Shampoo.'s Profile

食串燒最緊要係佢啲調味, 只要調味正常, 其實串燒係一定好食! 哈哈 入正題, 好日都唔會入一次呢頭, 今日有啲野做嚟開附近, 喺轉角位有間好唔起眼嘅鋪頭, 叫多味吉😂😂😂 見倒個名咁得意, 又係食唔會伏嘅串燒, 咁我地就自然入去試下啦!佢大大張貼住唔加味精, 希望真係冇加味精啦, 健康啲😂叫左串牛舌, 羊架, 豬大腸同啲肉😂佢呢到嘅調味都唔錯。明顯有啲係加左串燒恩物孜然粉😂不過講到我最中意都係呢個戲院魷魚, 好香, 一聞已經覺得不得了。well, 串燒店果然係冇伏😂…Read More

鬧市中一點寧靜-聚腳好地點餐廳環境寧靜舒服，設計獨特，睇落好整潔，店員態度服務超好，呢個大讚！👏半筋半肉麵啲牛肉好軟身，絕對唔係煲湯肉咁鞋口，反而好入味，入口即溶。 紅燒湯底好入味。蕃茄牛肉麵湯底好濃郁，配合埋少少蕃茄既酸味好開胃，令個湯濃郁得來一啲都唔油膩。 d麵吸曬蕃茄湯，口味更清新，呢個仲要係每日限量發售，值得一試！滷肉配青菜既滷肉好正宗，唔似其他店用免治肉，而佢係真正手切豬肉成細粒，肥瘦，大小都恰到好處。搭埋青菜健康得黎又唔會太寡！…Read More

上一次去東京One Piece Tower 好想食Sanji 間Baratie度食野, 不過個排岩岩新開, 好難book, 試唔到。知道香港開左, 就即刻黎潮聖喇!其實個選址都幾強, 係黃埔隻船度, 幾配合主題。呢間餐廳有少少似日本主題餐廳既風格, 餐廳側邊有埋鋪賣紀念品。先講餐廳內部, 場境係扮緊航行中既梅利號內部, 播既係One Piece 既歌, 有齊船員既Figure,香港主題餐廳黎講, 算係做得好精緻, 黎到有種開心既感覺。Franky Super 漢堡代表Franky 既天藍色漢堡, Size 同Franky 一樣咁大隻。藍色既麵包係幾鬆軟, 中間漢堡扒之外, 有新鮮既番茄同埋生菜; 我好鍾意伴碟既星星薯餅, 原本想叫Nami既星星薯餅, 不過Franky Super 漢堡有埋可以食哂兩樣!Luffy 草帽咖哩飯呢個飯個造型好吸引, 哈哈我影既還原度係咪好高!本身對呢個飯無咩期望, 都係打卡用, 但入面D 牛肉粒比想像中好味, 有口感個種。悲觀鬼芭菲雖然呢個係配角, 但一直覺得佢勁得意!!悲觀鬼芭菲上層係雪糕, 中間有Cream 同士多啤梨, 而最底個層係Jelly, 食落唔算好甜, 如果可以再雪凍D會再好味D!山治藍菠蘿梳打好得意, 個杯整得好好, 有埋menu 幅插圖係隻杯度!味道係菠蘿冰既味, 不過藍色, 入面有菠蘿肉架艾斯雜果賓治呢杯係男朋友點既, 佢話覺得好飲過我個杯~食完飯後我地去左紀念品個邊度行, 呢度D one piece souvenir 好似比較少見~至少有D上次一月去大阪未見過既, 連蛇姬既內衣都有哈哈哈希望下次黎, 會有漫畫入面Luffy 食既野食~…Read More

No 9 Lunch 質素一向唔錯趁星期五收工同班同事去附近呢間bar chill一chill都係維持一貫高質夜晚比起lunch時間靜少少趁著happy hour時間我地3人點左個份龍蝦拼盤加一支白酒同2支啤酒龍蝦拼盤份量好夠其實就係小食拼盤+龍蝦不過見happy friday想食豪d就點多個龍蝦龍蝦肉厚鮮嫩都幾抵食蝦餅同魚柳都炸得好香口用黎送酒一流呀嗌左2支啤其中一支係店員推介既手工啤比較飲開既1664會甜少少同較smooth香味亦比較突出…Read More

同朋友搵間居酒屋想靜靜地食下野 傾下計 喺Openrice 發現到呢間新開嘅居酒屋 環境好似幾舒服咁 決定去試一試入到去發現啲裝修幾靚同埋有outside 氣氛好好叫個海鮮沙律 柚子汁好清新 刺身都好新鮮 壽司都好正 劍魚腩好肥美 帶子鮮甜 海膽同三文魚仔都好新鮮之後再嗌咗啲小食 兩個人傾下計又食下野 見到人哋食燒飯團覺得好正 所以追加咗個明太子燒飯團 明太子燒飯糰燒得好香口 侍應嘅服務都好細心 抵讚 地方乾淨又舒服 絕對有下次 見到好多人都係食串燒 下次嚟試下食多啲串燒先…Read More

桌上遊戲多款選擇，有劇情類，推理類，Funny，應有盡有，另有專人介紹遊戲，另每位初學者得心應手。店內美食多款選擇，個人最鍾意咖哩豬扒飯，豬扒脆得黎唔油膩，咖哩汁有日式風味，野食係即叫即整，雖然要等一等，但食物質素高。Carbonara都幾好味，三文魚炒飯有舊大大三文魚喺面，好正，又厚身仲嗌咁2杯特飲，都幾特別，不過唔記得咗個名另有電視遊戲可供玩樂，有大型電視配搭，令玩家置入遊戲中。有梳化區，好relaxing。環境整齊乾淨，給予每位客人在舒適的環境享受玩樂。有啲自製乾花幾有心思…Read More

夜晚要係堅離地城飲嘢，所以就約左個frd係附近食嘢。想食日本嘢，所以就搵左呢間新開嘅御居。好肚餓！唔理3721叫左我最鐘意個幾舊壽司食左先！就係三文魚同帆立貝！再加埋甜蝦同鰻魚wa....黎到一睇個樣，一個字，肥美！食落口，我同我個friend 都不約而同對望，好好味啊肥美都不突止，仲好鮮！三文魚，帆立貝同甜蝦咬落去都勁有口感，絕對拍得住我係日本食個啲勁新鮮嘅魚生！個都鰻魚燒得好香，不過我實在太沉醉係個魚生度，所以食到飽飽地個陣都要翻叫多次三文魚同帆立貝芝麻雞翼，啲肉好嫩，啲皮都燒得啱啱好，不過可能我地放左陣先食，所以就唔夠熱，下次熱嘢真係要一上枱就食！鰻魚飯團，第一次食，都幾特別。上面一舊鰻魚，入面都有好多，幾足料！正常好味~三文魚茶漬飯，第二次食茶漬飯，成個飯都好入味！因為係熟三文魚再撈埋充滿茶香嘅湯飯，甘樣嘅配搭更突出陣三文魚香味！呢度嘅環境都幾優美，日本餐廳黎講都算幾有氣氛同情調Btw當我地食飽之際，隔離枱有人叫左個刺身拼盤甘上下，佢出到黎個樣勁靚仔，又有火又擺得靚只可惜我地已經食飽，下次再黎都要叫下呢個黎影下張打下卡…Read More

上個星期五同朋友去咗荃灣醫生附近嘅韓國嘢 佢開咗喺 荃灣最旺 最多嘢食嘅路德圍內 嗰晚八點左右去到已經有好多人喺裏面坐滿 外邊亦都有好多人等位 好在當日已經打電話做booking 去到等咗一陣已經可以入座 裏面格局幾有特色亦都播住 k-pop 餐牌裏面亦都有好多選擇我哋兩個人叫咗三樣嘢 首先嚟咗個豆腐海鮮湯 個湯好足料有青口蝦 蟹同埋好多配菜 個湯有少少辣好開胃 跟住之後就係佢主打嘅韓式芝士飯 入不起就有好濃嘅芝士 好香好夠味 到咗重頭戲亦都係我嘅最愛就係韓式炸雞我哋叫咗個蜜糖香蘭味嘅炸雞嗰啲炸雞好大嚿好多肉 食落亦都唔會好有粉嘅味道同埋最緊要係佢個香辣醬真係正 好似我喺首爾食嘅味道一樣 半份炸雞基本上係有好多件 店員亦好貼心畀埋手套我哋費事我哋整到成手都係醬 飲品方面我朋友就叫咗一杯佢哋特色嘅 cocktail係用apple cider 為主 因為每 個菜色都好夠分量兩個人食三樣嘢食到我哋都好飽好滿足 價錢方面以荃灣食到呢類型嘅韓式食物絕對係超值 下次可以再encore…Read More

同朋友行開銅鑼灣，見有啲餓，又唔算好餓，諗起之前朋友介紹一間新開專食雞翼嘅鋪頭，所以就一於去試下。叫左兩個8隻雞翼餐，半炸半original，仲叫多左個薯條同兩罐可樂。Total 有4隻味可以揀。我地揀左黑松露，日式燒烤，蒜香蛋黃醬，美式孜味。本人最喜歡就係蒜香蛋黃同美式孜味。蛋黃醬同雞翼一齊食，令到食個陣啲肉再滑啲，又香蒜味，同埋本身蛋黃醬就係好好味而孜鹽落落雞翼度令到成隻雞翼都變得好香，唔係得個咸字，所以都選擇佢落埋落薯條度而黑松露本身就陣味就好濃，好香，其實都唔會點唔好味，呢個係正常嘅好味不過我就覺得日式就好普通，無好特別好好味嘅感覺...下次要再試下其他醬Btw order 左其中一罐可樂係德國嘅可樂，諗住未飲過咪試下。佢陣味比一般可樂淡，有少少水果味。不過，我都係鐘意正常可樂多啲…Read More

好耐無食日式燒肉，宜家多數都係任食，但唔想食任食，問下啲飲食達人frd，於是就介紹左呢間金金。唔好睇個名普普通通，原來前身係盛八，仲要比盛八做得出色！佢地開到12點，可能我都比較夜去，唔算好多人，但環境清靜，啲裝修都幾有feel一坐底，個女店員就好有禮貌甘幫我地安排，當我地唔知食咩好之際，又主動幫我地做推介最後我地揀左什錦燒肉盛，咩都有得食最好都係個牛肋骨同澳洲和牛，睇見個樣都靚油脂分佈平均，燒完啲肉汁出晒黎，好正啊不過有兩塊自己燒得耐左，搞到乾左啲...但個師傅勁好人，行過見我地over cook左，專登叫個店主幫我地燒，驚我地燒得唔好味個牛脷都好爽口叫左個豆乳廣島蠔湯，好香豆乳味，好多料，仲要啲蠔真係超大隻！食落又正！勁足料！仲叫左個泡菜芝士海鮮石鍋飯，芝士味唔算好濃，不過就好香泡菜同海鮮香味，又有少少飯蕉，有啲食落脆卜卜，都幾好味。個職員仲勁好甘幫我地撈埋個醬:)呢度都有啲幾特別嘅飲品，個女店員推介左支抹茶可樂，同菠蘿波子汽水。兩樣都未飲過，飲完都覺得幾新奇有趣，幾好飲。原來抹茶同可樂都幾夾，我個frd直情想訂一箱返屋企飲timSo far 黎講，呢間嘢都幾正，值得推介…Read More

自從係馬來西亞食完印度菜，返到香港一直都想再食多次印度菜。今次就黎左呢間恆河咖喱屋, 佢以深色木既裝修為主，我個frd話好似去左森林咁哈哈當睇住menu唔知點咩之際，老板娘就過左黎介紹佢既suggestion。最後點左菠菜芝士，咖哩蕃茄牛腩，印度烤雞，原味薄餅。可能因為我地都幾夜先去食，老板娘都nice咁同我地傾左好多計，仲送左碗蘑菇湯俾我地飲唔會好'杰'，好多細細粒粒既蘑菇，很香蘑菇味。隨即附送胡椒餅，胡椒餅好香，好薄和同脆，點個薄何醬感覺好fresh。菠菜芝士口感好rich，佢個芝士係印度芝士，有d似豆腐乾，口感幾得意，味道唔算太濃。咖哩蕃茄牛腩煮得好林，拿捏得很好，有小小辣，挺開胃。印度烤雞，呢個不得了，搶哂其他食物既風頭好香香料味，但又不會像食開的烤雞那樣乾，出奇地能夠保留嫩滑同濕潤，好出色。老板同老板娘都好熱情，大家認真可以去試下…Read More

一入黎呢度既感覺超級醒神 因為係新裝修 加上超大膽 全鮮紅既裝修 入黎打左個凸 下次黎一定認到佢簡直可以話係由頭紅到落腳 我點左一份鹽味拉麵試試 黎到既時侯暖笠笠 上面啲觸鬚仲識郁郁下其實對於素配料 我真係一般所以！我一黎就食晒啲配料先 剩番兩大條叉燒同溫泉蛋 仲有剩麵 呢個係我最鐘意既食法佢叉燒係堅好食 半肥瘦 又長又厚 再加上燒到有啲香甜 反觀我朋友果塊無我咁好食 應該有一半係我lucky 溫泉蛋佢無特別加工 只係表層染左少量油漬 比較特別係鹽湯底 除左清之外 佢又有少少咸香如果唔鐘意主流既濃味拉麵 應該會鐘意呢個…Read More

個晚突然想食好嘢，朋友介紹下，黎左中環呢間食嘅韓牛嘅。一入到去，經理就帶咗我哋落去下面個層，呢度嘅地方幾優雅同寬敞。佢下邊仲有一個空間係有張大枱同塊布遮住嘅，應該係適合啲8人小型聚會。Set好晒枱，經理就走過來同我地介紹餐牌，提供唔同嘅意見，最後我哋都係揀咗個火鍋二人高級套餐。湯底係鴛鴦湯，分別係泡菜牛肉湯同蔬菜海鮮清湯。個set有三碟韓式小菜，有個雪濃湯，一份肉眼，同一份後腿底板肉，仲有啲蔬菜同一份韓國手切麵。首先嚟到嗰三碟小菜都好入味，本人最鍾意就係個芽菜。之後係個湯，佢啲牛全部都好淋好入味，個湯仲正有晒所有料嘅精華，我同個friend 勁快飲晒佢啲蔬菜全部都好鮮甜，尤其係個雞髀菇。到個兩碟肉，個肉眼好鬆軟多汁，肥瘦分佈好適中，雖然未去到入口即溶咁誇張，但食落去真係覺得好好味。而後腿肉就冇咁淋，不過肉味好濃郁，食落好有口感。再辣椒醬，芥末醬點綴牛肉，實在加分不少。我本人來講都係鍾意食個肉眼多啲最後食個手切麵。平時出去打邊爐嗰啲麵或者烏冬通常會好散，掉咗落去個湯到就好難夾上嚟。但佢呢個麵好完整，麵質一啲都唔容易散，熟咗攞上嚟都好易攞，食落去爽口多汁，冇變粉漿，呢個麵係正嘅…Read More

甘啱去開個頭附近搵個friend，就諗住同佢食個糖水傾下計。其實個陣都幾夜，所以真係好難得呢間仲未收。一坐低，老闆就介紹佢哋呢度最出名嘅主打，就係綠茶嘅甜品同埋個紫薯梳乎厘。嗰陣有啲肚餓所以就嗌咗個綠茶窩夫，我個friend就嗌咗個梳乎厘。熱辣辣嘅窩夫食落口仲有少少脆嘅感覺，我最鍾意係佢配嗰個綠茶雪糕，同出邊一般嘅綠茶雪糕有少少唔同，好香綠茶味食落去好滑。老細話佢哋係用高級啲嘅綠茶粉，所以食落去綠茶味會香濃好多。食個陣再夾埋啲紅豆，cream，仲有個窩夫一齊食，有冷有熱，勁有口感。個梳乎厘啲蛋白打得好滑好靚，梳乎厘下面真係有一層紫薯，個紫薯勁甜勁香，好味到食到我個friend都冇得食咁滯哈哈個曲奇味雪榚又係同普通個啲雪榚有啲唔同，好甜好滑。哈哈呢度啲雪榚真係幾好味最後仲嗌咗個生朱古力食，佢同日本果隻Royce 朱古力好似，食落去入口即溶，我本身都好鍾意食Royce，所以對呢隻朱古力簡直大愛。學生黎食晚市有折啊！快啲黎支持下呢間小店啦！雖然我已經唔係學生...…Read More

放工諗食咩，得到朋友推介，就嚟咗呢間位於旺區嘅泰國菜餐廳。雖然冇影內部裝潢相，但係呢度嘅感覺俾人真係坐得幾舒服，好闊落，有別於一般泰國餐館。勁口乾，一坐低即刻要叫野飲，食泰菜唔使諗一定係叫椰青，個friend叫咗杯香茅茶。個椰青好甜，杯香茅茶一聞落去心諗咁似平時做Spa嗰啲味嘅，個刻先發覺原來平時做完Spa飲個杯野就係香茅茶。所以飲落寧捨唔同舒服好relaxed。食泰菜十居其九我都要嗌生蝦。佢呢度啲生蝦水準都好正常，不過我最欣賞嘅，係佢上呢味菜係用6個小酒杯裝住啲生蝦。每一Shot都有一隻蝦連蒜片，辣椒，同少少沙律，睇落去好精緻同好特別。馬拉盞通菜好入味點左個黃咖喱牛腩，啲咖喱汁甜甜地有啲辣，味道啱啱好，如果個牛腩再淋多少少就會更好啦。食咖喱梗係要叫埋烤餅一齊食，個烤餅好香，點埋啲咖哩真係好正！…Read More