Layman Chau的個人專頁

【雷門為食街 Layman's Yummy Guide】復活節長假最後一日，8點半去到大圍諗住無咩人，結果離遠已經見到有人等位😂 好彩排第3組人，around 10分鐘已經可以入座，後面仲排緊幾組人，力證小店經常排長龍!!! 👧🏻🍴劉興記生煎包專門店 @大圍積信街27號地舖我哋叫左兩隻蟹黃生煎包 ($38) ，來到未至於熱到辣嘴，但真係爆汁，大家都食得好小心，差啲噴到大家LOL 不過蟹黃味無想像中咁出🤧 >>> 本來打算生煎包+小籠包都試下，結果後者基本款售罄，得返蟹黃款，$80/4粒真係唔太捨得食...😣之後叫咗生炸雞排 ($25) 加蔥油拌麵 ($30) 👍🏻 唯獨呢個配搭無得叫套餐，但價錢相差1蚊，所以照嗌 😂 個人覺得兩樣都好食，蔥油無撈混已經夠入味，如果加生蔥花都應該好食；雞排賣相麻麻，但食落是OK的，唔會好乾好鞋~仲附送豆漿!!! 不過味道健康唔太甜，未必人人都鍾意飲~~ 整體來講食得開心!!…查看更多

【雷門為食街 Layman's Yummy Guide】星期六晚去寶琳，剛剛好6點半入座仲有位!!! 過多5分鐘已經要等位!!! 睇Menu先記得之前食過太子分店(現已搬舖)，叫返上次食過的壽喜燒牛肉餃，水準依然值得二刷 👧🏻🍴餃掂手工餃子雲吞專門店@將軍澳寶琳欣景路8號新都城中心二期2樓2037號舖先來一碗韮菜豬肉餃湯麵 ($57) ☺️有6隻大大隻 >>> 個麵係正常麵，因為主要係食餃，所以對麵無咩要求~~朋友叫咗壽喜燒牛肉湯餃配狀元九鼎湯 ($55) ☺️ 入面有京蔥+滿滿牛肉汁，食落甜甜地幾好食👍🏻👍🏻👍🏻 >>> 不過呢款餃無得雙拼，如果可以MIX其他餃試多幾款會開心啲~P.S. 店內座位大約20個，大部分都係Bar枱，無乜位置放袋~ 所以大家如果拎住好多嘢，建議等等有幾張枱仔!!…查看更多

【雷門為食街 Layman's Yummy Guide】同大學同學久違返City回憶學生年代青春，驚見Garden Cafe變咗高質西餐廳!!! Book咗6:30PM入座唔多人，全晚都只係得7-8枱客人，食物性價比和服務質素也不錯呢~ 👧🏻🍴Lodge Bistro@ 香港城市大學學術交流大樓地舖Dinner Set 包括自助沙律吧連餐湯+主食+飲品(茶或咖啡)，可以另加$28要是日甜品。先講沙律吧不過不失，有廚師精選的薯仔煙肉沙律，另有3款沙律菜、青瓜片、蕃茄仔、粟米加各種豆類，仲有唔同沙律醬，十分不錯；當日係南瓜忌廉湯，個人覺得偏甜。😌😌😌輪到主菜，夜晚無曬「主廚每日精選推介」，問左Staff係安格斯牛!!! 我同朋友分別叫咗香煎龍脷柳配天使麵($158)、烤美國腹肉牛扒配薯蓉($185)，基本上都夠食!!! ✅✅✅ 龍脷柳比想像中大份，而牛扒會係切好曬上碟，份量適中，每人有5-6片加薯泥🌟🌟🌟最後叫餐飲都有驚喜，叫個熱檸茶都用茶壺上，無諗過大學餐廳都有呢個質素，而且服務態度仲好好，見我哋食完Main Course都不會急急趕人走。大家覺得唔洗加一，又大大碟，環境安靜已經食得好開心，希望大家都去support下!! 推介!!…查看更多

【雷門為食街 Layman's Yummy Guide】星期六晚去上水覓食，8點入去已經講明8點半截單9點清場🤧 拿拿林叫左個S size牛舌丼($58)，朋友就要咗牛岩鹽燒肉丼定食($78)，但兩樣都偏重調味，後者重蒜好鹹，有啲失望......👧🏻🍴伝説のすた丼屋@上水廣場5樓502B號舖大多數丼飯都分咗3種Size，我同朋友都叫咗S size，基本上都夠食! >>> 朋友本來打算散叫一碗牛岩鹽燒肉丼，職員就建議轉做定食，因為同樣都係$78蚊，但會送泡菜小食+通菜✅ 肉的份量適中，牛舌丼有5-6片牛舌，而丼飯可以加錢轉套餐，e.g. 加$29有3隻餃子+麵豉湯/汽水，不過可能臨近收鋪，啲飯好濕，而且不論牛岩鹽燒肉，抑或牛舌都偏重調味+好鹹，食完要不停飲水。😖…查看更多

【雷門為食街 Layman's Yummy Guide】 星期二閒日早放工同朋友入粉嶺聯和墟試下泰國茶～ 7點左右去到已經見到好多人入緊去，好彩樓上仲有位! 兩個人佢都安排卡位俾我哋，值得一讚! 眼闊肚窄叫左一飯三小食加野飲...($389) 份量好足多啲人Share會更抵食!!! 👧🏻🍴金邊粉泰國菜Pad Thai @粉嶺聯和墟聯和路13號地舖先來泰式鳳尾蝦春卷 🦞🦐 🦞🦐足足有10件!!! 春卷值得一讚! 我同朋友都覺得炸得好出色, 入面蝦肉啖啖肉, 上枱時熱辣辣即刻食左兩件, 就算凍左都一樣好食!西蘭花炒鮮魷🥦🥦🥦不過不失的西蘭花炒鮮魷～鮮魷好彈牙唔會炒到老曬，同平日中菜館／茶樓食嘅差不多～泰式蠔餅🤪🤪🤪極大個蠔餅上枱! 侍應哥仔都話我哋兩個人會食唔曬...真係無諗過咁大餅!!! 欣賞佢有好多蠔仔, 不過真係要襯熱食, 一凍左就好油了～泰式蟹肉炒飯  🦞🦐 🦞🦐炒飯有啲失望, 可能天氣凍, 拎到上枱只係暖唔多熱, 而且賣相麻麻地...的確面頭有好多蟹肉, 但食落無咩蟹味, 加上飯底未乾身有啲油, 所以不太推薦!龍眼冰～偏甜～不過好多龍眼肉～整體來講都適合一大班人聚餐Share, 因為每樣都好大碟! 一齊食就可以叫多幾樣，見到隔離枱有人叫咖哩煲同燒魚都好正，一定會再試！…查看更多

【雷門為食街 Layman's Yummy Guide】 星期五Dinner同朋友慶祝生日～Book咗呢間旺角通菜街地鋪的Cafe! 一行四人叫咗特價限時二人餐($246) 有齊前菜, 餐湯, 意粉, 安格斯牛, 甜品!!! 然後我哋再散叫多個主食＋甜品, 抵食!!! 👧🏻🍴The Yell-Owl Cafe @旺角通菜街29號地舖特價限時二人餐($246) 包齊以下5樣嘢!!!!!(前菜) 意大利熟火腿大孔芝士沙律配酸種包(餐湯) 周打蜆湯(二人份)(主食1) 安格斯牛板腱(6oz)配薯條, 扒露荀及扒番茄(主食2) 自家製番茄醬阿根廷紅蝦藍青口意粉(甜品) 忌廉曲奇芝士蛋糕安格斯牛我哋揀5成熟Medium, 食落覺得熟咗少少... 同埋個汁唔太點綴到牛的味道；薯條希望多少少，至於露荀、番茄就不過不失!加拿大保濕豬架(10安士)配忌廉焗薯及蘋果蓉個人覺得幾出色～豬肉好腍又Juicy, 不過朋友對食更有要求, 覺得有少少羶味～棉花糖雪糕...因為佢用平的碟display, 但雪糕球好快就溶(影唔到haha), 溶咗流到枱面都係lol, 大家都食到有啲狼狽......另外, 個窩夫係牛角窩夫, 比較硬身喲!!!P.S. 套餐入面的蛋糕可以寫生日祝福!! 用朱古力筆寫Happy Birthday 打卡-able!…查看更多

【雷門為食街 Layman's Yummy Guide】 星期一放工再去觀塘工廈試餐廳／Cafe～Book咗8點，去到只得半個場有客人，我哋已經係全晚最後一枱入座～ 晚上只有Dinner Set Menu，無得散叫主食～ 我哋叫咗最平的兩個Set $368......👧🏻🍴Relish @ 觀塘鴻圖道63-65號鴻運工業大廈5樓B號舖先來柚子梳打～前菜4選1：明太子大蝦香蔥吞拿魚蓉他他伴脆米通・田園沙律 >>> 米通同蝦都夾，不過唔太食得出明太子～前菜4選1：醬油烤北海道豬腩伴烤茄子蓉・烤雞脾菇・油浸乾蔥肉・日本枝豆 >>> 豬腩好腍，但有少少羶味!Dinner Set 牛肝菌水牛芝士和牛肉醬自家製意粉 $368 意粉同水牛芝士都比較硬身, 個汁酸甜度適中～Dinner Set 香煎鵝肝紅花大啡菇意大利飯 $368 啡菇厚切又Juicy, 有驚喜! 意大利飯都好食～季節限定甜品Chocolate TartDinner Set跟的甜品, 朋友話係最出色lol >>>如果想食Tiramisu可以加多少少錢要!…查看更多

【雷門為食街 Layman's Yummy Guide】   上次見到好運中心多左食肆，已經Book mark搵日過去食，失策星期六7點已經周圍都好多人等位，見呢間日式料理都要等10張枱，但其他更加多...唯有排隊等下，最終嘢食質素都不過不失！可以再Encore！ 👧🏻 🍴  炙尚串燒料理 @沙田好運中心3樓3107-3108號舖1. 北海道海鮮井❤️   2.(忘記名字了)刺身定食👍🏻   3.中拖羅刺身(4件)🐟4.長腳蟹🦀   5.粉紅菲菲(番石榴汁)🍹朋友鍾意試新嘢，叫咗呢杯粉紅菲菲(番石榴汁)，偏甜的果汁～（小插曲係中途聽到店員話要過隔離超市買幾Pack果汁......)試上刺身，中拖羅刺身(4件)都新鮮，不過食蟹佢無俾工具我哋...然後食到一半職員想我哋轉枱LOL，先發現原來無俾工具...朋友叫刺身定食(忘記左個名T＾T）大大盤好吸引，仲送左粒雪糕糯米糍做甜品，但佢一上餐就俾埋...到食完個飯成粒糯米糍已經溶曬... (我哋大概只係食左20分鐘...)而我就叫左北海道海鮮井！！有沙律、麵豉湯，食得開心滿足！新店環境其實OK，不過因為有做放題，感覺等候時間比一般只做散餐的日本餐廳長。同埋我哋差不多7點等到8點先入座，點知原來我哋已經係等位的最後一組人...之後8:15PM陸續有人走，再入來的客人就不用等位...不過以上時間只供參考，因為始終新開張無耐，日後多人知道好運咁多嘢食，可能會有排等了！…查看更多

【雷門為食街 Layman's Yummy Guide】 閒日放工後約朋友一齊去觀塘覓食～搵左好多間都收9點／9點半，見到The Wave呢間開得晏少少就打算試一試......點知兩個Set Dinner都好鹹!!!!! 😣我哋估計飲啤酒應該會OK(?) 但第二日仲要返工無叫酒, 就鹹到食唔到咁滯......👧🏻🍴The Stadium@觀塘興業街4號The Wave 4樓1. 三文魚子軟殼蟹扁意粉    2. 鯷魚Anchovies Pizza 因為我哋叫2個Dinner set，所以有餐湯，仲有飲品 (我同朋友都叫咗最普通的凍檸茶)餐湯味道正常，不過不失～因為搵唔返餐牌已忘記全名...呢個意粉好足料，大大隻軟殼蟹原隻上，啖啖肉👍🏻 不過食咗一半，我同朋友已經覺得有少少膩同鹹(個汁偏heavy)... 上埋Pizza，賣相好靚亦打卡-able，不過食落真係太鹹，低估咗鯷魚嘅鹹味...😭 但食面頭的鯷魚一啲都唔鹹...最後埋單每人$273...餐廳好chill好多人睇波、飲啤酒～ …查看更多

【雷門為食街 Layman's Yummy Guide】  星期日去沙田行街～見到好運中心裝修多左一排食肆，放題、烤肉中間夾住呢間糖水小店，夜晚應該好FULL... 👧🏻 🍴  地茂館甜品@沙田好運中心3樓3106號舖1. 生磨芝麻糊 ($26) 👍🏻   2. 蛋白燉鮮奶 ($28) 🥚基本上落完order 3分鐘內上枱 ，味道不錯性價比高 >>> 份量都大碗，個人認為兩個女仔Share一碗燉鮮奶都夠食惟一覺得用即棄餐具扣分~ 因為我哋下午5點幾去，已經見到垃圾埇內有3-4棟疊起的即棄碗... 不過都明白小店人手不多，但生意咁好長期落去都浪費好多...…查看更多

【雷門為食街 Layman's Yummy Guide】  星期日跑完渣馬但餐廳開門～👧🏻 🍴  甘味讚岐手打烏冬@皇室堡4樓403號舖  1. 雜錦鍋燒讚岐手打烏冬 ($88) 👍🏻 有一片叉燒、蔬菜、獅子狗、鳴門卷、雞蛋、三文魚、天婦羅蝦～ 烏冬好大個男仔都夠食，仲配埋麵豉湯！2. 蕃茄牛頸脊手打烏冬 ($98) 🍅 好似係新menu，有幾舊牛頸脊；蕃茄湯烏冬都濃味，配埋麵豉湯加醃黃瓜～…查看更多

【雷門為食街 Layman's Yummy Guide】 星期六睇戲前覓食，六點幾未開始多人唔洗等位👧🏻 🍴 農米莊 NMC Noodles @旺角豉油街68號地舖 1. 生滾龍蝦雞湯泡飯－跟農米雞件 ($128)😗 朋友之前食過龍蝦米線覺得OK就試下食泡飯，覺得濃味咗少少食唔曬啲飯，不過不失～2. 喇沙雞湯米線－跟農米雞件 ($59)😍 喇沙一上枱已經聞到好香，米線夠份量又掛汁，唔辣又夠香！不過雞件今次比較多係關節位～3. 鮮竹龍蝦卷 ($29) 👌🏻 有甜酸醬，食落似墨魚滑唔太食得出係龍蝦卷，不過29蚊有5-6舊而且唔會炸到好燶，整體還可～我哋每人+$5要熱柚子蜜，埋單$226，不過只收現金所以大家去食要撳定錢啊💰💰💰…查看更多

【雷門為食街 Layman's Yummy Guide】星期日去咗觀塘區覓食，小店門面相當有睇頭，等位嘅人可以話係全個商場最多人嘅一間，所以決定try try 👧🏻🍴龍鳳號 Long Feng Hao @觀塘駿業街56號 中海日升中心1. 古早味肉燥飯 ($36) 👍🏻 食咗咁多間台灣店，呢間肉燥飯嘅胡椒味算係比較重，啖啖椒香；寫明選用台灣珍珠米 ，飯粒分明，食到最尾都唔會好肥膩；一人份量啱啱好唔會食唔曬，食完仲有胃口食下小食～2. 鹽酥雞翼 ($46/5隻) ☹️脆漿「離殼」係最大敗筆！原本諗住會偏向炸物類，但脆漿一咬就甩開，入面雞肉鹹鹹地，未有太大驚喜 ～3. 珍珠奶茶 ($42/杯) 🙊當時話係新品，Menu未有，只有門口有牌寫住可以Order；珍珠幾有咬口，但個人認為小貴～整體平價：🌟🌟🌟 (3/5) 正正常常台灣菜小店，無想像中咁好食......大多食評都會講甜品，大家試完可留言推介…查看更多