Wendymama's Profile

今晚食完飯去左Greyhound 食甜品，可能未必個個都知，佢個甜品menu其實都有好多選擇，食完飯過嚟唔洗迫，又唔洗排隊，嘆個甜品真係唔錯。不過今次去到門口佢啲服務員不斷汁枱，見到我地好似見唔到咁，企左幾分鐘，明明好多枱都唔安排我地入坐。坐底左問佢攞個甜品menu，準備好叫野食，服務員唔攞紙筆記低我地食咩，轉個頭又返嚟問多次我地係唔係叫左咩咩咩⋯⋯真係好無奈。今次叫左佢主打嘅椰子蛋糕，另外叫左個Apple crumble。椰子蛋糕大大件，一層層crepe加上幼滑嘅cream，甜度主要嚟自個cream，中度甜，加上每層都有椰子肉，啖啖都有多重口感，不過cream嘅部分其實都估幾重，如果唔鐘意食cream人士要留意啊！Apple Crumble熱辣辣，誠意之作。中度甜，蘋果加上Crumble 好有口感，而且帶有牛油味，好香。蘋果稍稍大粒左少少，可以切一半，另外仲配上一個醬可以加上去，食crumble 時加就覺得無咁乾，不過crumble 嘅甜度已經cover 左個醬了。用餐其間服務員更多次走到我隔離枱，想收走佢地差不多食晒嘅碟，仲示意叫佢地可能食埋最後一件，幫佢收走隻碟，感覺好似迫人食快啲同快啲走咁。我明白佢地服務人員唔多，人手不足同而且就離收鋪，但係感覺有啲差。總括嚟講，甜品就好高分，不過服務就唔太好，嚟唔嚟幫襯就自己取捨一下啦。…Read More

今日下午想食日本野，晏得濟出門口，未收嘅日本餐廳無幾多間，所以最後去左無敵家。一去到坐底飲杯茶先，但係隻杯有陣清潔劑味:(咖哩炸雞飯咖哩都係一般普通日式咖哩磚嘅味道，炸雞嘅粉有點太厚，份量一個人剛剛好。不過平時食無咁多件雞，今日個份量明顯多左，真係好飄忽。其實呢個飯味道真係好普通。隨飯附送左個麵豉湯&沙律，味道都係果句，好普通。咖哩炸蝦飯同事食左咖哩炸蝦飯，有3隻炸蝦，大大隻，但粉都係好厚。總括嚟講，唔係啲日本餐廳關晒門都未必會嚟呢度食，食物質素一般，無特別，但價錢唔平，都要$100一位。…Read More

其實已經食左幾次呢間餐廳，所以想寫一寫對佢嘅評價。嘅間日本菜對比官塘工廠大廈嘅餐廳嚟講算係相對平價，而且質素都ok。最有特色係佢嘅卷物，睇落都有幾十款。炸物食過就一般啦，所以今次無叫。今次試左幾款新野。煎豆腐第一次試，又幾好味。個汁少少咸，配無咩味嘅豆腐都幾夾，煎豆腐唔會太熱氣，豆腐都夠滑不過如果唔鐘意個面果層皮有啲黏黏地，咁就唔建議叫啦，個人就ok。卷物唔記得個卷個名，不過卷入面有青瓜、牛油果、帶子、蟹柳、蟹籽。嚟到有啲錯愕，點解帶子同蟹柳係碎上，食落口覺得個沙律醬味太濃，食唔到每一款材料嘅味道，確實失色。不過之前食過有鰻魚同牛油果果個係好食嘅，建議食果啲材料唔係碎上果啲卷物。明太子雞翼炸得好香，細細隻，熱辣辣，味道唔會太咸，juicy油金魚刺身睇落唔似油金魚，食落似瘦版拖羅，雖然我個人覺得佢真似比錯我，不過誤打誤撞個魚嘅質地又幾好食。八爪魚沙律大大碟，幾抵食。海藻個味較得唔錯，不過呢間餐廳個沙律醬味道太濃，佢唔落咁重手會fresh d。總括嚟講，呢間餐廳around $100一位左右啦，算係幾抵食，如果食刺身就貴少少啦，不過勝在多選擇同幾就腳，而且靜靜地，坐得都幾舒服，所以會再嚟幫襯。…Read More

呢間小店行過好多次，食就食過2次姐，不過見佢越來越多人幫襯，而食物水準仲keep得幾好，所以想分享一下。今次咁啱行過又口痕，去買左個小炸雞食。韓式炸雞味道同係韓國食嘅有都有少少分別，應該係個汁調得比較合適香港人口味吧，仲有得加芝士粉同花生碎。不過想讚一讚嘅係小炸雞份量都唔小，而且即叫即炸，香噴噴，熱辣辣，雞肉又唔會炸到老晒，唔錯唔錯，誠意之作。總括嚟講，嘅個紅磡小食絕對值得一試，本人覺得好味過紅磡韓國餐廳入面嘅炸雞。…Read More

今日見平日放假，諗住嚟試下呢個出名排長龍嘅pancake。今日3點幾嚟到排左15分鐘左右就有位，張sofa都坐得舒服而且環境都幾乾淨。睇完menu我地叫左2份pancake同2杯飲品。Soufflé Pancake賣相好靚，不過一切就爛，好似好多水咁，口感係似梳乎厘，可以想像係攞啲梳乎厘去煎左兩面，睇得不過唔好食。味道方面其實無咩特別，因為味道都係靠牛油、cream同糖漿，但口感方面真係好失望。Flake Plain西多咁嘅賣相，加左粟米片一齊炸，口感都有啲新鮮，又軟又脆，對比soufflé pancake，個人鐘意呢款多啲。但好老實，塊麵包係一塊普通方包，自己係屋企都整到。飲品方面，咖啡ok香，而且易入口，係今餐最好嘅單品。royal milk tea 都還可以，多奶但仍飲到香濃茶味，不過唔值咁貴。總括嚟講，今餐好失望，完全唔值得排隊同咁貴，下次唔會再食，一次就夠。…Read More

之前行過幾次都見到佢好多人，今日落雨人龍即刻唔見左，不過可以因爲隔離都開左間日本料理嘅關係，所以感覺上少人咗。午餐價錢大概$60-100左右，午餐會包沙律、麵豉湯&茶碗蒸蛋。我地2個人叫左一個熟食，一個魚生試試。前菜沙律有生果，個感覺幾清新。蒸蛋有層汁係面，層汁微鹹，蛋都算滑嘅。麵豉湯同一般嘅唔同，有微微嘅醋酸味，另外鹹味亦很突出。牛舌溫泉玉子飯牛舌係濕濕地嘅質感，有5塊，不過其中有2塊太硬，少啲牙力都食唔到。碗飯仲淋左個醬油汁，不過實在有點太鹹，雖然送飯幾好味，但味道太濃，要飲返幾杯茶先得。甜蝦碎金槍魚腩飯呢個飯size對男仔黎講細左少少，甜蝦有2隻，雖唔係好大隻，但睇落幾新鮮。碎金槍魚腩食落都算肥，而且唔係魚蓉，有少少粒粒咁嘅口感，都唔錯，不過新鮮程度就不及甜蝦。總括嚟講，呢間野食物偏鹹，坐位有少少迫，今次唔洗等位就ok，要等位就唔食lu~另外由於隔離開左另一日本餐廳，有對比之下有啲遜色。…Read More

新年流流想搵個地方下午茶真係一啲都唔易，開嘅地方唔多，有開嘅就多人到爆。年初二行下行下就去左simplylife，見排隊嘅人唔係好多就即管排下啦。等左15分鐘到就有位，可以揀食Brunch或者散叫，我地揀左叫咖啡同pastry。2個叫左2杯大咖啡同3件pastry。Pastry叫左士多啤梨，咖啡同蘋果味，賣相相當精緻，味道都唔錯，而且唔係好甜，相信如果熱辣辣肯定好好味士多啤梨都有甜味，唔酸嘅，咖啡果個如果咖啡味再濃啲就好啦，另外蘋果果個就一般味道啦，味道唔特別出眾，不過唔太甜係重點。咖啡咖啡就不過不失啦，咖啡唔夠香，不過佢唔係專賣咖啡嘅咖啡店，呢樣可以原諒嘅。總括黎講，新年搵到個好坐嘅地方而且叫埋野食野飲都係幾十蚊，抵都爛…Read More

今日下午茶時間去左食拉麵，見登龍街有好多間唔識揀，最後決定入呢間試下。因為未食過呢間餐廳，所以3個人都係叫最普通呢豚肉醬油拉麵，仲加左份炸雞同煎餃子。豚肉醬油拉麵拉麵口感一般，唔夠爽口。湯方面無豚肉味，偏鹹，拉麵同湯配合得唔係幾好。豚肉方面，大大塊，賣相都幾吸引，不過都係偏鹹。10分滿分，呢碗拉麵得5分左右。最好味應該係隻蛋，糖心嘅。炸雞大大件，不過雞肉唔滑，又唔juicy，不過勝在飽肚。煎餃子無咩特別，一般餃子味道。總括黎講，呢間拉麵店嘅食物味道一般，如果想搵好味嘅拉麵，銅鑼灣有更好嘅選擇。不過呢度勝在大件飽肚。…Read More

今日約左係旺角食晚餐，朋友話想食西餐，我就揀左呢間試試佢。Menu上嘅食物都幾有心思，同一般西餐廳嘅食物有啲唔同，因為唔算係全西餐，似fusion菜多啲。我地揀左1個頭盤，1個小食，1個主菜。芒果軟殼蟹卷見到好多人都有叫呢個菜，芒果份量少，味道亦都唔會搶左軟殼蟹嘅味道。由於軟殻蟹係油炸，配上生果同蔬菜，油膩感即時少左，感覺fresh左。加上少許沙律醬，整體感覺做得唔錯。煎蠔餅味道唔錯，料亦都唔少，建議用黎送飯，不過一夾起見到成個鐵板都係油，食油都覺得油左少少，呢點可以改善一下。芝士鰻魚飯好多芝士，啖啖飯都沾滿芝士，一啲都唔慳皮。鰻魚有2塊，2個人食就剛剛好，不過由於啖啖都有芝士，食完都真係有啲膩。總括黎講，呢間餐廳都有啲驚喜，而且菜式都有啲心思。呢個價錢對比旺角嘅餐廳黎講係貴少少嘅，不過可以一試。呢間餐廳都算係有情調嘅，不過好坐程度就一般啦。…Read More

係上環返左工一段時間，都食左唔少次陳勤記，但一路都無為佢寫過食評，最近得閒啲，就等我寫低佢嘅味道先。次次黎我都係點招牌四寶飯。首先講講菜莆先，有微辣，味道調得好好味，加埋個鹵水汁，送飯一流。紅腸薄切，腩肉一層肥一層瘦，大腸睇落洗得好乾淨，唔會太肥，而且鹵得好入味。個蛋黃沾上鹵水汁，配埋啖飯一齊食，又有鹵水味，又有蛋香，超正。不過美中不足就係蛋白有少少太硬。總括黎講，呢個四寶飯份量剛剛好，味道仲十分好添…Read More

食完午餐諗住食埋個甜品，不過係中環要有得坐嘅甜品鋪的確唔多，行過見到呢間雪糕店就決定一試。店內雪糕種類都算多，有icecream, sorbet & frozen yogurt。我揀左Coffee Oreo Yogurt加waffle cone。雪糕份量都算多嘅，不過味道就一般啦，唔算太甜，不過咖啡味唔出，同埋佢都溶得好快。食落個口感唔係幾似yogurt，似食冰多啲。同行嘅朋友試左佢特色果啲雪糕筒再加燒棉花糖。睇落就好靚，影相一流，不過個人覺得食落就太甜，有啲膩。總括黎講，個人試左一款雪糕之後就覺得一般啦，味道唔算出色，不過要影張靚相嘅，佢特色果幾款cone的確幾靚嘅。…Read More

今日老細請食飯，我揀左至愛嘅日本料理，不過對於食晏食2點嘅我黎講，揀間未last order嘅日本餐廳都幾難。最後揀左上田，因為佢2:30 last order，3點先關門。上到黎見到環境都幾靚，而且呢個時候客人都唔多，服務都好周到。打開menu 見到有啲魚嘅刺身名睇唔明，都不禁google左一下。最後我地叫左個omakase 定食，5款刺身定食&燒吞拿魚定食。Omakase定食有熟食有刺身，每樣少少，但係食完都非常飽。刺身有3款，每樣1-2件，大吞拿魚楠好肥美，超多油，入口即溶。天婦羅有3款，每款一件，炸得都唔錯，漿唔會太厚，而且食落唔會好多油。燒玉子味道都ok，不過熟食果件魚就好普通，無咩特別味道，亦無燒/煎嘅香味。烤薄切牛肉&蝦都係冷盤，牛肉味道唔係十分特出，質感都係一般，不過我覺得最唔啱口味嘅係隻蝦，酸酸地，有啲似沙律嘅味，而且肉質偏硬，仲要好細隻。不最最最鐘龍係佢碗吞拿魚飯，3片魚加埋個鹹鹹地嘅汁再加埋粒粒都好飽滿嘅形珠米，揀直一流5款魚生定食賣相睇落都幾靚，同事食完表示好新鮮，大吞拿魚楠好肥美，珍珠米煮得幾好，整體都唔錯。燒吞拿魚定食燒完嘅吞拿魚好香，而且面頭有少少焦配上吞拿魚肉的口感非常豐富。份量黎講都算唔少，可以一試。其實想順帶一提佢呢度嘅配菜係好出色，每一樣都好好味同埋呢度嘅waiter唔係個個都識講英文。總括黎講，食過中環多間日本料理之後發現呢間真係算唔錯，不論用料同味道都好過同區唔少價錢中上嘅日本料理。由於午餐嘅價錢都算有少少貴，當有慶祝嘅日子可以再黎食過嘅。…Read More

邊個話一個人唔可以浪漫嘅呢？今日我就一個人去左銅鑼灣lunch，發現原來銅鑼灣都有無咩人，而且都幾好坐嘅地方。之前曾經經過呢間餐廳，見入面裝修幾靚，不過又唔係好多人好迫果種，而且上網見到人地話d野幾好食，所以一直都想試試。原來餐廳係先點餐，然後自己攞飲品，再番埋枱等人送上野食。因為今日得我一個，所以叫左小份嘅正方形pizza，加一杯lemonade。Pizza 方面，餅烤得好脆，小份嘅大細對女仔黎講剛剛好。我揀左BIANCANEVE ($38)，呢款有蘑菇+火腿+芝士。上枱時香氣四溢，芝士仲係可以拉長果種，好濃芝士味，但稍稍多油左少少。Lemonade ($45) 方面，有果肉，唔會太酸，好fresh嘅感覺，唔錯。總括黎講，呢度野食唔錯，價錢合理，而且無人唔洗迫，下次行銅鑼灣想搵個地方坐坐都會再黎！…Read More

今日係九龍灣搵食，想食日本野，又見到好耐都無食過嘅麻布茶房，就決定今晚幫襯佢啦。店內裝修一如以往，多年都無變過，不過menu就多左以前無食過嘅菜式。今次2個人叫左個mix and match 嘅set，一個凍烏冬，一個小食。凍雞肉扁麵佢英文寫udon，但佢係寬麵樣，烏冬質地，好難夾，但係個麵幾好食，有咬口，而且彈牙。個雞份量多，配埋個汁有醉雞嘅感覺。唔日式，但係幾特別同麵幾好味，整體配合得唔錯。炸雞大大件，炸得香脆，雞肉好厚肉，係我食過咁多炸雞入面最厚肉嘅，但係肉質一d都唔老，而且有肉汁，唔錯。Set叫左鐵板牛舌定食，個牛舌唔夠熱，塊鐵板都唔熱，有d中伏嘅感覺，而且好多油，味道一般，下次黎一定唔會再叫呢個。不過附送果個湯清清地，同一般麵豉湯唔同，係幾好嘅。Set甜品叫左燒蕃薯紅品雪糕。由於個人好鐘意食蕃薯，所以次次番親都叫呢個甜品。蕃薯溫熱，上面有比較奶嘅軟雪糕，質地有d似cream，不過配埋蕃薯同紅豆，甜度剛剛好又唔膩，大分推薦比喜歡蕃薯嘅朋友！總括而言，呢間餐廳都算無令我太失望，質素算keep到，不過由於人手唔係好夠，出菜比較慢，呢餐食足個半鐘。走果時發現原來食夠$258送多士爐，不過趕住睇戲都無時間加單再叫，因為野食都要等好耐。不過原來食左咁多野都唔洗$250，都算抵食啊，下次會再黎！…Read More

星期日係大埔搵野食，真係好難，度度都要排隊，出名果幾間更加大排長龍。今日lunch time搵野食，間間都要排隊，行過呢間日本野，見到唔洗排隊就試試佢啦。間鋪頭裝修似食串燒，入到去打開個menu，果到有壽司，不過d圖就真係一d都唔吸引啦，黎到就試下佢嘅牛肉鐵板飯啦（pepper lunch果款）。再叫左個沙律同鰻魚蛋包飯。牛肉鐵板飯黎講，個味道無pepper lunch咁濃，油比較多，牛肉份量比較少，完全唔特別。沙律黎講，整體比牛肉飯出色，賣相唔錯，不過沙律汁太少，唔係好夠。脆脆果部份烤得唔錯，唔算油，配菜食口感比較豐富，不過如果菜嘅部份多番d，會比較好。鰻魚飯係今餐最出色嘅食物，意外地見到佢加左芝士，有驚喜。而且上枱時蛋未完全熟，配飯一流。不過鰻魚略嫌太細塊，但整體算唔錯。總括而言，今次唔洗排隊嘅午餐算合格，不過環境太熱，冷氣唔夠，所以食完都快快走了。如果肚餓又唔想排隊嘅，可以一試。不過環境都算嘈，想傾計嘅就唔建議啦。…Read More