simonyukming's Profile

1987找到新地方重開後外觀非常搶眼，位置亦寬躺了不少，用餐也更為舒適，小店主打親民價錢西餐，除了蝕本價名物L餐外，也不時推出高質扒類放題，由於用心製作CP值奇高經常爆滿，不訂位是一枱難求。依舊先上的是自家製餐前小食，果味泡沫口感輕盈味道清新，而餐包有兩款，個人比較喜歡香脆的麵包條，蘸些加了七味粉的牛油十分上癮，而跟餐的南瓜湯口感細滑，略嫌味都稍稍不夠濃郁。而是日的期間限定為1g/$1 60個月西班牙草飼牛西冷，肉味濃郁且帶微微炭焦香，口感偏向紮實但容易咬開，整體合格有餘，而伴碟的薯片也值得一讚，即席炸起非常香脆。💸 60個月西班牙草飼牛西冷 1g / $1 (200-300g)套餐+$32 / 是日甜品 $48📍1987 Plus元朗青山公路－元朗段1號珍珠樓地下7號鋪…Read More

一人前拉麵是我最喜愛拉麵小店之一，作風低調貫徹始終專注做好自己熟悉的領域，翻看以前I phone 4拍出來的舊照片菜單幾乎沒有變化，也不經不覺在元朗低調了十多年，來一人前吃麵不會有驚為天人的味道，但每次光顧就有種跟老朋友見見面的感覺 。先上的是追加小食辣味噌叉燒卷，半肥瘦叉燒以紫菜卷起，伴上辣味噌及香蔥惹味香口，另外亦十分推薦這裡的日式醬油煮豬軟骨，之前試過鬆軟入味，但由於份量不少建議找個朋友share。想要點刺激感來碗「灯火」就最好不過，追加的溏心蛋非常出色，亦體會到小店日積月累的基本功，慢煮叉燒賣相稍差，但肉質十分柔軟稍稍觸碰已經分離，亦帶微微酒香，最後辣味噌肉球是當中的靈魂，慢慢沉澱於奶白色的豚骨湯中，辛辣味道漸漸地滲出，有如燈火一樣燃燒出活著的感覺。💸拉麵「灯火」$89辣味噌叉燒 $21 追加溏心蛋 $13📍一人前拉麵 元朗建業街7號地下…Read More

蘇媽蘇媽主打馬來西亞美食，而旺角上海街分店走懷舊路線，裝修甚具舊香港特色，旺角店座位較其他分店為多，間隔相對闊落，用餐環境比較舒適，平日晚市時段依然爆滿，需要稍等一會方可入座。老鼠粉即銀針粉，因跟老鼠尾巴相似也稱作老鼠粉，招牌砂煲老鼠粉內配料豐富，銀魚仔、蝦米、豬油渣、菜莆等都十分提香，以砂煲上保持熱度之餘也可以吃到微焦的部分，不過老鼠粉的份量有點多，吃到最後會有點澱粉疲勞，建議找個伴share。飲品點了拉茶，味道合格略嫌不夠細滑，而鴛鴦燒麵包即斑蘭醬牛油多士，多士烘得香脆，微甜帶清香的斑蘭醬正好中和牛油塊的油膩感，對我來說如果牛油再厚一點點就完美了，但女仕享用的話應該剛剛好。💸招牌砂煲老鼠粉 $92💸海南鴛鴦燒麵包$45💸凍馬來西亞拉茶$29📍蘇媽.蘇媽馬來西亞茶餐室 (旺角)旺角上海街618號地下G01號舖…Read More

趁著還有些少凍的天氣來個雞煲就最好不過，位於朗屏站附近的雞煲棧非常受元朗街坊歡迎，由於小店上下兩層加起來座位都不算多，很容易就爆滿，晚市不訂位很大機會要摸門釘。首先要讚的是勁爆多芫茜😂愛茜人仕必定心心眼，店員到適當時候會幫忙翻炒，炒香芫茜及洋蔥等配料滲出的麻辣香氣先令人胃口大開，小辣的麻辣醬汁已有一定辣度，濃郁惹味，而雞件份量也頗多，一隻雞的份量已足夠四位男仕半飽。吃完雞煲便加清湯繼續火鍋，火鍋配料方面平平穩穩不算十分突出，比較特別是即炸響鈴，加上芝士邪惡度滿分，牛筋丸爽彈多汁也是十分推薦，另一名物椒鹽粟米除了椒鹽香外，亦加入少許孜然粉增加惹味程度，送啤酒一流。💸人均消費$250-300📍雞煲棧火鍋 (元朗)元朗媽橫路21-43號地下11號舖…Read More

貴為米芝蓮一星的過江龍拉麵店金色不如帰，曾於2010-2017連續8年被日本Tabelog評為最佳拉麵，位於東京新宿的本店亦長期大排長龍，小店主打黃金貝汁湯頭，每天使用大量新鮮大蜆熬製，並加入豬骨湯和清魚湯混合而成。是次選擇了招牌貝汁鹽味拉麵，不得不讚湯頭確實驚艷，味道鮮美大蜆味道也十分突出，亦加入白松露油及牛肝菌提升香氣，略嫌白松露味道過於霸道，不太吃得到牛肝菌的香味，兩片慢煮叉燒一半肥一瘦，兩者都足夠軟嫩，不過size有點迷你及薄身，令人有點意猶未盡的感覺，自家製的麵條則普普通通平平穩穩，追加的味玉火侯上差了點，外表成熟內在純真。另外追加的大根牛筋味噌煮有點驚喜，清甜大根吸收了辣味噌後內涵更為豐富，牛筋燜得非常出色，軟綿綿之餘亦帶點黏口質感，最後小總結：湯頭十分出色，而拉麵本身份量偏少，味玉需要單點，再算上加一服務費，性價比不高，主要是可以感受一下日本米芝連一星的味道。貝汁鹽味拉麵 $128大根牛筋味噌煮 $65追加味玉 +$15📍 金色不如帰中環國際金融中心商場3樓3020號舖…Read More

一生懸麵相信大家並不陌生，每次經過都大排長龍，稍早前極具人氣的雪糕拉麵，雖然評價比想像中正面，但老實說個人實在是不敢恭維😂是次限間限定換成廣島牡蠣沾麵一於試試。首先要讚的是麵條水準依然，選擇傳統冷食令麵條保持嚼勁，麵條帶小麥香之餘吃得到微微的小麥顆粒感，溏心蛋也算出色，蛋黃呈啫喱狀亦做到剛剛好流心的效果，另外炙燒過的半肥瘦叉燒也正常發揮，軟綿綿帶微微焦香。另一主角廣島蠔稍稍令人失望，肉質不算飽滿，也帶輕微腥味，燒過的紫洋蔥入口有點嗆，感覺亦跟整體有點格格不入，而沾汁質感雖然濃稠，但個人略嫌味道不夠濃厚，相對之下個人比較喜歡這裡原味及海老沾麵。💸廣島牡蠣沾麵 $128 / 綠茶可樂$20📍一生懸麵旺角通菜街（女人街）73號…Read More

616牛肉火鍋專門店就如店名一樣，主打火鍋牛肉淥一淥，很多平時少見的刁鑽部位都可以吃得到，而且價格相宜，方便大家多點幾款試試，比較可惜是當日封門柳早早售罄，另外湯底也只算普普通通，不過相信大家主要是想來品嘗牛肉不同部位的鮮味及口感。🥢匙柄 - 部份本身帶匙柄形狀的筋，未算太難咬開🥢橫隔肌 - 肉質偏瘦有少許靭，牛味濃郁🥢金花趾 - 即金錢𦟌，牛筋帶點膠質彈牙爽脆🥢牛朴肉 - 油花分佈密集，柔軟中帶點咬口🥢牛陀峰 - 脂肪較多油香豐富🥢牛坑爪 - 另一款脂肪較多的部位，由於部分近牛肋條位置肉質嫩滑🥢滑尾龍 - 紮實的後腿肉拌上蛋花加添滑溜口感🥢胸口膀 - 即牛胸油，口感爽脆膩感不算重🥢花雕醉牛 - 略嫌花雕味道較為重手，但花雕醃過後肉質柔軟🥢和牛牛頸脊 - 紋理出色肉質嫩滑，肉味稍遜🥢手打牛筋丸 - 爽口彈牙肉汁豐富🥢鮮牛肉水餃 - 有原味及麻辣味，兩者都肉汁澎湃，麻辣味道更為過癮💸💸人均消費HKD 250-300…Read More

是次光顧嘅三不館位於荃灣地鐵站5分鐘路程，小店裝潢走懷舊路線，聽著店內7、80年代經典金曲，不禁讓人懷緬過去，望住一對對聯「百年老店，尚欠九十九年 ‧ 祖傳三代，現今為第一代」未食野先會心微笑。麻辣芫荽皮蛋$30/三餸一麵$45轉沙嗲湯底+$7皮蛋足夠流心，配辣椒油食非常過癮，而車仔麵的沙嗲湯底極為香滑濃郁，每啖湯都食到粒粒花生碎，極度懷疑是加了椰奶的沙嗲醬，三款餸分別揀左豬腸、白蘿蔔同豬軟骨，最出色係豬腸，滷得入味亦帶點煙韌，蘿蔔清甜無渣，而豬軟骨相對失色，帶肥膏嘅部位軟綿綿，但瘦的部位就比較乾柴。P.S.無聊地研發左新食法，將皮蛋浸沙嗲湯食，令皮蛋味道更為複雜，湯底沾了麻辣汁變得更為刺激，有興趣可以食剩三分一時候試試😉…Read More

榮獲米芝蓮2022必比登推介嘅《倆口小吃》，隱身於元朗一小巷之中，每款美食都係即叫製，等候需時，但亦無阻不少朋友跨區而來排隊捧場。四式芝士壓餅$26 / 傳統刈包$42壓餅口感煙靭，餡料由四種芝士調配而成，芝士濃香澎湃，邪惡度爆燈，一定要襯熱食，而刈包鬆軟中帶點濕潤，五花肉滷得濃香入味，半溶嘅肥膏油香四濺，配上芫荽、酸菜、柚子醬、花生碎等配料，味道豐富而層次分明，難怪吸引食客千里迢迢過來吃包，縱使只是倆口小吃，足以教人絲絲滿足。…Read More

大家有無掛住鄉下嘅吉列牛呀🤗近期都開左唔少主打食吉列牛嘅餐廳，究竟今次嘅《秘》可唔可以為大家止止渴呢🤔？🥩秘。燒黑松露吉列牛加配定食吉列牛外層炸得酥脆，比較可惜嘅係牛肉解凍爭左小小，以致做唔到就咁食都外脆內軟嘅感覺，慶幸牛肉油花都算豐富，用石燒加熱食勉強可以救得返，但鍾意食比較生嘅朋友就可能會失望，另外要挑剔嘅係跟餐嘅大根湯過於清淡，清到無咩味，可能俾碗麵豉湯我會開心少少，而白飯加左飯素同紫菜食落香口，流心蛋呈啫喱狀足夠出色，如果牛肉解凍做得好啲會更高分。…Read More

深井燒鵝聽就聽得多，但原來真正嚟食係未試過，四條傻佬即興來左深井，唔知邊間好食下就隨機入左能記🤣翻查資料原來能記係一間已經有60多年歷史嘅老字號，亦係少數仍然持有炭爐牌照嘅店鋪，令燒出嚟嘅燒鵝更加出色。慶幸坐低吹左陣水就有燒鵝出爐，二話不說order返隻，出爐鵝未見其形先聞其香，首先要讚嘅係火候控制得非常好，外皮燒得焦脆帶點荔枝木嘅煙熏味道，肉質鬆軟保持著淡淡嘅粉嫩顏色，燒多一刻、少一分時間都未必做到呢個效果，而鵝肉脂肪分佈均勻，令肉汁爆發嘅鵝肉滲透住陣陣鵝油香味。另外幾款小菜就不過不失，係椒鹽鮮魷比較差啲，調味欠奉只算是普通炸魷魚，不過無所謂吧畢竟燒鵝先係主角，最後多謝姐姐推介我地整返碗瀨粉，雖然瀨粉只是簡單地配上清湯冬菜，但真正作用係減低淨食燒鵝嘅油膩感，絕配絕配。…Read More

想食呢間餐廳嘅原因係出於對店名嘅好奇🤣呢度主打東南亞Fusion菜，見Menu好多菜式都新奇好玩，首先要讚一讚佢地嘅服務，店員非常有禮貌，而縱使水樽已經放咗喺枱面，但店員都經常主動幫忙加水，俾到一個好好嘅第一印象。🍹泰式奶茶沙冰$38有泰式奶茶嘅標準甜度，當沙冰開始融甜度會變返比較適中，比起就咁飲泰式奶茶相對輕盈。🥗扎肉米紙沙律配米通、醋漬冬菇、甜酒松露汁$38同我想像中嘅米紙有啲唔同😂呢個米紙質感似糯米糍皮，配上扎肉、沙律菜、米通、冬菇等一齊食口感有趣，而整體味道比較清淡。🥢帆立貝蟹籽萵筍柚子醬油撈幼檬粉$68做法接近韓式水冷麵，過了冷河嘅幼檬粉口感更為爽彈，配上柚子醬油極為開胃，天氣熱嘅時候食呢個會非常舒服。🍞班蘭蜜糖厚多士配椰子雪糕$78厚多士炸得金黃酥脆，配上清新嘅班蘭蜜糖減輕左油膩感，而椰子雪糕都唔馬虎，椰香味濃亦食到一絲絲椰肉，用多士蘸上半溶嘅雪糕，一冷一熱，雙重享受。…Read More

呢間位於灣仔嘅法式餐廳由法藉廚師主理，餐廳嘅裝潢及氣氛都好有巴黎小餐館嘅味道，幾適合慢慢食慢慢傾。🥚Prefect Egg聽聞Prefect Egg每次呈現嘅形態都不盡相同(睇大廚心情？）用嘅食材都唔一樣，今次呢個係奢華版嘅粟米湯，味道濃郁口感細滑，加上大量松露及炒香嘅雜菌，滋味之餘又帶新鮮感。🦐Tartare of blue shrimps肉質結實帶點起膠嘅藍蝦mix左洋蔥粒，再加埋鹹香嘅魚子醬，整體口感豐富。🍴Carpaccio of Hokkaido scallops最特別一定係中間嘅海膽雪糕，creamy得黎味道唔會過分濃烈，撈埋爽脆嘅帶子薄片同松露一齊食非常過癮。🐟Grilled Sea Bream個人覺得作為配菜嘅奶油薯蓉及炒雜菌比起主菜更為出色，而魚肉鹹鮮味十足，魚皮亦焗得焦脆。🕊️Pithivier of Pigeon and Foie Gras 呢度嘅招牌菜，亦即係傳說中嘅威靈頓乳鴿，酥皮下的乳鴿及鵝肝仍然保持粉嫩，肉汁亦算豐富，酥皮與肉之間包左一層生菜作為緩衝，一來焗嘅時候可以唔影響到酥皮，二來可以吸收返乳鴿及鵝肝標出黎嘅精華。🍎Tatre Tatin即係法式蘋果批，臨上台時嘅香氣已知道牛油份量絕不手軟，伴上半熔嘅雲呢拿雪糕一齊食十分邪惡，而且份量都唔細，兩個人share食都好足夠。…Read More

🍵正宗烏克蘭羅宋湯$68/烏克蘭三文魚湯今次分別點左羅宋湯同魚湯，正如節目介紹呢度嘅羅宋湯係用咗紅菜頭煲嘅，甜甜哋開胃得嚟又清新嘅感覺，而三文魚湯香濃得嚟勁足料，不過因為太足料如果清晒會有啲飽滯嘅感覺，如果想試多幾款嘢食嘅話要諗諗😆🍳烏克蘭香煎薯餅$88睇返餐牌用返佢嘅英文名Potato Pancake去形容會更貼切，每塊薯餅都有好幾層薯仔，再溝埋芝士同麵粉一齊煎香，口感軟綿綿帶點Q彈。🥧招牌芝士焗牛脷盅$98呢個係見每枱都嗌都之後唔執輸整返客🤣最後都無令我失望，首先芝士味濃厚，仲拉得下絲添，而牛脷份量十足之餘係勁勁勁腍身，絕對必點之算。🍖基輔雞扒$188拌碟嘅薯片係自家製，比起一般包裝薯片更為厚身薯味更濃，主角雞扒外層炸得酥脆，而裹住牛油一齊炸嘅雞胸肉的確係做到鬆軟Juicy嘅效果，不愧為呢度嘅招牌菜。…Read More

🍜蟹膏蕃茄湯檬$60檬粉爽口，而本身鮮茄味濃嘅湯底，待蕃茄塊慢慢融化後茄味更為突出，配料有扎肉、荳卜、豬紅等，但要數最出色一定係蟹膏餅，蟹膏味道濃郁，質感似蜂巢豆腐，吸收埋茄湯衝擊感更大。🥖越式法包$55呢度嘅法包無傳統長棍咁硬，口感比較鬆脆，配料有鵝肝醬、扎肉、九層塔、青瓜及兩款醃製過嘅蘿蔔，配料份量多亦夠晒風味，由於真係幾大件建議搵人share兩份食。🍮綠荳斑蘭糕$15斑蘭味道濃郁，口感極為煙韌，中間嘅綠豆蓉亦係神來之筆，係香港比較難搵到嘅特式糕點，…Read More