Eleganza518's Profile

I enjoyed the karaoke in the lounge in my previous visits to Arcadia, so I booked the VIP Room for birthday celebration, but the VIP Room experience was disappointing. The food and drinks were great, but it's strange that they always run out of glasses, that's absurd for a bar & restaurant. The sound insulation in the VIP room was poor, we could barely hear the music in the room when a much louder music was playing outside in the lounge. What worse, the music volume was not adjustable!!!!!! The restaurant should really work on the VIP Room's sound insulation if they intend to have more VIP room bookings. Also, one of the lights (the birds cage light) was out, this was unacceptable! We made our booking more than 2 weeks in advance, and I was surprised that no one (eg. manager, cleaner, waiter etc.) noted the light bulb was out and there was no spare light bulbs! The bird cage light was obvious more than just a light, it was also a signature decoration of the room. The services was just okay but not to the standard we expected for a VIP Room. We needed to go out and get help each time we wanted to order more drinks and food, and there were empty dishes left on the table for the whole night that were not cleared. I expected the manager or at least a senior staff to come and check on us and see if we needed to order more every now and then, eg. every 30 minutes? We are customers who would not mind to spend more and tip more if there were better services, but the waiters did not show any intention to help. We would have spent more that night if we did not have to go out and ask for help each time we wanted to order more.:(…Read More

想黎依間粉紅少女Feel既Cafe好耐，終於來左。位置唔係太難搵，就係灣仔演藝學院旁邊。入到餐廳Reception無人，我地主動搵服務員帶位。帶位既經理唔錯，我地見有人岩岩係卡位埋單，經理都願意幫我地換位。今日好熱，餐廳Open Kitchen，所以冷氣有D唔夠，不過勉強可以接受。建議好熱既時候可以開番大丁丁冷氣。餐廳內裝修好Kawaii，粉紅色同埋好多熊熊，女生同小朋友一定鍾意。野食來到都要影埋相，相機食先。原本以為以裝修為主打既餐廳食物素質應該麻麻，但係喜出望外，食物質素唔錯，性價比算高，Tea Set有鹹點、甜點、蛋糕、同埋跟兩杯飲品（連Scone都係粉紅色）兩個女仔實夠食，唔夠都可以Order其他Menu上單點小食。發現佢地原來有晚餐，下次可以試埋夜晚…Read More

星期六Long Weekend係TST附近行街行到攰，諗住早少少食飯唔洗等位。見到門口有好多和牛相好吸引，6點鐘無訂位入去唔洗等，被安排坐Bar檯。座位闊落，係Open Kitchen，感覺衛生。自己燒肉，叫左一個Set C➕兩隻蠔，兩個人食。每樣嘢都好好味。和牛質素高，牛味香濃、軟熟無根。好欣賞前菜嗰個梅酒番茄，清甜得來唔係砂糖既甜而且帶有清新既梅子香味，配和牛食剛剛好可以去油膩。個櫻花蝦炸豆腐好香，豆腐裡面都入味，個汁唔係死鹹，好開胃豆腐又滑。雖然唔係放題，但係Set C份量好足夠。兩個人食埋個和牛炒飯飽曬！…Read More

剛剛去完日本食完和牛放題，同事介紹，返來香港又食和牛88既和牛餐，難免有比較。母親節食午餐，叫左個牛肉烏冬、炸雞軟骨、煎餃子食住先。雞軟骨同餃子都好好味。牛肉烏冬必食烏冬好彈牙，超級好味。後來叫左蟹膏甲羅燒、火焰和牛、燒牛肩肉、豆腐沙律、和牛炒飯、和牛壽喜燒、和牛壽司拼盤、枝豆。和牛菜式同埋沙律全部都好味，不過牛肉都係同日本食既有D分別。係日本放題食既比較嫩，和牛88既和牛雖然好味但係有一兩塊會有D韌。蟹膏甲羅燒味道怪怪地。蟹蓋裡面既蟹膏份量都幾多，唔知係味噌太多定係溝左其他材料，蟹膏既鮮味無左，唔再原汁原味，呢個菜式可以Pass。個人覺得65折之後先係食物應該值得既價錢，不過係香港來講都算唔錯，畢竟運費同租金貴。見到餐廳平日Lunch Set應該會抵D，下次Lunch過來試吓。…Read More

約朋友食飯傾吓計順便行街，IFC呢間餐廳都唔錯，打開個餐牌覺得D菜式有D都幾特別，好Fusion。我地叫左個炒麵但係有雞蛋係底既，睇Manual原本以為會好油膩，點知好好味！有D喜出望外另外叫左一個Burger，牛肉幾好食無Overcooked，薯條又熱又脆，味道唔錯，不過唔算特別好味。飲品叫左Passion Fruit Smoothie，味道唔錯，有水果味同埋夠濃。朋友叫左個Ice Tea，味道都幾好不過未算好特別！侍應唔算好殷勤，無咩笑容，好似成日都好趕時間咁。環境算唔錯，不過張檯好細，叫兩個主菜已經無位放其他嘢，即係變相叫人唔好點咁多菜，真滴汗…Read More

成日都係去Henry食牛扒，今次咁啱Book到Sunday Brunch，而且係泰國菜做主題，一於試吓先！下次再食下午茶。一開始有個好大既海鮮拼盤，有生蠔、龍蝦、蟹鉗同埋蝦。全部都好新鮮而且好好味。佢仲跟埋兩支好細既Tobasco，好衛生又得意！之後有幾款小碟，全部都無限任添。每一款都好好味，當中我最欣賞個柚子沙律同埋春卷！點左幾次都唔會覺得膩！冬陰功湯好開胃，椰汁雞湯好濃好好味。最後仲有主菜，點左豬肉青咖喱同埋牛肉碎煎蛋飯，兩樣都好好味，不過其實食到主菜已經好飽喇，哈哈。好滿意既一餐Sunday Brunch，價錢又唔貴，而且服務好好👍…Read More

套餐有8道菜，份量剛剛好，每道菜都做得好細緻。上次食過一次覺得好好味，所以今晚同家人一齊來再食多次。Quality好好，性價比好高，可以一次過試到咁多道菜，好滿足！服務員係一道一道菜咁上，可以每一道慢慢品嚐。蟹肉燕窩羹好多蟹肉，湯底味道好好。蒸蛋同蝦蒸得剛剛好非常滑。花膠炸得好香好脆但係唔油膩，火候剛剛好！蒸龍躉好滑加埋粉絲好好味。炒飯好多料，雞肉彈牙又多雞蛋，正吖！最後既甜品為晚餐劃上完滿既句號，湯丸夠薑味但係唔太辣，紅棗糕真係好香紅棗味但係唔會太甜，回味無窮…Read More

母親節午餐自己一個人唔知食乜好，好啦，金百利一定有嘢食，原本諗住去5樓，但係睇到7樓間爺爺雞飯，唔知幾時開既，從來都無留意過。今日唔想食辣野，就試吓呢間啦。入去得小貓3-4隻，以為中伏。不過坐低左唔好意思走😅 所以點左個午餐試吓，服務員話母親節飲品免費。好，咁我就試埋個奶茶啦，希望唔會浪費我既quota。海南雞飯餐來左，跟個湯，油飯同埋有D豆伴碟。睇樣正正常常咁，點知個雞肉竟然好嫩滑而且有雞味 個油飯有味道得來唔會太油，怕肥既女仔好似我咁都食到，最緊要係D飯係靚米同埋唔係嘅嘢飯。個湯比出面既好飲，除左雞味，仲有D菜同埋似係用左D藥材煲，有淡淡既黨參定係當歸味道，有D肉骨茶既感覺。講吓個3種醬料，食海南雞一定要醬料好味。薑蓉夠薑唔太辣咸味剛剛好，個辣醬最Surprise，我相信係店主自己整，因為同平時外面食到既多左D香料同青檸（應該係，我信我條脷），而且唔係偏甜嗰種，最怕D辣醬唔知點解好甜。最後係伴碟D豆，竟然好好味，想問佢可唔可以加D比我，哈哈，不過面皮唔夠厚！其實如果個餐可以多個Option比D客人加錢加個油菜就好喇！女仔好鍾意食菜架嘛。泰式奶茶就不過不失，茶味未夠特出，同埋未夠香滑，不過配餐飲價來講性價比已經算高，可況今日我免費飲，已經覺得好好。店員有禮貌，店面有兩個侍應，服務態度幾好，斯斯文文，上菜好快。總括來講，今餐好好味，嘴刁既我都好滿意。應該係我係銅鑼灣區食過最啱口味既海南雞。估唔到小貓3-4隻既小店咁好食（我坐坐吓佢都多左幾台客人）。最近疫情好多食店都熬唔住，希望佢生意好D可以繼續經營，咁我食飯先可以多個選擇…Read More

心血來潮想食Omakase，所以中午Walk-in睇吓有無位。室內座位滿曬，我地被安排坐室外。當日天氣唔錯，唔會太熱或者太凍，坐外面都幾舒服。叫左Omakase同埋Kaiseki Course各一個，食完非常滿意。無論賣相同埋品質都好好。暫時無得飛日本，係依度都食到高水準既日本料理…Read More

聽講呢間Henry牛排好好味，身為牛魔王既我地梗係要試吓啦。不過要提前Book，如果唔係基本上都無位。等左幾個禮拜終於食到啦！接待既美女姐姐好有禮貌，而且個經理好幽默，氹到我地好開心，我地一入去已經心情大好，而且座位好大好舒服。一行4人，食左3款頭盤，3份牛排。飲品叫左Beer同埋Mocktail。全部食曬，捧住個肚返屋企！Asparagus & Param Ham，露筍新鮮清甜，而且好大條，配埋調配好既醬汁同Parma Ham食，味道一絕。我本身好鍾意食露筍，真心好食。Tuna Carpaccio 好好味，Tuna下面係Eggplant，竟然出奇地好食，呢個配搭無食過，估唔到咁夾。Eggplant好似醃過，連埋Tuna食剛剛好。Kale Salad好適合鍾意食Macadamias 既人，果仁既香味加上埋羽衣甘藍，配調製既Salad Dressing同Cheese食，好開胃！主角出場啦！叫左3份牛扒4個人Share，牛扒本身肉質好好，一D筋都無！濃郁既牛味，加上煎得剛剛好Medium Rare，唔洗調味/Gravy已經無得輸！不過佢本身係有Gravy跟埋既。我地仲叫左Mashed Potato，好好味。薯蓉好滑，有牛油香但係又唔會油膩，同我地屋企整一樣咁足料！正吖仲有叫左4杯飲品，其中2杯Mocktail都好好味，不過唔記得影相，太好味飲曬，記憶永遠係腦海裡！大概花費$2,600 午餐。物有所值！下次有機會會再去！…Read More

係OpenRice見到The Hunter既廣告彈出來 ，醒起之前睇過網上雜誌都有介紹過話呢間餐廳既環境好同埋有美國Prime牛排，所以book左星期一晚試吓。環境好似無想像之中咁靚，雜誌上既相靚D，室內環境一般。兩個人叫左一個Seafood Platter，Brandt USA Prime Striploin on the Bone 500g，Mashed Potato，Cocktail同Mocktail各一杯。侍應既服務幾好，要求換檯都有幫忙安排。不過食物質素真係好普通，尤其係個Seafood Platter，性價比極低。由港島去到將軍澳食呢餐真心覺得浪費左時間。全個Platter有4隻生蠔、4隻青口、6隻蝦、1隻開邊波士頓龍蝦，同埋兩隻皇帝蟹蟹腳。生蠔淨係得Fine de Claire No.2, 無No.0, 而且麻麻地新鮮，有一隻我吐左，覺得D味怪怪地，唔對路。青口都唔新鮮，其中一隻我相信係壞既，因為淋啫啫軟瀨瀨出曬水同埋變左色，我無食到。當時雙手太忙碌唔記得影低，失策！龍蝦係當中最好食既，煮得恰到好處，肉唔會太老，剛剛熟，不過要自己加D鹽食，因為無咩調味，味道比較淡。蟹腳OK，好粗壯，有海水味，唔洗再加鹽。不過City Super買既會新鮮同鮮味過佢。D蝦唔算大隻，而且完全無調味同無鮮味，食入口唔係好知自己食緊咩個Platter仲跟一個魷魚沙拉，簡單既鹽、Olive Oil調味。加入好多洋蔥同埋紅蘿蔔絲，連埋魷魚片一齊食，幾好食。不過老實講個Seafood Platter唔係好值得叫。Quality同去食Buffet差唔多，Buffet可能仲新鮮D，而且酒店可以任食....牛排Brandt USA Prime Striploin on the Bone 500g 肉質無咩彈性，係鯰身既，有少少脂肪，可以烤香D，同埋牛味無期望中咁濃。我地仲叫左Mash Potato，呢個真係好唔掂，淡而無味，而且唔知點解個薯蓉有D稀，唔係平時一Pat，而係有D BB 糊仔Feel，而且唔夠牛油又無放鹽，所以基本上係好淡。沖水即食既薯蓉仲好食D，食到一肚火$88一杯飲品好細杯，而且唔係特別好飲。杯Cocktail完全無酒味，Mocktail 就還可以接受。除非食物質素改善啦，如果唔係以後唔會再幫襯啦。兩個人食左$1,800，而且唔好食，真係好失望…Read More

Ordered delivery tonight. The pulled pork and pulled chicken were both way too sweet and nothing like the Mexican food I had before! Did they use sugar instead of salt? And what about the spice? Even the avocado sauce was tasteless and not Mexican style... very disappointed.…Read More