andychanhk's Profile

訂位基本上係必須分兩輪 食個半鐘 紅館睇show前幫襯啱啱好種類多 食材新鮮 料靚貝盛 甲羅燒 貝類刺身 都不可不試原隻墨魚燒🦑 膽固醇爆表拖羅就比較一般埋尾整番個冷烏冬食飽飽散步過紅館睇Show…Read More

下午茶時間 落街行左個圈 決定掃街買齊小食 尚欠飲品 諗住行去買星星咖啡 路過ET茶星人 想起美孚谷人人稱讚此店 決定一試買左芝芝芒芒同波霸黑糖炭燒奶茶芝芝芒芒味道出奇地夾 又香又滑 芒果味唔算太濃郁但餘韻繚繞 波霸黑糖炭燒奶茶就水準一般 同其他連鎖店差唔多 珍珠Q彈 奶茶香滑外賣杯質素好好 唔捨得掉 洗乾淨自用新店暫只收現金 微信(WeChat), 店家話攪緊八達通同支付寶誠意小店 值得支持當然 都係嗰句 新店水準keep到幾耐無人知 大家要試趁早…Read More

試新餐廳乃鑊勁嘅 餐廳座落角位，環境一般實情呢個位置已經轉過好多手，多數做唔長德國菜一試香腸、二試烤豬手十一點食左早餐 一點未落格 只係叫左沙律, 迷你豬柳漢堡包同烤豬手沙律正常但唔好食豬柳漢堡包仔唔錯烤豬手上枱，服務員响你面前切幾刀開隻豬手一開就知中伏 隻豬手啲肉散到好似肉碎咁食落塊皮硬而不脆 啲肉乾都你唔信德國菜連烤豬手都做唔好 真係以後都唔駛幫襯極少數連第二次機會都唔諗住俾嘅餐廳 睇怕都難逃呢個舖位嘅定律......…Read More

外賣冰糖燉蛋畫蛇添足加半粒士多啤梨响面仲要係爛嘅唔當外賣係客?!燉蛋都算幾滑幾creamy雪耳燉鴨梨鴨梨味道一般, 雪耳爽口,糖水味道稍微甜左啲桌椅擺位有啲亂我會俾多一次機會佢, 再唔得就係咁先…Read More

見新舖開張試下菜 :蒸倉魚 + 白飯 + 椰汁紫米露魚新鮮, 少少蒸過籠白飯 ok la...紫米露唔太甜, 剛剛好拎左餐單, 價錢係馬灣價 (貴出面些少啦..)款式頗多, 甚或有點雜, 唔知係咪張張利...有待試菜查證…Read More

九點後散叫六折, 八點幾要等位, 八點九個字有位俾我, 肚餓唔想等照入座一坐低, 九秒九落單, 點知等左四個字都無野到, 隔離枱遲過我落單都到齊咁濟 (個餐一樣, 連兩個湯底都一樣), 唔對路即追, 人又唔夠, 捉住個部長嘈, 一追把幾火, 竟然話無哂桶蠔出唔到, 我望住隔離碟蠔已經火起, 部長建議轉做一斤蝦, 食飯o者費事勞氣, 照殺.更今人火大既係, 佢所謂既一斤蝦得十四隻, 轉頭o的侍仔仲周圍推$15半斤蝦 (標價$48), 仲有成九隻. 個桶蠔標成$9x, 即係明昆我啦, 算, 以後唔幫襯.野食再好都無用(而且只係一般), 服務令人極度失望...稻香失敗之作...套餐:菜籃一個 (樣樣有少少) 3/5牛一碟 (好樣, 牛味一般) 3/5桶蠔 被迫轉左做 海蝦10隻 (新鮮游水) 3/5手打墨丸/蝦丸 (新鮮, 彈牙) 4/5活魚一條 (散, 鞋, 唔彈, 無魚味) 1/5另叫:蜂巢豆腐 (口感OK) 3/5魚餃 (散, 無味) 2/5HIPOT 呢個brand, 不論食物同服務質素都完全逹唔到稻香應有既水平…Read More

久唔久就會拉隊過黎食lunch, 保持一貫水準, 唔錯 ! Set lunch 包 餐包一大籃, 湯, 主菜, 甜品, 餐飲今日飲周打魚湯, 夠濃唔會死咸主菜揀左西冷跟紅穀飯, 叫五成熟俾左七成, 肉質OK, 唔乾唔霉, 口感良好, 紅穀飯賣健康感覺, 我就無乜所謂, 都係飯一舊 (再者我係唔好飯既..)甜品係古古力mousse, 作為choco lover 既我, 呢舊野就認真唔合格, 不香不濃(雖則佢加左少少mint, 似係想做清淡feel, 之但係choco mousse 就係要香濃, 你話我stubborn都係咁話)埋尾杯coffee唔多夠熱, o的糖唔多溶, 要改善改善~…Read More

叫左dinner set, 豬扒帶子跟薯菜紅湯OK, 夠濃唔會水汪汪豬扒較咸, 帶子同薯菜都OK甜品係豆腐雪糕跟窩夫, 窩夫幾好夠香脆, 豆腐雪糕就...雪糕一舊囉埋尾UCC咖啡一杯, OK風月堂都係甜品同咖啡較好, 其他真係麻麻…Read More

食物水準keep到, services依然好好極上和牛拼盤 (唔使食里脊肉, yeah yeah) 入口即溶, 食極咁唔厭海鮮拼盤 鮮甜, 飽魚仔/大蝦爽口彈牙胡椒柚子豬頸肉, 燒完迫出肥油, 入口嫩滑韓式辣冷面, 咬口麻麻, 唔餓唔好考慮埋尾柚子雪芭同菠蘿雪芭, 都係咁正!訓身推介!* 呀, 講多句, 呢輪做緊自家釀梅酒, 試左杯, 麻麻, 要試自己諗過 *…Read More

champagne 一杯紅白酒free flow / juice任食self-serve startersmain coursedessert buffetCoffee or teaStarters 都係 standard 野, cheese 同 ham 都 OK, Soup 都唔錯champagne 同 紅白酒都OK (西柚汁仲正, haha)Main course 我揀左 Steak+Foie gras, 唔錯, 鵝肝脆/牛扒嫩Dessert 就比較一般, 作為朱古古lover既我, 對佢既朱古古mousse有o的失望埋尾一杯cappuccino, 唔係好得, 飲左兩啖放棄…Read More

首先講食物質素, 原本想要sour cream 薯條, 不過sold out (我 6pm 幫襯)咁就點招牌濃芝士薯條, 當然係即叫即炸, 等左幾分鐘釨快有得食, 即炸熱辣辣, 頭幾條都係脆卜卜......跟手就已經腍哂 (可能牛油落哂底既關係), 芝士味尚可, , 味道同銅鑼灣店有一段距離....到講整體service, 基本上係無既, 嘿, 快餐店你想要咩services吖, 有係bonus....跟手就要彈下點解咁早就無哂sour cream, 不過o向我等待緊既幾分鐘, 見到一男一女便裝帶住一箱dairy farm 既sour cream入舖, 跟手同staff 傾野, 唔係老細都係自己人, 雖然唔知缺左幾耐, 不過會補貨都係好事...新店有待調整貨存同預備數量...相信franchise 既 QC 要幫幫手, 執執佢...…Read More

叫左個龍蝦二人燒烤餐一隻龍蝦開邊燒, 肉ok彈牙, 有羔蔥燒餅, 填肚野, 食麵粉咁上下啦人參雞湯有少少參味,都ok既韓麵好似好多醬, 點知又係無乜味, 填肚囉...燒肉併盤 (鹽燒牛肋骨/腩肉/雞肉/兩片蕃薯/一粒菇), 第一次食韓燒牛肋骨係無牛味, 燒出黎又鞋又韌, 最後勁加鹽至有番些少味. 腩肉同食燒肉乾無咩分別, 反而雞肉最正常.雪糕係choco cookie味, 牛奶XXo的朋友附帶一提, 服務係唔錯既, 收碟收得幾快, 甚至過籠 (係咁加茶, 飲一啖加一次咁濟)…Read More

廢話唔講鹽燒牛舌正!柚子胡椒豬頸肉正正!主打和肉通通要試(除左里脊肉, 霉既...)整杯Asahi, 歡度一夜!!…Read More

食左兩次, 一次食shabushabu, 一次食Sukiyaki都算正宗日本菜, 招呼尚可以, 無大家講得咁差香港黎講shabushabu味道都ok, 尚且好過Mo-Mo Paradise o既(不過牧場平o的仲係任食)至於Sukiyaki o的味就濃左些少, 送飯就o岩哂海膽都幾鮮(咁梗係唔好同築地比啦)整左隻毛蟹就真係麻麻喇,同蟹道樂差十萬八千里...食一兩次都ok既, 第三次就免喇…Read More

廿蚊套餐-炸醬麵+五香牛肉四塊+高力豆沙一粒+豆漿一杯都係廿蚊-麵+雲吞六粒+高力豆沙一粒+豆漿一杯麵條有陣味( 水?!), 高力豆沙勁實(加重粉?!)下次都係去第二間食上海野, 穩陣XD…Read More