peacelover的個人專頁

夜晚9點先黎食晚飯，揀呢間一黎係因為食過午市覺得好食，二黎係佢開到好夜。估唔到原來佢晚市都可以叫點心！鯪魚球 $26有三大粒，好新鮮，冇咩鯹味，口感有點像魚腐，偏軟熟，但仍保持到彈性。小編幾鐘意😍😍😍鮮蝦燒賣皇 $33有4大粒，每粒都好巨型😍😍😍，啖啖肉，可惜蝦唔算多，亦比較粉。雖然味道上未算驚艷，但咁嘅size食落真係好滿足🥰沙嗲粉絲肥牛煲 $108好快上菜，上菜時非常滾燙🔥，有大量肥牛，齋粉絲（冇痴煲底👍🏻👍🏻👍🏻）都可以分到4️⃣大碗，份量唔吝嗇。沙嗲未致於極濃，但食到花生香，晚上食真係幾好，好食但又冇咩罪惡感😂茶位每位 $7冇加一服務費結論小店最出名係煲仔飯，小編之前都食過窩蛋牛肉煲仔飯覺得幾好食，牛肉好嫩滑，飯焦可以整塊一次過起出黎，唔會太硬。但由於小編本身不愛好飯焦，今次就冇刻意order。至於煲仔飯以外的點心小菜，全部大大粒，份量好足，食落好滿足！cp價圍翻都抵食❤️…查看更多

以前喺北角分店食過，覺得幾抵食，質素okay。見將軍澳又開咗分店，就一於試下。小編到訪時小店剛開業，有試業優惠🎉香酥排骨湯麵 $81排骨很巨型😍😍😍，以手掌還大。經典台式炸法，保留少許肉汁，味道不過不失。湯麵好Q，煙韌，鍾意食偏硬麵的小編滿意🥰可惜湯底重咸🤮🤮🤮冇牛肉味，咸到小編食個麵時每一匙都專登倒走個湯🫢…湯底絕對係敗筆🙂‍↕️湯底應該喺小編食過嘅牛肉麵中最差的一個。大伏！😫😫😫夜市雙腸便當 $66.6（另加滷肉+$10.8）小編點了蜜蒜味雙腸，可是小店俾錯咗黑椒味😅😅😅（但為免浪費食物，照食曬）條腸幾好食，脆皮👌🏻，粗粗地，只係有啲細份，食到後期就只係食緊白飯。店家俾漏咗滷肉，等咗好耐要後期講先有，份量亦只是用細細個錫紙醬油碟裝，份量同喺街邊試食俾幾粒肉冇分別。大家千祈唔好加配，好唔抵食！😡😡😡結論小編食完大失所望🥴🥴🥴絕對冇下次👎🏻定價偏高但質素完全跟唔上🙉🙉🙉可能由於試業關係，小編由落單到枱上齊曬食物用咗大約半小時😵‍💫😵‍💫😵‍💫，仲要俾漏食物🙄🙄🙄小編觀察到不少人催單，更有一位快要食完但同行友人野食未黎嘅情況🙊希望店舖run順咗會有所進步。有加一服務費…查看更多

星期六日lunch time冇午市套餐，但冇加一上海排骨擔擔麵 $68排骨炸漿薄，可惜唔脆😅，豬扒質素本身都普通🥲，唔算老但亦冇豬味。擔擔麵味道亦很淡、十分稀🥲，麵太淋身🙁。好彩$68喺商場黎講價位唔高，勉強接受秘製豬扒蔥油拌麵 $78大推！秘製豬扒超好食😍😍😍！豬扒軟淋帶甜味，食落有點像淋叉燒，幾高質。拌麵比湯麵冇咁淋，好咬口啲👍🏻，但蔥油來説，油足夠但蔥香欠缺🥲，香氣較為失色。如果再揀過，我應該會揀翻菜飯。生煎包 (四個) $42小編作為曾經的粉絲，幾年後再食都冇失望。識食一定趁熱食，但小心俾肉汁「喇親」🤭底部煎到脆身，表面仍保持濕潤，肉汁真係幾多，一唔小心就會噴汁💦💦💦。結論排骨擔擔麵不推薦😢考慮埋店舖位於商場內，其他菜式對得住價錢，豬扒😍同生煎包😍好食但又未至於要專登黎搭車黎食👌🏻…查看更多

Set lunch (starter + main course + drink)小編揀咗$98炸魚薯條餐:Starter: 煙三文魚配蜜糖刁草汁上碟好靚👍🏻，沙律菜墊底，面頭舖了兩大片油亮的煙三文魚😋。煙三文魚配上檸檬汁，十分開胃🥰。煙三文魚表面掃上油，令肉質更軟，口感更濕潤🥰。處理得唔錯👍🏻Main: 炸鱸魚配薯條 （鱸魚seabream需另加$30）小編雖然愛食魚，但其實對魚的品種認識不多。店家有問想揀實肉還是滑肉嘅魚。小編則較愛滑肉，店家推薦鱸魚/比目魚。最後揀咗鱸魚。魚塊好大塊😍炸漿好光滑😍、金黃色、薄身😍😍😍、唔油膩，火喉控制得好好。炸漿似落咗啤酒，食落較鬆脆😋魚肉本身真係好滑😍，炸魚可以做到蒸魚般濕潤而不弄濕炸皮，厲害😍😍😍小編偷食咗同行友人的炸藍鱈魚hoki，相較底下真係冇咁滑身，但濃魚味👍🏻，會唸起m記魚柳包味😂，但係高配版，小店魚柳屬厚切同炸得好好。Overall，鱸魚較驚艷、特別，喜歡滑身魚嘅不妨加少少錢試下！⭐️⭐️⭐️薯條則較扁身，冇咩薯仔肉。小編覺得炸得普通，唔係脆口，而是炸得太硬身😌Drink: 冷檸茶走甜少冰店家用啤酒杯裝。有兩片檸檬。真係走曬甜同少冰👍🏻結論以上的餐($98+$30) x 1.1 = $141Cp值唔算高，但食物質素有保證，set lunch會比晚市散叫抵食如果坐近門口都望到堅尼地城海邊，環境乾淨唔錯👍🏻大約有二十個位，lunch都full，但可以致電預book位👌🏻…查看更多

小店於顧客order後會給予一張牌介紹你order的麵的食法，每款不同，幾有心思💁🏻‍♀️枱面亦有調味料供食客自行調味：（左至右）辣粉、秘製香醋、黑椒肉之地獄 山椒胡麻冷撈麵 （中辛）$129店舖介紹食法：1） 先戳破 *日本蛋黃* 🍳並完全攪拌 （不加青檸汁）享用原味2） 吃1/3後，加入 *青檸汁* 🍋‍🟩3）吃2/3後，加入 *香醋* 中和辣味4）吃完，可拎一份免費*白飯* ，加入碗內與剩下的醬汁攪拌享用小編覺得麵底超！好！食！冷麵好有咬口，超煙韌，夠粗🥰🥰🥰最岩小編口味的是第2）項食法😍😍😍小編覺得第3項，本身個麵已經唔太辣，反而會變得太酸🥲至於配料方面，有腰果碎、炸蒜片（炸得乾身、不油、薄脆又香）、紫菜、生洋蔥（不吃的建議於order時走洋蔥）、筍粒、芫茜、辣肉醬、5️⃣大片叉燒。口感真係好豐富、富香氣，好好食🤤但Overall小編覺得唔夠辣（辣味單靠辣肉醬）😗，所以自己另外落咗唔少辣粉🥰落完小編覺得好正🙌🏻。 食完之後真係有少許醬汁和肉燥剩下於碗邊，可向店員攞白飯，白飯嘅份量極少（大約是女生手心size），只有兩口，甚至不可以用「碗」形容，應該用「碟」比較貼切😂但由於剩下的醬和肉燥不多，白飯的份量反而剛好。鹽味撈麵$89店舖介紹食法：1） 先完全攪拌 享用 *原味*2） 吃1/3後，加入 *黑胡椒*3）吃2/3後，加入 *香醋*4）吃完，可拎一份免費 *白飯* ，加入碗內與剩下的醬汁攪拌享用小編覺得加入黑椒直接升華🤩，唔使等食咗1/3先加黑椒‼️建議直接食一啖原味就加黑椒‼️麵底屬室温（這碗並非冷麵），略嫌不夠熱🥲，但麵條與上碗一樣有咬口，好好食😋配有2片腩肉，略嫌有點乾身🥹。另有蒜蓉、紫菜、荀片、肉鬆、蔥和沙律菜。食完麵後，不同上一碗，醬和其他配料所剩無幾，所以最後的拌飯其實同普通白飯無異🤔另外加配的雞肉片（+$15）共有三片，少貴，屬室温/凍咗（？）😬，無咩調味，不建議專登加配🙅🏻‍♀️結論小編大推「肉之地獄 山椒胡麻冷撈麵」😍😍😍比其他撈麵出色好多，夠重口同好多配料🤤，亦適合完食後撈白飯的食法。（不過真係冇想像中咁辣，大概十小辣😬好辣嘅建議自行落辣粉）另外小編欣賞小店的心思，每碗麵皆有介紹獨特食法，讓食客有更有趣深刻的體驗，一麵3️⃣食+撈飯。食到最後都有新鮮感⭐️🫶🏻小編已將小店add to favourite🥰…查看更多

不籽是咖啡這間Cafe由門面至內裏環境都十分優美、舒適。內裏裝修行木系和淺色風格，其中一個區域的地下填滿了細碎的白色小石頭，有一種去了郊外野餐的感覺。龍蝦湯配牛油果大蝦稻庭烏冬 $128呢個餐絕對喺gimmick🥸用茶煲裝龍蝦湯🦞，再由你倒落木碗，倒多倒少隨你（suggest倒曬，免得最濃味、沉底嘅冇倒到出黎），港女打咭一流📸🤳龍蝦湯唔喺預期像西湯般濃稠😌，而是湯底般稀和淡味。但要讚有頗多蟹肉🦀😍，縱使湯底唔濃味，啖啖蟹肉都補救到，加翻海鮮嘅鮮味👍🏻😍小編試過牛油果加䜴油真喺好似食緊三文魚😂，但牛油果配海鮮就第一次😂唔可以話係夾，冇1+1>2的效果，但都唔錯嘅😌 至於蝦，則新鮮脆口❤️，未至於鮮甜但已經收貨👍🏻手打牛肉漢堡扒蒜蓉意粉配黑松露蘑菇汁 $138隻太陽蛋煎得好靚❤️同漢堡一齊食增添濕潤感。漢寶都算幾大，夠厚，有肉味😍，少許肉汁。黑松露份量唔算多，但足夠，意粉醬亦夠creamy👌🏻結論這間Cafe很適合用來打卡，也很適合與朋友一起慢慢食飯、傾偈👫🏻👭🏻👬🏻至於食物的味道則中上，未至於好正，環境>味道，cp值偏低😬份量偏少，男仔可能會唔夠飽😌…查看更多

KOL加埋朋友介紹，就去睇下係咪咁好食😉芝麻雞 （一隻） $290記得記得！一定要預早留定，好早就賣曬架啦😆原來芝麻雞是傳統酒樓會有嘅菜式，跟據網上食譜：先把雞醃好，風乾，塗上蛋液，灑上芝麻，再慢慢用手輕輕把它按實黏好於雞上。然後放進滾油慢火煮熟全隻雞，最後用大火讓皮變得更脆。餐廳的火候掌控得好好❤️❤️❤️，雞肉仍保持到十分嫩滑🥰，甚至雞胸亦不嚡口，可能因為慢火用油煮熟的關係吧😋😋😋皮脆🤩🤩🤩（食到最後仍保持到水準）、芝麻香😋😋😋芝麻全面覆蓋上雞隻，基本上沒有甚麼空洞露出，師傅一定有心思慢慢黏好芝麻🫡respect我地一行人都讚口不絕，食唔停🤤🤤🤤絕對大推！必叫！蠔餅 $90幾好食，蠔唔鯹😁，粉醬偏少同乾身👍🏻，落埋大量蔥落去炸，正😋，幾抵食👌🏻食到最後仲keep到脆度👍🏻招牌話梅骨 $120有啲失望🥲🥲🥲，where is 話梅？完全唔酸😫每粒都好少肉、多脆粉，咁嘅價錢太貴啦！馬拉盞炒芥蘭 $75正常發揮，冇苦澀味，冇渣👌🏻蘋果雪梨水 （壺） $150飲得出係自己煲，幾好飲，唔會過甜，適合食完熱氣芝麻雞後潤一潤👍🏻結論大排檔的形式做傳統中菜好出色、有心思，但其他小炒則較普通、cp值不高。❤️❤️❤️絕對大推芝麻雞！⭐️⭐️⭐️講多次，記得預早留定雞！…查看更多

Roasted Lamb Roll烤羊肉卷 with fries $128小編覺得正常發揮，香味不遜息、不羶，但羊肉有點太乾🥹。內有大量生菜、生洋蔥、青瓜等，令口感好爽脆refreshing🫶🏻粗薯條炸得很好，皮脆多薯肉，不錯不錯👍🏻👍🏻👍🏻Fenugreek Chicken Curry 葫蘆巴咖喱雞 $118葫蘆巴是常見的印度香料，葉子和其種子皆可以用於煮食用途，是咖喱粉的常見原料之一。理論上，於加熱後其苦味會準變成甜味，及帶有堅果香味。小編和朋友皆認為咖喱香濃，有印度咖喱獨有的「沙沙」、「一粒粒」的口感，真材實料。拌了奶油亦可中氣咖喱的辛辣味，幾好食👍🏻配埋naan一流❤️至於雞件，大約有五大件。講唔上滑，但入味、好食👌🏻Tandoori Plain Naan $28Tandoori Roti $20Naan 與Roti的主要分別為naan會添加酵母，使其更蓬鬆；而Roti 通常沒有添加酵母，更薄且較為堅韌。而且Naan通常在粘土烤爐烘烤，外表會有一些焦點，口感柔軟；而Roti通常在平底鍋烤，表面較為平滑，通常比較薄。小編與朋友較愛naan，原味食得出好香嘅奶油香，比roti厚同煙韌啲、好咬口啲，亦「索」到較多咖喱汁。結論是正宗的印度菜，侍應和廚師皆是印度人。環境唔算超靚，但小編見侍應喺墊枱和放置menu、餐具時十分用心🤭環境亦算乾淨。⭐️⭐️⭐️如果到訪，記得喺openrice book枱，正價餐牌有8折！（非廣告）⭐️⭐️⭐️…查看更多

住家菜薑蔥油雞（半隻）$68份量有點細🥲，肉唔算滑😗，但有雞味👍🏻，雞皮太厚所以小編都冇食到😅。但巨量薑蔥🥰，極愛薑蔥的小編同朋友都覺得撈飯一流😋❤️梅菜蒸鯇魚腩 $158一上菜個下小編呆咗一呆，因為真係好大份😍好厚肉😍😍😍由於係腩位，大骨已經起咗，剩翻唔多骨，怕有細骨難處理嘅朋友可以放心order🙋🏻‍♀️肉算滑👍🏻，仍保持到彈性😆，冇鯹味。小編覺得味道未至於好正好驚艷，但啖啖肉真係幾滿足🫰🏻但唔夠䜴油🤔，而蔥都係生蔥，並冇「贊」油落去，所以欠缺香氣同濕潤感🥲。⭐️⭐️⭐️同廳廳姐姐傾開計，原來老細逢星期四五六會親自揀魚，鍾意食魚嘅要注意啦😘住家老火湯（菜乾豬骨湯）（煲）$60一煲可以裝到8碗湯！但如果兩個人食飯，叫兩碗例湯要$25x2 = $50，所以我地都叫咗一煲湯 （慢慢飲飲得曬嘅）湯渣唔算多，飲到最後會咸翻少少(冇咁淡) Overall小編覺得okay👌🏻幾抵飲結論如其名「住家菜」，真係冇味精、少油少鹽少糖，出街都可以食得健康👍🏻…查看更多

生記滷水見門口大大隻米芝蓮、大量明星光顧的相片和報紙報道，就入咗去試下。入面有大約有十個堂食位置。但絕大部份人都買外賣加料，外賣keep住賣過不停，生意十分好。滷水獅頭鵝（例牌）$168白飯$15老細免費送湯（苦瓜黃豆湯）例牌唔細，用豆腐墊底，吸曬滷水汁🫶🏻鵝in general 唔算肥，有一部分鵝片都冇肥膏，肉嘅部分幾多👍🏻 配有一碗酸醋汁，夠酸，不用點太多已經十分夠味👌🏻滷水加鵝油撈飯一流。兩人share，分量岩岩好🙆🏻‍♀️結論小編覺得啖啖肉食得幾滿足，有湯水潤下，老細都主動建議我哋食滷水鵝例牌，亦好風趣有人情味。至於屬米芝蓮，小編則覺得有點太誇張。如果經過可以一試～PS 由細到大都聽對中醫來説是「發/毒」物，不過上網搜尋原來鵝「適宜身體虛弱．氣血不足，營養不良之人食用。補虛益氣，暖胃生津。」、「無病無痛者，吃鵝不妨，身有疾特別是有皮膚病或傷口者，不宜吃鵝」。所以適量食鵝（於肉類中含較多好的油脂-不飽和脂肪）是有益的🫰🏻…查看更多

這間分店位於銅鑼灣地帶商場內，於商場間了一個位置作餐廳，途人能於食客旁邊經過，私隱度不足。如果坐窗邊的，則能望到銅鑼灣大街。座位整體來說，比較逼，枱櫈分三大行，枱與枱之間的距離也很窄，店員於落單和上菜時，行動都比較困難。除非咁啱有卡位坐，否則環境不算優雅/好坐，亦遑論有任何打咭裝修。———————————————————-滑蛋原條鰻魚意式紅飯 $108原條鰻魚大小正常，味道正常發揮（鰻魚汁的甜味）（是非日式餐廳普遍煮冰鮮鰻魚的味道），可惜肉質偏韌、太彈牙😢，沒有油脂香和脂肪的軟腍口感😓（一般冰鮮鰻魚的弊病）整個擺盤有點像日式蛋包飯，但不像小編理解般的滑蛋🤔（有返一定厚度和有些蛋是半熟的），而是一片薄薄的煎蛋皮😌。飯則像日式蛋包飯一般，落了蕃茄和茄膏一起煮，算幾入味，食落幾fresh👍🏻作配菜的沙律菜加上黑醋，好開胃👍🏻燒原隻黑松露燒春雞配薯條$148黑松露的份量不多，無論聞/食落唔覺黑松露味，有點失望😭要讚的是小店的雞烤得皮脆而不油膩👍🏻，食落冇罪疚感，雞肉🍗都算滑，雞胸則十分普通（有些小店能夠將烤雞胸都做到不嚡口）。整體來說，雞油和肉汁都不多。小店配上的醬汁是豉油😫，小編R爆頭❓❓❓，完全冇點過。小編原本期待的是黑松露西式白醬汁，可以增添黑松露的風味，可惜小店並沒有花心思於醬汁上😓配上的不是炸薯條，而是焗薯條結論小編並不覺得小店質素高/環境好，有點不能理解為何這間小店咁出名……😫價格定位在一般咖啡店，可是小編則覺得質素像比較好的茶餐廳😂總而言之，小編不推薦😓…查看更多

中環街市foodcourt 可以先找位置，再掃QR code點選要的食物（可選多間餐廳），便會有店員為你送上食物👍🏻幾方便，不收加一服務費。久久紅燒半筋半肉麵 $82湯底對小編來說，偏鹹重口味🤨。牛筋和牛肉每樣各兩件，燉到十分軟腍、極之入味，十分好吃🥰至於麵底，小編十分喜歡，因為偏硬、Q彈，好好咬口😍自家芋泥芋香奶茶 $22底部真的有一堆芋泥，芋泥偏乾、一粒粒、碎身、沒有另加糖，並不像一般甜品的芋泥（濕濕的、甜甜的）。怕肥的也不會有負擔。算都多材料，幾好👍🏻古早老花雕雞卷麵 $72小編對花雕雞卷很失望😅，雖然表面鋪滿雞卷共四片，可是雞肉並不滑/嫩😢，花雕酒的味道更是十分淡😓，不知道是因為本身調味的問題，還是放置雞卷於湯底中把它溝淡了🤔。至於湯底是牛肉湯底，比牛肉麵淡，但亦不至於吃完麵底會繼續喝湯。不過面底如第一碗所述，小編很是喜歡🫶🏻結論兩碗麵當中，小編較推半筋半肉牛肉麵👍🏻，而於於中環這個地區來說，這間店舖的價錢比較相宜，亦沒有另收加一服務費，因此如果大家來到中環想普普通通吃一餐可以選擇這間👍🏻…查看更多

炭燒豬頸肉米線 $56豬頸肉好大份，燒到少少脆邊，好香口，再點上附上的汁，少少辣，重香料味。雖然係薄切，但都好好食😍😍😍湯底可配豬骨/酸辣湯小編揀咗小辣🫰🏻飲嘅第一啖有驚喜！🤩🤩🤩夠酸！夠辣！（小編食開五小辣）❤️❤️❤️配有芫茜、花生、木耳、芽菜，面頭仲有好多肉碎🥰，增添風味及口感米線可以免費轉薯粉，仲可以揀軟硬度：軟/正常/硬小編揀咗正常，覺得都偏軟身👌🏻米線本身未算好滑，但都okay👍🏻結論$56 黎講cp值真係高到傻咗🥰豬頸肉夠香口😍，真係好食，絕對係招牌！⭐️⭐️⭐️湯底都重口幾正，食得辣嘅可以揀小辣以上～大推🥰🥰🥰環境就正常要搭枱，嘢食黎得快👌🏻…查看更多

小編跟友人到訪北角和富foodcourt 食雞。叫咗2個温泉海南雞飯餐 $60（包油飯、三色醬、無味精靚湯、醬油青瓜、冷泡烏龍茶/罐裝飲品）：1） 雞翼+雞胸+上脾2） 雞胸+雞柳另加$12配一件桑拿瑶柱肉餅～～～～～～～～～～～～～～～～～～～小編同友人都被佢cp值驚艷到😍😍😍我們皆認為小店的雞唔錯👍🏻，但最好食impressing嘅係 薑蓉醬🤤、靚湯🤤 、肉餅🤤*薑蓉* 🫚磨到好fine，第一次食到CREAMY texture嘅薑蓉😱，有奶蓋嘅口感🤩，有驚喜！⭐️⭐️⭐️*靚湯* 🥣真係無味精，係有俾心機煲嘅湯，仲有少少藥材味🤏🏻。通常配雞飯嘅湯都會有一層油係面，但這碗好明顯已經隔咗油😲欣賞🥰*肉餅* 則實肉、真材實料，唔會好多肥豬肉。由於加咗瑤柱，食落咸鮮味濃郁，仲要有唔少添肉汁💦🤤小編最推！⭐️⭐️⭐️⭐️⭐️店舖嘅雞🐤都唔錯，雞胸一啲都唔嚡口👍🏻，減肥朋友可以order雞胸雞柳餐🙌🏻，好食又唔邪惡。至於雞皮唔算薄，食落滿滿油份，小編怕肥就冇食嚕🙈。其實市面上太多店舖都做到好滑嘅雞，小店嘅雞對比下未至於一食難忘🤔，但反而剛介紹的醬、湯、肉餅則好特別，其他小店沒有🤤至於*油飯*，小編略嫌太濕😐*青瓜*正常發揮👌🏻*凍烏龍茶*不用另加錢，無添加糖，飲落順口解膩👌🏻結論Overall 黎講，$60一個餐真係超曬班!🫡🫡🫡所有嘢質素都中上，100%冇伏。只係環境始終係foodcourt，一定冇梗舖環境咁好。小編已把餐廳收藏為favourite list🤭…查看更多

每次經過店舖外面都排長龍，但turnover rate高，等咗around 10分鐘已經入得。客人則可以在排隊時選擇order什麼。入到去裝修有花心機，幾靚，枱面都乾淨。豬紅、蘿蔔、咖喱魷魚、油麵 $42麻辣（中）、腩汁豬紅：小氣孔、表面平滑、輕輕咬下便會碎裂、冇腥味👍🏻🤤🤤🤤蘿蔔：有三大嚿。燉到好入味、好腍、冇渣，微微清甜👍🏻🤤🤤🤤咖喱魷魚：正常發揮，並不突出。切條、爽彈、不會過老👌🏻小編選擇了中華辣。小編食開譚仔五小辣，覺得中麻辣食落好爽，會輕微出少少汗，但又唔會接受唔到，好頂癮。🥰🥰🥰🥰🥰🥰🥰🥰同行友人叫了：五香牛腩、豬頸肉、咖喱魚蛋、小白菜、河粉 $56腩汁五香牛腩：偏瘦（較少肥豬肉），但炆得淋👌🏻豬頸肉：肉質一絲絲，不會太乾，可惜跟炭燒豬頸肉相比始終欠缺了香氣🥲咖啡魚蛋：只有三粒，質素跟街邊魚蛋差不多，卻貴很多☹️小白菜：正常發揮、份量偏少。cp值低☹️結論食辣嘅朋友應該幾鍾意個湯底❤️❤️❤️至於配菜方面，不是每樣都高質/CP值高，要慎選🤭小編較推薦：豬紅、蘿蔔…查看更多