Cherryyyyyyyy's Profile

今晚一家四口去一號九龍稻香食宵夜餐，去到差唔多8:30pm,剛好可以宵夜$1羊腩煲，我地坐低話食小菜，問職員就講話寫紙的小菜半價，我哋仲以為自己聽錯再問多次，職員都話寫紙的小菜半價，結果埋單時，收錢的職員就講話小菜從冇半價，只有火鍋半價⋯⋯嬲。其實冇半價都無所謂，我同父母去食都唔係食得多，三個氣鍋湯，一個羊腩煲，二個小菜，一煲糯米飯，講真食物質素還可除咗（羊腩煲外）地方環境都舒服嘅，但係你唔好誤導消費者，搞到食完唔開心咁走！…Read More

從未試過，亦從未諗過要寫下文字去講一間食店嘅評語，蓋因火燒心！！我亦唔介意開名批評，亦願意承担其責任，實在係太激氣了！！話說2018年8月15日晚上8點幾，我同兩位好友諗住食餐韓國燒烤，咁就訂左枱去旺角通菜街威達商業大廈1/F, A座的梨滿園韓國料理食飯～我唔會無中生有，食物普通，唔太好唔太差，價錢尚算合理，但果位侍應(X姐) 就一絕，我個鐵板架已經差不多黏滿了食物餘下的黑炭，換一塊都好正常啫，果位(X姐) 同我地講，d邊位都未黑，叫我用埋邊邊位燒，條邊位連放肉落去都唔夠，點燒？咁我再三要求佢換，同佢講剩低d炭屎再黏住食物來燒，食左會致癌架，(X姐)居然話：怕致癌就唔好嚟食韓燒喇，聽完我已經滾滾地，跟住佢死死地氣去換一塊，攞塊新嘅鐵板架過嚟，(X姐)居然再同我地講：怕致癌就唔好嚟呢度食韓燒喇～絕對摧毀左我接受嘅底線，我唔係話消費者大哂，我要求都合理啫，服務性行業對客人態度可以如此惡劣？我即刻去cashier 度問有冇當值經理，佢地答經理放假，無辦法搵到，雖然餐廳埋單時有突然比返個9折我地，我地投訢並吾係想要折扣！我滿腔怒火，唯有在此宣洩，向天立誓，永不再來！！！ …Read More