IvyKam的个人专页

中午時常會到此餐廳食lunch， Salad Bar keep到食物新鮮乾淨。 額外添加生蠔可以享有半價🦪，質素亦唔錯，新鮮!main course ：- risotto 煮得比較鹹- 羊扒做得好好，medium rare，嫩滑肉質甜美希望質素可以keep得住，會經常嚟，值得推介！…查看更多

之前試過下午茶時段. 今次預先訂咗枱, 到步已即被安排入座, 中午時段爆場.叫咗以下幾款 :鹽酥雞配滷肉飯套餐 牛三款(牛筋,牛展,牛肚)台灣自製麵套餐鵝唔係鴨配飯套餐燒台灣特色腸另外加配麻油雞翼甜品有 :豆花芋圓仙草熱桃膠杏仁奶 芒果醬芋圓服務唔錯, 款款食味OK中上, 性價比高.回頭机會大👍.…查看更多

Through Chill Eat Event lead me to try this restaurant. Food taste good and portion really big. Dinner set for 2 actually fits for 3 adults. Although restaurant size is pretty small but you feel comfortable esp.after wine 🍾🥂. The set menu really valuable. Food quite tasteful, waitress and manager are nice and helpful. Sure will come again and recommend this restaurant to friends.…查看更多

This is the first time I visit this restaurant through restaurant week. Actually quite a lot of ppl enjoy their happy hour after work during weekdays when I passing by this area.Arrived on Saturday night. Not crowded and allowed me to pick a table preferred indoor.Environment quite chillDishes taste and portion at upper standard according to priceStaff all are nice and politeIn conclusion I like this restaurant, will come again and recommend to friends…查看更多

今日星期六同亞媽去咗東薈城行街, 自我幻想響大阪坐火車出去行outlet, 全日響嗰度一樣… (開始想旅行到有妄想症).行到好餓搵嘢食入咗依一間. 兩点半唔駛等. 侍應帶位坐低叫咗茶就order嘢食 ：鹵水鵝片拼盤(細)$128糯米卷潮州粉果鴛鴦水晶包- 个拼盤內有：鵝片, 鵝肉, 鹵水蛋, 墨魚片, 鹵五花腩, 墊底个鹵水豆腐等等. 好足料(只係个鹵水底弱咗些小)都係好味道既- 糯米卷好鬆軟- 潮州粉果就夠飽滿- 鴛鴦小晶包各位觀衆, 有冇知道以上有乜特別？6个一籠似6筒？呢一個好特別, 唔係鴛鴦水晶包,係單一豆沙餡水晶包. 當然正常唔係咁啦, 人哋係鴛鴦水晶包嘛; 但係因唔鍾意奶皇餡就試下問佢,佢又畀我哋單色喎🤔 (其實從來都未响其他潮州酒樓成功過) 所以好好阿媽咋一聲就食曬三粒啦😋 ,小有地我都食曬三粒! 個豆沙餡好好食重有少少果皮香味!仲有我哋兩點半先至入去食, 阿媽食食下就問人哋呢度有冇下午茶. 嗰個人又話有喎, 全單八五折呢~總結食物出品用料新鮮, 出菜時熱度夠賣相好, 加上好窩心肯滿足客人要求. 現今食十間食店都冇一間如此滿意.侍應姐姐們都好親切呢, 一定會再嚟同介紹依度比朋友✌️…查看更多

今日中午試下新餐廳, 室內裝修都幾雅緻. 地方唔算大, 我哋訂咗枱 一點鐘去到, 順利安排入座. 茶費每位十蚊只係有普洱, 唔係放低一壺畀你, 係侍應經過就幫你添水个種. 如果你叫其他茶種, 就收28蚊一位.食物賣相幾靚, 叫咗打咭既叉燒酥. 食味過甜同太濕, 失咗酥脆感, 有d糯口.素菜餃, 顏色幾吸晴但可能蒸得太耐个餃身瀉咗d. 食味用料正常冇乜特別蝦餃一籠有三件, 但餡料太油膩裏面太多肥豬肉, 令到你冇乜食慾. 自己覺得一間店既點心整得好唔好, 只要食基本蝦餃,叉燒包同腸粉等如果出色嘅話就係一間好嘅點心店. 依个蝦餃唔算合格~驢打滾, 呢個就幾好食因為外皮做到鬆鬆軟軟,黏黏韌韌, 啲餡係紅豆餡唔係平常嘅花生椰絲芝麻餡. 因之前食嗰三個點心都太肥膩, 再無意慾叫其他嘅煎炸小食或炒粉麵. 員工有禮貌, 勤力, 亦係一個打卡新地方. 但係一間食店最重要係食物出品,令人想返轉頭再食先可以留客. 期待點心出品可改良進步.…查看更多

之前朋友介紹過呢一間cafe, 星期六就嘗試去下. 但因當日冇訂枱, 所以冇位. 之後於閒日兩點半後再walk-in, 今次waitress問我有冇訂枱, 我話冇但係裏面已係十室九空, 就帶我哋入去.全餐廳只見兩個女侍應, 一個負責樓面, 一個負責煮嘢/茶水, 睇落十分之忙. 原來依度冇下午茶, 咁我哋就叫咗兩個set lunch. 頭盆沙律：油太多. 呢個都仲可接受. 最麻煩係侍應只畀一隻义我. 咁响冇刀或匙羹同另一隻手禮拜咗情況之下啲沙律菜彈到周圍都係. 講真, 一set餐具刀叉匙羹放低都係基本擺設, 唔明點解只係每人畀一隻义我哋用. 之後叫咗几次才加多兩份公用刀义,因為係同朋友share main course. 唔知係咪冇新客入嚟, 未食完个salad好快兩个main就已上晒枱, size 細到爆😕似足tea set个d 細size. 食完晒好似剛warm up个胃咁, 餓感超強烈但因已太晏佢个menu又冇乜飽肚又吸引side dish, 我朋友就話即刻走, 去第二間食第二輪連個餐茶都等唔切😰. 我話唔好, 坐得半个鐘, 又速食,又要full pay, 又食唔飽, 仲唔要杯茶咁咪蝕曬… 之後叫咗兩杯cappuccino. 估你唔到! 杯咖啡係全餐至好味嘅! 可能呢度係一間專賣咖啡既cafe.之後去咗池記補返個蛋撻下午茶先叫做 有啲飽肚感.結論 ：table manner 要改善, 上菜速度要合理同dish size太單薄. 食物味道正常可接受.…查看更多

當晚三個人叫咗一個二人set同另一個set dinner 嚟share.總括嚟講味道平均, 食物上枱夠熱, 口味係港式西歺.食咗starter法國田螺, 龍蝦湯, 蘑菇湯同沙律 - 正常main course 美國sirloin (本來係Angus beef但冇貨就改咗比sirloin) 但肉味唔重, 白酒煮蜆同瑞士汁牛河 - 正常甜品原味梳乎厘. 呢個係即焗出嚟, 好熱好大個但可惜做得比較硬身, 冇咗鬆軟空氣感.地方屬於好坐, 侍應亦有善, 適合傾計! 價錢亦合理.…查看更多

今晚八點響灣仔星記食晚飯. 一行七人叫咗以下餸菜 ：豉油皇海中蝦 - 隻蝦係大隻嘅,但係就炒得較老身同埋出嚟唔熱. 似乎油爆咗一段時間之後再番鑊上豉油. 以海鮮要求一啲都唔彈牙同埋冇乜鑊氣. 每隻$68輝哥煎鹹雞 - 放落嚟个碟雞唔熱, 夾咗一嚿肉唔熟, 退回. 再放第二碟都係唔太熱但比第一碟正常因為起碼都熟. 可惜以依個價錢隻雞一啲味道都冇, 冇雞鮮味, 亦都冇醃鹹嘅鹹味, 真唔知想點. $420隻生炒排骨 - 都好食係个顏色紅到過位 $158？椒鹽鮮魷 - 呢個做到應有嘅效果, 啲肉仲係好軟, 鬆脆, 入味同唔太油 $158？梅菜扣肉 - 正常$168上湯浸莧菜 - $118總括嚟講, 依個質素今次攞唔到星係正常嘅. 以價錢对比餸菜份量(較細), 味道出品等灣仔仲有好多選擇.值得一提反而係啲侍應服務態度良好, 亦肯聽意見之後反映畀廚房聽. 希望佢哋以後可以做好啲, 咁先留到客.…查看更多

30/11/17 Lunch與朋友中午飯聚相約灣仔鐵板燒，QRE依一間當日全院滿座。三個鐵板間格，每個約有十個座位通通坐滿人，可以強烈感受到灣仔中午搵食真唔容易。中午set lunch menu單人既約有三，四个；二人前就二，三個選擇。 價錢就響$168至到$700之內。食物與師傅手藝水平屬於中等( 唔差亦唔突出)，份量係會食得飽。 雖然坐得有点迫夾但以鐵板燒嚟講價錢合乎等值，所以做到全院滿座係合理嘅。如果可以的話，希望餐飲杯咖啡能夠係日式咖啡。咁樣“日式”鐵板燒感覺會強烈一啲。響合和區如想食鐵板燒，此處可以一試。…查看更多

8/12/17朋友介紹，剛剛食過這餐廳嘅lunch. Starter, main 都各有三，四款比你選擇。份量和賣相都很吸引，食味方面也不錯。 smoked salmon caesar salad 材料豐富， 除煙燻三文魚外，有齊煙肉碎，蛋，新鮮羅馬生菜， 當中仲加有一小片鯷魚喺裏面，好好味。 lamb leg 做得嫩滑，只是今日的鱸魚比較霉身(已反映俾員工)。 甜品 bread pudding就造得出色，外脆內熱 (好味得濟唔記得影相)。加錢要咗佢哋嘅cappuccino， 杯咖啡温度夠熱及味道香濃，值得加錢要㗎。會再嚟試下dinner.…查看更多