jack27ng's Profile

調配搭料都幾好，可惜食材不新鮮。前幾日同朋友3人一齊食晚飯，諗住送朋友出行，近近哋請佢食返餐好味的扒，見openrice評價唔錯就book咗。服務態度非常好，環境寧靜有格調，但係非常可惜近楊屋道街市，一路食一路有少少街市味道……建議坐入啲麵包餐湯沙律甜品全部side dishes都好好味，無嘢挑剔。叫咗鱈魚扒、德國豬手、烤雞，擺盤好靚，所有配料醬汁都好香，但唔知係我哋食6點幾太早定係點樣，唔知關唔關事，食材真係唔新鮮唔靚，鱈魚好滑但少少腥。試過朋友的烤雞，有啲(鞋)。另一個德國豬手就真係過份，韌到趙唔開！朋友食得好辛苦……我哋叫咗gin酒，佢有一杯仔免費試飲可以餐前試，我哋再叫咗2杯，士多啤梨味有啲苦，咁我哋就正價叫青瓜同檸檬，2杯都唔差，檸檬非常清新，青瓜更加係甜而且清味蕾，好開胃，好味道的。埋單3份扒餐有麵包有餐湯有沙律有餐飲，仲有甜品，另加2杯gin酒都係789，可以話係幾抵食！今次食材唔新鮮可能真係我唔好彩，或者有邊日可能會再比多次機會呢間有格調貓貓餐廳。…Read More

由於聽朋友介紹話可以自己揀扒，今晚帶屋企人去試吓，叫咗一份澳洲和牛肉眼同一份普通西冷牛扒。建議千祈唔好坐室外，除咗有個空氣唔流通嘅吸煙區，搞到風扇將啲煙味吹勻循成個室外dining area外，未日落會好晒，日落會好多蚊，而佢嘅outdoor dining area係一個蚊燈都無，你開餐時蚊蟲都開餐！咬到飛起！和牛要600幾蚊，好味的，但唔平，普通西冷都要400幾，唔多掂！兩塊扒叫medium同medium well，出到嚟根本變咗medium well同well done！塊肉係完全無晒紅色……除咗嘥咗成塊和牛扒，塊西冷仲要變到韌咗……叫咗啲嘢飲……ale一般無乜嘢，餐牌講到杯朱古力幾勁出嚟同茶餐廳18蚊杯有時跟餐送嘅根本無分別！本身叫咗大家推薦嘅青口，仲諗住牛扒唔太掂仍然有青口期待下，點知都食完佢先話miss單，重新order要等多15分鐘……如果你覺得太多錢可以一戰，否則呢個價位好味過呢間嘢嘅大有選擇。一句講晒，懶係高級但係水準未到又要收咁貴。…Read More

室內Golf場看來很好玩，但在側邊吃飯，想不到打golf原來也不細聲，每一吓都幾響。餐廳氣氛不錯，不擠迫坐得頗舒服，除了打golf聲音算很寧靜；格局休閒很舒適，但是枱很高，凳很矮。晚餐set會較抵食但牛肉味道比較一般，意粉不錯幾好味，價錢上不算很抵，但值得一試，尤其是和朋友三五知己，很好的休憩場所。侍應非常友善，服務態度很好，會令你感覺很開朗。側面有VR體驗場所，時間關係沒有入去，但看起來很有趣，好像頗適合情侶來玩。…Read More