CC1988's Profile

生日飯潮州菜？無凍蟹、無凍烏頭，就算切生日蛋糕要收切餅費，OK我比，結果？叫佢上蛋糕，個waitress枱都未執就羅蛋糕上黎，我話我地想影相喎（如果唔係點解比你收切餅費？）個waitress話得得陣間執，然後一嘢點埋個蠟燭等左勁耐都無人黎執檯，要我地自己動手執埋先有人過黎執，仲要檯面仲有垃圾未執，蠟燭著淨番五分一枝。影咩相？吹完蠟燭之後都無人黎幫我地切餅喔，最後自己切。真係未試過咁火滾。呢度工作人員如果係第一次做餐飲，唔該貴公司提供正常的training！收切餅費原來不包切餅唔該回水！…Read More

呢個禮拜胃口都不是太好，有少少作嘔。空腹至下午三時，咁樣落去唔係辦法，於是乎同老公過黎紅磡區搵小店醫胃途徑呢間牛肉拉麵，已經聞到陣蘭州拉麵香味，睇下價錢牌真係幾抵食！都係35-38既價位，符合心目中「小吃」既定義。呢個時間點啱啱好無人，於是坐低嗌左碗牛筋幼麵，我老公嗌左碗炸醬麵五至十分鐘後，兩份手工拉製既麵條呈上真係好好食好感動😭😭😭😭 麵條勁煙韌，有嚼頭牛筋上面都有少少牛肉，係我最最想要既combination (其實一開始我有啲後悔，因為齋牛筋會好滯，結果喜出望外）最後食到連湯都飲曬（真係成日無食過嘢！）我老公碗炸醬麵都好食，不過無影到相。之前睇評論話湯底係味精湯，本人親身感受：唔係味精湯。因為我飲曬成碗湯，到宜家半夜都唔頸渴。同埋宜家勁恨再飲過宜家三更半夜都仲回味緊 作為黃埔區街坊的我，希望黎緊每個禮拜老公都可以陪我黎食呢碗麵下次我一定要加底，因為啲麵真係超好食呀！！！！！！…Read More