gigiTo的个人专页

尋日book咗12位一家人有大人+兩個BB同老公慶祝生日，去到唔需要等、職員個個都好醒目，見我哋有兩個BB車都安排我哋坐入少少，食物方面都幾好食，個個都話唔錯，去到大概8:30左右開始職員會用咪講嘢，之後過嚟同台生日嘅人講一啲祝賀嘅說話，大概九點就開始播歌熄燈，小朋友好開心跟住一齊跳舞，另外兩個BB竟然係咁嘈嘅環境底下可以瞓埋覺…😂😂😂整體嚟講食物好好味，價錢又合理，有下次嘅，已經約咗再去同朋友食🥰有興趣嘅朋友都可以試！…查看更多

琴晚一家四口去試吓食新開嘅鋪頭，一上到去侍應都好好禮貌問大家想食燒肉定火鍋？因為火鍋就放題任飲任食，而燒肉就套餐咁叫，所以我老公同大仔最終就揀咗試吓食燒肉先🤭環境裝修都好舒適又夠寬敞，用完QR code落單後就知道價錢，方便清晰！食物方面份量好足，我哋都食得好滿足😋我埋單後都有影下火鍋放題有咩供應比大家食，可以參考下！下次會再試吓食火鍋放題，疫情過後好多鋪執，但係好佩服有新鋪開張，希望佢哋可以生意興隆！…查看更多

一家四口+姐姐見到懷舊茶餐廳就入去試吓啦，點知真係得個外表，食物質數非常之平平無奇，直頭可以話差到難食….我叫左星洲炒米，顏色一睇已經唔靚，睇落重濕濕地唔夠乾身，食落去淡而無味，最差係蛋有蛋殼…食到吐返出嚟都見到….第一個已經好失望，第二個係老公叫咖喱牛脷飯，一嚟到顏色唔靚同埋個汁都好稀，老公一食就話淡到不得了冇咖喱味…佢同細仔一齊食話啲牛脷又韌，個汁又淡非常差…，姐姐叫嘅雞絲炒麵啲汁多到不得了都係稀嘅，炒麵得少少脆，由於汁太多麵都整到冧晒，但整體味道都係淡嘅唔好食…最後到大仔叫個焗海鮮炒飯最貴$148（未加一），但係阿仔都係食到中途竟然有蛋殼出現…埋單仲要+1 服務費總數$411，好似食垃圾一樣一啲質素都冇，老公食到一肚氣話唔明白點可以捱到70幾年？食物質素差到咁連一般茶餐廳都好食過佢….一定唔會再有下次😌由於食物一啲都唔好食，所以相都唔想影！…查看更多

星期六一家人第一次去試下食，點知出乎預期好味道👅價錢又合理，性價比高，雖然真係一個猛男一腳踢全程收錢到煮嘢食，但係樣樣都好味而且又快手，我哋食完都話覺得有下次！意粉🍝食到一半都重好夠熱！另外每人一份綠茶味嘅甜品都好好食，加埋青瓜🥒我真係覺得好無得頂，因為我好鍾意❤️老公叫左個漢堡包🍔都賣相唔錯，聽佢講都係好食，總體而言一家人都食得好開心，重叫左其他屋企人下次一齊再去試吓，人流方便唔算人多，所以都唔會有種要食得快啲唔好阻住人嘅感覺！大家都值得一試！…查看更多

預約左同老公慶祝生日食飯，我自己買左個小蛋糕去餐廳放比職員幫我雪住先，跟住等齊人後先點餐，我一個人到達先叫左一個藍色嘅cocktail🥰顏色同味道都好好味！之後每人叫一個主菜，味道都唔錯好味道👅另外叫左一串厚燒牛舌、燒生蠔🦪一杯無酒精特飲類似fruit punch🍹比阿仔飲，酸酸地但係都幾好味😋奶奶叫左個招牌炒飯我試左一啖濕濕甜甜地都幾好味😋我自己同老公就叫左黑蒜油叉燒拉麵🍜大仔叫左個櫻花蝦加天婦羅🍤蝦拉麵🍜，細仔就食吉列豬扒配白飯🍚，最後好驚喜餐廳為我先生準備左每人一塊花生酥餅🍪加Happy birthday 字嘅生日碟🍽️好窩心🥰兼且佢哋自家制嘅花生🥜酥餅超級鬆脆好好食🤤我哋買單之後再買多兩盒禮盒裝中秋送禮用🥰太好味想同家人再分享😁…查看更多

今次第二次去食，第一次同公司同事食感覺好好，今次食帶小朋友一齊去，最期待食嘅棉花糖機壞咗冇得食，小朋友非常失望，員工話部機由下午維修到晚上都係維修唔到…另外食得比較急，我哋六點入座，但係想要7:30前離座八折優惠，所以食得好急…雖然平日價錢算平 $298一位成人，小童就$198，但係客人未算話非常多，但係就食得太急趕，差不多食一千蚊晚飯要好快咁，感覺有點差，我哋都明白要左8折優惠就係會咁，但係一夠鐘員工就第一次時間嚟提醒我哋夠鐘，其實我哋已經停哂手同口啦，只係休息下，而且出面都無人等枱…如果佢哋無客等，我哋又比左錢又停哂手同口嘅我哋休息多10-15分鐘左右就會比較感覺開心啲！因為佢一7:30嚟話溫馨提示🔔夠鐘，我哋重要好急急腳去埋個洗手間，所以扣左少少分！而且小朋友食唔到棉花糖機又扣左分，因為佢哋係好失望….🥲總體而言，未必會再去第三次😂…查看更多

公司老闆請食燒肉放題lunch，我揀左第一次試食一郎燒肉結果無令大家失望，性價比高，服務又好好，經理重好好間中幫我哋手燒肉點餐都係用手機QR code落單，跟住就有自動火車送到枱側邊，如果帶小朋友一齊食一定好開心😀另外餐廳有棉花糖機，我久違嘅兒時棉花糖終於可以獨自享受哂全部😂不過真係好甜，重有雪糕款式都好多選擇，又好食😋最後講返重點啲牛肉，佢哋嘅牛都好好味，大家都食得好開心！我亦將會再同家人再嚟帶埋小朋友一齊再食，我哋今次揀A餐預付$313成人一位（包加一服務費），總體而言非常滿意👍🏻老闆都話正！…查看更多

今日一家四口第一次嚟食依間日本嘢，佢裝修得幾靚，好有日本feel,食物方面都好新鮮好好味道我地每人叫咗一個自選雜錦丼，好好食，個帶子加咗黑松露喺面入口味道好香…連大仔平時唔食黑松露都覺得好香好好味！指另外叫咗當日精選魚壽司六件，啲魚全部種類都好新鮮，我大仔都係話平時最怕食其他魚壽司會有魚腥味，平時指愛吃三文魚嘅佢都嘗試食咗兩款唔同嘅魚嘅壽司，佢都大讚啲魚好新鮮一啲都唔腥味，好好味道！我哋仲一人一件三文魚手卷，紫菜都係好脆卜卜，侍應好好，叫我哋第一樣時間即刻食左手卷先，怕遲左會比啲飯整林咗就會唔好食！壽司嚟到都有逐一介紹返壽司喺邊隻名，服務都唔錯！老公最愛食牛舌，佢話串牛舌好好味道，牛舌夠厚，但又嫩口同軟熟…佢讚不絕口整體來講食物味道幾好，值得再試！食物係有質素，大家有興趣可以試一試！…查看更多

第一次約朋友嚟依間食中午放題🍣🍱，價錢合理唔算好貴，但係食物質素可以接受，唔算好好味好新鮮，手機落單後上菜都比較慢，人就唔算多，但係好多點左嘅嘢都好似無嚟到，朋友點左隻雞翼去到最後先到…而且雪糕原來只限每人一杯….無得再食，重差少少掛住傾計唔記得食….如果有其他雪糕🍦可以任食會更開心！環境方便都坐得舒服，飲品種類都算多選擇！但係如果食夜晚的話，今日嘅食物質素就唔太值啦…總體而言服務一般，食物嚟唔足又慢，令人有啲失望……查看更多

嚟咗食過三次，同老公最鍾意都係食上海粗炒，佢炒得好夠味、又幾好味道，今次叫咗一個牛肉煎包試試，味道都唔錯，另外我最鍾意食水煮牛，價錢合理又好味😋、我哋兩公婆加一個細仔叫咗兩碟上海粗炒，一人一碟，因為自座掃QR code落單，侍應都好醒目，一收到張單就問我哋係咪真係叫兩碟，怕我哋落錯，非常欣賞佢哋嘅細心，總體服務都好好，幾滿意，值得大家去試試！不過大家如果平日去的話應該都多數有位，我哋食幾次都係一入去就有位嘅！未試過要等🤣…查看更多

同老公帶埋阿仔一齊去食晚餐，我叫咗個牛柳粒鯛魚湯烏冬，牛肉都幾好食，夠嫩口！烏冬湯比較清魚香味，老公叫咗一個全隻龍蝦湯飯，湯飯味道唔錯，龍蝦都好大隻，好好味！另外額外叫咗一個炸蝦天婦羅，蝦炸得夠熱，皮唔太厚、幾好味😋本身想試炸玫瑰蝦，但咁岩無，但炸蝦天婦羅都無令我哋失望！總體表現唔錯，服務都好好！👍🏻👍🏻👍🏻可以一試，座位都座得好舒服，夠寬敞….適合一家大細！個烏冬都真係幾好食，夠煙韌，阿仔連湯都飲埋，值得一試！…查看更多

一家人總共9大1小+1BB(1歲）訂咗枱去食飯慶祝生日，佢個流水蝦位置非常吸引我兩個仔去夾…食物方面牛肉都好食，重有個榴連爆蛋我老公同阿妹食到不停口🤣佢個炸蝦餅都好新鮮好好味！湯底方面有好幾個選擇，最鍾意係佢介紹我地食一人一鍋，可以選擇自己喜歡嘅湯底又衛生，我自己比較鍾意食辣，叫左個麻辣湯底，但感覺唔夠辣同麻，有點失望…細仔叫左佢個椰奶雞湯底，都唔錯，最多屋企人揀藥膳雞湯底，香味濃，聽佢哋講都唔錯！最後食雪糕種類都幾多。雪櫃夠哂凍，雪糕好夠硬，尾聲大家熄哂爐全部人都覺得冷氣勁凍…連我同老公不嬲勁怕熱都覺得好凍…不過總體表現好滿意！埋單$2800幾，感覺都值嘅因為好味兼衛生…查看更多

今日係小學同學聚會，約咗8大2小共十人出席，雖然餐廳唔算好大，但服務都好好👍🏻我哋叫咗兩set4人餐，大家覺得食物都好好味😋質素都幾好！食物方便真係幾好食，我負責訂枱，同學問我係咪嚟過依度食過？其實我都係第一次，上咗嚟OpenRice 睇咗人哋嘅食評同相見到環境幾好就決定訂枱，好彩無令大家失望！地點方便，大家都易搵到！食到最後一枱走係職員嚟話佢哋夠鐘收工…真係唔好意思😅但大家太好耐冇見，傾計太開心講到咁遲一枱走…但洗手間女厠就只得一格，臨走時要去廁所就要預先輪流去比較好，餐廳環境同服務總體大家都好滿意，值得再食！…查看更多

我哋琴晚3個朋一齊去食level 3套餐，計埋加一每人$430有找，可以用手機落單，送食物嘅速度好快，但感覺100分鐘時間好快到，我哋最後想食雪糕🍦嘅時間都唔夠….好可惜，牛肉嘅味道唔錯，有牛味整體服務都好好，有提前通知我哋要last call落單，不過同朋友傾吓偈食下嘢感覺時間唔多夠用咁不過唔錯，可以再食！第一張相係佢set好送嚟比大家燒，之後加單嘅就無咁靚啦，但仍然好好食，但落單每次只可以限數量15件就必須落單，唔夠就再加單！…查看更多

今晚食咗一間好好味😋嘅石板燒🍽美國牛板鍵，有飯🍚又薯條🍟、沙律🥗、飲品🍹、重有甜品雪糕🍨下次要再食多次先得😍正呀…價錢合理，一家四口👨‍👩‍👦‍👦食得好開心🥳老闆好好人，本身諗住埋咗單走人，原來有雪糕送，重要額外送多一杯比我哋，因為我細仔同我share ，所以我哋叫咗3個餐！服務唔錯，環境坐得舒服！我同老公都一致認為可以再食，重要推薦朋友同屋企人去試吓先得呀⋯⋯正呀佢地環境坐得舒服！…查看更多