Yoco91's Profile

平時屋企附近只得一間外賣壽司店，個店舖環境真係不敢恭維，但有時興起又冇辨法焗住要食。但上個禮拜六返屋企時見到呢間新店大排長龍，就行去望下，原來係我至愛既--壽司！跟住望見張poster寫住新張日1蚊1件三文魚，原來d人排隊買，但人太多我都冇排到！到今日我再去過，先睇舖面環境，裝修得好靚，啲野尚算整齊，一眼可從玻璃望到師傅工作嘅地方，好乾淨，於是就點左幾件壽司，三文魚，厚切吞拿魚，厚切三文魚腩，鵝肝壽司，芝士蚧子，八爪魚等等，最平都係3蚊件，同隔離一樣，但個質素爭好遠，三文魚唔會紙咁薄，厚切壽司真係厚過平時一倍，味道都好新鮮，總括都唔錯，唯一美中不足係款式未夠多，同未有生蠔賣。但我唸之後我都會黎幫襯呢間，起碼望落都乾淨d!…Read More

今日同個同事喺新蒲崗做野,做到差唔多8点幾,唸住去揾野食,開頭想去羽寿司食,但行行吓見到呢間舖個名咁特別,又見唔多人,咪入去試吓囉!其實有d驚,星期五八点几都可以冇客既? 但都係決定試咗先! 睇下張menu,同出面嗰d冇乜分別,咁就点咗三文魚sushi4件,蚧棒sushi,韓式牛肉sushi,甜虾sushi各兩件(寿司喺每件計),另外叫咗一碗吉列朱扒拉面,一客唐揚墨魚軟骨同一客和風雞翼.另外再喺出面showcase揀咗份三文魚刺身(以磅計),揀揀吓發現showcase上層有幾隻鮑魚show咗出嚟,$40一隻,大約半隻手掌心咁大,真係眼都突埋,咁細既舖竟然有鮑魚賣,就要咗一隻.等咗幾分鐘,d sushi先嚟,食落同出面差唔多,係件韓式牛肉幾好,雖然唔係和牛,但味道都唔錯,食落都唔會有"渣"跟住嚟咗拉面,朱扒就無咩特別,但個拉面湯底非常好,係朱骨湯再加少少菜味,入口清甜另外兩客小食味道尚可,同大型連鎖店嗰d類似主角到喇,磯煮鮑魚....寿司師傅將原隻鮑魚切成一片片,連埋原有既汁一齊上菜,一口咬落去,好爽脆,食得出係用鮮鮑魚做(唔同罐頭),味道有点甜,甜中又帶有少少酒味,完全食唔到有腥味,真係好驚喜,食完仲要再落多一隻食後感: 就咁睇張menu真係好普通,但原來好野全部都喺舖內,因為menu只有suhsi,但店內則有大量和食類別,另外仲有d要喺showcase揀先有.同老闆傾開先知呢度開業只有一個多月,所以未有太多客人知道,要靠d熟客幫手先得呢! …Read More