食食呀食食矇你's Profile

呢間舖頭招牌係巨型馬卡龍，正價$100三個，味道正常重色素馬卡龍皮，入面係厚身不同口味cream cheeee。今日經過見到個牌寫住Cracked馬卡龍 40% off即係$60三個，諗住貪平試下個味會唔會唔同或者其他口味。一入到去cashier，一個疑似香港女仔同一個疑似韓國女仔企喺度，我就指住個牌問佢呢個Cracked馬卡龍係咩黎？仲有無？佢好似唔識聽咁唔理我，之後我問多一次佢施施然將塊牌轉向佢望望，再慢慢咁問佢隔離個疑似韓國女仔，問完都係無答我有定無。之後再有第二個韓國女仔過黎，果兩個奇怪職員同佢唔知咩咗啲咩，咁我再問多次有無啦，大佬呀有無都要答我架，有嘅我都要知有乜味架。果個韓國女仔去咗個鐵櫃個邊，拎咗六盒已經Pack好三個一盒又雪到起晒霧嘅馬卡龍出黎，然後！大力掉落張枱！😡乜都無講咁大力掉落枱！你放個牌出黎賣啲唔靚嘅特價馬卡龍，係咪要差別待遇買特價貨嘅人先！唔想賣咪唔好放個牌出黎囉😡😡麻煩train train職員啲服務態度！極差極無禮貌！…Read More

東廣場內小店雲集，今天選了標榜黑山羊肉旣專門店。未入店，門口姐姐已經好好口作招徠，店舖空間不大，且座位較密集。剛坐好姐姐已經站在旁準備寫單，今次叫了淨黑山羊，淨紅燒牛腩，腐乳生菜，下單後五分鐘內全部到枱快手黑山羊肉切得薄薄的，不羶但不夠細嫩，尤其因黑山羊沒甚麼脂肪，肉質嫩不嫩滑尤是重要。紅燒牛肉則正常發揮，不是台灣紅燒牛肉那種濃口味，且牛味較少。兩款的湯底都較清，可以放在旁邊的醃菜加重味道。整體肉的份量較之前吃的少，菜底份量也有這個情況。腐乳生菜的腐乳醬過咸第一口吃下去嚇死我。與外面餐廳吃到的非常不同，不知道是不是廚房失手，希望下次來會有改善。…Read More

襯著天氣未熱又天陰陰，與男朋友二人去了這個燒烤場，勝在不用帶炭和預備食物，即到即燒🔥在芸芸發黑的燒烤場中，呢個燒烤場簡直救了我，止了我的BBQ癮地方不算大，有分了港式燒烤和串燒。串燒在冷氣房且限時，大胃王的我今次選擇了無限時的港式燒烤。平日下午五點左右到達時只有一枱客人，門口要先付款，進內選好了爐後會有後生仔幫你開爐。$350二人連開爐費，兩包細炭兩支燒烤叉，兩支不冰的水和兩支飲料懶人像我可到Counter買燒烤網和夾子$60加快燒烤。食物款式不多，有些食物和醬料要另加收費，食物質素正常發揮，咖哩魷魚和金莎骨最好吃叉燒粒和椒鹽雞翼太鹽。牛油法包太少牛油，如果可以任取牛油和蒜茸便更好了吃到十點捧個肚皮走…Read More

這間小店的空間不大，只可容納十餘人，平日午膳時間很快坐滿。店內樓面只有一至兩位年輕人負責出餐和制作餐飲咖啡，所以在繁忙時間的出餐時間會較長。但年輕人非常有禮貌會主動跟餐。食物方面，這次點了煙三文魚沙律，豚肉泡菜餃子配壽喜燒烏冬。沙律醬比坊間的凱撒沙律醬杰身，幾好食係輕食之選。餃子香脆，烏冬正常發揮。飲料點了Long Black和Cappuccino。Long Black連酸和幾近沒有Crema，較之前幫襯時遜色。Cappuccino不太甜，朋友表示不錯。整體飲食不錯，非常值得支持…Read More

酮學仔推介了這間有生酮Menu的餐廳找了平日夜晚去試試生酮Menu主要是All Day Breakfast和生酮漢堡，加$28可配一項小食加一杯飲品。這次我叫了金文拔芝士牛肉漢堡，以芝士代麵包，酮學仔記得走醬。小食方面，推介燒牛肉沙律走醬給酮學仔漢堡包上菜時不熱只有微溫，不知道是不是怕金文拔芝士溶化。牛肉有牛味但缺油香，配料有德國酸菜，中和了芝士和牛肉漢堡的油膩感。飲料方面，加$25可選House Wine都算抵。嚴酮的酮學仔都是選Soda Water比較好。吃完後仍有少許肚餓，便叫了生酮夾餅配鮮油和生酮花生醬。夾餅非常薄，口感軟過毛巾一個字不推薦。…Read More

新開了一間以香港team lab宣傳的火鍋店，港女的我當然要第一時間去一試究竟現場環境闊落，被安排坐了中間位置亦不亼感覺太多人走來走去，只是少了打咭背景而已。醬汁方面，一般火鍋店的配料這裏也有，沒什麼特別。飲品當然少不了打卡元素，尤其是菠蘿飲，Video功能On湯底叫了牛奶和麻辣鴛鴦鍋，沒有牛奶味的牛奶湯底和不夠麻不夠辣的麻辣湯底，但有靚靚擺盤打卡搭救。一坐下便會上Welcoming drink 小杯荔枝茶，小食要了鹹蛋炸魚皮夠咸香而沒有油溢味火鍋料方面，當然叫了全牛拼盤簡直是為了打卡而設，拼盤上為牛的不同部位，唯牛味略為欠逢。另外，牛羊串串亦不能不點，如果喜歡吃牛雜的話不能錯過。其他配料，如蔬菜拼盤、芝士丸、芝士竹輪、鵝腸就正常發揮，沒什麼特別。Donut丸有Nuts口感有點兒怪，味道非常普通。要說的是叫了無骨脆肉鯇，有一半都要有骨的，有點兒失望食物上味道一般，如只為食物而來，只可以說性價比低。但如果想要打卡，便可以來一試留意，Team Lab房其實在餐廳外面，應該不用光顧亦可上來打卡拍攝…Read More

見到YouTuber介紹這間鐵板燒放題店，適逢假日約了三五知己前往一試。假日午市分了兩輪: 12-2和2-4。今次我們預約了12-2那輪，11:55到店已經有人在排隊。入店時與店員說要最貴的那個套餐，因為有燒鵝肝和羊架。但入座後，店員卻給我最後平的套餐餐牌。點餐後半小時亦沒有任何食物送上，理應最快上菜的刺身要45分鐘才到。食物質素方面每人送一隻大蝦，但肉質不爽口。串燒和鐵板燒肉只是放題質素，其中鐵板燒帶子，雞肉豬肉偏乾硬。刺身非常一般，甜蝦直頭不太新鮮這裡的甜蝦不是連頭款，蝦身發黑，勇者可嘗試。要提及的是刺身師傅的刀功了得，件件都是薄上，尤其是三文魚刺身成了三文魚條總結而言，同樣價位寧願去一般放題店質素和上菜速度實在不敢再嘗試。…Read More

這間懷舊冰室格局的茶餐廳，裝修十年如一日令人懷念。綠色的紙皮石配紅色餐枱和黑色花紋鐵椅，彷彿帶我回到童年。平日的早上客人不多，一個人亦可選擇四人卡位。早餐有不同選擇，價錢也非常大路。今次我選擇了E歐陸早餐。一塊多士開邊，表面塗港了牛油和烤得脆脆牛扒(走醬)和煎蛋正常發揮，茶餐廳加了鬆肉粉是常識吧，最後配上熱齋啡。值得一讚的是這裡的齋啡味濃，但沒有一般其他茶記那樣酸。一個完美的早晨就是這樣簡單而完美的開始…Read More

原本諗住去麥記美食食生煎包，點知無開唯有轉場到華姐清湯腩食午餐/下午茶。四點到店舖，有三四人正在排隊，我地兩丁友馬上被安排入座。店內遊客(眼見全為陸客)較本地食客多，坐下需盡快點餐。點餐時老闆面色一般😐總感覺比佢對遊客的態度差(對遊客佢會面露笑容，態度亦較和善)。睇完餐牌，叫左碗最出名的清湯牛腩粉一試！大約五到十分鐘，湯粉就上枱了牛腩肉質不算軟腍，牛脂及牛肉不是層層分明，肉質較瘦，所以牛香不算重。而湯底反有驚喜，有淡淡牛肉清香不騷。未試過的建議可一試…Read More

平時都係去衙前圍道個間串燒外賣的金泰燒烤，今次終於去到有堂食同提供其他泰國菜嘅總店一試究竟夜晚等十五到三十分鐘入座，舖頭細細，人客通常二至四人一枱，多人飯聚嘅要留意啊我地兩丁友就叫咗一個菠蘿炒飯，飛天通菜同豬牛雞豬頸肉各兩串墨丸司華力腸各一串菠蘿炒飯上個陣唔會原隻菠蘿上，但食落有鑊氣有鮮菠蘿香！而且粒粒分明，實在不錯！飛天通菜亦炒得不過不失！重點的串燒，其中牛同豬頸肉最突出！燒汁淋串燒面，辣汁另上，所以放面的串燒較淡。同衙前圍道個間串燒外帶專門店比，都係專門店個醬汁好食啲總括而言店舖性價比高，會再一食…Read More

唉經過開旺角拎野，忽然好想食雞蛋仔就去媽咪雞蛋仔。平時都係幫襯開尖沙咀同觀塘個間，旺角店真係好耐唔幫襯一次，嘩_唔洗旨意我再幫襯！叫左一底芝士雞蛋仔，第一啖完全缺乏芝士味，更加無個種芝士溶溶地的感覺，外表無芝士個種少少油，唔講真係以為我叫左原味雞蛋仔！食多N咁多啖先至feel到終於有少少芝士味，但我極道懷疑係我太想食芝士所以先腦補啲芝士出黎囉真心唔會再幫襯囉做臭媽咪雞蛋仔個朵！我寧願去遠啲食返其他分店都好過…Read More

行過裕民中心，發現一間新開的日本料理，我立即拉住男朋友前去嘗試可能新開的關係，周日午膳時間亦未見有人等位我們被安排坐靠邊的二人坐，下餐時一位女待應前來，我們叫炸豬扒飯及拉麵時問到跟餐有什麼飲料時，她好像一副懵然不知的樣子，然後再施施然無表情只指着餐牌上一行字，令人感覺態度不好，男朋友還以為她是啞巴(笑)炸豬扒飯味道一般，份量偏小，唯一可取是溫泉蛋伴飯拉麵傳來陣陣的豬骨濃湯味，加上夾雜著味精香氣，非常像出前一丁豬骨豬湯底，感覺有點假幸好拉麵麵質彈牙，叉燒有點難咬開但都算入以這個價錢來說可以接受，拉麵可以encore:)btw我發現鋪頭請了四五個樓面，但鋪頭狹窄，很多時候只有一至兩個人在招待客人，其餘三四個樓面姐姐在廚房門口行來行去及談天，…Read More

夜晚行到攰食宵夜是常識吧而龍津永遠是香港B級美食的表表姐！配上英語翻譯的大餐牌，吸引了不同地方的旅客前往購買試食👍🏻"＄10燒賣魚蛋小辣唔該"呢句必叫！十蚊有一大碗魚蛋同燒賣，在香港地已經算是窮人恩物。魚蛋同燒賣配上辣汁，異常的好味，非常推薦…Read More

我差不多每次臨離開旺角前都會買一底這間店的雞蛋仔，然後在紅van上慢慢食。今次亦不例外，男朋友今次選擇了芝士口味約五分鐘左右終於有貨，雞蛋仔上手熱辣辣，令人急不及待想去品嚐！一咬唔脆的，同謝檸檬的雞蛋仔有得fight，無左雞蛋仔原有的外脆內軟特色，只有"外軟內軟"，似食芝士蛋糕仔咁...雖然芝士味濃味道ok，但口感有點油，拿上手亦是油油的，和我之前在這店食過的很不同，不知是不是職員未掌握好煮法便落場的關係期待下次可以食得返水準以上的芝士雞蛋仔！題外話，當晚購買時收銀的小mk女職員態度有點不好，給人感覺"唔憂做"，慢條斯理，黑口黑面。有小朋友問她問題，她亦不好好回應。把雞蛋仔給食客時面亦有點"西"，說話又不說句，感覺有點沒禮貌，希望可以改善…Read More

星期六瞓晏啲，兩點下樓找brunch食最近牛頭角區很多茶餐廳大裝修，鋪頭樓面變得光猛及時尚，於是便隨意選了間進去了我選擇了C餐五香肉丁公仔麵配了A餐的腸仔炒蛋及牛油脆豬仔當中最抵贊的是"牛油脆豬仔"，外脆內軟內有牛油香，認真好食但是價錢上貴了點，牛頭角區一個下午茶/特餐竟過四十元關口，真慨暵呢！…Read More