Arkihui93's Profile

🍴位於大圍圍方既Tera Pancake House係一間主打日式梳乎厘既餐廳。運用大量自然元素既裝修風格同寬敞既佈局，整體比人既感覺舒服。估唔到餐廳除咗梳乎厘外，正餐同樣出色。今次既食物包括：白酒煮蜆（$108）、海鮮龍蝦Pizza（$314）、極濃蝦汁意粉（$128）、杜拜朱古力梳乎里（$158）、金莎Croffle（$76）。食物整體質素優秀，其中極濃蝦汁意粉更有驚喜，以呢個價錢食到甘濃郁蝦香既意粉性價比一流。甜品方面，梳乎厘口感輕盈且蛋香馥郁，配上香濃朱古力醬同Nuts，令人食唔停口；金莎Croffle 直頭係Guilty Pleasure既代名詞。正好應左一句：減肥 – 明天的計劃。💰$400+10% per one/ Dinner📍HKGTERA (大圍)大圍車公廟路18號圍方3樓320號舖…Read More

🍴位於觀塘既雞駅係一間港式餐廳🍶。餐廳既裝修好簡約。食物方面，今次我地試左幾款餐廳既招牌菜：花膠雞煲翅配飯（$98），蔥油雞飯（$48），椒鹽粟米（$38），蟹肉忌廉薯餅（$38），麻藥蛋（$28），凍柚子梳打（$12跟餐），整體質素普遍都好出色，而我地最中意既食物係佢地既花膠雞煲翅，真材實料（大大舊花膠同一疏疏魚翅配搭住濃郁嘅雞湯，係一啖接一啖完全停唔到口。返觀塘嘅你一定要嚟試吓呀😋💰$100 for one (lunch)📍HKG雞駅花膠雞米線專門店 (觀塘)觀塘成業街7號東廣場1樓116號舖…Read More

Michelin位於中環嘅 Louise 真係一間超有格調又浪漫嘅法國餐廳！由之前推介過嘅**Odette**創辦人喺香港開嘅分店，餐廳環境簡約又優雅，帶住濃濃嘅法式風情，坐喺度就覺得超舒服又放鬆～當日我同老公專登嚟試佢嘅招牌名雞～，真係冇令我哋失望，雞皮脆得香噴噴，雞肉嫩滑到入口即化，真係鮮味十足，令人一試難忘！由「亞洲第一米芝蓮三星餐廳」嘅主廚親自操刀，每一道菜都精緻到不得了，每一口都係幸福嘅滋味，呢度嘅高級享受真係超值得一試！💰**$800+10%/位（Lunch）****Louise（中環）**📍HKG中環鴨巴甸街35號元創方JPC地舖…Read More

🍴Hotpot位於銅鑼灣既去滾係一間港式火鍋店。呢間火鍋店不論係餐廳裝修同埋食物都絕對適合打卡📸我地今次叫左個二人餐（$328/位），然後再單點左黃喉，牛頸脊…牛肉好淋牛味好重，然後點左個鴛鴦花膠雞湯/蕃茄薯仔湯底都好好味😋湯底好濃好甜，仲有大大塊花膠😍餐廳負責人仲好好知道我哋今次係farewell朋友佢仲特登送個甜品俾我哋好sweet💕💰$650+ For one (Dinner)📍HKG去滾 (銅鑼灣)銅鑼灣登龍街1-29號金朝陽中心二期 - Midtown 27樓#candydiary#hkfoodie #hkfoodblogger#hkfoodpic #hkfood #foods#去滾…Read More

🎄Merry Christmas🎄今次為大家介紹既係位於尖沙咀Hotel Icon既Green推出既「冬日小鎮禮盒下午茶🫖🎄」好耐都冇同好姊妹食Tea啦，見Green呢個充滿儀式感既Tea set就去試下啦💓成個tea set都好靚好岩同好閨蜜一齊打卡影靚相😍薑餅人造型既熱朱古力夠哂盞鬼👻打卡一流平時食Godiva朱古力就多，估唔到夾main course例如牛扒會咁夾，好有驚喜🫶🏻成份tea份量十足，即使叫埋男朋友or老公離食都絕對唔擔心唔夠食呀😆Appetizer 🎄伊比利亞黑毛豬火腿麵包棒 配 GODIVA 朱古力醬🎄GODIVA 朱古力鴨肝球伴脆米通🎄蟹肉飛魚子鵪鶉蛋芝士撻 Main Course （CHOOSE 1 FROM 3）🎅🏻烤澳洲M5和牛牛頸脊配 GODIVA 黑朱古力薯蓉、時令薯菜及粉紅胡椒汁🎅🏻香煎阿根廷紅蝦伴燴白腰豆 配 GODIVA粉紅朱古力忌廉汁🎅🏻黑松露牛肝菌意大利寬麵配 GODIVA 白朱古力忌廉汁Dessert 🍧 栗子拿破侖 🍧雲呢拿焦糖蘋果慕絲 🍧朱古力黑森林杯子蛋糕🍧朱古力柑橘紅莓開心果蛋糕🍧Godiva朱古力 🍧英式傳統鬆餅配奶油忌廉及果醬🍧三道菜下午茶包括無限品嚐 GODIVA 軟雪糕Coffee/ Tea🫖Godiva薑餅人造型熱朱古力🫖即磨咖啡或茶一杯💰$888+10% for two📍HKGGREEN (尖沙咀)尖沙咀科學館道17號唯港薈地舖…Read More

🍴位於愉景灣既Pasha Turksih Cuisine係一間土耳其餐廳。裝修風格簡約，仲有戶外餐區，好岩假日或者放工過離Chill下。餐廳由土耳其主廚主理，將傳統土耳其菜手法呈現出離。當晚我地食左幾款好岩打卡既菜式: Humus 鷹咀豆泥 ($68); Eggplant babaghanoush 茄子配酸奶開胃菜($65); Puff Bread (Balloon) 泡芙麵包 ($48); Chips & Lamb Shish烤羊肉串 ($138); Single Sac Tava 鑊仔牛肉 ($158); Ayran 酸奶 ($45); Apple Tea 蘋果茶($35)。當中最欣賞既係Puff Bread，個麵包非常軟熟配搭住Humus同埋Eggplant babaghanoush簡直係絕配呀! 另外Single Sac Tava都相當出色，平日好少機會係香港可以試到呢啲咁有土耳其風味既菜式，牛肉好淋好入味。蘋果茶好香同土耳其飲既一模一樣。💰$300+ For one (Dinner)📍HKGPasha Turkish Cuisine愉景灣廣場徑8-12號D’Deck地下G08A號舖…Read More

🍴位於尖沙咀既Kaboom係一間泰式餐廳。餐廳既格局好似置身於泰國峇里一樣，燈光也較為柔和幽暗。今次我地主要試左幾款餐廳既打卡菜式：Starters：Chilli Crab Cups ($98) Tom Yum Coconut Scallop Carpaccio ($128)Main：Thai Lobster Sauce Strozzapreti pasta with Lobster Tail ($268)Grilled Gai Yang Chicken ($238)Drink：Damn Pissed Off! ($128)No More OT Please! ($128)而我地最中意既食物係佢地Chilli Crab Cups，啖啖既蟹肉又鮮甜味道又好醒胃；仲有Loster Pasta佢掛汁又離仲要好煙韌，配搭住爽甜彈牙既龍蝦🦞尾估唔到又好夾😋；仲有佢地既打卡cocktail “Damn Pissed Off!”係以Bubble bath造型配超得意既橡皮鴨仔🐤🛁超igable🥰,不過當晚太full,好可惜上唔到Rooftop Bar,相信仲好打卡呀❤️💰$500+10% for one (Dinner)📍HKGKABOOM (尖沙咀)尖沙咀北京道12A號太子集團中心20樓…Read More

🍴位於尖沙咀既一方堂係一間日式居酒屋🍶。餐廳既格局好似置身於日本一樣，燈光也較為柔和幽暗。食物方面，今次我地主要試左幾款餐廳既招牌菜：燒物🍢，刺身，壽司🍣，整體質素普遍都好出色，而我地最中意既食物係佢地既串燒，特別係香印豚腩卷（$38/串）；燒白鱔 （$58/串），香印好爽甜配搭住燒到香脆既豚腩，岩岩好能夠中和到豚腩既油膩之餘仲可以帶到香印既甜味，呢味真係好有驚喜😍而燒白鱔燒得好香脆得離唔會好乾身仲好有油脂，最勁既係即使放耐左都唔會覺得有腥味😋一邊聽住日本流行曲一邊食住串燒飲下酒，真係好岩放工後同下同事、朋友或者另一半一齊離chill下😉💰$400+10% for one (Dinner)📍HKG一方堂居酒屋 (尖沙咀)尖沙咀厚福街12-12A號藍馬商業大廈9樓…Read More

🍽位於銅鑼灣既睿私房菜座落於耀華街既Zing! 28-29/F，非常之方便易搵。當晚我地就試左餐廳新推出既菜單「愛是永恆」$488/位。由酒香鮑魚做本席既第一味，亦係我最鍾意既一味餸菜😋酒香濃郁味道岩岩好，鮑魚煙韌Q彈得離唔會咬唔開。接住落嚟要介紹另一味我好有驚喜既紅燒乳鴿，而家係街食到好味既燒乳鴿簡直少之有少。今餐竟然俾我可以食到昔日情懷🥹令人回憶起細個先食到個種香脆唔油膩既外皮、肉嫩入味並唔騷既乳鴿，連咁細食既我都不禁食到半隻😍之後就有我好欣賞既蟹鉗，佢蟹味香濃又彈牙，味道剛剛好👍🏻最後就以黑糖蜂蜜糕做結尾，熱辣辣既蜂蜜糕好鬆化又唔滯，口腔內淡淡蜂蜜清香再配搭住極品茗茶簡直係圓滿作結🫶🏻相信大家都知道我係餐廳既棒場客，餐廳一直都保持到食物既水準一定唔容易，仲有服務到位呢點真係要一讚👍🏻不時幫我地加茶，更換污糟左既碟，上菜速度岩岩好真係非常之貼心。餐廳境觀亦都非常之靚，放工同朋友三五之己一齊離聚一聚真係極推薦👍🏻💰$488+10% For one （Dinner)📍HKG睿私房菜 (銅鑼灣)銅鑼灣耀華街38號Zing!28及29樓…Read More

🍴位於太子既朝Asa係一間日式居酒屋🍶。餐廳既裝修以深沉既色系配搭，燈光以柔和色調襯托，十分適合同一班老友記談心。食物方面，今次我地試左幾款好岩餸酒既小食同埋串燒🍢，質素都好出色，而我地最中意既包括有清酒煮貴妃蚌($68/2隻) – 清酒既酒精味完全揮發嗮，只剩下酒既香氣和貴妃蚌既清甜，而且肉質保持非常鮮嫩；大蔥雞串($35)同德島阿波尾雞翼($32)以及雞皮($32)三款雞類既串燒都做到皮脆肉嫩，利用最簡單既調味帶出食材本身最原始既味道；日本溫室茄子仔($38)的的骰骰好可愛，明太子燒飯糰🍙($38)亦都燒得焦香可口。食住燒味琳魚乾($88)同燒七味魚翅乾($78)送酒🍻，配合背景耳熟能詳既音樂以及一點也不嘈雜既環境，約埋朋友黎朝Asa談心真係一流🥳💰$500 for one (Dinner)…Read More

🍴𝗬𝗮𝗸𝗶𝗻𝗶𝗸𝘂位於觀塘既既燒肉の牛太・本陣係一間日式餐廳。住喺觀塘咁多年既我對呢間餐廳一啲都唔陌生😍餐廳裝修簡約，座位非常舒適。至於食物方面，今次我哋試左餐廳全新既午市套餐，牛肉好嫩好juicy😃仲有個新加既小型自助吧提供沙律、前菜、水果同甜品 🍮呢個價錢係觀塘食到咁性價比高既餐廳都唔容易，而且地點非常就腳仲要係APM，岩哂大家中午放飯或者周未同屋企人一試呀👍🏻💰$150+10% For one （Lunch)📍HKG燒肉の牛太・本陣 觀塘觀塘道418號創紀之城五期(apm)4樓L4-23號舖…Read More

🍴位於金鐘既Apinara係一間泰式餐廳。地點係正太古廣場裡面非常就腳，唒岩一班係金鐘返工既朋友仔呀。餐廳既裝修風格高雅簡潔，座位都好舒適, 最貼心係有放個籃係凳底方便大家放包包。食物方面果當晚我地就試左餐廳好幾個招牌菜:泰式炒金邊粉配燒珍寶河蝦🦐 ($198); 泰式椰子雞湯🥥 ($128); 泰式東北小食拼盤 ($268); 手工班蘭香葉包雞 ($168); 鮮椰子沙冰🥥 ($65)。成餐整體既食物水準都好唔錯, 由其係小食拼盤同香葉包雞非常之有驚喜。香葉雞烤得香脆得離之餘仲保留到好嫩同好juicy😍仲有小食拼盤裡面既豬肉丸同東北香腸亦好出色同埋好少可以係香港泰式餐廳裡面可以試到。相信返開金鐘既朋友仔都知金鐘餐廳選擇並唔多, 呢間泰式餐廳唔知又會唔會比到驚喜你地呢。HKD400+10% For one (Dinner)📍HKGApinara金鐘金鐘道88號太古廣場L2樓205號舖…Read More

🍴位於觀塘既Boon係一間西餐廳。餐廳既裝修以大地色調為主，燈光比較柔和，好岩同好閨密或者另一半離食。食物方面，今次我地主要試左幾款餐廳既招牌菜，分別係:Mentaiko Mayonnaise Fries($58); Prawn Pasta with Creamy Sea Urchin Sauce ($138); Beef Bourguignon ($148); Pistachio Milkshake ($68); Choco Latte ($48)，質素普遍十分出色，薯條好脆搭配住明太子醬，真係會食到停唔到手。然後再食一啖慢煮到好淋又入味既牛肉再加一啖香滑既薯蓉然後配搭呢個咁寧靜既環境lunch，真係非常之Chill~如果想係嘈雜既觀塘都可以搵到一個隱世高質小店，不妨一試!💰$250 for one (Lunch)📍HKGBoon地址 :觀塘巧明街106號冠力工業大廈2樓1號舖…Read More

🍴位於西營盤水街既Verde MAR 係一間墨西哥餐廳。係一間裝修風格清新既小店，小花園仲種左好多盆入饌用既仙人掌。餐廳由墨西哥主廚主理，將傳統墨西哥菜以健康既手法呈現俾我地。當晚我地食左Super Nachos, Taco就揀左店員推薦既Chicken, Al Pastor Pork 同Carnitas Pork 三種口味同埋叫左海陸空串燒。當中Nachos 最出色，佢用軟腍既牛扒取代一般餐廳用到既免治牛肉，烤肉既香味同牛扒既口感為呢道簡單常見既送酒菜提升去一個層次，再加上新鮮既洋蔥、Cilantro等配菜, 為nachos 呢道小食帶離左一個清新既元素。配搭埋以Tequila 為基底既cocktail, 又或者細滑既Avo Smoothie 裡面，完全係一個唔錯既用餐體驗。💰$450+ For one (Dinner)📍HKGVerde MAR (西環)西環西營盤水街41號地舖…Read More

🍴位於將軍澳既泰Grill係一間泰式餐廳。餐廳既裝修以現代簡約格調為主，餐廳分左室外同室內既用餐區, 室外位置非常之Chill, 岩唒帶埋毛孩一齊用餐既你。食物方面，我地當日試左餐廳幾個招牌菜:泰式串燒(豬,牛,雞); 蛋包虎蝦炒金邊粉; 海鮮冬陰功湯金邊粉; 青木瓜沙律; 炸蝦餅; 椰汁糕; 芒果糯米飯……食物水準相當之高, 可能當日我同另一半都好肚餓, 平時好細食既我都忍唔住食多左好多。 首先講串燒, 燒得好香但又保持到好肉嫩juicy一啲都唔鞋口。仲有炸得香脆可口既炸蝦餅, 每一啖都食到爽口彈牙既蝦絕對係真材實料。接住仲有滿滿海鮮既冬陰功湯金邊粉, 個湯好好飲好濃郁仲有超多海鮮超有驚喜。最後就係泰餐必食既芒果糯米飯同椰汁糕啦, 椰汁糕食到好清甜既新鮮椰汁做底味, 食落就試到椰奶香味, 而芒果糯米飯真係十分推薦因為真係好好味。軟糯既糯米飯配香甜既芒果再搭椰奶真係非常絕配, 簡直係畫上完美既句號。$200-$250 for one (lunch)📍HKG泰Grill (天晉匯)地址：將軍澳唐俊街12號天晉匯地下G06號舖…Read More