samuellau411's Profile

餐廳環境非常好、舒服，對於一班女士黎講打卡食下午茶係一流既聖地、而且可以用海港城既優惠，$200減$100既Coupon。Mango Panna Cotta $78食物外貌方面非常適合拎黎影相打卡。味道方面可以話係同一般奶凍唔同既係奶味比較濃郁，同埋比較絲滑。整體黎講都幾好食。Beef Tartare$158下午茶黎講少貴、份量黎講對於兩個女仔係足夠既（都要視乎翻大家既胃容量），牛肉唔會太重牛既蘇味，搭配埋隔離啲配菜同調味可以昇華整道菜既味道。…Read More

餐廳環境（評分4/5）環境算係坐得比較舒服，冷氣都唔會話太凍，服務態度都可以話係中規中矩。當日食芒果比較酸，可能抽中下下籤，小丸子有嚼勁，口感都算唔錯，糖水黎講比較淡味，比較健康？如果唔想滿滿罪惡感既話，依間都可以考慮。豆腐花算係有啲新奇，有俾外型吸引到。食落口感同普通豆腐花差唔多，口感一般。台灣芋圓仙草，口感一般，難以去比較…總過而言…..雖然係顏色店鋪，但真係食落口比較淡，甜度有待調整，可以嘗試甜多少少。…Read More

餐廳環境（評分4.5/5）餐廳環境基本上可以拎到滿分咁滯，因為長期會有1-2個人去負責收拾乾淨，每次有人食完走後都會立即清潔，燈光光亮，所以環境方面真係冇咩嘢負評，乾淨整潔。四寶車仔麵（4/5）首先由碗湯去品嚐，車仔麵某種程度黎講，叫既湯底都算係重點之一，麻辣湯底小辣，個人算係比較食得辣黎講都頗為辣，食唔到辣可以叫BB辣試試口癮，味道濃郁。豬皮非常爽口，蘿蔔入口即溶，豬大腸係咁多道菜頭號好味，至於豬紅就比較遜色，當日仲要好似食到少少鹼味。總括而言都算唔錯，每道配搭都係車仔麵既精華之一。奶油多士（5/5）雖然話多士真係冇咩嘢技術而言，但都相比其他鋪足料同埋用咗厚多士都係加分味。…Read More

Sea Urchin & Scallop Linguine $172 以份量黎講，價錢有少少貴，但係海膽既味道比較新鮮、而帶子煎得外脆內軟黎講，又真係冇得話啲咩。海膽汁比較濃郁、調味整體而言唔錯，兩人食啱啱好，唔會太膩。Iron Grilled Flank Steak $188依道菜相對比較少評論，因為牛肉黎講其實好少會去調味、而餐廳都係用一種比較保留原肉味既做法，所以牛肉黎講肉質唔會太過硬同柴、搭配醬黎食既話會有另一個口味上既昇華。而薯條就普普通通。…Read More

中湯味道適中，唔可以話特別鹹，又可以帶到少少湯既鮮甜味，算係飲過咁多間茶記中湯黎講算唔錯。叉燒滑蛋配白飯，蛋如名，非常順滑，叉燒算係一般，冇咩嘢特別，但係整體黎講性價比都算高。同埋個口感都唔錯，味道黎講，對於食開重口味既我黎講，都叫有味。霸王雞配白飯，雞比較厚身、雞腿雞胸雞背肉都有，唔會似其他茶記純俾雞胸肉柴到爆，佢雞既口感一流。出菜到檯面既時候，熱油淋面既香味都仲保留係到，一口雞再配白飯，簡直一流！十分推！…Read More

餐廳環境（評分4/5）當日中午到餐廳後，被分配咗係一個比較尷尬既位置，因為好多侍應都係背向我地，所以比較難去落單。但餐廳環境黎講相比地比較衛生、乾淨，入黎到坐低都感到非常舒服。泰式燒安格斯牛肉（好食指數：4.5/5 $138）安格斯牛肉黎講，泰式既食法一路係我心目中都係一道新鮮既菜式，所以我對味道既記憶係膜之不去，當我品嚐到依一間既泰式牛肉既時候，可以話係同當時係泰國食既時候一模一樣，肉汁被完美包裹著，但切開既時候，然而冒著少許既熱氣同淡淡既肉香，唯一不滿就係等待時間比較長，但對如此，食到落嘴既時候真係咩嘢不滿都冇曬😂香燒豬頸肉（好食指數4/5 $98）豬頸肉黎講，係我心目中不嬲都係一個食落去非常柴既菜式，沒有任何烹飪技巧可言，但SIAM將豬頸肉處理得非常美味，咬落口既時候唔會太柴，而且容易入口，食落非常爽口。…Read More

餐廳環境（評分3.5/5）當日中午到餐廳後，被分配咗係一個比較尷尬既位置，因為好多侍應都係背向我地，所以比較難去落單，或者係refill啲前菜。但餐廳環境黎講相比地比較衛生、明亮、乾淨，入黎到坐低都感到非常舒服。值得一提既係，前菜非常美味，泡菜更加係一流中既一流，唔講以為自己黎咗韓國，泡菜相對較辣，不太符合香港人口味，但對於食得辣既我黎講，係相當不錯。脊骨土頭鍋配白飯（好食指數：4/5 $78）脊骨土頭鍋十分足料，並且以$78黎講，性價比超高，不過需要小心既係有啲脊骨肉比較難食到，對於女士黎講比較不友善，因為使用起來比較不方便，首次約會又要斯文形象既可以考慮避開依道菜啦。以食物質素黎講，肉會偏實正，雖然咁講，但土豆湯完美掩蓋咗肉既缺點，可以話係相輔相成，成個配搭相當完美，以前食過韓國餐廳，味道黎講可以話係有8-9成相似。韓式牛肉配飯（好食指數4.5/5 $88）韓式牛肉黎講，依一間既味道幾乎可以話係還原咗韓國餐廳既味道，未去過韓國旅行既朋友，可以值得一試，剩返去韓國食牛肉既成本😂以事論事先，牛肉都係非常足料，我身為一個肥胖既男人黎講，食唔曬係有少少慚愧😂肉既味道相當濃郁，牛味都處理得好好，配白飯黎講一流！…Read More

當日同朋友到中環lunch，然後佢推薦依間舖，起初以為係啲普普通通既韓國餐廳，用Openrice搵過餐廳背景，當中描述到烤雞不經油炸，外層香脆，肉質嫩滑充滿肉汁，而雞的油份從烤焗過程中迫出來，有效做到低熱量、低膽固醇、低鈉、無反式脂肪，極力推行健康雞肉新食法。於是想抱著中伏既心態去看待，但意想不到既係，烤雞同炸醬麵係如此美味，而且環境乾淨，侍應禮貌良好，整體用餐非常舒服。HH15+8韓式BBQ醬煙燻烤雞＋蜜糖香滑烤雞（$238 - 好食指數 4/5）雞件肉質嫩滑。面上的醬汁質感稠身，甜感重，蒜香中等，味道不錯。因醬汁味道頗為濃郁，多吃或會令味蕾麻木，餐廳細心地送上一小碟酸爽蘿蔔作小吃，令味蕾可時刻保持最佳狀態迎接下。一口美食。炸醬炒年糕 （$138 - 好食指數 4/5）炸醬麵非常好食，炸醬麵入邊嘅醬汁適中，同之前我喺韓國食嘅一間正宗炸醬麵係還原到，但韓國嗰邊就係比較鹹多啲，但係如果喺呢度食嘅炸醬麵來講，我覺得係可以媲美得上韓國嗰邊正宗口味嘅，所以我覺得如果係話想望梅止渴嘅話呢，呢間其實係真係可以滿足到你嘅美食慾嘅。…Read More