eatmorear's Profile

貪方便同屋企人喺會所食個lunch，海蜇真係爽口好食，加咗啲芝麻清清哋唔錯，叫咗半隻炸子雞同埋咕嚕肉，基本上每次必食，炸子雞啲皮真係卜卜脆啲肉仲係好嫩，咕嚕肉又係煮到剛好脆脆哋送飯一流，豆腐少吃，乾燒伊麵都好好味，脆卜卜好香口，炒飯同叉燒都正常表現不過不失，最後個泰式拼盤真係等咗好耐，一直問幾時整好，一直就話通知廚房，前前後後應該大約30分鐘左右先到，等到頸都長，結果仲係強差人意，味道真係令人失望，第一次叫泰式拼盤，唔會再有下次，整體可以，唔叫泰式拼盤就滿分。…Read More

星期六中午時間大約1:00，食飯嘅人唔算好多，服務員都好幫忙協助搵個座位，食物款式都多選擇，環境都乾淨整潔，落單到上午餐速度都好快，前後唔使10分鐘，整體來講ok！雞扒滑蛋蓋飯賣相好靚，但係個雞扒炸得好硬，唔算係多油，如果唔怕熱氣的話，都可以食晒成隻炸雞扒，個滑蛋就真係好滑嘅整體上都係好好食嘅，份量都算可以，因為唔係午餐，所以凍飲好似要貴多少少，如果無記錯係要加6蚊，埋單一位八十幾蚊，喺附近餐廳嚟講價錢唔貴。…Read More

一直保持高水準，食物上得快亦好味，職員有禮貌，招牌原味小籠包&呈朝擔擔拉麵必吃！上海油燜筍夠軟身，唔會好硬，話梅元蹄入口就溶化，醋醬海蜇頭清爽好𡁻！蔥油煎餅亦香。無錫鮮肉鍋貼一份3粒唔夠，要點多幾份先得，龍華素鴨可以，鍾意食素應該都會鍾意，雪菜鹹肉炒年糕正常，菜肉雲吞豬骨湯拉麵個樣ok，無試過，雪菜蝦仁炒飯都好味，擔擔麵有人唔食辣，如果辣啲應該更好，不過唔緊要，味道夠濃得嚟唔會好咸，恰到好處，值得再幫襯！…Read More

食物質素一如以往嘅好，環境又舒服，燒味都係即叫即整，仲有牛扒可以揀熟啲或者生啲，每次去到都會食沙律，湯類有龍蝦湯或者燉湯，間唔中仲會食到冬陰功，有三文魚同埋北寄貝之類的魚生同埋生蠔，仲有啲炒粉麵飯同埋燒一字骨蒸魚同埋蝦都一定會有，蟹都有，但係食嘅時候比較麻煩，甜品的話有好多選擇，可以一邊買馬仔一邊食嘢，舒服的在這裏消磨一整天時間，若果時間充裕仲可以等到下午茶，通常都會有蛋撻和角仔之類小吃，仲有雪糕同埋咖啡奶茶，非常之好嘅一間餐廳。…Read More

今日去奧海城2期食燒肉叫個黑毛和牛前胸肉&牛板腱套餐，嚟咗成碟脂肪，同呀侍應講太肥，佢回覆話和牛係咁肥，問係咪碟碟都係咁，佢語帶不屑話和牛係偏肥㗎啦，一係攞多一碟出嚟俾你㨂囉，跟住就收咗枱面原本嗰碟肥牛入廚房，之後大約3-4分鐘先攞住兩碟出番嚟，其實唔知點解要入廚房咁耐，係咪要搵一碟更肥嘅俾我㨂呢？出到嚟其實兩碟真係差唔多難分高下，咁就是但㨂一碟啦，個侍應即刻兩碟攞番晒廚房，反應唔切唔明白點解㨂咗嗰份都要拎入廚房，估計最少3分鐘左右先攞番出，唔知碟肥牛經歷過乜嘢，出番嚟就咁將碟肥牛放喺個餐盤旁邊枱面的位置就走開，唔係應該放番係餐盤裡面咩？喺邊到攞就放番邊到，唔係基本禮貌？侍應係好難做得好嘅咩？我即時拎轉頭望住佢，佢先行番過嚟將碟肥牛放番入個餐盤裡面再行開，咁即係佢自己都知道自己有問題啦！？旁邊兩位唔認識嘅食客其中一位都係叫同款和牛，都忍唔住話咁肥都唔切走多啲脂肪照磅，佢自己朋友都話，你真係好彩呀你碟無咁肥..廣告相片係靚啲會明白，但都真係相差好遠呀！走嘅時候再見都唔講句，算啦..反正唔會再見。這間店我都食過幾次，今日絕對係最後一次，以後唔會再幫襯！唉，態度咁差，唔怪得個個話要北上消費啦😓#燒肉unlike…Read More