kitlamde's Profile

細個陣時最怕去大排檔食飯、覺得污糟又邋遢，但大個先明白大排檔呢種香港獨有嘅風味 真係我食少見少！更唔好話十隻手指都數得哂嘅冬菇亭大牌檔～🥲今日同男朋友特登黎到青衣嘅舊屋邨，係［肥佬德滷水小炒 ］嗌上幾味！～～幾位待應都有返咁上下年紀，我地一坐低果下佢地已經好親切介紹同送上一大碗熱辣辣嘅烈湯～令我諗起屋企嘅老人家咁，每次返去都係超熱情招待！🥹兩個人嗌三個餸都完全食唔哂，份量真係足得過份🥲🥲🥲但一開始啲店員仲擔心我地唔够食！問要唔要加餸，證明我地真係好渣渣😫😫見鋪名寫滷水小炒！想必滷水絕對係推薦菜～第一次食港式滷水拼盤，一上台熱到出煙嘅對於只食過潮州打冷拼盤嘅我覺得超新奇！個碟堆到滿哂，足料到爆炸、又有大塊滷水豆腐、雞翼尖、豬耳、魷魚🦑、豬利、花生🥜，樣樣都四五塊起跳，軟得黎入哂味好香🥹滷水味重得黎，食落又不會得個鹹字～！！菜埔肉碎煎蛋🥚同平時菜記食嘅菜埔肉碎煎蛋完全唔係同一個Level！似足屋企自家極重手嘅足料版🤣🤣每啖咬落去都食到煎到香脆嘅厚蛋內包住大大粒鹹香嘅菜埔同肉碎💖💖👼🏻真係忍唔住食多兩啖飯～仲有仲有 我嘅兒時最愛：🍆魚香茄子煲！☺️細個去親食飯都嘈住屋企人嗌，就係貪佢惹味到不得了又有煲仔裝住食到尾都暖粒粒呢！😹一開蓋又係覺得一定食唔哂了！！！！超多超多茄子，過油後再炒嘅茄子咬落微脆又爽口，配上濃厚嘅醬汁真係一啖接一啖！🥹🥹我地兩個實在太弱，到最尾雖然好味但都食唔哂啲餸同飯，老板娘仲特意黎問我地係咪唔啱口味食唔哂！仲强烈推薦我地黎食另一招牌羊腩煲黎暖一暖！真係感覺到香港人果種滿滿人情味嘅温暖🥹🥹🥹今時今日真係買少見少，最重要下次幫𡤅一定會記得話少餸！！🤣🥲👼🏻…Read More

黎到大南街通常都係飲杯咖啡就走~但居然發現新開間日本野，原本只想食D野墊肚但出乎意料真係味道幾好！一黎到店主同我地講未落單得住、要等幾分鐘后先可以，我地仲好好奇係咩事(￣_,￣ )但都好好人送左兩罐果汁比我地坐住等~岩岩係福岡返黎表示都未見過呢個日本牌子果汁🍹！但味道真係超濃又好飲！好中意酸酸甜甜的橙汁~好天然又無好假的甜味！點知比我地見到司機送貨 材料全部都係真日本貨！~即刻對出品好有信心~當然好快我地都可以落單了~都係好簡單手機落單就可以男朋友試左個吉列廣島蠔烏冬 $98揀左日式辛辣湯，味道不算太辛辣反而係惹味多D！而重頭戲廣島蠔！脆到咬落索索聲！炸得完全不油膩之餘入面生蠔都大大粒！全不會只得炸粉味道~~而最神奇還有炸洋葱，味道頗爲鮮甜！搭配烏冬一齊食又幾惹味！我就試左午市套餐 三文魚+日式清湯烏冬 還配埋前菜~~三文魚厚得來幾有鮮味同魚油香而日式清湯烏冬上面又加左好多櫻花蝦！所以食起身味道完全不單寡，反而好豐富跟餐又可以自選多一罐果汁！蘋果汁都一樣好新鮮好飲！雖然已經飽飽地 但本貪食蛇實在太好奇名古屋風味粟米係咩味道！所以就試埋！\(￣︶￣*\))外表有少少似港式避風塘粟米、上面都係一堆炸蒜，但再加上一堆日本香葱超香、除🌽外忍不住一直夾葱粒食🤣~烤過🌽好貼心分成一口大細~雖然58蚊體落唔算平，但足足成十塊粟米認真分量多🤣食粟米都可以食到飽曬....但調味又忍不住令人一舊接一舊！所以成碟都好快比我地清曬！以日式小店由食材、服務態度同味道都可以見到誠意十足！！下次又多個理由黎大南街！…Read More

半個將軍澳居民日常路過呢間鋪頭但真係從來無幫襯過位於出口附近的蠔站🤣🤣今日一試真心大驚喜！！指定生蠔$10的promotion每日都有！係店外就可以見到大大個招牌寫住今日係咩產地的生蠔~~一入座已經望到附近台台桌上都擺住一堆生蠔殼，我地當然都唔執輸先試半打！好快上之餘、下面亦會鋪上大量碎冰~~而生蠔肉頗爲肥美都無大家最怕的蠔殼碎半打都係一人三隻好快就比我地清曬~~！完全唔夠喉🤣所以我地又補左半打生蠔同Order左兩款意粉o(*￣▽￣*)ブ1. 黃金軟殼蟹扁意粉🍝$158大隻軟殼蟹咬落酥脆之餘都有蟹肉但無咩油膩感，可以自選通粉意粉或天使面、選擇性幾有彈性~~而扁意粉配上口感還有點沙沙質地的咸蛋黃醬汁~~幾特別但味道又不會太奇怪，都可以一試！2.冬陰公海鮮扁意粉🍝$158一樣都係揀左我中意食的扁意粉~~冬陰公味比想象中濃鬱之餘更會有陣椰奶味~~入口雖然會有少少辣但好快就會有椰奶味去蓋過，整體調味幾有層次。而内都有不少海鮮，除表面的兩隻青口、大蝦🦐、醬汁内都有不少細粒的蜆肉和蝦肉、更混合埋青椒和洋葱絲所以都幾多配料下，真係幾不錯好味~~再追加的半打生蠔一樣新鮮又好味~~點上少少另上的秘製醬汁就超好味！！✌✌性價比超高！見Pizza都係100中價錢，下次會想試下^^~~重點環境比較昏暗仲可以望到出邊樓景再加上放鬆的音樂，同明亮又多人到爆的將軍澳廣場完全不同感覺🤣🤣一打生蠔再加兩個主食我地都係食左400幾蚊~~推薦附近人士一試！…Read More

呢幾年各式各樣拉麵開到成行成市都係🍜但我心目中最愛都係濃郁雞白湯🤣🤣好耐之食過金鶴拉面天后分店之後就念念不忘～宜家行過旺角居然都有了🤓🤓🤓牛蒡條炸得酥脆油又完全不油膩！一上台就要即刻食再配啖濃厚又不膩嘅雞白湯☺️☺️真係格外醒神～而入邊除咗軟又入味雞肉之外，都仲會有幾塊燒過嘅叉燒😎😎😎😎幾多重口感之餘食起身味道都好豐富比起其他人氣拉麵店唔使排隊排成個鐘之餘又多分店味道都係一樣好😉😉😉😉奉勸雞白湯愛好者唔使特別去大排長龍～食返金鶴就最好😂😂港島九龍都有分店🏡🏡🇭🇰…Read More

大角咀呢頭宜家雲集咗超多美食🤧🤧🤧🤧港式小店又有、日本野、我最中意嘅泰國嘢又有～而今晚食呢間Orange Elephant Thai Restaurant真係由細食到大🤤🤤🤤細細個一定係食九龍城分店！🏡大個就食博文街分店、宜家由博文街搬咗過黎利奧坊座位闊落啲坐地舒服啲再食過！♥️椰青焗海鮮飯絕對必食！~超級推薦！賣相又超級打卡，分量又多到三個人食都得！一上台就聞到撲鼻的椰香味、清新得來又而空氣中再帶點甜味，上層淋上的少許椰漿幾乎滿瀉，真係令人大開胃~而匙羹一𢳂落去、就會見到蝦仁、八爪魚、同一堆海鮮~而内裏的椰汁飯濕潤得來又粒粒分明、咬落都有小小口感，而再混合埋粟米、紅蘿蔔粒、提子乾、青豆粒食起身甜甜地又不會太寡~~一定一定不可少的芒果冰特飲！！飽到食唔落芒果糯米飯但點都要飲反杯香甜的芒果冰~~真材實料芒果飲得出！！每一次食泰國野一定要有的健康之選！泰式明爐烏頭魚天氣轉凍最適合食熱辣辣的明爐烏頭魚~泰式湯底飲落好重香茅味，而烏頭魚啖啖魚肉緊實而不腥，無咩細碎的小骨，超方便食用~~！！若中意重口味還可以點埋另附的酸辣醬汁就會更惹味~~泰式燒鷄 $128燒鷄顔色金黃色帶點焦分外誘人！！而鷄肉大大塊又超級嫩滑、食落面頭醬汁甜甜地令人忍不住一舊接一舊~~配上椰汁飯就一流！而成餐飯尤其大大張台坐得闊落就食得最舒服~滿足的一餐o(*￣︶￣*)o…Read More

🇭🇰 | Mong Kok 支持本地酒吧+音樂🍸💛🎶📝@rhythmlivemusic 的酒與@niftyspc_music Live Show真是打動人心，與衆食客齊輕哼著可全場大合唱的廣東歌、小酌一口來自香港的鷄尾酒的美妙時刻。這種溫馨，實在是酒不醉人人自醉呢。大家真的要支持本地歌手呢，在這片土地熱愛音樂實屬不易TVT推薦✨： Catmurai Cocktails Old Fashioned (Black) $110+$30🔹店主特別推薦的特調款式果真令人一試難忘，真心係別處不可複製的滋味呢。入口先係嘗到上層順滑輕盈帶甜味的忌廉泡沫，再係略為焦苦的咖啡味中隱約透露出點威士忌的勍味和些許嗆辣，而尾韻又會回到熟悉的奶油甜味。實在是惹人貪杯。😋太可惜男朋友在旁制止，不能飲多杯稱得上是今晚的遺憾。推薦✨： Ocean And Clouds $120🔹寶石藍色的鷄尾酒甜味與果香味相混合，但飲落意外的清爽、絲毫不覺酒精的存在呢~怕酒味的人就最適合。😋推薦✨： 章魚小丸子 $58 🔹淋上章魚燒醬的小丸子外皮微酥但熱辣辣嘅內餡咬落去居然有爆漿的口感💜出乎意料地超好食，好想買回家🏠！夏威夷pizza & 辣肉腸pizza🍕 (Half) $60🔹價廉的飽肚之選！半份薄批的分量也不少呢~正常酒吧食物質素🍕番茄煙肉Bacon Tomato Spaghetti 🍝$75🎈其他：- Live Show：逢星期四至星期六20：00-22：00，但都有世界盃睇~- 座位不多，狹小店面但幾乎滿座，建議大家預先訂座。- 兩位店員又需招呼客人、調酒還要出餐實在分身不暇，各位需多加包容。- 以往曾試過告急，但無需幾時候現需要大家大力支持。📍Rhythm Livemusic - 旺角登打士街43D號達利商業大廈3樓B室…Read More

本身係見到黑木亭居酒屋有啤酒冷麵🍺呢個創意菜色所以想黎試下~但黎到又比餐牌上其他野吸引住左，因爲餐牌真心好多野揀，價錢以居酒屋來講都幾平。串燒、刺身、壽司、熟食、鍋物都有~🥘絕對係令人眼花繚亂。不得不提一入座見到粉紅櫻花杯碟真係超靚，少女心滿滿♥（好挂住日本的櫻花啊）見到餐牌的本月推薦{海產細味六杯蠔} 六隻SHOT杯分別裝住三種口味的生蠔，超吸引！原價284宜家先199~真係幾抵食，出邊一隻生蠔都要4-50蚊，就決定試下。但一上臺真係好驚喜！真係好似身處酒吧般~~SHOT杯下仲有識變色的發光燈閃下閃下！情調滿分！重點係生蠔都新鮮又好食，三個口味都好清新特別！無論西泰式醬汁、鷄尾酒醬抑或經典的日式酸汁都開胃又爽滑，食完認真開胃~~超級推薦大家一試！溝女必備！黎得居酒屋點可以唔食日式串燒~我地就揀咗幾款淺嘗一下免治雞肉棒$58：每次必食！愛極咬落脆啵啵的雞軟骨混合在鷄肉内的口感~京蔥雞肉串 $38：鷄肉嫩滑又帶葱香~牛肋肉$42：最特別係可以揀武士辣醬口味的牛肋肉，推薦食辣的朋友絕對可以挑戰下~超過癮。選擇困難症最適合的厨師發版壽司🍣（八貫）$288~醋飯不會太酸，而魚生都新鮮幾大塊。八貫分量剛好墊肚，過下口癮~~蜜桃烏龍熊茶$ 58超可愛的熊茶，賣相一流之餘而味道都好好飲！蜜桃味不會太假太藥水，和烏龍茶搭配得幾好~飲落微甜又清新，和熱辣辣的串燒絕對係最佳拍檔！🐻士多啤梨多多熊冰$68還有棉花糖和sprinkles一同陪著熊仔~~但飲落又不會太甜~最欣賞就係果味的產品全部都不藥水！好飲！~中意沙冰質地的口感！服務態度都幾好不斷行過黎添水~~埋單都會問埋我地滿意食物嗎~~幾開心的一餐！1…Read More

同男朋友Book左逸東酒店staycation到半夜覺得肚餓想落樓下食下野 講就講已經無堂食時間限制，但都無幾間鋪頭開門，一係就得外賣。😅😅😅😅😅兜兜轉轉黎到呢間鴻啤啤串燒，每串分量少少作爲宵夜就啱曬。蒜蓉焗金針菇 $48/份例牌必食啦~次次出去食燒烤都一定會食，金針菇分量都幾多，上面再加左超大量蒜蓉同葱花🤣啖啖蒜認真惹味，驚食完口臭的朋友就要小心啦，但作爲蒜蓉愛好者我就覺得好正好開心~~🤪🤪🤪川辣肉碎焗爽滑豆腐$58/份滑身豆腐配上又麻又辣的川味醬汁，絕對欲罷不能！好味！鹽燒三文魚鰭 $48/份48蚊居然有四條三文魚鰭！超出意料～認真抵食 又有三文魚嘅油香味又有肉食🥹🥹🥹汁燒原隻魷魚筒$118/條都幾快手燒~同埋頭先兩樣一齊上我超！中！意個原隻魷魚筒！名副其實真係無花無假原隻上，汁燒會有少少醬油咸味同少少甜味，配啤酒就最啱🤪🤪燒牛肉串 $28/串東北風味羊肉串 $28/串串類又係一定要食，啖啖肉加上孜然味同碳烤味，一串接一串！錫紙花蛤 $68/份花蛤大大隻又完全無沙，好清甜😚燒秋葵$28一串第一次見燒秋葵，健康得來味道又唔差，加埋調味會帶有少少咸香。係附近staycation or收工真係要黎食下啤一啤！價錢抵食又好招呼～同Fd坐足成晚吹水都得😎😎…Read More

@hambageu.hk｜值得一玩嘅熱辣辣自製漢堡扒🍂📝既無一身油煙味❌都無地下黐立立❌係煎時會有少少彈油問題都不可避免~座位不算闊落但空間都稱不上逼仄，而限一小時内用餐其實都綽綽有餘~而漢堡扒味道都真係幾好食！分量都啱好係玩厭前就會清曬（🤭）~比想象中有更好體驗，整體頗爲特別，大家不妨一試呢o(*￣▽￣*)ブ🌟兩人套餐 $355包括：1️⃣兩份漢堡扒🥣、2️⃣一份丼飯🫖、3️⃣罐裝飲品x 2芝士蛋蒜和牛漢堡扒墨西哥辣椒和牛漢堡兩款漢堡扒連椰菜絲沙律、泡菜、麵豉湯、鹽與自家醬汁一同上台，小小的台面空間即刻被填滿(*Φ皿Φ*)分別在於一款係球形漢堡扒上堆叠墨西哥辣椒粒，另一款則頂層係大量芝士、一旁再隨意撒上炸蒜片。⚪玩法大同小異，不過自行分切漢堡扒再搬至熱石上加熱時辣椒碎會比較容易散落係鐵板上~（可能係技術問題）芝士漢堡扒會帶少少拉絲效果、味道上會多點咸香，配上蛋蒜一同入口都頗特別~而墨西哥辣椒則令整體微辣帶甜，令整體更惹味香口又少幾分油膩~調味做得幾好，煎至兩面金黃香脆的烤漢堡扒入口仍有肉汁，單配埋嫩蛋已經非常好味🌤和牛乒乒乓拌飯調味較重鹹嘅和牛肉粒 + 清爽解膩嘅沙律菜，再淋上少少韓式辣醬，連同煎至半熟太陽蛋和米飯拌匀🍚，味道不錯，再加上熱辣辣嘅石燒漢堡扒超豐富呢，但若和牛肉粒調味輕一點會更好👉👈巨峰提子特飲+$18零度可樂📍福岡漢堡扒Fukuoka Hambageu - 尖沙咀厚福街11號地下A號舖/旺角花園街3-5號鴻威大廈地下7號舖…Read More

之前食過北角間炯記餐室嘅燒味好不錯，今次就試埋深水埗呢間主打手撕雞嘅。Menu超多野揀，我地就揀咗二人套餐睇落咩都有得食，仲可以試埋招牌嘅手撕雞。眼見都幾多食客試手撕雞撈麵，我地當然唔執輸~！$198 連 鹽焗手撕雞(半隻) &醬皇豬手(例牌) &兩碗例湯 & 鹽焗雞腎 & 酸辣雲耳 & 兩份太子鵝油撈麵 &一份時菜一落單已經送上 例湯標配：青紅蘿蔔~甜得來又無味精味！近排轉凍，飲碗湯先食飯就最正~！醬皇豬手真係燜到又軟又淋，又不會太鹹，尤其食到豬脚筋位軟得黎帶少少彈牙，超級過癮。但最欣賞都係豬皮部位都唔會見到豬毛，食起身都特別放心。仲有酸辣雲耳够哂開胃，仲有少少🧄香😚😚以前屋企人都好中意買鹽焗手撕雞翻屋企加料，但通常坊間D手撕雞都係得表面果層有鷄肉，下面都係一堆鷄骨墊底，呢到手撕雞真係滿滿一碟都係鷄肉~~鷄肉又唔會鞋口，入口幾軟之餘帶少少麻油同鹽焗香味，送飯一流(￣▽￣* )ゞ之前食北角間炯記餐室陣時有試過佢地個鹽焗雞腎，果時已經覺得超好味！今日再試都依然覺得好好味，少少咸香、切得容易入口，質地又軟硬適中，有咬口但不會太實。真係送飯一流！次次最快清曬都係佢鵝油撈麵 麵質比較粗身但都彈牙，好容易夾開不會痴埋一舊~！加埋碟油菜就夠曬營養均衡！200有找咁多野食真心超值~~而地理位置都好方便，經過深水埗真係不妨一試~！順便一提😈有無人試過佢地all day breakfast仲有叉燒超有創意！…Read More

🇰🇷新沙洞澡堂｜不只是打卡🌀炸雞皮酥肉嫩超出色🤩想必大家都係各平台俾@sinsadong.bathhouse.hk 嘅澡堂照洗板咗一段時間～！😈作為哈韓人士（💚NCT💚)緊係要去翻轉🇰🇷😚原以爲只是打卡Cafe但菜式味道確實很不錯且定價都好合理！😛晚市韓式豬肉包菜套餐 $448連1️⃣韓式豬肉包菜🥣、2️⃣半份炸鷄（自選口味）🐓、3️⃣韓式牛角酥窩夫（自選口味）、4️⃣梳打特飲（兩杯）推薦✨：甜辣炸雞（半份）⭐半份炸雞由五塊無骨炸雞組成，獨食或二人食一起享用都超適合呢。不會像平時韓式炸雞店嗌半份炸雞再加多樣野已經食唔到其他~🤣就算裹滿甜辣醬汁但熱辣辣的炸雞咬落依然皮脆到有聲！😋内裏肉嫩再加上甜中帶點微辣的醬汁、再有些少葱粒點綴，真心好味！o(*￣▽￣*)ブ🍗炸雞均會附上柚子醃蘿蔔，搭配著食清爽又解膩不少韓式豬肉包菜 🐷👌薄切嘅五花肉片搭配上辣醬、生蒜片、青陽辣椒、蘿蔔泡菜與生菜、芝麻葉、紅生菜。🌱很是豐富呢自行搭配配料和配菜樂趣多多~不過略顯主角豬肉片會難捨難分地黏埋一齊，比較難夾，而且薄切的口感就不太突出，比較普普。但對於怕厚切肉片太油膩的朋友都係一個好選擇。🙈🪄溫馨提示青陽辣椒真係超辣，🥵真唔好太貪心落太多辣醬同辣椒片~！🌶️雪嶽山🔵 (跟餐+$10)👌上層的白色泡沫+下層的藍色梳打，打卡之餘都好飲~藍柑橘白桃梳打特飲 🍑👌愛桃人私心必嗌~一入口就湧入滿腔嘅濃郁桃味，香甜而不膩，似足我們桃汽滿滿，甜甜在玹寶寶的味道💚😈推薦✨：韓式柚子炸雞🐓(半份) $88⭐甜而不膩嘅韓式柚子醬加上酥脆嘅外皮和軟嫩不乾柴嘅雞肉，啖啖肉超滿足~🥰🥰柚子味&甜辣味實在難分千秋地好味~我兩種都好愛💜🤣法式焦糖燉蛋韓式牛角酥窩夫🧇⭐上層薄脆焦糖幽香，中層燉蛋柔滑淡淡蛋香、下層窩夫酥脆且帶牛油香味。🥺下次會想嘗嘗提拉米蘇口味呢。😈🎈其他：- 除澡堂、花灑圓鏡更有大幅燒酒牆可以影相打卡。- 設90分鐘用餐時限、Scan QR Code落單。📝坦白講味道有超出預期地好食呢~！尤其炸雞真心推推！分量適中不會食到厭膩！讚讚哦^ ^（6.5/10）📍新沙洞澡堂 - 長沙灣福榮街506-510號 榮發閣G/F Shop A1…Read More

Royal Italian - 超級神秘嘅高質PIZZA！🪀📍中環利源西街5-7號利源大廈1樓夜晚晚行到樓下真係有少少驚嚇，但見不少食評都話雖然店面麻麻但PIZZA超級高質素就壯膽試下。不過架LIFT體落都幾舊下…好彩都係搭一層就到！一出LIFT好彩墻面有安心出行提醒我地已經到，真係摸五太到門口，好快已經有個Staff問我地有無預約再斟水比我地~🤣而呢到係SCAN QRCODE自助落單，見都幾多網上外賣平台送貨員上門取貨，應該主要都係做外賣生意，價格都真係幾平！見到個個都大推Pizza當然要試試！尤其Salmone Pizza真係其他地方幾少有~Salmone PizzaMarghetita with Smoked Salmon $110煙熏三文魚切成細細塊上面再加上滿滿嘅Cheese~~~!餅底薄身但食落又幾有咬口，雖然望落表面有少少油，但出奇地入口不會太油膩(*^_^*)特別批邊係超級香脆，而煙三文魚加埋芝士的組合其實味道都啱啱好，又不會太鹹要瘋狂飲水~$110真係抵食到爆，仲可以+$20再加大~但就甘都夠兩個人食！😚Chicken Tikka Pasta🥳Penne Pasta Cooked with Sizzling Chicken Tikka, Olives and Tomato Sauce $90好神奇呢🤣印度風味嘅PASTA🤣食落會有種熟悉的印度香料味但又不會濃鬱到蓋曬其他味~長通粉配上印度咖哩雞肉比想象中好食呢！同埋超超大碗~一個女仔一定食五曬！📝 推推！~雖然環境唔靚但食物質素真係超曬班！中環200蚊可以又食到PIZZA同埋PASTA真係得呢間先有，我覺得好值得大家黎瓹窿瓹罅尋寶！野食真係好好味！😚…Read More

🍦 + 🍛 = Weird but surprisingly Good!🤩經常聼男朋友吹捧雪糕送飯一流！😶聲稱屋企無野送飯陣時拎盒Mövenpick士多啤梨雪糕送飯真係滿分（？？），好奇寶寶錯過了雪糕拉麵，今次 @superdon_hk 推出咗雪糕咖喱飯🍛真係不能錯過！重點係銅鑼灣店係我返屋企嘅必經之路，🤣日日望住店外超可愛嘅蠟筆小新主題真係心動到爆~！ 🌟雪糕咖喱牛肉飯 $118 (銅鑼灣及大埔分店限定）套餐均連1️⃣兩件腐皮壽司🥣、2️⃣特飲🫖、3️⃣味增湯- 辣度可選甘口\中辛\大辛~🌶中辛嘅小辣都幾明顯，咖喱醬質地比較濃稠、齋食咖喱飯會先嘗到頗明顯嘅辣味、餘韻再帶點奶味，食開譚仔五小嘅朋友嗌小辣就啱曬~！🥳- 原本擔心融化的雪糕會成灘水浸到飯濕噠噠抑或過於冰凍令米飯結成一舊舊（︶^︶）驚喜地，雲呢拿雪糕不算太快溶化呢、食到一半先逐漸半融呈忌廉質地~而半份雪糕不會太甜膩 🍦甜味嘅雪糕搭上辣味嘅咖喱、甜辣交錯的味道其實意想不到地不錯幾夾呢！👻絕對不伏都不衝擊~！😈不過飯溫度會比較偏凍和偏軟的米飯質地男友就不算太中意，我就覺得還好~🤧- 上藍下黃嘅「動感超人芒果特飲」味道就正正常常，無咩氣泡而芒果味都比較微，飲落會有淡淡的甜味和芒果味，一般般~🍸但攪勻漸層飲品的一刻真心好療愈！😻🦐其他：- 雪糕咖喱飯等候需時，要多少少耐性呢🤏- 丼飯和刺身都好不錯～兩大塊三文魚腩都係$42，真心抵食！🥹📝 推薦！雖然食物品項再加上「蠟筆小新系列」主題睇落好Gimmick同打卡，但實質味道真心幾好，而定價都唔貴，絕對試得過呢！店内仲有好多公仔，超可愛🥹若係蠟筆小新fans仲可以加購埋精品！～（6.5/10）📍スーパー丼 SUPERDON - 銅鑼灣駱克道501號地下/大埔超級城B 區1樓130-133A號舖/佐敦彌敦道380號逸東酒店LG1號鋪…Read More

@部屋咖啡室 趣味多多Board Game Cafe又食又玩💛️成日出街行玩具鋪都心思思想買啲Game玩下，又三分鐘熱度性格好容易玩厭！最啱就係去borad game cafe玩返兩鋪人地嘅game過下癮就最惜荷包🪀(✿◡‿◡)今次同男朋友一齊去仲以為得兩個人玩唔到咩GAME，但出奇地都揀到咗兩隻Game玩，而食物都係美味抵食！兩個人加埋先400蚊落樓真係好抵玩！人都不算太多，有埋卡位坐得好舒服，推推！~推薦✨：Combo for two 2人套餐 $358 包括任揀一個10吋pizza 、任揀一個意大利飯/ 意粉、炸蟹餅 、兩杯熱檸檬茶/水，但轉飲咖啡☕️都係＋6蚊～每日一咖啡人士覺得好抵！仲要有埋靚靚拉花～認真有誠意😳👍BBQ醬烤雞Pizza🍕見大家都激推話PIZZA好出色！果不其然真心GOOD GOOD~o(*￣▽￣*)ブ熱辣辣嘅piizza超多超多超多超多芝士真係拉絲到不得了呢！而烤鷄都大塊不乾柴~配上甜甜的BBQ醬認真惹味！最出色係連批邊都超好味~食落鬆軟會回彈好似麵包質地我好愛>3<兩個人食10吋真係好飽！~懷疑個餐三個人食都得TVT👌香辣虎蝦海鮮意粉🍝賣相比想像中靚仔！On Top有大大隻香煎虎蝦，而最右邊就攞住大隻青口，而煮到軟硬適中的意粉都加埋不少魷魚圈、青椒條、洋蔥絲🧅、所以食起身都幾豐富~熟悉的TABASCO辣味加上茄醬，很難不好食吧~炸蟹餅🦀即炸嘅5舊蟹餅好快就送上～但可惜食落比較油膩，好彩有一邊嘅酸辣醬點埋一齊食，整體都不算太油膩。正正常常，跟餐食無抱怨！o(*￣▽￣*)ブ我地食完曬野先玩BOARD GAME但都無店員都話催促我地走~( •̀ ω •́ )BOARD GAME擺係出邊任取但都擺放得好整齊，同埋都幾多款揀，雖然好多都係簡體字，但勝在款式幾多！而D餡都好齊呢，五會話玩玩下少左張牌>3<📝 推薦！無論係BOARD GAME定食物都很出色呢~係度認真舒服又愜意地好快過一晚~！📍部屋咖啡室 - 旺角登打士街43H號登打士廣場12樓…Read More

平時食串燒一串都至少$2-30🙈想食飽又食得好，無人均4-500真係唔洗諗～🤭呢到嘅Set Menu有雛菊套餐, 紅葉套餐, 寒梅套餐 搭配好哂最貴都係$338 想食返幾串，好味又唔會太貴嘅好選擇～💓前菜每位都會有送上由甘荀條、青瓜條、白蘿蔔條、雪梨條和椰菜組成嘅蔬菜杯，爽口，清新又開胃🙈推薦✨：雛菊套餐 🍢$238銀杏銀杏質地軟糯之餘一啲啲啲苦味同甘味都無！好軟好好食🥰汁燒茄子汁燒雞肉大蔥串好味～大葱咬落有汁之餘再加上雞肉和甜甜嘅醬汁🤧中意！雞腎雞骨豬肉腸💓紫蘇葉魷魚卷意想不到地好味！獨自有自己風味紫蘇葉被卷係魷魚入面不太顯眼，但一食落就散發出香味～🙈好特別嘅搭配，係出邊居酒屋真係未見過～！🥹🌟香蔥牛燒超超超好食呢！！！！牛肉好軟好軟再上層擺上大量葱花，入口時濃郁嘅牛肉香味+葱香味真係一百分💯～🥰燒飯團以熱辣辣嘅燒飯團 🍙作晚飯之結，一定要趁熱用紫菜包食，燒到超級脆卜卜！口感一流～唔需要額外再調味已經好滿足😆推薦✨：紅葉套餐 🍢$238汁燒鮮冬菇日本番薯🌟免治雞肉軟骨棒🥰咬落外皮略脆，而入面里嘅雞肉餡中混合咗超多有咬嘅嘅雞軟骨～沾上蛋液同甜醬油，🥚滑得黎調味不會過重～反而更為强調雞軟骨嘅口感～🥹紫蘇葉豬肉串黑豚肉大蔥串燒帶子🌟牛脷心：軟嫩又彈牙！超想再來一串～🥰🙈燒飯團📝推薦！串燒套餐性價比極高，啱啱開張更每日都有優惠，配埋清酒或者啤酒享用更佳，地理位置又超方便，食完仲可以輕鬆去隔離酒吧下場！~(●'◡'●)📍 博居酒屋- 太子通菜街223號麗明大厦地下D號舖又到了要短暫分開的時候，跟你説聲再見，祝福你有美好的一天，請想我多一點哦。…Read More