亞當生's Profile

都有兩三年無食國記，今次嚟食早餐竟然有驚奇，今次叫左叉燒腸，抄油麪。一嚟個叉燒腸好似紙紮咁樣，不過個䜴油都唔錯，勉強過關，再食個抄油麪，油麪無怪味，但食落口有成口怪味，再加甜…辣…醬，怪味仍然存在，再食多兩三啖，真係頂唔住唯有放棄，臨埋單同個女職員講，啲炒油麪有怪味，佢反問我係唔係有火水味？我答佢係喎係火水味嚟個喎，佢好自豪咁樣！同講我哋係用火水爐嚟炒麵嘅所以有火水味係好正常，我細路仔時老媽用火水爐煮飯炒菜都無火水味，唔知點解而會有火水味，仲變成風味…無言😳😳😳！！…Read More

今次係我第三次寫食評，頭兩次點解寫呢？因為係劣評！今次寫食評因爲我覺得值得一寫，呢間食肆開張到僅僅一個月左右，我已經同老婆嚟左食兩次，老婆同佢阿妹又嚟咗一次。第一次大概兩點鐘左右，同老婆喺旺角附近搵嘢食，遇到一個極度積極嘅年青人喺度派傳單同介紹，睇見佢咁認真嘅工作態度，就同老婆走咗上去試下，去到呢間新鋪員工招待友善，店鋪裝修新淨光鮮整潔，跟住我哋兩公婆只係叫咗兩份平價定食嘅火鍋，佢哋嘅員工冇因爲我哋只係食價錢平嘅定食，而對我哋有任何不善態度，相反員工JACKY認真地對我哋介紹佢哋公司嘅食材及理念，態度友善。講返食材，雖然只係叫定食，但係定食份量足夠，至於放題自取區嘅食品都好特別，有好少見嘅冰菜牛柏葉同土魷魚，以呢個價錢同埋食材我係非常滿意。就係咁所以係好短嘅時間我都唔介意由元朗出嚟旺角再次享用呢度嘅食品，整體而言這間食肆係值得一試。…Read More

脆炸肉絲抄麪，肉絲一般茶餐廳質素。脆炸麪慘不忍睹，脆到咬唔開且完全無味！收64蚊熱飲仲要加4蚊！40蚊都唔值！趟門常開！對出教育路經常塞車，癈氣，死氣，沙麈風湧而至，冷氣！熱氣！死氣！癈氣！受氣！五蚊現金卷，完全體驗到「王牌冰室保留最終決定權。」今日21/9食左個一般茶記質素嘅早餐，埋單用佢放係門口嘅五蚊現金卷找數，收銀呀姐話今日唔用得！我問點解今日星期二喎又唔係公眾假期！呀姐話今日八月十五中秋節唔用得！無語…最終決定權！！…Read More

同朋友活動完，早兩日已訂位，室內已訂滿，唯有訂室外，今日15/2 1200時到逹，我地訂左六張二人，當日晴空萬里，萬里無雲！曬到不得了，但有碩果兩個帳篷及五把太陽傘，抵抗著燦爛璀璨的陽光，我地六張枱各有爆曬位置，但有兩三張帳篷內的空枱，要求換枱，待應會應早已安排，唯有無奈接受，有朋友要擔遮食嘢，食物 飮品 遲遲未到，要三催四請，先有得食。最神奇朋友爆曬45分鐘後，待應竟然主動調我朋友到一張空置45分鐘的帳篷內的枱，終於可以唔曬住食嘢！…Read More