derekchu909's Profile

年尾出左雙糧，同三個同事過老蘭飲酒，經過呢間 優點心，就打算食下嘢打底先。點知全場爆滿……等左成15分鐘先有4人檯……坐低，先點左最出名嘅 阿華田流沙包。名不虛傳！一咬開，啲朱古力流心，【必】出嚟，好香甜，成口都係，好正。不過，呢個飽，我覺得堂食先最正！外賣的話，阿華田流心唔多唔少會【索】左落個飽到。跟手點埋另一個 綠茶流沙飽，又係好正。流心夠熱，又多，成口都係，感覺回哂本，哈哈……最難得係，綠茶流心好清香，唔會過甜，又唔會苦，恰到好處其實係最考功夫嘅。農場鷄脾飯：好大碟！鷄味好夠，又滑。個碟係粉紅色嘅心型，女同事見到好開心！另外我哋再有點：櫻花水晶蝦餃、鮑魚燒賣、麻婆豆腐等等但一來肚餓，二來掛住食，三來要同佢哋好得意嘅貓店長玩，之後就忘記影相了，哈……鋪頭細啲，但食品好好食，價錢好合理。女經理好nice，佢同我哋講，過年期間會裝修，過年後做埋二樓，會多啲位。希望到時唔好加價，又維持到食物質素啦。…Read More

一直都會間唔中幫襯，但轉左老闆後，今次就第一次幫襯，最難得嘅係：冇加價。每年過年後加一次價，係近十年幾乎每一間香港食肆嘅指定動作，但呢間金長來冇咁做。冇加價，但食品份量一樣咁大碟，抵食。海南鷄飯$48，送一個例湯鷄有鷄味，又夠滑，湯都夠鮮味，但可以唔使咁鹹，淡番少少就100分。加$10有個蒜蓉炒通菜，抵到呢……出面啲餐廳白灼都要$14蚊起呀，佢係炒出嚟俾你，收你十皮咋！其它嘅泰式金邊粉都好好食，每碟$50有找！難得係啲位坐得舒服，繁忙時間都有位。推介！…Read More