Sherriyeung 's Profile

員工超級唔專業，母親節為求追營業額sell客人晏晝食晚餐母親節餐，結果次序亂咁上成枱係嘢食，嘢食凍晒，賣相難看。一次過出四五樣嘢喺枱面，之後其他吹極都冇，最後放碟拜神蘋果，話係愛心小蘋果？但係個炸花枝丸仲未出，等15分鐘終於出埋，幾粒嘢掉喺度伴碟都冇。成粒煎堆咁。煎堆加拜神蘋果好意頭咩？最搞笑，有一個員工用過問我哋係咪自己帶咗啲蘋果食。一問之下佢哋平時唔係出呢個蘋果。真係多謝晒🥹最後求其俾返個折你就算，其實真係好無奈，我要你個折咩用啫？老人家睇到唔開心你可以點樣幫到？…Read More

早兩日同老公去九龍城買大閘蟹經過呢間西餐廳見到裏面都幾多人幫襯，所以入去試吓。餐廳播住懷舊音樂，座位好寬敞！好適合坐低同朋友知己傾吓偈。侍應妹妹好親切介紹咗兩個dish俾我哋試，估唔到叫咗兩個都幾好食。 海鮮意大利飯好足料，八爪魚BB大通粉，好有地中海風味！我哋兩公婆坐坐吓坐到5:00仲有happy hour，紅白酒啤酒，Cocktail都有買一送一，即刻飲番杯，勁正！其實而家有心做嘅小店越來越少，都值得支持一下。下次會試吓佢哋嘅晚餐。…Read More

九龍城新開左好多餐廳，經過依間餐廳，見價錢同附近cafe 差唔多，就入去試吓! 餐廳好寬躺，又無時限，可以同朋慢慢食，慢慢傾！叫左個duck confit egg Benedict同all day breakfast! 又估唔到有驚喜！個鴨肉拆晒肉，同個鹹蛋黃醬真係好夾！d餐具好靚，好有英國風味！加埋杯英式茶，真係好relax ! 順帶一提依度侍應好有禮貌，食完野仲喺度傾偈，佢都不厭其煩為我吔full水，真難得！👏🏻…Read More