or#Tm66077898's Profile

呢排心掛掛想食韓國野，咁啱喺熊貓碌到呢間餐廳 上水粉嶺區韓國菜既餐廳真係好少，所以就懷住未食過但又好想解癮既心態嗌左外賣午市時段嗌左個湯飯同韓式烤肉及生菜😄 肉就得豬同牛兩款揀，我就揀左豬，因為腦海中一直諗既韓式烤肉係五花腩嗰種送到過嚟拿拿聲拆開～個湯飯不過不失，但係一開盒烤肉「—＞」我既表情就變左咁，與其話係烤肉，我覺得更加似係炒豬肉片...😅隻味就似喺吉x家既牛肉飯既味咁，個汁甜甜地.... 完全唔係想像中嗰回事，不過份量都算多，只係有少少失望....…Read More

唔知大埔呢間同沙田嗰間係咪同一間，睇到沙田嗰間既食評都好似唔錯，行過見大埔都有就入左去，分別叫左芝士紫菜包飯、牛肉湯飯同海鮮湯飯，個紫菜包飯一黎到 嘩😅大過壽司舖既小卷小小，一夾開會散，海鮮湯飯入面有蝦、蜆肉同青口，味道非常淡如水，似係烚完海鮮既加小小鹽就出餐，而牛肉湯飯望落色澤好似唔錯，點知一入口個湯底係極甜，肉得兩三舊，同平時係其他韓國餐廳既味道差好遠⋯最後未食飽都放棄，因為味道真係好奇怪⋯⋯…Read More