JoanChui的个人专页

有圖有真相，呢個所謂黯然銷魂包hea到，嚿叉燒細到，仲要一打開啲汁已經流到周圍都係，咁無誠意做不如執咗佢啦，真係求其食個餐蛋治都好過佢，做食肆都要有基本良心，夠膽死咁樣收人$30真係好過去搶…查看更多

因為疫情關係好多食肆都提早咗收工，本身已經感冒手軟腳軟，諗住落樓下支持下街坊食肆點知撲咗個空，嗱嗱臨即刻上網搵吓有啲咩食，見到Deliveroo有呢間陌生嘅食肆就即管試吓，落單嗌左印度烤雞卷、羊肉炒飯配沙律同芒果Lassi。落完單隔咗一兩分鐘就即刻有店員打嚟問我英文地址，我英文水皮，但成個過程店員都好細心同我溝通👍🏼由於家住九龍灣，路途遙遠嘅關係等咗個幾鐘啲食物先送到，已經餓到不似人形😂打開個包裝之後比烤雞卷嘅份量嚇親，勁足料！成個卷都係雞肉同埋菜！本身都食呢啲卷最驚就係會好油，但因為有足量蔬菜反而感覺幾健康👍🏼而炒飯本身第一啖就咁食啲飯就覺得一般，但係加埋羊肉落去食一齊係啱啱好，香料好豐富，再加上微辣好惹味🤤留意番佢啲羊肉都好大舊㗎 ！而且仲有成8、9舊咁多👍🏼👍🏼至於芒果Lassi就正常發揮啦，都係偏甜咁，但係又唔會甜到你要猛咁飲水嗰隻。整體黎講好有驚喜，會再encore ！👍🏼…查看更多

幫襯過呢間串燒三次，兩次外賣一次自取，兩次送外賣上嚟位仁兄個口罩都冇帶好，自取果一次就見到個個除晒口就喺度煮嘢食吹水，真係睇到毛管棟，平心而論其實食物味道係OK嘅，但係衛生意識咁惡劣係咁嘅情況下仲點敢幫襯你呀😓…查看更多

喺啟業街市一眾食店中，呢間收得比較晏，所以都已經光顧過好多次，平時食開即蒸腸粉，價錢唔算貴，呀姐好相與，大大兜蒜蓉配料任你裝，炒粉麵飯亦都有鑊氣，至於糖水更加係足料到嚇親你，桃膠裝到滿都係$20，feel到老闆娘係真係想你食好啲，唔係下下賺到盡，以後都會繼續支持👍🏼…查看更多

有啲肚餓想食鬆餅但係又唔想食咁貴，喺九龍灣搵到呢間台灣料理，睇個價錢以為係伏，點知賣相咁靚!個鬆餅好有驚喜，外脆內軟而且係實心㗎！唔係出邊啲空氣鬆餅，真係有啲台灣feel!至於雞翼亦都炸得好香脆，唯一問題係同件浸過鹽水嘅伴碟蘋果片一樣，比較咸。整體黎講都好有驚喜，高性價比之選👍🏼…查看更多

營業時間到一點，但12點就截單，你12點前去又會同你講師傅換晒衫冇得落order，仲會鬧返你轉頭話你阻住師傅收工好冇人性，已經係第三次買唔到嘢食啦，有冇諗過其實咁樣對顧客都好唔公平？🙃…查看更多