cherrizi's Profile

其實唔係第一次土麼幫襯，之前都還好，所以再約朋友去食。21/8星期四，約11點左右，入座時無講明用餐時間「一個鐘」，然後有室外仲有好多位、已經調過一次位、仲要喺人哋杯嘢飲都未飲完嘅情況下同你講有「用餐時間」？個短髮阿姐態度唔係差，但如果入座時講明一個鐘用餐時間，大把其它餐廳我哋可以去。講返食物質素唔錯，有室內同室外，有海景配搭，感覺舒服悠閒，不過趕客服務，令人唔想再去。…Read More

間cafe環境幾好，餐牌嘅嘢食都幾有特色，但唔平，同埋服務經歷真係麻麻。一入門有提到90分鐘用餐時間，咁我哋本應7點半先還檯，掃QR code落單。大約7點2左右再由系統落單，因為仲有朋友嚟緊，點知原來個系統已經cut咗單，到7點半嘢食無嚟就話我哋夠鐘還檯，然後仲話會照做但叫朋友嚟到盡快落單還檯。唔緊要，朋友嚟到已經即刻連甜品都叫定，上嘢慢但嫌你食得慢，食到一半問你甜品上得未，然後叫你埋咗張單先，特登話用餐時間個半鐘但已經0兩個半鐘，埋單990, 我哋唔係叫一杯嘢坐兩個半鐘喎。…Read More

同老公慶祝正日生日，早兩個星期就book, 但book嗰時無講限時，去到先知用餐時間係個半鐘，已經有種唔太好嘅感覺，但見佢哋安排個比較靜嘅位置俾我哋，就覺得都ok.我哋無揀set dinner, 諗住慶祝食好啲，而食物同環境其實都幾好，但扣分位嚟喇，去到大概7點半，明明無人等位，我哋亦未食晒檯上嘅嘢食，佢哋就自把自為上已經預訂嘅生日甜品，收晒檯上嘅食物，甜品食咗兩啖就俾張單你趕客，有啲啲失望。呢個價錢大把選擇，應該未必會再去。…Read More

第一次接受Van Gosh Museum係幾個月前係大館, 覺得好特別, 由荷蘭開到黎香港.一早訂左位所以員工直接就帶我地坐好, 唔完全唔需要等. 我地睇左一陣餐牌, 其實黎之前都做左少少資料搜集, 果然, 老公揀左The Sunflowers, 我揀左The Harvest, 分別係五道菜同六道菜, 唔逐一去寫.大部份既菜式上檯後, 員工都會簡單介紹一下菜式, 當然我地未必記得, 亦都唔係每一道都有做到呢個動作, 但食物本身已經係一件藝術品. 本來諗住以Van Gogh呢個主題, 唔多唔少都係gimmick, 點知出黎既效果, 令我地都覺得有驚喜. 整體既食物, 環境同服務都好好. 食到第四道其實開始有d飽, 所以無另外再叫蛋糕或者afternoon tea, 希望下次再去試.  另外, 亦好鍾意佢既setting, 由檯既上菜位, 最道菜既設計, 到花茶set.到甜品時間, 佢地記得幫我係甜品碟上寫上祝福語, 主動提出幫我地影相, 仲有一張即影即有送俾我地留念, 好開心!! 雖然係平日, 但原來六檯入面都有五檯係慶祝生日. 好開心揀左呢度慶祝婚後老公既第一個生日! 我地由六點半左右到十點左右先走, 好耐無試過. 應謝俾左一個圓滿的生日晚餐我地.…Read More

夜晚同朋友喺附近食完晚飯諗住去食糖水，喺openrice見到呢間有特色大排檔就試吓。一嚟到，老闆娘話有位就坐得，我哋就揀咗張有四個位搭嘅檯坐低睇食咩，因為等緊朋友嚟，所以老闆娘第一次行埋嚟我哋仲睇緊。睇咗大概五分鐘就準備落咗單先，點知老闆娘一行埋嚟就大聲鬧有無搞錯咁耐都未叫嘢食，大把人喺出面等位，講唔講得過去。同佢講等緊朋友，佢話齊人先埋位，根本無人同我哋講過，收咗我哋張menu叫我哋走，出去慢慢等，唔使食，大聲到條街都聽到。呢間嘢好唔好食我哋唔知，好彩無食到亦無興再去，同檯嘅人同我哋一樣帶外國朋友嚟試香港特色嘢食，相信俾人見到呢一面嘅文化唔知好嬲定好笑。如果你係個有尊嚴嘅人，唔好去呢度。…Read More