Beauty Vogue's Profile

一家大細團年飯！ 14人 一張大枱都坐得哂！見人多，終於可以叫多啲餸！ 叫左幾款小食，樣樣都唔錯。乾鍋d料唔夠入味。雜菜煲好鮮味。酥炸珍珠蠔，次次黎都有叫，大大碟，送酒一流！啫啫芥蘭煲都係好野味。豉油王炒麵有少少失望，唔係我鐘意個隻麵，同埋唔夠乾身。蓮藕餅- 香脆，送飯唔錯咕嚕肉/欖角骨- 正常魚雲煲 - 味道唔錯，但魚雲唔多，不過價錢唔貴都算係咁薯仔牛柳粒，薯仔好香甜脆口，牛肉夠霖！ 好好味😋啫啫豬潤滑雞煲，豬潤好甘香，又係好野味。黃金鮮魷，好邪惡，咸蛋都多，但唔夠牛油香。蠔仔泡飯，好味，有炸米係面。埋單先二千幾，好抵食！…Read More

本來想食壽司郎，但要等太耐，所以決定打一次大佬😛食Hama一年前剛開張嚟試食，好失望。事隔一年，進步左好多。吞拿魚三文魚正常水準。松葉蟹系列，好鮮甜，好好味！呢三款都可以。呢兩樣就麻麻地。海膽都係正常大隻既都好味，不過比壽司朗貴。薯條炸得好左，佢本身幼過壽司郎，上年食係炸都干哂，宜家控制到有薯蓉係入面都可以，而且大碟過壽司朗。甜品都好好味！飲品甜品都選擇多，平過壽司朗。一年後，正體食物質素好左好多，飯無以前咁酸同散，識揀都好多好味既野。最好係，可以openrice訂座，就算walk in 都唔洗排好耐。…Read More

三個人去食， 驚住多人，一個人提早少少去拎飛。十點三，前面得十幾人～ 夠鐘直接安排入坐，唔洗拎飛。無迴轉，兩層送餐帶。裝修簡潔開揚。餐牌選擇感覺對比壽司郎少，唔明點解其他人話多過壽司郎，而且食物質素也一般。叫的壽司刺身無乜鮮味，有味既壽司又偏咸，軍艦紫菜唔脆，飯偏酸同散。茶碗蒸有兩種，叫左貴嘅$22，正常。香辣京葱蝦，生京葱同辣油係敗筆，蓋過刺身蝦的味，hama $17 , 壽司郎$12。有味嘅三文魚咸而且食唔到三文魚味；前後叫左兩碟檸檬鹽厚切三文魚，但兩碟都唔同樣，一碟長身d厚d, 另一碟又短又淺色，兩碟黎到仲諗係咩黎。手卷見唔到有飯得沙律菜😅天婦羅蝦都唔夠脆同熱。無特別的烏冬多春魚子細粒，唔脆口同味道怪，有飛魚子就好。同樣$12，壽司郎係飛魚子。海膽壽司飯酸紫菜淋，食唔到海膽海水味。三文魚富士山，好睇唔好食又唔好夾。另外有叫薯條，唔得；脆就脆但幼到薯仔蓉少左。壽司郎我係會encore!同壽司郎比，價錢/味道都係壽司郎勝。好多人話平過壽司郎，但我自己又唔係好覺～壽司郎對比以前都無咁好食，但HAMA開張就咁既質素… 真係唔多掂。三個人先食左4百幾，唔係因為平，係因為無野想Encore, 同唔想再試，嘥左我個肚。係壽司郎會食到攬住肚都想Encore。P.S. 呢篇食評即日就寫，唔知係咪負評，審批一直有問題… 唔知發生咩事🤷🏻‍♀️ …Read More

餐廳位置較偏僻，離地鐵站有啲距離。 餐廳空間不足，出去拎嘢飲好難行。不過一入去就聞到好香既川菜味，胃口大開。叫左呢個餐，3小時，夠哂時間。4款煲可以隨時成煲換！ 我地只試左兩款！ 酸菜魚同雞煲！兩款都好正料都好足！仲有好多小食同火鍋料！小龍蝦味道唔錯，不過唔夠彈口。涼拌魚皮好少地方有得食，唔錯～上面拌青瓜就一般，好咸。食雞煲有叫到和牛，但叫左兩轉就無了。無糖茶飲品好快被清空，只可以揀啤酒汽水。 是日滿座，坐近窗邊，要出去近門口拎飲品有困難。呢間野味道唔錯，可以一試。不過食物應該好多味精，食完係勁口渴！ 隔離枱食👆🏻都好吸引…Read More

去左海洋公園，玩到四點熱到頂唔順，又唔想係入面食，就出旺角！大喜屋要book 枱，之前食過呢間唔錯，所以黎呢度walk in~ 黎到仲差少少夠5:30，等一陣就畀入座！早晚市，$175/2Hrs，都幾抵食，有我想食既海膽，不過海膽量就少左d！羊架好好味，食左3支！ 花膠都好多舊！ 飲品款式都好多，仲有熱清酒同凍梅酒，啱酒既人都唔錯架！整體都唔錯，咁既價錢食得過，仲有杯haagen daz，不過食唔落拎左返屋企！…Read More

想食神燈自助餐，無奈太多人又要book 枱，所以放棄。肚餓行過見見到人地食好吸引有炒粉麵飯，見到d相又影得唔錯，就入左呢間小菜館。，諗住試下味道，ok 下次可以試晚飯！叫左個梅菜扣肉同豆腐火腩，味道唔錯呀！梅菜同腩肉都夠淋又有油香，不過如果整體甜少少更好。豆腐火腩最like 滑豆腐！女仔黎講，碗飯夠食！ 餸就有多既～ 其實都想試蠔仔粥，見到人地食好吸引，不過兩個人叫唔到咩。晚市menu 好吸引，有機會真係要試下！…Read More

今日限聚令放寛，當然要預早慶祝一下母親節聚一聚！餐廳較小，但環境唔錯， 可以望到海境。 天台關係，開左冷氣但唔太凍，不過都可以接受。服務唔錯，坐低就向我地介紹食物。食物都好好食～中途上左去天台酒吧坐坐透下氣望下境～ 天氣涼坐天台酒吧應該幾寫意～Openrice book 台，晚餐有7折，所以都抵食！餐前有兩款包配菌醬任添，味道唔錯柚子好甜好好味，蝦好清爽！蜂巢油味重黐牙可放棄！香橙甘荀湯，甘荀粒橙粒配甘荀蓉！ 幾特別而且味道清淡純香。蟹餅偏咸，不過啖啖蟹肉都唔錯！焗龍蝦扇貝扁意粉，龍蝦好爽甜好正，但扇貝我平時都一般，都係有d鯹～ 美國肉眼扒：七成熟但都易入口，牛味濃又大塊！食完好滿足檸檬雪芭， 清爽解膩再配Cheesecake 同Earl Grey Tea。家人另外點左幾杯酒都好抵，$198/3，可以選擇不同酒，唔洗單開一支，唔錯！是日晚餐好完滿足…Read More

星期日食唔到，今日再出動鋪頭細細，食物種類唔算多，但味道唔錯！海南雞飯都幾正，油飯夠香，雞夠凍同爽，醬料調味都好好！牛腩味道咸d, 唔係爽腩，所以鞋鞋地，但有菜墊底，不過不失～ 小食都好想叫，因為唔貴都係三四十蚊好吸引，有凍蟹炸墨魚咀花膠湯同螺個d.....不過自己唔大食，所以等下次可以叫哂～ …Read More

本來想食海南雞飯，但無開～ 見到呢間開左一排，所以黎試下。入到去見到有人叫左個超大碗既火車頭2人份，但費事夾來夾去，都係一人一碗方便d, 而且唔平要$138，所以叫左個牛腩河$58,熟牛肉河$58同蝦頭膏海鮮湯檬$68。牛腩河同熟牛肉河好普通無咩特別，蝦頭檬有d失望！ 海鮮見到係蟹柳已經唔多開心，青口無殻，慶幸蝦好新鮮～ 湯頭都普通...:(咁既價錢可以好多選擇，而且職員有d唔老實， 入去既時候應該仲有5分鐘就有下午茶，但都係拎午餐牌俾我地，我地都睇左好耐先落單，又唔提我地，一個餐都差$10，下午茶餐仲可以加小食... …Read More

因為爸鐘意食粥既關係，以前經常黎食早茶！ 但每次都只會覺到無哂mood! 食物係十年如一日既點心紙，八點鐘黎都有機會食到盅頭飯～ 食物的味道可以，但就無服務可言！呢度既文化係有jetso有服務！呢度既客多數都係上年紀或中年亞叔打躉地方，職員就中年女人！ 黎呢度飲茶自己搵位，但d職員就成日hold 起d枱，叫你入茶皇廳，但入到茶皇廳貴d茶位一樣係無服務！ d職員每逢時節就會sell 你乜券麥券！我父母係長輩，通常有人拎黎都唔需要買！ 一唔買就更無招呼:(今年新年前，見到個d職員同個亞叔講「買張券啦！」人地個客話自己都有但俾面都買一張貴既雙糕$198，點知仲要迫人買埋佢淨低既券！ 個客既老婆即刻話唔買，仲嬲嬲地！ 第一態度差，唔係好聲氣，佢都有叫我買，sorry 語氣係奉旨咁！ 到新年我地初八先去飲茶，個日服務就唔同喇！ 幫你搵位，沖茶！當然有句恭喜發財！ 個個職員都走埋黎斟茶！不過我地都無派！ 飲餐茶要派幾百蚊！可況係初八，都仲咁厚面皮！ 初一二三都會派下，紅日要返工，初八仲問，仲要平時都無服務！ 今日叫左盅頭飯，得返兩款咁我就都要啦！ 點知有個熟客黎左佢招呼人就拎左俾佢之後就話無哂！呢d情況都唔係一次！ 我有俾服務費但你俾d咁既服務！ 一個月黎十幾次，如果唔係想轉下茶樓，都唔會黎，呢區大把揀，點心唔係平過人，款式又唔多，真係無需要黎，只係貪就腳！ 係d男人先會俾職員氹買，有d係豪爽既水魚，職員話未食早餐，佢就話咁你劃啦！個職員仲劃兩樣... 呢間野係早餐多d人，晚市一般，因為食物太貴，仲有早上都咁既服務，晚上食飯多數係同朋友開心都唔會想黎！ 我食過幾次晚飯，成日就sell 魚，幾十蚊両，一條魚過千... 無叫過... 小菜都成百蚊！ 但都係正常小菜... 服務係好少少，但未係好好，起碼見茶壺無水會沖俾你，你叫佢會埋黎囉！可能因為無叫魚食，但見過有人叫魚，服務就好好，個職員可能有得分！但聽到好似千五蚊，但不是貴價魚... 呢度... 係受氣地方，真係... 可以少黎，因為宜家日日都同父母食早餐，我都反對去，所以都係一個月兩三次，有得揀真係唔需要黎！ 係爸想食返碗粥先會黎！…Read More