛上左呢到。因為仲意佢環境舒服，食物質素又OK，人又少，次次黎都包場咁濟 (不過而家出名左, 多左人來食, 變相我地就唔會再係大時大節黎食LU)自從介紹左呢間餐廳畀細女認識之後，每次週末問佢想去邊到食，佢都會畀3個CHOICES 畀佢爸爸︰1. 上樓梯(即係THE FAITH) 2. 三文魚 3. 黃金海岸 (THE FAITH 同一集團的另一間低質素少少的餐廳)其實我地黎呢到開餐不下30次，不過係最近先開始用OPENRICE 寫食評。咁講返正題，呢次係結束暑假，迎接新一學年，為炎熱的暑假劃上完美句號。畀個藉口自已去食好野丫MA. HEHE 今次四個人，每人叫一個SET LUNCH，食到好飽！好滿足！第一道前菜︰沙律 味道同選料都OK 啦, 菜算新鮮, 但係好耐之前係用陳醋唔係用沙律醬的。如果可以用返陳醋會更好味啦！第二道係湯 ︰紅腰豆忍廉湯, 啖啖濃郁的腰豆味, 足料跟住就係主菜啦︰叫左四款1. Deep Fried Sole Finger and Season Fruit Tartar Sauce 時令水果配炸龍脷手指魚柳配他他汁個魚柳今次略為真係DEEP FRIED 過頭，黑黑的，還好，沒有影響到味道！我個人就唔太喜歡DEEP FRIED 到咁！但細女就話OK。個西瓜係超甜多汁的！2.Stuffed Chicken Breast with Mango Leeks and Caramel Strawberry Sauce 香芒釀雞胸配焦糖士多啤梨汁個雞胸肉夠香，肉嫩，有雞味 配埋個芒果肉同士多啤梨汁, 夠清新，不肥膩3.香煎鵝肝配雞肉千層麵Lasagne with Chicken and Pan Friend Foie Gras 大女話一睇到鵝肝就叫呢個, 都唔理佢配咩！畀佢激死！我只係淺嚐一兩口，鵝肝係好鬼香, 入口即溶, 的確好好味, 但係不宜成日食囉！尤其是睇過一D鵝肝工場的故事, 就很自然對呢種食物劃上標籤。吃都要有點智慧。4. Risotto With Pan Fried Deep Sea Grouper With Porcini Mushroom 深海石斑牛肝菌意大利飯今次個石班煎得好香脆, 但無之前個魚面珠登咁爽滑好食, 個飯稍為淋左少少, 少左意大利飯應有的彈牙感覺。味道仍然OK 的！　食完主菜到甜品同餐飲。食到好飽好滿足, 為暑假劃上左完美的句號！…查看更多

已經再度两個星期日午餐來呢到食，由於食物不錯，價錢合理，所以經常來開餐。今次集合左两次午餐一齊寫味道ok,今次個飯硬身左少少，依然好味，唔會畀魚頭魚尾你，真係舊舊刺身肉，由於今次係三文魚同柱貝，所以口感同味道無粒粒魚生飯咁豐富。湯底不咸，好似奶味，個人認為有少少so味，但可以接受。佢個帶子，如果可以做多少少就係挑走條黑色的腸會更加好。尤魚爽口，沒有煮到好硬。呢個烏冬等左好耐先上，可能因為要燒熱個煱的關係卦。两款同樣價錢，包杯野飲，熱即磨咖啡是我不二之選:)跟住講埋之前個餐呢個就係粒粒魚生飯，好明顯除左三文魚，仲有大粒帶子，魚同八爪魚粒。呢個口感的確豐富很多。總之就係好味啦碳燒雞扒拉麵，個雞扒有成隻手掌咁大，燒得皮脆肉嫩，個燒汁味道剛好，單叫必選。雖然要等下位，但等下係值得的。…查看更多

唔中意去市中心同人迫，近近地係屋企行10分鐘黎到安定商場。不得不承認我個人極之唔喜歡up up dup dup的地方，所以未裝修前係唔會行黎搵食，而家就個個星期都過黎搵食呢到翻新之後，八戶屋係encore最多次的地方。平均每週一次。今次食dinner,但係卦住食唔記得影相。有d食物無影到，所以補拍menu補數明明係辛辣變酸辣，但勝在個煱係超熱的，食到最尾仲無熱辣辣:)之後個d唔記得影實物，唯有貼menu味道不過不失的拉麵實物肉只有約一半，薄切上用積分點左一口芝士，真係笑牛粒粒芝士拿去炸咁，伴沙律醬，味道略嫌咸左少少又係積分換的，free ice cream…查看更多