kel0208's Profile

想食泰國菜又唔想去到咁九龍城咁遠，銅鑼灣就食到好味泰菜😋位於總統戲院隔離商場既小曼谷，一去到就見到店面有架火車頭，唔怕搵唔到👀店面佈置好有心思，好igable。冬陰功湯。 7.5/10細size適合2-3人，我哋2人飲到好飽，特別要讚湯入面既蝦係虎蝦，肉質細嫩彈牙，唔係一般餐廳既雪蝦可以比。小曼谷炒米粉。 8/10海鮮種類唔少，炒得夠乾身好食，份量又係好足！半邊燒雞。 8/10醃得好入味，外脆內嫩，配既泰式醬汁都好夾燒雞，令味道更有層次。最後兩個人食飽飽都係人均二百左右，非常抵食。…Read More

冬天同friend打邊爐暖粒粒就最開心。咁啱黎到尖沙咀食胡爐。一入到去，就聞到好香既火鍋味🥰中式裝潢幾有格調，暗淡既燈光都好有情調。川味鴨肉湯鍋。 8/10由於朋友唔食得辣（廢），叫左個川味酸菜鴨湯底，同想像中酸菜湯有出入，真係唔辣！但鴨肉都幾鮮嫩入味而且份量多。胡爐牛拼盤。 9/10手切肥牛唔會太肥，肉質鬆軟好味👍👍牛頸脊，口感軟lum，油脂較少，岩曬注意飲食健康既朋友😋😋牛胸爽，評價最兩極既部位，朋友覺得成舊都脂肪好油，我就覺得牛味十足，而且越食越出味。😋😋牛舌芯厚薄合適，快淥幾秒就岩岩好，口感爽。😋霜降牛粒細細粒，油脂分布適中👏🏼蔬菜拼盤 （細）。 8/10蔬菜種類唔多，但勝在新鮮同份量多🧡椰青水。 8/10好大札！兩個人飲唔晒😂…Read More

最近天氣日趨寒冷，最適合食泰國野🤩於是同朋友相約 九龍城 依間餐廳，係得泰菜集中地立足，未食已經覺得食物質素有保證食完既感覺係太滿足了( ´▽｀)生蝦刺身。 8/10一碟有6隻蝦，兩人食就剛剛好，蝦肉都幾新鮮。最欣賞個辣汁，調得好出色，將生蝦既鮮味提升唔少😋冬陰功湯。 8/10味道正宗，酸辣並重👍🏻蝦肉對邊切開令湯汁滲到入去，超入味！串燒三併。 9/10豬牛雞各二，燒得好香，有碳烤既香味，啖啖肉又內脆內嫩，配既沾醬都好match😻必食！焗椰青海鮮飯。 9/10份量相當實惠，兩個人食唔晒😮‍💨海鮮唔少，最驚喜係飯入面混合左椰肉，令飯都滲透左淡淡椰子香味。食物質素相當唔錯，而且價錢唔貴，人均唔使$200，係cp值相當高既餐廳👍🏻👍🏻…Read More

最近天氣開始涼涼地，最適合食烤魚火鍋等熱辣辣野食，火鍋太common, 周街都有，於是去試烤魚尖東站L5出口行3分鐘左右就到，勁近👍🏻餐牌選擇都幾多，有3款魚，6款唔同味道，有辣有唔辣。店員話三款魚都冇咩骨，三刀魚就肉質厚啲。招牌香辣味三刀魚。 8/10肉質真係幾厚，配個招牌香辣鍋就好夾，魚肉鮮嫩入味，有香、麻、辣三種體驗隨鍋配左3款蔬菜。2個人夠曬食土豆粉。 8/10平日其他餐廳好少見既土豆粉果然有驚喜，冇紅薯粉咁煙韌，但又有少少咬口，適合配麻辣湯底，又容易消化桂花蜜冰粉。 8/10作為飯後甜品，清甜透心涼既冰粉中和左烤魚既香辣。冰粉口感似台灣愛玉，未試過既要試吓！玫瑰普洱。 7.5/10可惜既係玫瑰味比較淡。價錢都相當實惠，人均唔使200，cp值相當高既餐廳，決定會下次再去試其他味既烤魚。…Read More

近期食過覺得幾出色既Cafe地理位置好近地鐵站，非常方便。裝修設計都好簡約食物賣相亦都唔差，影落都好上鏡🧡係整體分數都好高分既cafe，唯一可以挑剔嘅係menu上面既pasta類食物可以多啲選擇，因為我真係幾鍾意食pasta😂原本想叫既自家製肉丸意粉賣晒，試唔到🥲Parma-ham egg benedict. 8.5/10本身想食pasta既我得知冇晒意粉食之後，店長即刻推介尼款下午茶時間先有既benedict, 我其實唔太鍾意benedict,因為唔鍾意食生既蛋😅。店長話可以幫我整熟啲🤣咁我即管試吓啦！結論係：好食喎！雖然話幫我整熟啲，但都食到流心既蛋漿，重點係啲蛋漿配微鹹既Parma ham真係好夾😍食唔到生蛋腥味Avocado smoked salmon sourdough. 8.5/10份量大！用左整整一個牛油果係兩片酸種包上面❤️最欣賞佢既煙三文魚！一啲都唔腥，又唔鹹！鹹度係恰到好處，點綴到整個餐點😇食完兩個主食已經好飽😁Basque cheese cake. 9/10好好食既芝士蛋糕🥳軟硬適中，甜酸味加芝士味濃🥰必食！Hojicha latte. 8/10拉花好靚❤️焙茶味濃，但唔苦👍🏻要趁熱飲！Ice mocha. 8.5/10咖啡既酸味好impressive! 好特別！酸得黎同咖啡味同朱古力味好夾，融合得好有層次👍🏻…Read More

5點鐘想食個early dinner,揀左尼間外型靚靚既cafe, 見網上既評語都係講個特色圓拱型坐位，冇考慮太多就坐低左因為太肚餓所以唔記得左影個打卡位😂Mentaiko Pasta. 8.5/10肚餓既狀態下好食😋份量正常，夠兩個人share食！雖然冇驚為天人既好味道，但要煮出一道與餐廳外觀合符水準既明太子意粉也不容易Signature tiramisu. 8.5/10都係適合兩人share既item❤️當時太餓，無法辨認甜品既層次但印象就是很好吃！下次有機會要慢慢品嚐😌Dirty. 7/10朋友點的dirty, 佢表示唔滿意，因為奶味太重，冇咩咖啡感～玄米茶。 8/10茶具好打卡able , 茶味香～而且可以無限加水好襟飲🤡…Read More

約左朋友平日晚上食韓燒，好彩有提早訂位，如果唔係就有排等啦😹因為好耐冇食韓燒，所以今次主攻燒肉，冇特別再叫熟食（雖然熟食都好似幾吸引）海鮮類。 7/10叫左帶子、石蠔、魷魚同燒鰻魚。最推薦帶子！幾滑幾清甜。石蠔同魷魚就要靠醬汁搭夠。燒鰻魚平身已經調好味，只需燒返熱佢就食得，所以味道正常。八抓魚沙律。 8/10份量都幾多，兩個人啱啱好！而且沙律菜幾新鮮👍🏻牛肉。 8/10叫左牛舌、牛肉眼、T骨扒、前胸腹肉……..大部分都好好味😋厚薄適中，唔會燒燶！T骨扒好厚好大塊，但好考技巧燒，好易燒到太熟。雞肉。 8/10最好食係烤雞肉！預先醃製，好夠味，肉質好滑！而且容易燒，快熟～反而雞腎串就好易燒燶豬肉。 8/10護心肉同五花腩都有叫到，而且質素唔錯，唔會太肥膩飲品。 8/10除左燒酒之外全部汽水、茶、啤酒都係任飲汽水係韓牌熱門汽水好抵食！…Read More

朋友介紹一間以哥基做主題既火鍋放題餐廳，開頭有一秒疑惑點解係哥基🐶🐶應該唔係食狗肉吧？！😵好彩只係哥基既裝飾😅😂鍾意哥基既朋友要試下哦～今次揀左食$238/位既任食雞煲套餐，兩個人食超飽！仲要有多種類既飲品任飲雞煲 配三寶。 8/10揀左bb辣，已經好夠辣！好惹味，雞肉份量多而且滑！加埋三寶就更豐富（魷魚、牛柏葉、豬肚）全部都同個雞煲醬好夾！ 食完雞煲已經半飽🤡三色刺身。 8/10三文魚和蝦味道新鮮，肉厚是日海鮮盤。 8/10有蠔、蝦、魚、花甲💯全部都好新鮮！兩人份量剛好蕃茄薯仔火鍋。 8/10套餐有兩款湯底可以揀，一係蕃茄薯仔，一係就麻辣鍋，由於頭先食雞煲已經覺得辣同濃味，所以就揀個清淡啲既但清淡唔代表冇味～啲火鍋料烚完都好有味👍🏻牛小排。 8/10牛味突出，厚薄均勻，份量兩人剛好，非任食類但都好夠食！黑豚肉。 7/10肉片都幾厚，會比較難咬，但味道唔差三寶丸+三色餃。 9/10丸類同餃類非常出色！即使係普通既貢丸牛丸，味道新鮮而且肉汁豐富，好食到我地refill左一次雜菜籃。 8/10有一整個雪櫃放蔬菜籃俾客人先自選，可以揀自己覺得靚仔個盤黎食😌一盤份量多，菇類南瓜都有👍🏻整體黎講，cp值幾高！坐得幾舒服，可以再食！…Read More

今日放工係利東街落地鐵站時經過依間小店，比日本蘋果批個廣告牌吸引左入去一試。鋪面雖然唔大，但都有2張台可以坐底歇息下。試左個青森蘋果批，批皮酥脆，一啖咬落去，唔會太甜，有種淡淡既蘋果清香，岩曬我唔中意食得太甜既口味同行朋友唔中意食水果，於是叫左個Tiramisu 蛋糕。吃一口淡淡咖啡酒香融化在嘴裡，口感細緻滑順.。食左幾啖後，底下蛋糕體吃起來鬆軟入口即化，好評。除左依兩款，都有其他款式既批同蛋糕，全部都幾吸引！胃容量有限，唯有下次再試…Read More

堅尼地城c出口對面街有好多食店！尼間台菜既餐廳更加係限時45分鐘！！menu超多選擇，樣樣都想食，45分鐘點夠食喎所以今次主要黎試佢既芋圓火鍋🧡芋圓火鍋。 8/10火鍋盤一出場就自帶仙氣～飄啊飄～～唔食得都睇得🧡📸鍋既內容有：芋圓、仙草、珍珠、紅豆、豆花、同埋刨冰😻芋圓紅豆珍珠都好好食、係仙草個質感怪怪地，有啲太啫哩既感覺👻佢仲有三款自選配料粉，但感覺對整體味道冇咩影響，有落同冇落都分別唔大😹揀左冬瓜牛奶做湯底，冬瓜味聞落幾香，食落就冇咩味。最多4人食都得！藥膳牛肉湯餃。 8.5/10餃子揀咗高麗菜餃，大大隻，而且份量多！藥膳湯底藥材味唔濃，好易入口～ 重點係啲牛肉好出色，係牛腩肉黎，啲湯汁好入味滷味。 7/10揀左百頁豆腐、甜不辣同蒟蒻絲， 滷水汁既味道冇港式既咁香，但都唔差既，每樣餸既份量兩個人食啱啱好…Read More

平日去灣仔搵朋友袋午餐，朋友推薦尼個餐廳，望一望餐牌價錢都唔平喎不過灣仔區係張就下，而且好多人排隊。朋友早到拎左位先，我先唔使等 整體食物質素都ok! 服務態度幾好，冇漏單。刺身三味，牛肉大根煮（芥末味）。 6.5/10每個set都有碗麵豉湯同醃菜，兩樣質素都唔差！刺身三味係帆立貝、三文魚同熟既八爪魚片，三文魚刺身最有驚喜，幾肥美，但其餘兩款就一般。牛肉大根好濃味，配白飯食好夾！但大根太入味太鹹而且食唔到有芥末味。set G. 海之幸飯。 7/104款刺身： 三文魚、海蝦、帆立貝、吞拿魚，水準都ok, 都係三文魚最出色🙂味道同份量都對得住尼個價錢…Read More

去完西貢海灘玩水上活動，晚餐當然要食返餐滿足既補充一下啲體力市中心有好多西餐廳可以選擇，我地一行四人隨意咁揀左尼間，室外位置唔使等位，而且唔會好熱南瓜藜麥紅菜頭沙律。 8/10份量大，四人分到每人一大碟南瓜好香甜，紅菜頭藜麥配埋啲沙律汁好開胃！Nachos. 8/10超級大份量！四個人都食唔晒！ 又有肉醬、酸瓜、忌廉芝士加持，令到一道簡單嘅小食變到好豐富炸豬手。 6/10朋友推薦，但我哋今次一致覺得唔好食味道冇問題，但太乾身，好似炸得太過火既感覺香辣蒜炒蜆意粉。 8.5/10推薦！鍾意食蒜味既朋友必食！蒜粒超多超香！蜆肉份量都好多同肉質新鮮就算前面已經食到好飽都可以清左尼碟意粉忌廉菠菜磨菇意大利飯。 7.5/10素食朋友可食！唔會太膩～ 不過份量都大，最尾都食唔晒…Read More

K11 musea 商場入面餐廳好多，但聽聞尼間既bakery item好好食，而且有下午茶餐，所以就試下見有啲肚餓，所以叫左個漢堡包加牛角包餐。beef burger (add avocado 🥑). 7.5/10賣相同味道整體都合格！牛油果份量都好多～但唯一缺點係塊牛肉漢堡扒到，開頭食幾啖係濃淡適中，但食到一半會覺得好咸👻要夾住啲薯條食(⌒▽⌒)好彩薯條夠多croissant set with hot earl grey. 7.5/10牛角包好好食～但太細個，感覺隔離bakery賣既仲大個啲，仲要平啲earl grey tea就正常冇問題Grapefruit earl grey tea. 8/10冇諗過西柚同伯爵茶會咁夾兩樣都澀澀地既野撈埋係唔會澀唔甜，仲好fresh!下次可以試吓屋企自製！…Read More

Mr. Steak餐廳最流行半自助晚餐，同時亦都幾受歡迎，因為食物質素唔差，而且價錢唔算太貴，比食全自助餐平幾百Marbling都係mr.steak旗下既餐廳，不過裝修風格就年輕活潑少少，整體食物水準都差唔多～自助沙律吧既選擇都幾多，有兩三款芝士配麵包/餅乾俾客人自己切( ´▽｀)其他傳統沙律菜都有，而且特別多一啲已熟既涼菜，但覺得味道一般。南瓜湯。 8.5/10幾鍾意尼個南瓜湯，好軟綿清甜既感覺，而且份量都唔細，飲完湯同食完一碟沙律菜都6成飽了生蠔。 8/10Set dinner加配既生蠔有三隻，但覺得俾雙數好啲，兩個人好難分。生蠔都新鮮肥美既，不過唔係沖得好乾淨，同埋個別一隻腥味濃啲。羅勒青醬扁意粉配北海道帶子。 6.5/10份量超大，食唔晒，而且好油膩！食一口意粉就成口油愈食愈滯啊～帶子就冇問題，幾滑冇雪味。紐約薄西冷牛扒。 7/10叫左5成熟，可能係牛扒太薄，食落感覺似9成熟😅有牛味，但冇咩肉汁。自助甜品吧。 7.5/10大部分都係芝士蛋糕，不過餐廳已經切好細細件，方便人可以試多幾款～如果想食一個飽飽既自助晚餐就可以試下Mr. Steak, 質素唔係最好，但勝在選擇多～…Read More

荃灣區超多食店，但食漢堡我一定揀尼burger land 小木屋既裝修有種溫馨既感覺，坐得幾舒服，好適合同朋友吹水～貝羅菇黑松露芝士漢堡。 8/10大大片貝羅菇好juicy,配埋黑松露碎就好creamy, 有車打芝士加持下就可以解膩牛肉芝士漢堡。 8/10牛肉漢堡好厚好有肉味，又多汁漢堡包既麵包部分都好軟易咬，可以一啖咬晒麵包、牛肉、芝士、洋蔥…….苦瓜手工啤酒。 8/10香港城釀出品，清甜既味道超易入口，但就冇咩苦瓜既感覺～怕苦既朋友可以即管試！凍檸茶。 8/10正常水準！走左甜個茶底唔會特別澀👍🏻加配既薯菜份量都好多，炸到脆卜卜配啤酒一流～…Read More